Hazrat Idrees alaihissalam
Hazrat Idrees alaihissalam aur hazrat Nooh alaihissalam ke darmiyan 1000 saal ka faasla (distance)
hai ye hazrat Nooh alaihissalam ke baap ke dada hain.
Hazrat Idrees alaihissalam ka nasab
Akhnookh bin Yurid bin Mehalabil bin Anoosh bin Qaitaan bin Shees bin Adam alaihissalam.
Hazrat Nooh alaihissalam ka nasab
Nooh bin Lamak bin Matoo Shalakh bin Akhnookh (Idrees alaihissalam)
Hazrat Idrees alaihissalam ki ijadaat
Sab se pehle sitaron mein nazar karna aur hisaab karna aapse hi saabit hai lekin ye khayaal rahe ke
aapka sitaron mein nazar karna Allah ki marzi ke mutabiq tha aap ke hisaab mein takhmeene ki
koi baat nahin hoti thi balki aap ke dil mein jo ilqa karta aap wo hi bayan karte yaani sitaron ka
hisaab aap ko bataur mojiza ata kiya gaya tha. Aaj ke daur mein sitaron ka hisaab aur aane wale
waqiyaat ki khabar dena haraam hai un par yaqeeni aetbaar karna kufr hai. Qalam ke zariye likhne
ko sab se pehle aapne riwaaj diya, sabse pehle kapde aap ne hi pehne isse pehle log chamde ka
libaas istemal karte the, sabse pehle cheezon ke wazan karne aur kapde waghaira ko naapne ko
aapne hi riwaaj diya, sabse pehle aslaha ki ijaad bhi aapne hi farmai. Hazrate Adam alaihissalam ke
baad pehle Rasool aap hi hain aur aap par 30 sahife naazil huye.
Idrees alaihissalam ka aasmanon par uthaya jaana
ALLAH TA’ALA ne irshad farmaya:
“Aur kitaab mein Idrees ko yaad karo wo siddiq tha ghaib ki khabarein deta aur
hum ne usey buland maqaam ki taraf uthaya”
Is aayat kareema mein buland maqaam ki taraf uthane ka ek matlab ye hai:
Aapko nubuwat ke mansab se musharraf farma kar aur ALLAH TA’ALA ne apna khaas qurb ata
farma kar aap ko rif’at wa bulandi ata farmai.
Dusra maayne: Dusra maayne bulandi ka ye hai ke aap ko buland makaan ki taraf uthaya gaya ye
maayne lena zyada munasib hai kyun ke ALLAH TA’ALA ne علها ماكن ورفعناه zikr farmaya jahan
makaan ka zikr ho is se muraad makaan ki bulandi hi hoti hai darjaat ki bulandi muraad nahin
hoti.
Bulandi makaan ki tafseel ye hai ke aapko aasman par utha liya aur yehi sahi tar hai. Bukhari wa
Muslim ki hadees mein hai ke Huzoor صلى الله عليه وسلم ne Meraaj ki raat Hazrat Idrees alaihissalam ko aasmane
chahaarum par dekha.
Hazrat Ka’ab Ahbaar waghaira se marwi hai ke Hazrat Idrees alaihissalam ne malkul maut yaani
Hazrat Izraail alaihissalam se farmaya ke main maut ka maza chakhna chahta hoon kaisa hota hai?
Tum meri rooh qabz kar ke dikhao unhone aap ke hukm ki tameel ki, rooh qabz karke phir usi
waqt lauta di aap zinda ho gaye.
Phir aapne farmaya mujhe jahannam dikha do taaki khaufe ilaahi zyada ho aap ke irshad ki tameel
TAZKIRATUL AMBIYA Hazrate idrees
72
karte huye aap ko jahannam ke darwaze par le jaaya gaya, aapne Maalik naami firishta jo jahannam
ka darogha hai se farmaya kholo main isse guzarna chahta hoon chunanche aisa hi kiya gaya aur
aap us par se guzare. Phir aap ne Malkul Maut se farmaya mujhe jannat dikhao wo aapke hukm
ke mutabiq aapko jannat ke paas le gaye aap ne jannat ke darwaze kholne ka irshad farmaya to
aapke liye jannat ke darwaze khol diye gaye aap jannat mein tashreef le gaye. Malkul Maut ne
kuchh der intezar karne ke baad farmaya ke ab aap chalein zameen mein apne maqaam par tashreef
le chalein aap ne farmaya ke main to yahan se kahin nahin jaonga kyun ke ALLAH TA’ALA ne
farmaya: “Har nafs ko maut ka maza chakhna hai”
Main maut ka maza chakh chuka hoon phir ALLAH TA’ALA ne jannat mein dakhil hone ki ye
shart lagai hai ke har shakhs ko jahannam par guzarna hai main jahannam se bhi guzar kar aa
chuka hoon ab main jannat mein dakhil ho chuka hoon jo log jannat mein dakhil ho jaate hain
unhein wahan se nikaala nahin ja sakta kyun ke ALLAH TA’ALA ka apna irshad giraami hai
“Jannat walon ko jannat se nahin nikaala jayega”. ALLAH TA’ALA ke apne irshadaat ke mutabiq
mujhe yehi rehna hai yahan se mujhe nahin nikaala ja sakta.
Hazrat Idrees alaihissalam ke is kalaam ke baad ALLAH TA’ALA ne malkul maut ko farmaya “Aey
Izraail mere bande Idrees ne sab kaam meri marzi se kiye inhein yahan hi rehne do”. Aap
alaihissalam abhi tak aasmanon mein zinda hain.
Tambeeh: Hazrat Idrees alaihissalam ke dalaail mein Quran paak ke alfaaz mubaraka zikr hain jo
us waqt naazil agarche nahin hua tha lekin Allah ka kalaam Qadeem hai lauhe mehfooz par us
waqt bhi tehreer tha, Nabi choonki ghaib ka ilm ALLAH TA’ALA ki ata se rakhte hain isliye hazrat
Idrees alaihissalam ki nazar lauhe mehfooz par thi lihaza Quran paak se aap ka istidalaal durust
hai