Hazrat Dawood alaihissalam, hazrat Suleman
alaihissalam
Hazrat Dawood alaihissalam ne 100 saal umr paai, aap Moosa alaihissalam se 599 saal baad tashreef
laaye (iske deegar aqwaal bhi manqool hain). Hazrat Suleman alaihissalam hazrat Dawood
alaihissalam ke bete hain aap ne 59 saal umr paai, ye Nabi Kareem صلى الله عليه وسلم se 1700 pehle tashreef laaye.
“Aur humare bande Dawood nematon wale ko yaad karo beshak wo bada rujoo karne wala hai”
يد لٓذاا ka maayne nematon wala bhi hai aur taaqat wa quwwat wala bhi hai yaani aap alaihissalam
ko ALLAH TA’ALA ne ibadat ke ada karne aur gunahon se bachne ki taaqat ata farmai. ALLAH
TA’ALA ne jab aapki taaqat ki tareef farmai to isse wo hi muraad ho sakti hai jo qaabile tareef ho
aur qaabile tareef wo hi taaqat hai jiski wajah se insaan ibadat par amal kar sake aur gunahon se
bach sake. Hazrat Dawood alaihissalam apne tamam kaamon mein ALLAH TA’ALA ki taraf rujoo
karne wale the.
Dawood alaihissalam ki ibadat
Aap ek din roza rakhte aur ek din iftaar karte ye darasal aap alaihissalam ka nafs ke khilaaf jihaad
tha kyun ke insaan ka nafs bachhe ki tarah hota hai bachhe ko ek din dudh pilaya jaaye aur dusre
din na pilaya jaaye ye bahut mushkil hai. Isi tarah Dawood alaihissalam ne apne nafs se aisa jihaad
kiya jo aam aadmi ke liye bahut mushkil tha kyun ke ek din nafs ko khwahishaat se rokna aur
dusre din khwahishaat ki ijazat dena azeem kaam tha. Aap alaihissalam aadhi raat ALLAH TA’ALA
ke huzoor qeyaam farmate yaani nawaafil ada karte, phir raat ka tihai hissa sote, phir raat ka chhata
hissa jaag kar ibadat mein mashgool rehte.
Dawood alaihissalam aur Suleman alaihissalam ki
nubuwat ka zikr
“Aur beshak humne Dawood aur Suleman (alaihimussalam) ko bada ilm ata kiya
tha aur donon ne kaha sab khoobiyan ALLAH TA’ALA ko jisne humein apne bahut
se imaan wale bandon par fazeelat bakhshi”.
Ilm se muraad logon ke darmiyaan qaza (faisla) ka ilm, parindon ki boliyan jaanne ka ilm waghaira,
humein fazeelat di isse muraad nubuwat aur jinnon shaitanon ko aapke taabea banana hai.
Ilm se insaan ko fazeelat haasil hoti hai insaan ko chahiye ke nematon ke haasil hone par unka
shukriya ada kare, kisi nemat ka izhaar bataur takabbur najaiz hai bataur shukr zikr karna mustahab
hai sunnate Ambiya -e- kiraam hai.
Dawood alaihissalam ki badshaahat ka zikr
“Aey Dawood (alaihissalam) hum ne tujhe zameen mein naayab kiya too logon mein
sachha hukm kar aur khwahish ke pichhe na jaana ke tujhe ALLAH TA’ALA ki raah
se behka degi, beshak wo jo ALLAH TA’ALA ki raah se behakte hain unke liye sakht
azaab hai isliye ke wo azaab ke din ko bhool baithe”.
Hazrat Dawood alaihissalam ko nubuwat aur badshaahat donon haasil thi.
Aap alaihissalam ko Rab ne jo farmaya “khwahish ke pichhe na jaana” iska matlab ye hai ke aap
tAZKIRATUL AMBIYA Hazrate Dawood wa Suleman
198
ko khwahish ke pichhe chalne se ummat ki taleem ke liye roka gaya hai, ke wo ghaur wa fikr karein
aur aap alaihissalam ko jo hukm diye gaye hain wo unki taabedaari karein. Jab ye khitaab masoom
ko ho sakta hai to dusron ko to yaqeenan ye hukm hona hi hai.
Riwayat kiya gaya hai ke bani marwaan mein se kisi khaleefa ne Hazrat Umar Bin Abdul Azeez
radiallaho ta’ala anhu ke saamne ye kaha ke kya tum ne suna hai jo humein khabar di gai hai ke
khaleefa par koi qalam nahin chalega aur us par maseeyat nahin likhi jayegi aap radiallaho ta’ala
anhu ne kaha aey ameerul momineen khulafa afzal hai Ambiya alaihissalam? Phir aap radiallaho
ta’ala anhu ne yehi aayat tilawat ki maqsad ye tha ke ALLAH TA’ALA ne apne Nabi ko taleeme
ummat ke liye khwahishaat ke pichhe chalne se mana kiya hai to khaleefa kya cheez ho sakta hai?
Faayda: Ek insaan dunya mein zindagi guzaar ne ki sabhi zaruriyaat par amal nahin kar sakta koi
kheti baadi karta hai, to koi daane peesta hai, koi roti pakata hai, koi kapda bunta hai aur koi silaai
karta hai haasil kalaam ye hai ke har ek apne apne kaam mein mashgool hota hai tamam kaam mil
kar tamam ki zaruriyaat poori hoti hain jab sab logon ko ek hi ilaaqa ek hi sar-zameen mein jama
hokar rehna hai aur mukhtalif kaam sar anjaam dene hain to unmein ikhtelafaat, jhagde hona bhi
qudrati amar hai isliye unmein koi ek aisa shakhs bhi hona chahiye jise taaqat aur dabdaba haasil
ho jo unke ikhtelafaat door kara sake, unke jhagdon mein faisla kara sake ye wo badshah hi ho
sakta hai jiska hukm kul par naafiz hota hai.
Lihaza saabit hua ke makhlooq ki maslehat ke liye badshah siyasat daan ka hona zaruri hai phir
agar badshah apni khwahish ke mutabiq ahkaam naafiz kare, apne dunyavi munaafe haasil kare,
makhlooq ko azeem zarar (nuqsaan) pahunchaye, ra’iyat ko apni zaat par qurbaan kar de yaani
apni badshaahat ko bachane ke liye ra’iyat ki tabaahi ka lihaaz na kare, ra’iyat ke zariye apne
maqaasid haasil kare to dunya tabaahi wa barbaadi par pahunch jaati hai, makhlooq mein qatl wa
ghaarat waqooa aam hota hai aakhirkaar is badshah ki tabaahi ka waqt bhi aa jaata hai is tarah
badshah ke mazaalim se mulk ki barbaadi ke sath badshah ki apni barbaadi bhi ho jaati hai.
Agar badshah shara’i ahkaam ke mutabiq faisle kare to nizaame aalam durust ho jaata hai, bhalai
ke darwaze achhe tareeqe se khul jaate hain in maqaasid ke peshe nazar qaum ki taleem wa tarbiyat
ke liye hazrat Dawood alaihissalam ko ye hukm diya.
Pahaad aur parinde hazrat Dawood alaihissalam ke
taabe
“Beshak hum ne uske sath pahaad ko musakhkhar kar diye ke tasbeeh karte shaam
ko aur sooraj chamakte aur parinde jama kiye hote aur sab uske farmabardar the”.
ALLAH TA’ALA ne pahadon ko aapke sath musakhkhar kar diya yaani pahaad aapke taabe the
aap jahan chalte pahaad aapke sath chalte ya aap jis jagah pahadon ko le jaane ka iraada farmate
pahaad wahan chale jaate aap alaihissalam ka mojiza ALLAH TA’ALA ki kaamil hikmat wa qudrat
par dalaalat karta hai. Aap alaihissalam ki aawaz bahut haseen thi, aawaz mein rob aur dabdaba bhi
tha jab aap achhi aawaz se zaboor shareef padha karte to pahadon se bhi tasbeehaat ki haseen wa
jameel gungunahat sunai deti.
Ismein ALLAH TA’ALA ki qudrat ke kai kaar naame maujood hain yaani pahadon ke jism mein
zindagi paida farmata hai phir unhein sha’oor ata farmata hai phir unhein qudrat se nawazta hai
phir unhein bolne ki taaqat deta hai ke wo ALLAH TA’ALA ki tasbeehaat padhte hain, iski misaal
tAZKIRATUL AMBIYA Hazrate Dawood wa Suleman
199
Quran paak mein ek aur bhi hai “Jab us (Moosa) ke Rab ne apni tajalliyaat ka zuhoor pahaad par
farmaya” yaani ALLAH TA’ALA ne pahaad mein aqal wa feham paida kiye, phir usey apne sifaati
noor ke dekhne ke liye taaqat wa samajh ata kiye dekhne par wo pahaad bardasht na kar saka.
Hazrat Dawood alaihissalam ke khush aawazi se Zuboor padhne aur tasbeehaat padhne ke sath
sath parinde bhi tasbeehaat padhte the aap alaihissalam ke qareeb aakar kaan laga kar sunte the
itne qareeb ho jaate the ke aap parindon ko gardan se pakad kar unse pyaar karte balki baaz hazraat
ne bayan kiya hai ke aap alaihissalam ki aawaz mein Rab ne aisa ajeeb asar rakha tha ke aap jab
zaboor padhte to chalta paani ruk jaata darakhton par ye asar hota ke goya wo bhi zabaan e haal se
aapke sath tasbeehaat padh rahe hain aur unke patte jhadne shuru ho jaate.
Faayda: Allama Raazi rahmatullah alaihi farmate hain jab ye pata chala ke pahaad aapke sath
chalte aur tasbihaat padhte aur parinde aapke paas jama ho jaate the
“Un parindon ka aapke paas ijtema wo hashr hai unka haashir yaani jama karne wala ALLAH
TA’ALA hai”.
Isse ALLAH TA’ALA ki qudrat ka bhi pata chalta hai aur ye bhi waazeh ho jaata hai ke jis zaat ne
yahan ghair zil-uqool (wo jinka aqal walon mein shumar nahin hota) qaul ko aqal ata karke aur
ghair zi-rooh ko rooh ata karke aapke taabe bana diya wo zaat qiyamat mein zi-rooh ki rooh kyun
kar nahin lauta sakta.
Tambeeh: Aam taur par ahle arab lafz bolte hain sooraj tuloo ho gaya aur maayne lete hain sooraj
raushan ho gaya aayat kareema mein lafz ارشاق istemaal hua isse “salaate zuha” par daleel pakdi gai
hai. Hazrat Umme Haani radiallaho ta’ala anha se marwi hai ke Nabi Kareem صلى الله عليه وسلم humare ghar
tashreef laaye aapne wuzu karke paani talab kiya aur wuzu karke chasht ki namaz ada farmai aur
irshad farmaya “Aey umme haani ye namaz ishraaq hain”.
Hazrat Taa’os hazrat Ibne Abbas radiallaho ta’ala anhuma se riwayat karte hain aapne puchha ke
kya tum chaasht ki namaz ka zikr Quran paak mein paate ho to haazireen ne jawab diya nahin to
aapne ِ
ّ
ب
سَ
ُ
ِق ي
ا
َ
ِرش ْ
ْ
آل
َ
و
ِ
ِشّ
َ
ع
ْ
َنِِبل
ْ
ح yehi aayate kareema tilawat ki yaani ye namaz hazrat Dawood alaihissalam
ada farmate the aap alaihissalam ne kaha mere dil mein humesha salaate zuha (chaasht) ke mutalliq
khayaal aata rehta tha ke iska zikr Quran paak mein hai ya nahin to maine ise pa liya.
Isse zaahir hota hai ke ishraaq aur zuha (chaasht) ek hi hain yaani ek hi waqt hain aur ek hi namaz
hai awwal waqt ko ishraaq kaha jaata hai aur aakhri ko zuha kaha gaya hai aakhir waqt zawaal se
thoda pehle tak hai, jab baaz auqaat ye namaz awwal waqt mein padhi gai aur baaz auqaat mein
aakhir mein to ye gumaan hua ke do waqt alag alag hai aur alag alag namazein hain (halanki namaz
ek hi hain).
Ishraaq ya chaasht ki rak’aat
Kam se kam do rak’atein aur kamaal ka adna darja chaar rak’atein hai isse zaa’id jitni chahe padhe
aur aath rak’atein aur isse bhi zaa’id baarah rak’atein hain, tamam tadad ki sooraton par ahadees
mubaraka daal (daleel) hain.
Bukhari shareef mein Hazrat Abu Huraira radiallaho ta’ala anhu ki riwayat Rasoolullah صلى الله عليه وسلم se hai
“Aapne do rak’atein ada karne aur inko na chhodne ka hukm farmaya”.
Muslim Musnad Ahmad Ibne Maaja mein Hazrat Umme Haani se marwi hai “Rasoolullah صلى الله عليه وسلم
salaate zuha (chaasht) chaar rak’at padhte the aur zyada farmate jitna Rab ta’ala chahta”.
tAZKIRATUL AMBIYA Hazrate Dawood wa Suleman
200
Ibne Abdul Barr ne tamheed mein Akrama radiallaho ta’ala anhu se umme haani radiallaho ta’ala
anha ki riwayat ko bayan kiya “Nabi Kareem صلى الله عليه وسلم makka mukarrama tashreef laaye to aap صلى الله عليه وسلم ne
aath rak’atein ada ki maine arz kiya Ya Rasoolallah صلى الله عليه وسلم ye kaun si namaz hai? Aapne farmaya
chaasht ki namaz hai”, ek za’if riwayat mein baarah rak’at ka zikr bhi milta hai.
Khayaal rahe ke raaqim ka matlab sirf mas’ala ki tehqeeq thi jin buzurgon ko ALLAH TA’ALA ne
taufeeq ata ki hai wo ishraaq ke waqt alag nawaafil padhte hain aur chaasht ke waqt alag unhein is
mustehasan amal se mana karna maqsood nahin. Ye jahilaana tarze amal hai ke fulan waqt dua na
karo, farz ke baad dua saabit nahin sunnaton aur nawaafil ke baad dua saabit nahin, janaza ke baad
dua nahin, jumerat ko dua nahin, chaliswe par dua nahin na jaane kyun khuda se maang ne mein
bhi jaahilon ko sharm aati hai? Khuda se na maang ne wale mutakabbir jahannam ka eindhen hain
is mas’ale par meri kitaab “shama hidayat” ka mutaala kiya jaaye.
Aapki badshahi ka dabdaba aur asar khitaab
“Aur hum ne usko uski saltanat ko mazboot kiya aur usey hikmat aur qaul faisal diya”
Hazrat Ibne Abbas radiallaho ta’ala anhuma se marwi hai ke 36,000 aadmi raat ko aap ki hifazat
karne wale hote subah hoti to aap unko farmate ke tum laut jao tum par Allah ka Nabi raazi hai.
Baaz riwayat mein ye zikr hai ke aapki hifazat karne wale 40,000 ki tadad mein hote, itni tadad
mein log apne shauq wa muhabbat ki wajah se aap ki hifazat ke liye aate the ismein apni sa’adat
samajhte aur baa’is e barkat samajhte.
Allama Aalusi rahmatullah alaihi ka ye kehna hai ke ye aqlan baa’id hai kyun ke itne aadmiyon ki
zarurat nahin thi ye qaul mujhe durust nazar nahin aa raha hai agarche ALLAH TA’ALA ke Nabi
ko zarurat nahin thi lekin aapke ghulamon ko aapki khidmat ki zarurat thi.
Hazrat Ibne Abbas radiallaho ta’ala anhuma se marwi hai ke bani israel ke ek shakhs ne hazrat
Dawood alaihissalam ke paas ek shakhs par gaaye (cow) ka daawa kiya usne inkaar kiya, hazrat
Dawood alaihissalam ne muddai se gawah talab kiye uske paas gawah nahin the aap alaihissalam
ne un donon ko kaha tum donon jao main is maamle mein ghaur wa fikr karunga wo donon aapki
mehfil se chale gaye.
Hazrat Dawood alaihissalam ko neend aa gai thi aapko khwab mein kaha gaya ke muddai ko qatl
kar do aap alaihissalam ne khayaal kiya ye khwab hai mujhe is maamle mein jaldi nahin karni
chahiye, dusri raat phir khwab mein aapko yehi kaha gaya ke us shakhs ko qatl kar do aapne phir
bhi us par amal na kiya, teesri raat phir aapko ye kaha gaya ke us shakhs ko qatl kar do ya tum par
ALLAH TA’ALA ki taraf se giraft aayegi. Aap alaihissalam ne us shakhs ki taraf paigham bhej kar
usey bulwa liya aap ne kaha mujhe ALLAH TA’ALA ne hukm diya hai ke main tumhein qatl kara
du usne kaha ke aap mujhe baghair gawahon aur baghair kisi saboot ke qatl karayenge? Aap ne
farmaya haan qasam hai ALLAH TA’ALA ki main ALLAH TA’ALA ka hukm tum par zarur jaari
karunga us shakhs ne kaha aap jaldi na karein kyun ke main aapko asal baat batata hoon main is
(gaaye ke) jurm ki wajah se is giraft mein nahin aaya balki maine is shakhs ke baap ko dhokhe se
qatl kar diya tha aur usey zaahir nahin hone diya tha main is gunaah ki wajah se ALLAH TA’ALA
ki giraft mein aa gaya hoon, hazrat Dawood alaihissalam ne usey qatl karne ka hukm de diya.
Is waqiye ke baad bani israel par aapki bahut badi haibat aur azeem rob taari ho gaya, is tarah aapki
badshaahat ka dabdaba har shakhs ke dil mein baith gaya.
tAZKIRATUL AMBIYA Hazrate Dawood wa Suleman
201
ALLAH TA’ALA ne aapko hikmat ata ki, dusre maqaam par farmaya “Jise hikmat ata ki jaaye usey
khaire kaseer ata kiya jaata hai” yaani ilm aur aise aamaal jo deen wa dunya mein achhe aur nek
ho’n aur durust aiteqadaat ka ata hona ye sab hikmat mein dakhil hai.
Pur asar khitaabe faisal
ALLAH TA’ALA ne aap ko aise khitaabe faisal se nawaza jiski wajah se aap logon ko kaamil taur
par ALLAH TA’ALA ke ahkaam pahunchane ki qudrat rakhte the jo bahut zyada asar andaaz hota
tha, khayaal rahe ke jamadaat yaani pattharon waghaira ko to idraak wa sha’oor hi haasil nahin aur
insaan ke baghair dusre haiwanon ko idraak wa sha’oor haasil hai lekin wo kisi cheez ko kuchh na
kuchh samajh kar dusron ko samjhane ke qaabil nahin, apne dil ki baat kisi tak pahuncha sakein
ye unse nahin ho sakta sirf insaan hi hai ke kisi cheez ka idraak karke dusre tak bhi pahuncha sakta
hai phir baaz insaan is andaaz se kalaam karte hain ke ismein mazaamin khalt malt hote hain,
dusron ko samajhne mein diqqat pesh aati hai aur baaz apni baat ko kaamil taur par samjhane ki
qudrat rakhte hain.
Hazrat Dawood alaihissalam ko ALLAH TA’ALA ne ilm wa amal, amale saaleh, aiteqaade saaleh
ata karke jis tarah quwwate baatiniya ko kamaal bakhsha isi tarah khitaab e faisal ata karke aapki
quwwat e goyai (bolne ki quwwat) ko kamaal ata kiya.
Lohe ka aapke hath mein narm ho jaana
“Aur hum ne uske liye loha narm kiya ke wasi zirahein bana aur banane mein andaze
ka lihaaz rakh”
Aapke hath mein loha mom aur ghoondhe huye aatey ki tarah narm ho jaata tha aag mein narm
karne aur hathode se kootne ki zarurat pesh nahin aati thi, aap alaihissalam jaise chahte usi tarah
lohe ko hath se idher udher pher kar zirah bana lete the, ALLAH TA’ALA ke hukm ke mutabiq
aap bahut khubsoorat aur muatadil zirah banate na bahut badi na bahut chhoti, ismein keel bhi
ek khaas miqdaar ki lagate bahut bade ya chhote nahin hote the taaham baaz mufassereen kiraam
ne kaha aapko keel lagane ki zarurat hi darpesh nahin aati thi loha narm ho jaata jaise chahte usko
usi tarah pher lete.
Hazrat Maqaatil se marwi hai ke aap alaihissalam jab se bani israel ke badshah bane to aap ne ye
amal shuru kiya ke raat ko aam aadmi ki haisiyat se baahar tashreef le jaate jo shakhs milta usse
puchhte Dawood badshah kaisa hai? Ek martaba aap ki mulaqaat ek firishta se hui jo insaani shakl
mein tha jab aap ne usse sawal kiya to usne kaha aadmi to bahut achha hai sirf ek baat usmein na
paai jaaye to wo bahut hi kaamil insaan hai, aap ne puchha wo kaun si baat hai? Usne kaha ke wo
baitul maal se rizq khate hain apne hath ki kamai se khayein to unke fazail mein takmeel paai
jaaye.
Aap alaihissalam ne ALLAH TA’ALA se dua ki aey Allah mujhe zirah banane ka ilm ata farma de
aur mujh par zirah banani aasan farma de, ALLAH TA’ALA ne aap ko zirah banane ka ilm ata
farma diya aur lohe ko aap ke hath mein narm farma diya. Aap uski aamdani ka tihai hissa
musalmanon ki maslehat mein kharch farmate, ek zirah har roz taiyar farmate the ek hazaar, chaar
hazaar aur chheh hazaar dirham tak aapki banai hui zirah farokht hui. Iski aamdani mein se aap
apni zaat par kharch karte aur apne ahal wa ayaal ka kharch isi se poora farmate, fuqra aur masaakin
ko bhi isi maal se dete, 360 zirahein aap ne taiyar farmai thi unko farokht karke aap ne itne dirham
tAZKIRATUL AMBIYA Hazrate Dawood wa Suleman
202
haasil kar liye the ke aap baitul maal ke mohtaaj na rahe balki isse kaseer raqam ghurba ko bhi di.
Ambiya -e- kiraam ka maqaam bahut buland hai
Kuchh aayate kareema ki tashreeh mein hazrat Dawood alaihissalam ki taraf aise qisse mansoob
kar diye gaye hain jo sarasar baatil hain maine jab un aayate kareema ki tafseer Allama Raazi
rahmatullah alaihi ki Tafseer Kabeer mein dekhi to iraada hua ke aapke azeem dalaail ko zikr kiya
jaaye iske baad tafseer Ziya Ul Quran ko dekha to khayaal hua ke ahle ilm aur awaam donon ke
liye ye tafseer hi zyada behtar hai ke isi ko bilkul usi tarah zikr kar diya jaaye isliye Ziya ul Quran
se hi naql kar raha hoon, ulmaye kiraam ki khidmat mein arz hai ke is maqaam mein tafseer kabeer
ka zarur mutaala farmayein.
“Aur kya aai hai aapke paas ittela fareeqain ke muqaddame ki jab unhone deewar
faandi ibadat gaah ki aur jab achanak dakhil huye Dawood alaihissalam par pas aap
ghabra gaye unse, unhone kaha dariye nahin hum to muqaddame ke do fareeq hain
zyadti ki hum mein se ek ne dusre par, aap humare darmiyaan insaaf se faisla
farmaiye aur be insafi na kijiye aur dikhaiye humein seedha raasta. (Soorat niza’a ye
hai) ye mera bhai hai aur iski 99 dunbiyan hain aur mere paas sirf ek dumbi hai ab
ye kehta hai ke wo bhi mere hawale kar do aur sakhti karta hai mere sath guftagu
mein. Aap alaihissalam ne farmaya beshak isne zulm kiya hai tum par ye mutaalba
karke ke teri dunbi ko apni dunbiyon mein mila de aur aksar hissa daar zyadti karte
hain ek dusre par siwaye un hissedaron ke jo imaan laaye aur nek kaam karte rahe
aur aise log bahut thode hain aur fauran khayaal aa gaya Dawood alaihissalam ko ke
hum ne ise aazmaya hai so wo maafi maang ne lag gaye apne Rab se aur gir pade
ruku (sajde) mein aur (dil wa jaan se) uski taraf mutawajjeh ho gaye pas hum ne
bakhsh di unki taqseer aur beshak unke liye humare haan bada qurb hai”.
Isse pehle ke is qissa ki tehqeeq ki jaaye jo aam taur par yahan bayan kiya jaata hai main munasib
samajhta hoon ke pehle aayat ki tashreeh kar di jaaye aur aakhir mein is qisse ke mutalliq
muhaqqeqeen ulema ki raaye qaare’in ki khidmat mein pesh ki jaaye.
Jab kisi waqiye ki taraf mukhatib ko mutawajjeh karna hota hai to iska aaghaaz is qism ke
istifahaam se kiya jaata hai taaki sunne wala huma tan gosh hokar (badi tawajjo se) is waqiye ko
sune aur isse ibrat haasil kare.
Yaani kya aapko is waaqey ki ittela di hai ke jab muddai aur mudda’a donon fareeq deewar faand
kar hazrat Dawood alaihissalam ke ibadat khane mein achanak ja dhamke. Deewar par reng kar
chadhna, mehraab se muraad aapki ibadat ka hujra hai kyun ke wahan aap alaihissalam apne nafs
se barsare paikaar rehte the isliye usko mehraab kaha gaya. Masjid ke mehraab ko bhi isliye
mehraab kaha jaata hai ke wahan bhi jama’at musalman imaam hawae nafs (nafs ki khwahishaat)
(shaitan ka bhatkana) aur tarah tarah ke khatraat aur mushkilaat ke khilaaf apni qaum ko jihaad
karne ki talqeen karta hai.
Yaad rahe ke masaajid mein mehraab ki maujooda shakl ahde risalat mein na thi “Allama
Jalaluddin Suyooti ne wazaahat farmai hai ke masaajid mein mehraabon ki aaj jo mashhoor wa
maroof shakl hai Nabi Kareem صلى الله عليه وسلم ke zamane mein na thi”.
Hazrat Dawood alaihissalam ka mamool tha ke aap ek roz hukoomat ke karobaar sar anjaam dete
tAZKIRATUL AMBIYA Hazrate Dawood wa Suleman
203
muqaddemaat ka faisla karte, dusre roz apne ghar ke faraiz anjaam dete. Tees din unhone sirf
ibadat ke liye makhsoos kiya hua tha aur us din apni ibadat gaah par paasbaan muqarrar kar dete
taaki log unki ibadat mein mukhal na ho’n (khalal na dalein) us roz kisi ki majaal na hoti ke andar
aaye.
Ek dafa aap alaihissalam apne ibadat ke hujre mein ibadat mein masroof the to aise waqt mein
unka Nabiyon ka deewar faand kar baghair ijazat talab kiye huye andar ghus aana bada hairat angez
waaqiya tha aap alaihissalam ko ghabrahat si laahiq hui wo bhi us cheez ko bhaanp gaye aur kehne
lage dariye nahin hum to do fareeq hain aur apne muqaddame ka faisla karane ke liye aapki
khidmat mein haazir huye the aap azraah e nawazish haq wa insaaf ke sath humara faisla farma
dijiye aur hum mein se kisi par zulm aur zyadti na ho jo fareeq bhi zulm aur adwaan (gumrahi) ki
raah par gaamzan hai usey adal wa insaaf ki seedhi raah par chalne ki hidayat farma dijiye.
Ab wo apna tanaaza’a pesh karte hain unmein se ek kehne laga ke ye shakhs mera bhai hai iske
paas 99 dunbiyan hain aur mere paas sirf ek dunbi hai ye mujh ko kehta hai ke ye ek dunbi bhi
mujhe de do main iski hifazat karunga is tarah meri dunbiyon ki tadad poori (yaani 100 ho jayegi)
aur too is dunbi ki hifazat ke jhanjhat se chhoot jayega. Ye jab baat karta hai to chha jaata hai aur
sunne wala yoon mehsoos karta hai ke ye sachha aur meri daad rasi karne ke bajaye ulta mujhe hi
mujrim qaraar de diya jaata hai iska dusra matlab ye hai ke is rob se mujhse baat karta hai ke main
jawab dene ki jurrat bhi nahin kar sakta.
Aap ne fareeqain ki baat sunne ke baad faisla diya ke ye iski sarasar zyadti hai ye itna harees hai ke
99 dunbiyan se bhi iski chashme aaz (lalach wali aankh) sair nahin hoti bajaye iske ke apne bhai
ke paas sirf ek dunbi dekh kar ise reham aaye aur das bees dunbiyan apne paas se de de taaki iski
haalat sanbhal jaaye aur biraadarana taalluqaat ki laaj bhi reh jaaye wo iske paas ek dunbi bhi nahin
dekh sakta hai ise bhi chheen lena chahta hai ye sarasar zyadti, ye sarih zulm hai.
Aap alaihissalam ne farmaya aksar hissadaron ka yehi dastoor hai bade hissa wala apne se kam hisse
wale aur kamzor ko uski qaleel poonji se bhi mehroom kar deta hai albatta wo hissedaar jo ALLAH
TA’ALA par imaan rakhte hain aur nek aamaal ke khoo gar ho’n (aadat banai ho) wo apne dusre
hissedaron par jabr nahin karte, unka haq nahin chheente balki haq wa insaaf aur murawwat wa
ikhlaas ke taqazon ko har qeemat par poora karte hain lekin aise logon ki tadad bahut thodi hain.
Ye faisla sunane ke sath hi hazrat Dawood alaihissalam ko koi apni baat yaad aa gai aur ye khayaal
kiya ke ye to meri aazmaish ki ja rahi hai fauran maghfirat talab karne lage aur sajda mein gir gaye
yahan راکع se muraad saajid hai aur ruku wa sajdon ke maaynon mein aksar istemaal hota rehta hai
jaise is she’ar mein hai
ٍب
ْ
ن
َ
ِ ذ
ٍهِمْ ك ُ ّ
ی
ِال
ی
َبِاِل
َ
َت
َ
ا و
ً
اكِع
َ
ٖهر
ِ
ه
ْ
ج
َ
َ َ ییلعو
ّ
ر
َ
َ
َف
“Wo sajda karte huye munh ke bal gir pada aur bargahe ilaahi mein har gunaah se tauba ki”.
Is she’ar mein Dawood alaihissalam ka zikr nahin, she’ar se sirf ye baat saabit ki gai hai ke ruku ka
maayne sajda aam taur par aata rehta hai.
Dawood alaihissalam ka asal waaqiya
Aayat ki is tashreeh ke baad hum is waaqiye ki tehqeeq karte hain jiski taraf ibteda mein ishaara
kiya gaya hai Mufakkire Islam Mufassire Quran Allama Peer Muhammad Karam Shah Al Azhari
rahmatullah alaihi farmate hain ziya ul Quran mein aap mukhtalif maqamaat par padh aaye hain
tAZKIRATUL AMBIYA Hazrate Dawood wa Suleman
204
ke bani israel apne Ambiya -e- kiraam par fuhash tohmatein lagane mein kitne bebaak the? Aisi
cheezein jo ek aam sharif aadmi ki taraf mansoob karte huye insaan hichkichata hai wo be daregh
apne Nabiyon, apne mohsinon aur apne mashaahir (mashhoor hazraat) ki taraf mansoob kar dete
the, inhi khurafaat mein se ek ye waaqiya hai jo Bible mein badi tafseel se namak mirch laga kar
likha gaya hai, ji (dil) to nahin chahta ke qaare’in ke zauq ko majrooh kiya jaaye lekin arz haal ke
liye chand satoor likhna zaruri samajhta hoon.
Kitab 2 Samuel baab 11 mein likha hai “Aur shaam ke waqt Dawood apne palang se uth kar
badshahi mehal ki chhat par tehalne laga aur chhat par se usne ek aurat ko dekha jo naha rahi thi
aur wo aurat nihayat khubsoorat thi tab Dawood ne log bhej kar us aurat ka haal daryaaft kiya aur
kisi ne kaha kya wo al’aam ki beti butt saba’a nahin jo hatti aauriyaah ki beewi hai? Dawood ne
log bhej kar usey bula liya wo uske paas aai aur usne usse suhbat ki phir wo chali gayi aur wo aurat
haamila ho gayi so usne Dawood ke paas khabar bheji ke main haamila hoon”.
Isse aage chal kar wo likhte hain “Hazrat Dawood alaihissalam ne yoo’aab jo fauj ka commander
tha ko likha ke jab dushman se jung shuru ho to hatti aauriyaah ko aisi jagah tainaat kiya jaaye ke
uska qatl ho jaana yaqeeni ho”. Mulaheza ho, subah ko Dawood ne yoo’aab ke liye ek khat (letter)
likha aur usey aauriya ke hath bheja aur usne khat mein ye likha ke aauriya ko ghamsaan mein
sabse aage rakhna aur tum uske paas se hat jaana taaki wo maara jaaye aur jaan ba haq ho aur yoon
hua ke jab yoo’aab ne us shehar ka mulaahiza kar liya to usne aauriyaah ko aisi jagah rakha jahan
wo jaanta ke bahadur mard hain aur us shehar ke log nikle aur yoo’aab se lade aur wahan Dawood
ke khadimon mein se thode se log kaam aaye aur hatti aauriyaah bhi mar gaya”.
Ulema e yahood ne apni muqaddas kitaab mein jo ilzaam hazrat Dawood alaihissalam par lagaya
isko phir yoon uchhala ke zabaan zad aam ho gaya hatta ke baaz mufassereen ne in aayat ki tafseer
karte huye is waqiye ko usi tarah zikr kar diya.
Hazrat Imaam Fakhruddin Raazi rahmatullah alaihi ne is qisse se mutalliq khoob tehqeeq ki hai
aur tehqeeq ka haq ada kar diya hai farmate hain “Yahan ek afsaana bayan kiya jaata hai baaz logon
ne to is afsaana ko aisa rang diya hai ke gunaahe kabeera ki nisbat ALLAH TA’ALA ke jaleelul
qadr bande ki taraf hoti hai aur baaz ne is waqiye ko is tarah zikr kiya hai ke gunaah e kabeera ka
irtikaab laazim aata hai”. Imam Raazi rahmatullah alaihi farmate hain “Ke mera aqeeda aur meri
tehqeeq hai ke ye waaqiya sarasar baatil hai”.
Phir bhi iske butlaan par kai daleelein pesh ki hain farmate hain “Agar aisi harkat faasiq tareen
aadmi ki taraf bhi mansoob ki jaaye to wo bhi isko bardasht nahin karega aur jis bad-bakht ne aisi
baat ALLAH TA’ALA ke Nabi ki taraf mansoob ki hai agar khud us par aisa ilzaam laga diya jaaye
to wo apni kameengi aur khabasat e taba’a ke bawajood uski pur zor tardeed karega aur bohtaan
lagane wale par laanat bhejega, aisa ghinauna jurm jise ek adna darja ka ummati apne liye pasand
nahin karta ek Nabi ka daaman e ismat isse kab aalooda ho sakta hai? Neez agar qisse ko sahi
tasleem kar liya jaaye to hazrat Dawood alaihissalam par do sangeen jurm saabit honge ek qatl be
gunaah aur dusre fe’al qabeeh (bure kaam)”.
Quran mein ye aayat isliye naazil ki gai taaki Nabi Kareem صلى الله عليه وسلم ki dil joe ho aur hazrat Dawood
alaihissalam ke uswa -e- hasana ko peshe nazar rakhte huye wo kuffar ki dil aazari se kabeeda
khaatir na ho’n agar hazrat Dawood alaihissalam se ye harkat sarzad hui hoti to ALLAH TA’ALA
aise shakhs ke zikr se apne mehboob ki dil joe na farmata jo apni khwahish e nafs ke saamne bebas
tAZKIRATUL AMBIYA Hazrate Dawood wa Suleman
205
hai aur qatl be gunaah ke irtikaab ki jurrat karta hai neez saabiqa aayat mein hazrat Dawood
alaihissalam ko jin sifaat e aaliya se mausoof farmaya gaya hai “Humara banda ibadat wa ta’at mein
bada taaqatwar, har waqt ruju karne wala”.
Agar aap alaihissalam se aisi razeel harkat sarzad hui hoti to aapko in ausaafe jameela se muttasif
karne ka phir koi maqsad na rehta aur aapko khushkhabari hargiz na di jaati isliye aayat ka siyaaq
aur sabaaq donon is qissa ki pur zor tardeed karte hain aur ise saraapa laghw aur behooda qaraar
dete hain.
Hazrat Sa’id bin Al Musayyab se marwi hai ke Sayyiduna Ali Murtaza ne farmaya “Yaani jo shakhs
hazrat Dawood alaihissalam ke mutalliq aisi baat kare jis tarah qissa go kiya karte hain to main 160
durre (kode) lagaunga”.
Baaz hazraat ne in aayat ka pas manzar is tarah bayan kiya hai ke us zamane mein ye riwaaj aam
tha aur usmein koi qabaahat mehsoos nahin ki jaati thi ke agar kisi ki zauja ki taraf kisi ka meelaan
ho jaata to wo usse kehta ke tum apni beewi ko talaaq de do taaki main uske sath nikah karu,
chunanche basa auqaat wo shakhs apne dost ki ye darkhwast qabool kar leta aur wo shakhs iddat
guzaar ne ke baad us aurat se nikah kar leta lekin Nabi ki shaan badi unchi hai isliye ALLAH
TA’ALA ne aapko is baat par tambeeh farma di (yaani Dawood alaihissalam ne kisi shakhs ki aurat
ki taraf meelaan karke usey taaaq dene ke mutalliq kaha tha phir usse nikah kar liya tha).
Imaam Abu Bakr Jassas rahmatullahi ta’ala alaihi ne ye khayaal zaahir kiya ke abhi us aurat ki
shaadi “aauriya” ke sath nahin hui thi sirf mangni tay paai thi aur hazrat Dawood alaihissalam ne
us aurat ke ghar walon se uska rishta talab kiya aur unhone wo rishta aapko de diya lekin ye saari
baatein qayaas aaraiyon ke baghair aur kuchh nahin (Agar waaqiya is soorat e mazkoora mein pesh
kiya jaaye to aap ki taraf gunaah e sagheera ki nisbat laazim aayegi jisse Ambiya -e- kiraam paak
hain.)
In tamam taujeehaat ke baad Allama Raazi rahmatullah alaihi farmate hain ke “Munasib ye hai ke
aayat mein mazkoora is waqiye ko is tarah bayan kiya jaaye ke na gunaah kabeera ki nisbat aap ki
taraf saabit ho na gunaah e sagheera ki balki aapki madah wa sana ka pehlu nikle”.
Bani israel mein ek giroh aapka mukhalif ho gaya tha aur unhone aapko qatl karne ki tadbeerein
sochna shuru kar di thi aap har teesre din khalwat nasheen hokar ALLAH TA’ALA ke zikr aur
ibadat mein mashgool ho jaaye karte the, unhone is mauqe ko ghaneemat jaana aur deewar faand
kar andar aa gaye taaki tanhai mein aapka kaam tamam kar dein aur peharedaron ko bhi iska pata
na chale jab wo aapke hujre mein pahunche to wahan bahut se aadmi maujood the jinki wajah se
wo apne mansoobe ko amli jaama na pehna sake aur apne aane ki ek jhooti aur manghadat wajah
bayan kar di ke hum aap se ek muqaddema ka faisla karane ke liye aaye darwaza band paaya,
peharedaron ne andar aane ki ijazat na di isliye majbooran hum deewar faand kar andar aa gaye.
Aap unki bad-niyati par aagah ho gaye pehle to aapko bada ghussa aaya aur unse inteqaam lene ka
iraada farmaya lekin baad mein ufw wa darguzar se kaam lete huye unhein maaf kar diya aur
istighfaar isliye maangi ke unke dil mein apni zaat ke mutalliq inteqaam lene ka khayaal hi kyun
paida hua. Allama Raazi rahmatullahi alaih aakhir mein farmate hain “Yaani humari ye taujeeh
sab aqwaal se behtar hai aur is zimn mein humari yehi tehqeeq hai ALLAH TA’ALA apni kitaab
ke asraar aur ramooz ko behtar jaanta hai”.
Allama Abu Hayyan Undlusi ne apni Tafseer Behrul Muheet mein apni tehqeeq ka khulasa tehreer
tAZKIRATUL AMBIYA Hazrate Dawood wa Suleman
206
farmaya hai iska tarjuma bhi hadiya e nazireen hai: “Humari tehqeeq ye hai ke deewar faand kar
mehraab mein aane wale insaan the wo aise raaste se dakhil huye the jo dakhil hone ka raasta na
tha aur aise waqt aaye the jo aapki adaalat ka waqt na tha aap alaihissalam ko andesha hua ke kahin
wo mujhe qatl na kar dein (kyun ke ek giroh aapka mukhalif tha) lekin jab waazeh ho gaya ke ye
donon to kisi muqaddema ka faisla karane ke liye aaye the jis tarah ALLAH TA’ALA ne bayan
farmaya hai to hazrat Dawood alaihissalam ko pata chal gaya ke ye saara waaqiya (yaani un logon
ka be waqt aa dhamakna aur ghair maroof raah se aana aur aapka unke baare mein ye khayaal karna
ke ye qatl ke iraade se aaye hain aur is wajah se aap ka ghabra jaana) aazmaish hai ALLAH TA’ALA
ne unhein isse aazmana chaha hai aur unke baare mein sooye zan karna aapki shaane nubuwat se
furu tar hai (bahut kam hai) isliye aap maghfirat talab karne lage”.
Aakhir mein Allama Mazkoor likhte hain “Humara pukhta yaqeen hai ke Ambiya -e- kiraam
gunaah aur khata se masoom hote hain unse aise umoor qat’an sarzad nahin ho sakte agar aisa hota
to shara’i ahkaam par aitmaad baaqi nahin rehta aur Ambiya -e- kiraam ke farmoodaat (irshadaat)
se aitebaar uth jaata, qissa go (qisse kahaniyan bayan karne wale) logon ne mansab e nubuwat ke
manaafi jo kahaniyan gharh li hain hum unko raddi ki tokari mein phenk diya karte hain humara
maslak to wo hai jo shaayar ne is she’ar mein bayan kiya hai kehta hai jis baare mein shak wa
shubah ho wahan hum aqal ka faisla maante hain jab ke qissa go ke hum nasheen hikaayaton aur
kahaniyon ko tarjeeh dete hain”.
Shaikh Akbar Hazrat Ibne Arabi rahmatullah alaihi ne yahan khoob likha hai “Waa’izon ko
chahiye ke wo apne wa’azon mein ghalat qisse aur jhooti kahaniyan bayan na kiya karein, Huzoor
صلى الله عليه وسلم ne farmaya hai ke banda jab jhoot bolta hai to uski badboo se firishte tees meel door bhaag
jaate hain aur us aadmi ko bahut bura jaante hain jab waa’iz ye jaante hai ke firishte majlise wa’az
mein haazir hote hain to us par laazim hai ke wo sach bolne ki poori koshish kare”.
Phir farmate hai “Waa’iz par farz hai ke aisi baaton se bilkul hi ijtenaab (bache) kare jo muarrikheen
ne bila tehqeeq yahoodiyon se naql ki hain jinmein un muqaddas hastiyon ki laghzish ka bayan
hota hai jinki ALLAH TA’ALA ne sana wa tauseef farmai hai aur unhein dusre logon se chun liya
hai aur phir un laghwiyaat ke baare mein kahe ke wo Quran majeed ki tafseer bayan kar raha hai”.
Nateeja waazeh hua
Mufakkire Islam Mufassire Quran Hazrat Peer Muhammad Karam Shah sahab quddas sirrahu ki
is imaan afroz tafseer jo Tafseere Kabeer aur Behrul Muheet aur Fatoohaate Makkiya ke hawala
zaat se muzayyan hai, se waazeh ho gaya ke hazrat Dawood alaihissalam ki taraf mansoob hone
wali kahaniyan ke aapne (maaz’Allah) ek aurat se burai ka irtikaab kiya aur phir uske khawind ko
qatl kara diya, aapne kisi ki mangni tudwa kar khud mangni kar li ya apne dost ki beewi par aashiq
hokar usey talaaq dene par majboor kar diya ye tamam behooda baatil afsaane hain, yahood ki
manghadat kahaniyan hain ALLAH TA’ALA ke Nabi ki shaan ke laayaq hargiz hargiz aise waqiyaat
nahin ho sakte sahih waaqiya wo hi hai jo sahibe tafseer e kabeer ne ya sahibe al behrul muheet ne
tehreer kiya hai aur isi ko sahi samajh ne ki takeed shaikh akbar ne farmai hai.
Dawood alaihissalam ki khilafat aur adal wa insaaf ka
hukm
“Aey Dawood hum ne muqarrar kiya hai aapko apna naayab zameen mein pas faisla
tAZKIRATUL AMBIYA Hazrate Dawood wa Suleman
207
karo logon ke darmiyaan insaaf ke sath aur na pairwi kiya karo hawa e nafs ki, wo
behka degi tumhein raahe khuda se beshak jo log bhatak jaate hain raahe khuda se
unke liye sakht azaab hai isliye ke unhone bhula diya tha yaume hisaab ko aur nahin
paida kiya hum ne aasmaan aur zameen ko aur jo kuchh unke darmiyaan hai be
faayda ye to kuffar ka gumaan hai pas barbaadi hai kuffar ke liye aag (ke azaab) se,
kya hum bana denge unhein jo imaan laaye aur nek amal karte hain un logon ki
maanind jo fasaad barpa karte hain zameen mein ya hum bana denge parhezgaron
ko faajiron ki tarah ye kitaab hai jo hum ne utaari hai aapki taraf badi ba barkat
taaki tadabbur karein uski aayaton mein aur taaki naseehat pakdein aqalmand”.
Hazrat Dawood alaihissalam ko bataya ja raha hai ke tum kisi shaahi khandaan ke fard nahin ho
ke tumhein ye hukoomat aur takht warsa mein mila ho, tum ek ghair maroof charwahe the hum
ne apne fazl wa karam se aapke liye ye raah humwaar ki aur apni meharbani se bani israel ka
taajdaar banaya aur wasi wa areez saltanat marhemat farma di aur masnade khilafat par mutmakkin
kar diya. Is ahsaas ka shukr ada karne ka ye tareeqa hai ke har faisla adal wa insaaf ke mutabiq karo
aur apni pasand wa napasand ko kisi tarah asar andaaz na hone do agar tum ne apni khwahish e
nafs par insaaf ko qurbaan kiya to yaad rakhna ALLAH TA’ALA ki raah se bahek jaoge, uski
taufeeq ka daaman tumhare hath se chhoot jayega aur jo shakhs raahe haq se behak jaata hai wo
ALLAH TA’ALA ke sakht azaab mein mubtala kar diya jaata hai.
Allama Qaazi Sanaullah Paanipati rahmatullah alaihi ne is aayat ke zimn mein tehreer farmaya hai
jo peshe khidmat hai: “Ek roz Hazrat Umar radiallaho ta’ala anhu ne Hazrat Talha, Zubair, Ka’ab
aur Salman radiallaho ta’ala anhum se puchha khaleefa aur badshah mein kya farq hai? Hazrat
Talha aur Zubair ne kaha hum nahin jaante Hazrat Salman ne arz kiya khaleefa wo hai jo ra’iyat
(awaam) mein adal karta hai unmein maal masaawi taur par taqseem karta hai aur wo apni riyaaya
par yoon meharbaan aur shafeeq hota hai jis tarah koi shakhs apne ahel wa ayaal par shafeeq hota
hai aur ALLAH TA’ALA ki kitaab ke mutabiq faisla karta hai”.
Suleman bin Oja radiallaho ta’ala anhu se marwi hai ke ek roz Hazrat Farooqe Aazam radiallaho
ta’ala anhu ne haazireen se kaha “Mujhe maloom nahin ke main khaleefa hoon ya badshah?” Ek
shakhs kehne laga aey ameerul momineen donon mein bada farq kya hai?
“Usne kaha khaleefa wo hai jo leta hai to haq wa insaaf se aur kharch karta hai to sahi jagah par
aur ALLAH TA’ALA ke fazl wa karam se aap aisa hi karte hain aur badshah wo hota hai jo logon
par zor wa sitam karta hai isse leta hai isko deta hai ye sun kar hazrat umar khamosh ho gaye”.
Sarbarahe mamlikat ke liye islam ne badshah sultan chairman waghaira kalimaat pasand nahin
kiye kyun ke unmein khud sari aur anaaniyat ki boo aati hai balki khaleefa ka lafz tajweez kiya hai
jiska maayne khud sar aur mukhtaar ka nahin balki naayab aur qaa’im maqaam hai, ye lafz hi bata
raha hai ke mamlikate islamiya ka sarbarah apne Rab ka naayab hota hai aur naayab ka kaam apne
aaqa ke ahkaam ki tameel karna hai aur uske irshadaat ke mutabiq uske diye huye ikhteyaraat ko
istemaal karna hai ye wo farq hai jo dunya ke dusron nizamon aur islam ke nizame siyasat mein
buniyadi ahmiyat ka maalik hai Quran paak ne yahan khaleefa ki zimmedariyon ko bade muassir
andaaz aur piraaye mein bayan kar diya ke uska farze awwaleen ye hai ke wo adal wa insaaf ke
taqazon ko poora kare, faisla karte waqt khaarji cheez, sifarish, koi tama’a, koi khauf hatta ke apne
zaati mafaad ko bhi us par asar andaaz na hone de jo haakim aisa nahin karta goya usne roze jaza
tAZKIRATUL AMBIYA Hazrate Dawood wa Suleman
208
ko faramosh kar diya, qiyamat ke din par uska imaan na raha zabaan se wo hazaar daawe kare ke
wo qiyamat par imaan rakhta hai agar wo faisla karte waqt meezane adal ko barabar nahin rakh
sakta to usko ye daawa karne ka qat’an koi haq nahin aur jo log qiyamat par yaqeen nahin rakhte
usey faramosh kar dete hain unke liye azaab e shadeed hai.
Kuffar aur mulhid log ye samajhte hain ke zindagi bas yehi dunyavi zindagi hai ismein khoob aesh
wa ishrat kar lo, khoob maze udao, daulat kamao jitni kama sakte ho, halaal wa haraam ke chakkar
mein na pado ye to mullaon ki manghadat baatein hain, jaah wa mansab haasil karne ke liye kisi
ki haq talafi hoti hai to hone do, makr wa fareb ki zarurat pade to hargiz na ghabrao, qiyamat kis
ne dekhi hai, hazaar haa saal se ye soofi log qiyamat ki dhamkiyan dete chale aa rahe hain unki
baaton mein aakar apni zindagi ka lutf barbaad na karo.
ALLAH TA’ALA unke is mughaalate ka radd farmata hai ke agar tumhari baatein durust ho’n to
iska matlab ye hua ke zameen wa aasmaan ka ye saara nizaam abas (bekaar) aur be maqsad hai, ek
nek kaar momin aur ek mufsid ke darmiyaan koi farq nahin hai, muttaqi aur parhezgaar aur faasiq
wa faajir sab yaksa hain, sun lo is kainaat ke khaaliq hum hain aur hum ne koi cheez bhi abas
(bekaar) aur be maqsad paida nahin ki hum aleem bhi hain hakeem bhi, humara koi kaam hikmat
se khaali nahin, qiyamat aayegi aur zarur aayegi, us roz muttaqi aur parhezgaar humare inamaat se
malamaal honge aur faasiq wa faajir zaleel honge, haq ka bol baala hoga aur har qism ki ghalat
fehmiyan door ho jayengi.
Hazrat Dawood alaihissalam ke “Jalooth” ko qatl karne ka waaqiya hazrat “Talooth” ke waaqiya
mein insha ALLAH TA’ALA zikr kiya jayega.
Hazrat Dawood alaihissalam ke janasheen
hazrat Suleman alaihissalam
“Aur Suleman Dawood ka janasheen hua”
Aala Hazrat Maulana Ahmad Raza Khan rahmatullah alaihi ne “ورث “ka maayne “janasheen” kiya
hai ke hazrat Suleman alaihissalam aap ki badshaahat aur khilafat ke janasheen bane maal wa daulat
ki wiraasat yahan muraad nahin balki Nabi Kareem صلى الله عليه وسلم ke irshad ke mutabiq Ambiya -e- kiraam
ke maal wa daulat ka kisi ko waaris nahin banaye jaate hai.
Isi tarah abu Dawood aur tirmizi ne hazrat Abu Darda radiallaho ta’ala anhu se riwayat kiya ke
aap ne kaha maine Rasoolullah صلى الله عليه وسلم ko irshad farmate huye suna “Beshak ulema Ambiya -e- kiraam
ke waaris hote hain aur beshak Ambiya -e- kiraam ke wursa daraahim wa dananeer ke waaris nahin
hote balki unke ilm ke waaris hote hain, jis ne is ilm ko haasil kar liya usne azeem hissa haasil kar
liya”.
Hazrat Dawood alaihissalam ke 19 beton mein se sabse chhote hazrat Suleman the agar yahan
wiraasat maal ki muraad hoti to sab bete waaris hote sirf Suleman alaihissalam na hote neez
badshaahat aur nubuwat mein bhi wiraasat laazimi taur par jaari nahin sirf ALLAH TA’ALA ke
fazl se haasil hoti hai isliye waaris ka janasheen maayne karna bahut hi kaamil aur haseen hai.
Suleman alaihissalam parindon ki boliyan samajhte
“Unhone kaha aey logon humein parindon ki boli sikhai gai aur har cheez mein se
tAZKIRATUL AMBIYA Hazrate Dawood wa Suleman
209
hum ko ata hua beshak yehi zaahir fazl hai”.
Ye to hum roz marra mushaahida karte hain ke parinde zarur apni apni boliyan bolte hain jis tarah
ek qism ke parinde dusri qism ke parindon se mukhtalif boliyan bolte hain isi tarah ek hi qism ke
parinde mukhtalif auqaat mein mukhtalif qism ki boliyan bolte hain ek dusre se ladte huye unke
bolne ka andaaz aur hota hai, ek dusre se muhabbat ke waqt unki guftagu ka andaaz mukhtalif
hota hai, jab un par koi darinda ya shikari hamla karna chahe to unke kalaam ki no’iyat aur hoti
hai isse pata chalta hai ke unki boliyan sirf cheekh wa pukaar shor wa ghul mein hi nahin hoti
balki unmein mataalib wa maqaasid bhi paaye jaate hain jinhein wo khud achhi tarah samajhte
hai agarche hum unki boliyon ko samajh ne se qaasir hote hain. Suleman alaihissalam ko ALLAH
TA’ALA ne parindon ki boliyan samajh ne ki quwwat ata farmai thi aap alaihissalam samajh lete
the ke ye kya keh rahe hain, yaad rahe ke aap alaihissalam ka apne aapko jama (bahu wachan,
plural, ek se zyada) ke seghe se tabeer karna siyasat ke qanoon ke mutabiq tha ke badshah apni
riyaaya se isi andaaz se kalaam karte hain ismein takabbur ki neeyat nahin thi.
Baaz hazraat ne kaha ke parindon ki boliyan hazrat Suleman alaihissalam aur unke baap hazrat
Dawood alaihissalam donon hi jaante the isliye jama ka seegha laaya gaya lekin ye qaul durust
nahin kyun ke ye saabit nahin ke hazrat Dawood alaihissalam bhi parindon ki boliyan jaante the.
Hazrat Suleman alaihissalam ne “mor” ki aawaz ko sun kar kaha ke ye keh raha hai ke “jaisa karoge
waisa bharoge”, “Hud Hud” ki aawaz ko sun kar kaha ye keh raha hai ke “aey gunahgaron ALLAH
TA’ALA se maghfirat talab karo”, “Khattaaf” (lambe bazuo wala, chhote paanv wala, syaah rang
ka parinda) ki boli sun kar kaha ye keh raha hai “neki ke kaam karo taaki aage unki jaza pao”,
“Qumri” ki aawaz sun kar kaha ke “ye tasbeeh padh rahi hai subhan rabbiyal aala”, “Cheel” ko
bolte huye sun kar kaha “ye keh rahi hai Rab ke baghair har cheez ko fana ho jaana hai”, “Bhat
teetar” ki aawaz ko sun kar kaha “ye keh raha hai jo khamosh raha wo salamati mein raha”,
“Murgh” ki aawaz sun kar kaha “ye keh raha hai aey ghaafilon ALLAH TA’ALA ko yaad karo”,
“Gidh” ki aawaz ko sun kar farmaya “ye keh rahi hai aey insaan jitna chahe to zinda rahe aakhir
tujhe maut aani hai”, “Aqaab” ki aawaz ko sun kar kaha “ye keh raha hai logon se door rehne hi
mein uns hai”, “Mendhak” ki aawaz ko sun kar kaha “ye tasbeeh padh raha hai subhan rabbiyal
quddus”.
Khayaal rahe ke in parindon ki humesha ye boli nahin hoti balki baaz auqaat ye boli unhone boli,
mukhtalif auqaat mein mukhtalif boliyan bolte hain.
Hazrat Suleman alaihissalam ka ye kehna ke ALLAH TA’ALA ne humein har cheez ata ki hai ye
bataur shukr tha bataur fakhr nahin jaise Nabi Kareem صلى الله عليه وسلم ne farmaya main aulaad e aadam ka
sardar hoon mujhe is par koi fakhr nahin yaani main nemat ke izhaar aur shukr ke taur par keh
raha hoon.
Hawa hazrat Suleman alaihissalam ke taabe thi
“Aur hum ne hawa Suleman ke taabe kar di uski subah ki manzil ek maah ki aur
shaam ki manzil ek maah hoti”.
Hawa ko hazrat Suleman alaihissalam ke taabe is tarah kar diya gaya tha jis tarah sawari insaan ke
tAZKIRATUL AMBIYA Hazrate Dawood wa Suleman
210
taabe hoti hai, Hazrat Qataada radiallaho ta’ala anhu farmate hain غدو ka matlab subah se zawaal
tak aur رواح ka matlab zawaal se shaam tak yaani aap subah se zawaal tak itna safar kar lete the jitna
sayyah log ek maah mein karte aur zawaal se shaam tak itna safar kar lete jitna ek maah mein kiya
jaata. Aap alaihissalam subah “Baitul Muqaddas” mein hote to qailoola ke waqt “Astghar” mein
pahunch jaate phir “Astghar” se shaam tak “Khurasaan” ke qile tak pahunch jaate, sayyah log us
waqt tak ek farsakh yaani tees meel subah se zawaal tak safar karte the to aap tees farsakh karte isi
tarah shaam ko bhi.
Khayaal rahe ke Allama Raazi ke nazdeek hazrat Suleman alaihissalam ke taabe ye aam hawayein
nahin thi balki khaas qism ki hawa thi.
Suleman alaihissalam ke liye taanbe (copper) ka chashma
“Aur hum ne unke liye pighle huye taanbe ka chashma bahaaya”.
Iska ek maqsad to ye tha ke aapke liye ALLAH TA’ALA ne taanbe ko is tarah narm kar diya tha
jaise aapke baap hazrat Dawood alaihissalam ke liye loha narm kar diya tha, taanbe ki san’at wale
log aapke paas thanda taanba laate aap baghair aag aur kootne ke jaise unhein zarurat hoti usi tarah
bana dete, dusra matlab ye hai ke aap ko ALLAH TA’ALA ne taanbe ki dhaat ek chashma ki soorat
mein ata ki thi jitna taanba zaruri hota utna us chashme se le liya jaata.
Suleman alaihissalam ka lashkar
“Aur faraaham kiye gaye Suleman alaihissalam ke liye lashkar jinno insanon aur
parindon se pas wo nazm wa zabt ke paband hain”.
Hazrat Suleman alaihissalam ke lashkar ka zikr ho raha hai ke wo teen hisson par mushtamil tha
jinn, insaan aur parinde. Baaz log jo Quran kareem ko apne khyalaat aur maz’oomaat ka libaas
pehanna hi Quran daani ka kamaal samajhte hain unhone is aayat ki tashreeh is tarah ki hai ke
“jinn” se muraad “jinnaat” nahin balki pahadi qabaa’il hain jo badani lihaaz se bade taaqatwar the
aur jinko hazrat Suleman alaihissalam ne apna baaj guzaar bana liya tha aur “tuyoor” se muraad
parinde nahin balki tez raftaar ghodo par sawaar fauji daste hain.
Kaash wo انس ka bhi koi aisa maayne gharh lete jisse yahan iska istemaal durust ho jaata, jab jinn
se muraad jungli qabaa’il hain jo insaan hain aur tuyoor se muraad ghurh sawaar hain aur wo bhi
insaan hain to in donon ke darmiyaan “لنسٓا “yaani insaan bayan karne ka kya maqsad ho sakta
hai?
“Ataf” taghaayar wa takhaaluf par dalaalat karta hai aur aayate kareema se saaf maloom hota hai
ke jins aur tuyoor ins ki tarah do alag alag noo’a hain koi lafz agar bataur majaaz kisi dusre maayne
mein istemaal ho to iska ye matlab hargiz nahin hota ke jahan ye lafz istemaal hoga wahan iska
majaazi maayne hi muraad hoga balki majaazi maayne lene ke liye shart awwal ye hai ke wahan
iska haqeeqi maayne na liya jaaye neez wahan koi aisa kareena bhi maujood ho jo is majaazi maayne
ka taayyun kare, jab yahan donon shartein mafqood hain to in alfaaz ke haqeeqi maaynon ko nazar
andaaz karke door ki taweelaat karna yaqeenan jaahilana jasaarat hai.
Aayate kareema mein يزعونّ lafz aaya hua hai “waza’a” kehte hain rokne aur mana karne ko, isse
muraad ye hai ke afwaaj ki kasrat ke bawajood wahan bad-nazmi aur intishaar ka naam wa nishaan
tak na tha, fauj ka har hissa lashkar ka har dasta safar wa hizar mein fauji nazm wa zabt ki sakhti
tAZKIRATUL AMBIYA Hazrate Dawood wa Suleman
211
se pabandi kiya karta.
Suleman alaihissalam ke takht ke mutalliq ghair
moatabar qisse
Hazrat Suleman alaihissalam ke takht ke mutalliq kuchh qisse is qism ke mashhoor kar diye gaye
hain jin par aitbaar karna durust nahin aur na hi unki koi haqeeqat hai kisi motabar sanad se unka
koi saboot nahin.
Allama Aalusi rahmatullah alaihi ne farmaya ke aksar waqiyaat aise bayan kiye jaate hain jo ghair
motabar hain un par aitmaad na kiya jaaye balki sirf un waqiyaat par imaan laaya jaaye jo Quran
paak aur ahadees mubaraka se saabit hain. Aise waqiyaat jo mubaalgha aamez hain jinhein qissa go
log aur muarrikheen hazraat bayan karte hain unse ijtenaab (bachna) zaruri hai aise waqiyaat ko
sirf ye khayaal kar ke bayan karna ke ALLAH TA’ALA ki qudrat mein har cheez mumkin hai isse
be deen logon ke liye deen ke sath mazaaq udane ka darwaza apne hathon se kholna laazim aayega
aur ye bhi koi baa’id nahin ke aksar mubaalgha aamez waqiyaat logon ko deen se mut’naffir karne
ke liye be deen logon ne gharh liye ho’n.
Allama Aalusi rahmatullah alaihi ne bhi wo qisse kuchh naql kiye aur main bhi naql kar raha hoon
taaki qaare’in ke zehan mein rahe ke ye waqiyaat ghair motabar hain kisi bayan karne wale se sun
kar ya kisi ghair motabar kitaab se padh kar un par yaqeen na kar lein.
Ghair motabar qissa (1)
Hazrat Suleman alaihissalam ke liye teen laakh kursiyan rakhi jaati thi aapke qareeb momin log
baith’te phir unke pichhe momin jinn baith’te phir aap parindon ko hukm dete jo un par saaya
karte phir aap hawa ko hukm dete jo unhein utha leti aur unka sunbal se guzar hota aur usmein
koi harkat na hoti.
Ghair motabar qissa (2)
Suleman alaihissalam ka lashkar 100 farsakh mein phaila hua hota tha 50 farsakh mein insaan
hote, 25 farsakh mein jinn, 25 farsakh mein wehashi janwar aur 25 mein parinde aur lakdi par
sheeshe ke bane huye 1000 aap ke ghar the, 300 aap ki zauja thi aur 700 laundiyan thi, aap jahan
jaate pehle tez hawa ko hukm dete wo un gharon ko buland karti phir aahista aahista chalne wali
hawa ko hukm dete wo unko wahan le jaati jahan aap jaana chahte.
Ghair motabar qissa (3)
Aap hawa ke zariye zameen wa aasmaan par chal rahe the ke aapke paas ALLAH TA’ALA ki taraf
se “wahi” aai ke main tumhari badshahi ko aur zyada kar raha hoon ke tamam makhlooq mein se
koi bhi kalaam karega to usey aapke kaanon mein hawa ke zariye pahuncha diya jayega.
Ghair motabar qissa (4)
Jinnon ne aapke liye sone aur resham se bunkar ek qaleen banaya jiski lambai aur chaudai ek ek
farsakh thi aur aap uske darmiyaan apna sone ka mimber rakh kar baith’te, aapke ird gird 6 laakh
sone aur chaandi ki kursiyan bichhai jaati sone ki kursiyon par Ambiya -e- kiraam baitha karte aur
chaandi ki kursiyon par ulema aur unke ird gird log baith’te, phir unke ird gird jinn baith’te,
parinde apne paron se un par saaya karte, baade saba us qaleen ko utha kar ek mahine ki masaafat
tAZKIRATUL AMBIYA Hazrate Dawood wa Suleman
212
tay kara deti.
Is qism ke ek do waqiye aapne aur bhi tehreer kiye hain aur un par apni raay jo aapne qaa’im ki
hai uska zikr is behas ki ibteda mein kar diya gaya hai.
Suleman alaihissalam ka choonti ka kalaam sun kar
muskurana
“Yahan tak ke jab choontiyon ke naale par aaye ek choonti boli aey choontiyon apne
gharon mein chali jao tumhein kuchal na daalein Suleman aur unke lashkar be
khabari mein to Suleman (alaihissalam) uski baat sun kar muskura kar hanse”.
Aam taur par Suleman alaihissalam aur aapka lashkar hawa ke zariye safar kiye karte lekin us safar
mein aap aam logon ki tarah safar kar rahe the aap alaihissalam ke lashkar mein kuchh log paidal
chal rahe the aur kuchh sawaar the choontiyon ki wo basti taaif ya shaam mein thi, unko hukm
dene wali unki malka thi wo langdi thi uska naam taakhiya ya manzarah tha.
Suleman alaihissalam ne choonti ki aawaz teen meel door se suni thi aapne apne lashkar ko aage
chalne se rok diya tha ke choontiyan apne gharon mein dakhil ho sakein, ye ALLAH TA’ALA ke
Nabi ka mojiza hai ismein koi taajjub ki baat nahin.
Nabi Kareem صلى الله عليه وسلم se ek “goh” (ek qism ka saanp) ne kalaam kiya aap صلى الله عليه وسلم ki risaalat ki shahadat di
aapne goh ki aawaz aur shahadat ko sun liya, khaibar mein aapko bakari ka zehar aalood paaya
diya gaya tha aapke mamooli tanawul karne ke sath hi us paaye ne kalaam kiya aur bataya ke mujhe
zehar aalood kiya gaya hai zibaha shuda bakari ke gosht se aawaz sunna ALLAH TA’ALA ke habeeb
ka mojiza hi to hai.
Hazrat Suleman alaihissalam ke muskurane ki ek wajah choonti ki aehtiyaati tadaabeer par taajjub
karna tha aur dusri wajah ye thi ke aapko choonti ki aawaz sunne ki Rab ne jo taufeeq ata farmai
thi us par izhaar e farhat wa suroor tha.
Faayda: Hansne ki ibtedai kaifiyat jismein aawaz nahin hoti usey ‘tabassum’ kaha jaata hai aur
daanton ke zaahir hone ke sath hi kuchh khafeef aawaz bhi paida ho jo insaan khud hi sun sake
usey ‘zihak’ kaha jaata hai aur agar aawaz itni buland ho jo dusre bhi sun sakein usey ‘qehqaha’
kaha jaata hai. Nabi Kareem صلى الله عليه وسلم se qehqaha laga kar hansna saabit nahin, tabassum aap aksar
farmate the aur kabhi aapse zihak yaani mamooli hansna bhi saabit hota tha.
Hazrate Aaisha farmati hain maine Nabi Kareem صلى الله عليه وسلم ko kulli taur par hanste huye kabhi nahin
dekha yaani aap صلى الله عليه وسلم zyada taur par tabassum farmate the humesha zihak yaani hansna aap ka
mamool nahin tha. Kai ahadees mein aapka zihak jismein dadhein zaahir ho jayein bhi saabit hai
lekin wo kabhi kabhi hota albatta khayaal rahe ke zimkhashari ne to ye kaha hai ke jin ahadees
mein ye zikr hai “Beshak aap صلى الله عليه وسلم hanse yahan tak ke aapki dadhein zaahir ho gai” iska haqeeqi
maayne motabar nahin balki sirf itna saabit hai ke kabhi kabhi tabassum se kuchh zyadti ho jaati
warna nawaajiz aakhiri dadhon ko kaha jaata hai itna hansna aap se saabit nahin.
Behooda qehqehe lagana insaan ke dil ko murda bana deta hai. Hansi ki baat par insaan poori
koshish kare ke aawaz ko jitna kam kar sake utna kare gali koochon mein zor zor se hansna
insaniyat ka kaam nahin, daurane asbaaq itna hansna ke aawaz door door tak sunai de ye kisi tarah
bhi mustehasan nahin.
tAZKIRATUL AMBIYA Hazrate Dawood wa Suleman
213
Choonti ke kalaam mein ajeeb hikmat
Ek wajah to waazeh hai ke usne dusri choontiyon ko raunde jaane ke dar se apne masaakin mein
chale jaane ka hukm diya, dusri wajah Allama Raazi rahmatullah alaihi ne ye bayan farmai ke
maine baaz kitabon mein dekha ke usne apni qaum ko gharon mein dakhil hone ka hukm isliye
diya ke ye meri qaum hazrat Suleman alaihissalam aur unke lashkar aur unke jalaal e shaan, kamaal
aur unki azmat ko dekh kar kahin ALLAH TA’ALA ki nematon ka kufraan (nashukri) na kar dein
ke humein to itni azeem nematein haasil nahin isliye unhein hukm diya ke gharon mein dakhil ho
jao taaki unhein hazrat Suleman alaihissalam ki azeem nematein nazar na aayein aur na hi apni
nematon ki nashukri karein.
Isse ye sabaq milta hai ke insaan dunya daaron ki mahaafil mein kam jaaye unke dunyavi maal wa
mata’a (poonji) se uska dil na lalchaye.
Insaan choonti se kam aql kyun?
Choontiyon ki malka ne jab unhein gharon mein dakhil hone ka hukm diya to kaha ke tumhein
kuchal na daalein Suleman alaihissalam aur unka lashkar be khabari mein aise haal mein ke wo be
khabar ho’n keh kar usne ye saabit kar diya ke usey ye maloom hai ke ALLAH TA’ALA ke Nabi
masoom hote hain wo gunahon se paak hote hain ye unse kabhi na hoga ke wo in haiwanon ko
zaalimana taur par qatl kar dein haan albatta bhool aur be khabari ki wajah se unse aisa ho sakta
hai is mein azeem tambeeh hai ke ismate Ambiya par yaqeen rakhna waajib hai ismein shak karna
imaan ko zaaya karna hai.
Allama Raazi rahmatullah alaihi ki is behas se waazeh hua ke wo insaan jo Ambiya -e- kiraam ko
maaz’Allah gunahgaar thehrate hain wo choonti se bhi kam aqal hain kahan insaan aur kahan
choonti? Khudara insaan ko haiwanon se zyada aqal aani chahiye Ambiya -e- kiraam ki ismat par
kaamil imaan hona laazim hai.
Choontiyon ki samajhdaari
Choontiyon ke haalat mein ghaur wa fikr karne se ye waazeh ho jaata hai ke ALLAH TA’ALA ne
unhein bhi sha’oor wa samajh de rakhi hai yehi wajah hai ke ye garmiyon mein itna tosha jama
kar leti hain jo sardiyon mein unhein kaafi ho sake aur ye daanon ke do do tukde kar deti hain is
darr ke peshe nazar ke ye nami (paani ki tari) se kahin ug na pade albatta dhaniya aur masoor ke
chaar chaar tukde kar deti hain kyun ke unke do tukde kar bhi diye jayein to wo phir bhi ug padte
hain jaise tukde na kiye jayein to ugte hain iske baad Allama Aalusi rahmatullah alaihi farmate
hain “choontiyon ke mutalliq jo bayan kiya gaya hai isse aur qism ki misalon se pata chalta hai ke
unhein ilm kulli istedalali haasil hota hai, shaikhul ashraaf ne isi par dalaail qaa’im kiye hain ke
tamam haiwanaat ko nafs naatiqa yaani kulliyaat ka idraak haasil hota hai”.
Tambeeh: Tafseer Kabeer aur Madaarik mein zikr kiya gaya hai ke Hazrat Qataada “Koofa” mein
tashreef laaye to log aapki taraf mutawajjeh hona shuru huye aap radiallaho ta’ala anhu ne farmaya
jo chahte ho tum mujhse sawaal puchh sakte ho wahan Imaam Abu Haneefa rahmatullah alaihi
bhi maujood the jo us waqt naujawan bachhe the aap rahmatullah alaihi ne puchha Suleman
alaihissalam wali “namlata” (choonti) muzakkar thi ya muannas? To wo laa jawab ho gaye baad
aaza Imaam Abu Haneefa rahmatullah alaihi ne khud bataya ke wo muannas thi unhone puchha
tAZKIRATUL AMBIYA Hazrate Dawood wa Suleman
214
tumhein ye baat kahan se pata chali? To aap rahmatullah alaihi ne jawab diya ke ALLAH TA’ALA
ne farmaya منلة قالت agar muzakkar hota to منلة قال hota yaani قالت muannas hain قال muzakkar hain
aur choonki lafz ki tarah muzakkar aur muannas donon ke liye istemaal hota hai muzakkar aur
muannas ke darmiyaan farq ke liye lafz zarur “zakar” aur “unsa” ka izaafa karte hain, hamaamata
zakar (kabootar) hamaamata unsa (kabootari) aur isi tarah shaata zakar (bakara) aur shaata unsa
(bakari) kaha jaata hai taaham Allama Aalusi ne farmaya ke mumkin hai ke lafz ka aitebaar karke
segha muannas zikr kiya gaya ho yaani jab aisa lafz ho jo ba aitebaar lafz ke muannas ho aur ba
aitebaar maayne ke muzakkar ho uske liye fe’al muzakkar aur muannas donon laa sakte hain albatta
lafz ka aitebaar karna zyada faseeh hai.
Nabi Kareem صلى الله عليه وسلم ne farmaya “Yak chashm janwar, andhe aur bahut laaghar ki qurbani na kiya
jaaye”.
Yahan bhi Nabi Kareem صلى الله عليه وسلم ne lafz “shaata” aur “baqrat” waghaira ka aitebaar karke muannas
sifaat zikr ki hain halanki qurbani ke liye muzakkar aur muannas janwaron ka hukm ek hi hain
koi muannas ki takhsees nahin lihaza mumkin hai منلة قالت mein lafz منلة muannas hain iska aitebaar
karke muannas segha قالت istemaal kar liya gaya ho aur maayne mein muzakkar aur muannas
donon ka ahtemaal ho.
Imaam Aazam Abu Haneefa rahmatullah alaihi ne kaise ye sawaal kiya aur kaise Abu Qataada
azeem ilm rakhne ke bawajood laa jawab huye?
Ibne Muneer ne kaha ke agar ye waaqiya saabit ho jaaye to mujhe ye ilm nahin ke taajjub Abu
Qataada ke laa jawab hone par kiya jaaye ya Imaam Abu Haneefa rahmatullah alaihi ke sawaal
karne par kiya jaaye ke aapne aisa sawaal kyun kiya hai? Aakhir mein Allama Aalusi rahmatullah
alaihi ne tehreer farmaya zyada munasib yehi hai ke ye waaqiya un donon buzurgon ki taraf
mansoob karna hi sahih nahin.
Hud hud ka lashkar se gaayab hona aur takht bilqis ki
khabar laana
“Aur parindon ka jaaiza liya to bole mujhe kya hua main hud hud ko nahin dekhta
ya wo waaqai haazir nahin? Zarur main usey sakht azaab karunga ya zibah karunga
ya koi raushan sanad mere paas laaye to hud hud kuchh zyada der na thehra aur
aakar arz ki ke main wo baat dekh aaya hoon jo huzoor ne na dekhi aur main shehar
‘saba’ se huzoor ke paas ek yaqeeni khabar laaya hoon maine ek aurat dekhi ke un
par badshahi kar rahi hai aur usey har cheez mein se hissa mila hai aur uska bada
takht hai. Maine usey aur uski qaum ko paaya ke ALLAH TA’ALA ko chhod kar
sooraj ko sajda karte hain aur shaitan ne unke aamaal unki nigaah mein sanwaar kar
unko seedhi raah se rok diya hai to wo raah nahin paate”.
Hazrat Suleman alaihissalam apni tamam riyaaya ki dekh bhaal karte, lashkar mein tamam
parindon ko dekhte ke kaun sa maujood hai aur kaun sa gaayab hai khusoosan aap apni riyaaya
mein se kamzoron ke haal ka zyada khayaal karte the. Aap alaihissalam ne jab apne lashkar mein
tamam parindon ka jaaiza liya to “hud hud” parindon ka sardar maujood nahin tha jiska naam
‘yafoor’ tha to aapne bila ijazat uske ghair maujood hone par ghusse ka izhaar karte huye farmaya
ke ya to wo aane par koi maqool daleel pesh kare ke kyun maujood nahin warna main usey sakht
tAZKIRATUL AMBIYA Hazrate Dawood wa Suleman
215
saza dunga. Yazeed bin rumaan kehte hain “ke aapke saza dene ka matlab ye tha ke main uske parr
ukhaad dunga” jis tarah humara muhaawara hai chamdi udhed dunga ya usey zibah kar dunga.
Hud hud ka khusoosi taur par jaaiza lene ka maqsad ye bhi ho sakta tha ke wo paani ki talaash
karta tha, jahan wo apni chonch rakhta tha wahan jinn us zameen ko khodte aur paani nikaalte isi
tarah hud hud khusoosi taur par hazrat Suleman alaihissalam par saaya karne ka fareeza bhi sar
anjaam deta tha.
Faayda: Allama Qurtubi likhte hain ke is aayat se maloom hua ke haakim ka farz hai ke wo apni
riyaaya ke haalat ka jaaiza leta rahe aisa na ho ke uski be khabari ki wajah se taaqatwar kamzoron
par zulm dhaate rahein, unke huqooq ko pamaal karte rahein. Hazrat Farooq Aazam radiallaho
ta’ala anhu par ALLAH TA’ALA reham farmaye wo humesha apni riyaaya ke ahwaal se ba khabar
raha karte, aap ne ek dafa farmaya “Yaani agar yahan se door daraaz ilaaqa mein dariya e furaat ke
kinare par kisi bhed ke bachhe ko koi bhediya pakad le to uske liye bhi umar ko jawab deh hona
padega”. Iske baad allama mausoof hasrat wa afsos ka izhaar karte huye apne zamana ke hukkaam
ki be khabari aur farz shanasi par gehare ranj wa ghum ka izhaar karte the.
Hud hud ki wapasi
Zyada der na guzari ke “hud hud” wapas aa gaya choonki usey hazrat Suleman alaihissalam ka
khauf daaman geer tha choonki parinde aapke bahut hi zyada taabe the jis tarah baaqi insaan wa
jinn aapke taabe the. Hud hud aapki khidmat mein darr aur aapke adab wa ahteraam ke peshe
nazar apni dum ko dheela kiye huye aur apne paron ko zameen se ghaseet’te huye haazir hua aap
ne ghussa se uske sar ko apni taraf kheencha to usne kaha aey Allah ke Nabi ye bhi yaad rakho ke
ek din aap ko aur aapki qaum ko ALLAH TA’ALA ke darbaar mein khada hona padega ye sun kar
Suleman alaihissalam par kapkapi taari ho gai aur usey maaf kar diya. Hazrat Akrama radiallaho
ta’ala anhu farmate hain ke usey isliye bhi maaf kar diya tha wo apne maa’n baap ka farmabardar
tha, unke paas ta’aam (khana) lakar unhein khilaya karta tha kyun ke wo budhe the.
Hud hud takheer ki wajah bayan karta hai
Hud hud ne aapko bataya ke meri takheer ki wajah ye thi ke mulk saba chala gaya tha wahan se
aisi khabar laaya hoon jiska aapko pehle ilm nahin wahan ek malka hai jiska naam “bilqis bint
sharaheel” hai jiske paas dunya ka har qism ka maal wa mata’a hai aur uska takht bahut bada hai
uske takht ki lambai 80 zara’a aur chaudai 40 zara’a aur bulandi 30 zara’a hai aur wo takht sone
chaandi ka bana hua hai aur motiyon surkh yaqoot sabz zamurd ka us par shringaar kiya hua hai
uske paaye bhi yaqoot aur zamurd ke bane huye hain aur wo saat kamaron mein band hai ek kamra
dusre kamre mein is tarah saat kamre hain, har ek ka darwaza band hai.
Suleman alaihissalam par makhfi kyun?
Sawaal ye hota hai ke hazrat Suleman alaihissalam shaam (syria) mein the aur “saba” yeman ka
darul hukoomat tha sirf teen marhale ki masaafat (doori) thi phir aap par bilqis ka takht makhfi
kaise raha to iska jawab ye hai “Beshak ALLAH TA’ALA ne maslehat aur hikmat ke peshe nazar
aap par makhfi rakha jaise hazrat Yusuf alaihissalam ka makaan hazrat Yaqoob alaihissalam par
makhfi rakha”. Hikmat ismein ye thi ke aap ALLAH TA’ALA ka shukr aur hamd karein aur usse
dua karein kyun ke jab aap ko ilm ata kar diya gaya to ye aap par ek khusoosi inaam tha halanki
tAZKIRATUL AMBIYA Hazrate Dawood wa Suleman
216
aapko hikmat nubuwat aur kaseer uloom ata kiye gaye the aur is mamooli baat ko makhfi rakh kar
ALLAH TA’ALA ne apni azeem qudrat ko bhi zaahir farma diya.
Saba shehar ke mutalliq
Imaam Yaqoot Hamwi Ma’ajamul Baldaan mein ‘saba’ ke mutalliq likhte hain “Saba yeman ke ek
ilaaqe ka naam hai jiska markazi shehar ma’arib hai jo sana’a (yeman ka maujooda darul hukoomat)
se teen din ki masaafat par hai”.
Yesh’hab bin yaarib bin qehtaan ke bete saba naami ki aulaad wahan aabad hui isliye ye ilaaqa saba
kehlaya.
“Saba” ek shehar ka naam hai jise saba bin yeshhab bin yaarib bin qehtaan ne aabad kiya tha ye
shehar difai lihaaz se bahut mustehakam aur ganjaan aabad tha iski hawa badi pakeeza aur bahut
meethi thi baghaat ki kasrat thi jinke phal bade lazeez the, tarah tarah ke haiwanaat ba kasrat paaye
jaate the, safai ka ye haal tha ke makkhi machchhar ka naam wa nishaan tak na tha, ird gird
pahadon ka silsila tha, baarish hoti to paani beh kar registanon mein zaaya ho jaata. Malka bilqis
ke ahde hukoomat mein do pahadon ke darmiyaan ek zabardast band (dam) tameer kiya gaya
jismein baarish ka paani jama ho jaata is band ke ikhraaj ke upar neeche kai surakh the hasbe
zarurat unhein khol kar paani le liya jaata jo mukhtalif neharon ke zariye tamam ilaaqa ko sairaab
karta, log bahut khushhaal ho gaye khushhaali apne humraah aesh wa ishrat aur fisq wa fajoor ko
le aai. Jab unki nafarmaniya had se badh gai to qehare ilaahi sailaab ki soorat mein zaahir hua band
(dam) toot gaya saara ilaaqa barbaad ho gaya iska zikr Quran paak mein kai mawaaqe par aaya hai.
Bilqis aur uski qaum ka mazhab
Wo sooraj ki parastish karne wale the kuchh unmein aag ki pooja karne wale bhi aur kuchh zindeeq
be deen yaani ye zameen wa aasmaan ke nizaam chalane ya paida karne ke qaa’il nahin the balki
ye kehte ke ye nizaam baghair kisi chalane wale ke chal raha hai shaitan ne unke liye sooraj ki
ibadat aur tarah tarah ke kufr aur bure aamaal ke raaste muzayyan kar rakhe the. Wo hi shaitan ya
uska baatil raah ko muzayyan karna haq raah se unke rokne ka sabab bana jiski wajah se wo raahe
raast par na aa sake unhone shaitani raah ko hi haseen wa jameel samjha.
Faayda: Jab ye Quran paak aur tafaseer se waazeh hai ke wo qaum kafir thi aur ye bhi waazeh hai
ke kafiron ke taur tareeqe musalmanon ke liye koi daleel nahin to ab mas’ala roze raushan ki tarah
nikhar kar saamne aa gaya ke bilqis ka malka hona, aurat ki sarbarahi ke jawaaz par koi daleel
nahin kafiron ne usey sarbarah banaya hua tha. Ab bhi koi kafir ye kahe ke aurat sarbarahe
mamlikat ban sakti hai to usey ye haq pahunchta hai kyun ke jab wo islaam se hi door hai to jo
chahe kahe islami qawaneen to musalmanon ke liye hain kuffar ke liye nahin. Kisi islami mulk
mein bhi agar be deen log kisi aurat ko haakim bana lein to unke is qabeeh (bure) amal se aurat ki
haakmiyat ka jawaaz saabit nahin hoga balki unka ye amal khuda aur uske Rasool ke ahkaam se
baghaawat hi samjha jayega. Ulema kiraam ne apna fareeza ada kar diya hai musalmanon ko bata
diya hai ke aurat ko haakim banana jaiz nahin ab iske baad is burai ke murtakib hone wale ALLAH
TA’ALA aur uske Rasool ke saamne khud jawab deh hain. Lutf ki baat ye hai ke bikao maulvi
ziddi aur hat dharm maulvi jo kisi waqt ek hi raag alaap rahe the ye bhi buri wo bhi bura unmein
se baaz ki aankhein khul chuki hain ke mulk ko tabaahi ke kinare par pahunchane wala kaun hai?
tAZKIRATUL AMBIYA Hazrate Dawood wa Suleman
217
Wo to ab kisi mard ko achha samajh ne lage. Bikao maal, paise ko deen samajh ne wale se ye bhi
na ho saka ke wo aurat ki sarbarahi ko jaiz keh sake balki usne bhi ajeeb mantiq pesh ki ke aurat
ki sarbarahi ko hum jaiz nahin samajhte balki bardasht kiye huye hain yaani paisa mil raha hai,
nigahon ki mulaqaatein ho rahi hain, dil khush ho raha hai isliye sharab peena ya peshab peena
najaiz to hai lekin bardasht karke hadap kar lete hain.
Musalmanon ke liye to Bukhari shareef ki hadees kaafi hai jo hazrat Ibne Abbas radiallaho ta’ala
anhuma se marwi hai ke Nabi Kareem صلى الله عليه وسلم ko jab ye khabar mili ke Ahle Faaras ne Binte Kisra ko
apni malka bana liya hai to aap صلى الله عليه وسلم ne farmaya “Hargiz wo qaum kamyaab nahin hogi jinhone
apne umoor aurat ke supurd kar diye” yaani aurat ko haakim banane wale kabhi kamyaab nahin
ho sakenge zillat unka muqaddar hogi mulk ko tabaah kar denge loot maar se udham macha denge.
Hud hud ki baat ki tehqeeq :
“Aap ne farmaya hum poori tehqeeq karenge is baat ki ke too ne sach kaha hai ya
too bhi ghalat bayani karne walon se hai”.
Hazrat Suleman alaihissalam ne kaha ke hum teri baat ki poori tehqeeq karenge isse ye maloom
hua ke haakim ke saamne agar koi uzr pesh kare to wo usko thukra na de balki usey qabool kare
aur uski chhaan been (inspection) kare aur tehqeeq karne ke baad uske mutalliq faisla kare. Huzoor
صلى الله عليه وسلم ka irshad giraami hai “Yaani ALLAH TA’ALA se zyada uzr ko pasand karne wala koi nahin
isliye usne Quran naazil kiya aur Rasool mab’oos farmaye”.
Bilqis ki taraf Suleman alaihissalam ka khat (letter)
“Suleman (alaihissalam) ne kaha mera ye khat jakar un par daal phir unse alag hat
kar dekh wo kya jawab dete hain? Wo aurat boli aey sardaron! Beshak meri taraf ek
izzat wala khat daala gaya beshak Suleman (alaihissalam) ki taraf se hai aur beshak
wo ALLAH TA’ALA ke naam se jo nihayat meharbaan reham wala hai ke mujh par
bulandi na chaho aur ita’at karte huye mere huzoor haazir ho”.
Hazrat Suleman alaihissalam ne khat tehreer farmaya us par kastoori lagai band karke us par mohar
laga di hud hud ko diya ke ise le jao aur bilqis ko pahuncha do hud hud khat lekar gaya to usey
sote huye paaya wo apne mehal mein soyi hui thi wo jab soti thi tamam darwaze band kar deti thi
chabiyan apne sar ke neeche rakhti thi. Uska takht andar saatwein kamre mein tha hud hud
makaan ke raushan daan se dakhil hua aur khat uske seene par rakh diya jab ke wo leti hui thi.
Ek riwayat mein hai ke jab hud hud uske paas pahuncha to uske darbari lashkari uske paas maujood
the hud hud kuchh der aur phad phadaya log ye dekh rahe the yahan tak ke bilqis ne bhi upar
nigaah utha kar dekha to hud hud ne khat uski god mein daal diya jo usne khat dekha to kaanp
gai darte huye apni qaum ke sardaron ko khat ke mazmoon se khabar kiya.
Bilqis ne khat ko izzat wala kaha
Aapke khat ko kitaabe kareem kehne ki teen wajoohaat thi:
1) Ek to ye ke us khat ka mazmoon bahut hi haseen tha.
2) Dusri ye wajah thi ke ek kareem yaani izzat wale karam wale badshah ki taraf se ye khat aaya
hai lihaza ye khat bhi izzat wala hai.
3) Teesri wajah ye thi ke khat sar ba muhar tha aur jis khat par mohar lagi hui hoti thi usey kareem
tAZKIRATUL AMBIYA Hazrate Dawood wa Suleman
218
khat (letter) kaha jaata tha.
Nabi Kareem صلى الله عليه وسلم ne bhi jab badshahon ki taraf khutoot (letters) likhne ka iraada farmaya to aapne
mohar banwai thi kyun ke aapko bataya gaya tha ke badshah baghair mohar ke khat qabool nahin
karte. Mumkin hai ke ek wajah ye bhi ho ke bilqis bawajood sooraj parast hone ke ALLAH
TA’ALA ko bhi kisi tarah maanti ho jaise butt parast logon ke mutalliq Rab ta’ala ne farmaya “Aey
mehboob agar aap in mushrikon se sawaal karein zameen wa aasmaan ka khaaliq kaun hai to zarur
zarur kahenge Allah” ho sakta hai usne khat ko kareem isliye kaha ke ye Suleman ki taraf se hai
aur ise bismillah se shuru kiya gaya hai.
Ambiya -e- kiraam ke khutoot ke mazameen
Beshak Ambiya -e- kiraam apne khutoot wa mawaaiz ko lamba nahin karte balki apne maqsad par
hi ikhtesaar karte hain.
Hazrat Suleman alaihissalam ka khat poore mazmoon ko shamil tha agarche mukhtasar tha lekin
maqsood ismein mukammal tha isliye ke makhlooq se do cheezon ka hi maqsad talab kiya jaata
hai ek ye ke tum ilm haasil karo aur dusra ye ke tum ALLAH TA’ALA ke ahkaam par amal karo
aur ilm amal par muqaddam hota hai.
Aap alaihissalam ne khat “Bismillah hirrehma nirrahim” se shuru farmaya jismein Allah ke
mutalliq ilm maujood hai isliye ke bismillah shareef se pata chalta hai ke kainaat ka khaaliq
maujood hai aur wo “laa mehdood” ilm ka maalik hai, wo har cheez ki qudrat rakhta hai, humesha
humesha ke liye zinda hai, wo kaam se pehle iraada bhi farmata hai, uska har kaam hikmat ke
taqaaza ke mutabiq hota hai, wo apni makhlooq par raheem hai kyun ke meharbaan aur reham
wala usi waqt ho sakta hai jab ye tamam sifaat usmein maujood ho’n.
Amal ka daar wa madaar awaamir wa nawaahi par hai yaani jin kaamon ka hukm diya jaaye un
par amal kare aur jin kaamon se roka jaaye un kaamon se ruk jaaye. Aapke khat mein ye ke mujh
par bulandi na chaho khwahishaat e nafsaaniya ki ita’at aur takabbur karne se nahin hai yaani un
kaamon se roka gaya hai aur muteea (farmabardar) ban kar mere paas haazir ho ye amar hai ke
meri farmabardari karo aur ALLAH TA’ALA par imaan lao. Waazeh hua ke aapka khat nihayat
mukhtasar hone ke bawajood deen wa dunya ke zaruri ahkamaat par mushtamil tha.
Aitraaz: Hazrat Suleman alaihissalam ne apne khat ko bismillah shareef se pehle apne naam se
kyun shuru kiya yaani َن
ِلمْی َْ
سُ
ِمْ
ُ
ه
َ
ّ
انِ bismillah se pehle hai halanki ALLAH TA’ALA ke ism e giraami
ko pehle zikr karna chahiye tha.
Jawab: “Haasha wa Kalla” Suleman alaihissalam ne khat ko apne naam se shuru nahin farmaya
balki aapne Bismillah Hirrehma Nirrahim se ibteda ki lekin bilqis ne apni qaum ke sardaron ko
ye bataya ke ye khat Suleman alaihissalam ki taraf se aaya hai goya َن
ِلمْی َْ
سُ
ِمْ
ُ
ه
َ
ّ
انِ ye alfaaz bilqis ke
hain is ke baad usne khat ko ibteda se padha jo bismillah se shuru ho raha tha. ALLAH TA’ALA
ne isi andaaz par bilqis ka qaul aur aapke khat ki hikaayat bayan farmai.
Bilqis ka khat ke mutalliq mashwara
“Boli aey sardaron! Mere is maamle mein mujhe raay do main kisi maamla mein koi qatai faisla
nahin karti jab tak tum mere paas haazir na ho. Wo bole hum zor wale aur badi sakht ladai wale
hain aur ikhtiyar tera hai too nazar kar ke kya hukm deti hai”.
tAZKIRATUL AMBIYA Hazrate Dawood wa Suleman
219
Fatwa ka matlab hi ye hota hai ke koi naya waaqiya darpesh aane par kisi se koi raay talab ki jaaye
bilqis ne bhi apni qaum ke sardaron ke dil ko khush karne ke liye apni pareshani door karne ke
liye unse raay talab ki ke main us waqt tak koi qatai faisla nahin karungi jab tak tum mere paas
maujood hokar mujhe apni raay nahin doge.
Qaum ke sardaron ne kaha ke humare paas jungi saaz wa saaman to kaafi miqdaar mein maujood
hai aur humein jismani quwwat haasil hai aur ladai mein hum saabit qadam rehna bhi jaante hain
yaani ladai ka daro madaar do cheezon par hai quwwate jismaniya aur ladai mein saabit qadami ye
bhi humein haasil hai aur quwwate arziya ladai ke hathiyar jungi saaz wa saaman ka paaya jaana
ye bhi humare paas hai isliye agar jung karni ho to hum iske liye taiyar hain lekin hum to tumhare
hukm ke paband hain asal hukm tumhara hi hai tumhari raay hi darhaqeeqat asal raay hogi lihaza
jo hukm hoga humein manzoor hoga.
Bilqis ka jung ko napasand karna
“Boli beshak badshah jab kisi basti mein dakhil hote hain to usey tabaah wa barbaad
kar dete hain aur uske izzat walon ko zaleel karte hain aur aisa hi karte hain aur main
unki taraf ek tohfa bhejne wali hoon phir dekhungi ke aelchi kya jawab lekar palat’te
hai”.
Bilqis ne kaha ke Suleman alaihissalam badshah hain badshah jab kisi mulk par hamla aawar hote
hain wahan ke logon ko qatl kar dete hain kuchh ko qaidi bana lete hain kuchh ko jila watan kar
dete hain izzat wale logon ko zaleel karne mein koi kasar nahin chhodte, badshahon ka yehi tareeqa
e kaar hai.
Khayaal rahe ke Rab ne “Wo izzat walon ko zaleel karte hai” nahin kaha halanki ye mukhtasar tha
aur iska maayne bhi yehi tha ke wo izzat walon ko zaleel karte isliye جعلو se ye saabit kiya ke wo
zaleel karne mein poori koshish karte hain ismein koi kami nahin rehne dete. Bilqis ne kaha jab
badshahon ki ye shaan hai to humein sirf apni tadad, apni taaqat, jungi saaz wa saaman aur
mukammal taiyari par bharosa nahin karna chahiye ke hum zarur fateh haasil kar lenge shikast
(haar) bhi ho sakti isliye suleh ki raah ikhtiyar karni chahiye.
Hadiya bhejne ki wajah
Bilqis ne kaha dekhte hain ke Suleman alaihissalam badshah hai ya Allah ka Nabi agar badshah
hai to hum usey maal dekar khush kar lenge wo hadiya qabool kar lega aur agar wo ALLAH
TA’ALA ka Nabi hua to hadiya qabool nahin karega phir humein chahiye ke hum uske deen ko
qabool kar lein. Bilqis ne hazrat Suleman alaihissalam ko aazmane ke liye kaseer tadad mein
ghulaam kaneezein sona chaandi kastoori amber aur yaqoot waghaira bheje ke ho sakta hai ke maal
se kaam chal jaaye agarche hadiya ki miqdaar muhaqqeqeen ke qaul ke mutabiq mutayyan nahin
taaham hadiya mein tanween tazeem ki hai jo hadiya ke bahut bade hone par dalaalat kar rahi hai.
Allama Raazi rahmatullah alaihi farmate hain “Hadiya ki tareef mein logon ne bahut kalaam kiya
hai taaham iska zikr Quran paak mein nahin yaani itna imaan rakhna kaafi hai ke wo hadiya
badshahi shaan ke mutabiq bahut bada hadiya hoga kya tha, kitni miqdaar mein tha is behas mein
padne se koi faayda haasil nahin”.
tAZKIRATUL AMBIYA Hazrate Dawood wa Suleman
220
Hadiya ko dekh kar Suleman alaihissalam ka jawab
“Phir jab wo Suleman (alaihissalam) ke paas aaya farmaya kya maal se meri madad
karte ho to jo ALLAH TA’ALA ne mujhe diya hai wo behtar hai usse jo tumhein
diya balki tum hi apne tohfe par khush hote ho, palat ja unki taraf to zarur hum un
par wo lashkar layenge jinki unhein taaqat na hogi aur zarur hum unko shehar se
zaleel karke nikaal denge yoon ke wo past honge”.
Aapne farmaya ALLAH TA’ALA ne mujhe deen, nubuwat, uloom ata farmaye hain jo sa’adat
ukhrawiya sa’adat e abdiya ke asbaab hain aur ALLAH TA’ALA ne mujhe dunya ka maal wa daulat
bhi itna ata farma diya hai ke jis par zyadti ki koi zarurat nahin.
“Mere jaise shakhs ko is qism ke hadiye se kaise apni taraf maa’il kiya ja sakta hai?”
Is hadiya par tum khud hi khush hote raho ke tumhein ye hadiya haasil hai, ye hadiya jo tum
mujhe de rahe ho uski qadr wa manzilat humare nazdeek to kuchh nahin tumhein hi uski koi qadr
hogi isliye tum khud hi is par khush hote raho, is qism ke hadiye qabool karna tumhara hi haq hai
aur tumhein hi aise hadiye se khushi hoti hai humein to aise hadiye ki na zarurat hai aur na hi
hum aise maal ko dekh kar khush hote hain. Hadiya laane wale qaasid ko aap (Suleman)
alaihissalam ne kaha “Jao apni qaum ke paas laut kar chale jao aur apni malka ko bata do ke agar
tum ne kufriya aqaaid sooraj parasti waghaira ko na chhoda aur mere laaye huye deen par imaan
na laaye to hum apne lashkar se tumhari sarkobi karenge, tumhein zaleel wa khwar kar denge aur
tumhein sheharon se zaleel karke nikaal denge tumhein muqabla karne ki taaqat haasil nahin hogi”.
Quran paak mein jo lafz لهم قبل لٓ istemaal hua hai uska maayne ye hai ke unhein muqabla karne
ki taaqat haasil nahin hogi kyun ke haqeeqatan قبل ka maayne hi muqabla karna hai.
Suleman alaihissalam ka bilqis ka takht mangwana
“Suleman (alaihissalam) ne farmaya aey darbariyon tum mein se kaun hai ke wo
uska takht mere paas le aaye isse pehle ke wo mere paas mutee hokar haazir ho’n”.
Bilqis ka qaasid jab hadiye wapas lekar gaya aur Suleman alaihissalam ka paigham pahunchaya to
wo samajh gai ke aap Nabi hain aapse jung karna mumkin nahin. Usne Suleman alaihissalam ke
paas aane ki taiyari kar li, chalne se pehle usne apne takht ke tamam kamaron ke darwaze band
kiye kyun ke wo saatwein kamre mein thi uski hifazat ke liye peharedar muqarrar kar diye. Khud
apni qaum ke sardaron ko sath lekar aapki taraf mutawajjeh hui aur aap ki taraf paigham bhej diya
ke main apni qaum ke bade bade sarkarda log sath laa rahi hoon dekhna chahti ho’n ke tum kis
deen ki humein daawat de rahe ho? Suleman alaihissalam se ek farsakh ki doori par wo pahunch
gai to aapne apne darbariyon ko kaha ke iska takht kaun layega?
Takht ki talab mein hikmat
Aapne bilqis ke takht ko apne paas mangwane ka iraada kyun farmaya iski chand wajahein hain:
1) Iski ek wajah ye thi ke jab Bilqis aaye to uske aane se pehle jab uska azeem takht jo band kamaron
mein hai aur peharedaron ki hifazat mein hai yahan hoga to ALLAH TA’ALA ki qudrat aur
Suleman alaihissalam ki nubuwat ka usey pata chalega to wo imaan laane ki taraf maa’il hogi.
2) Dusri wajah ye thi ke takht ki azmate badshahi ke wus’at par dalaalat karti hai isliye aap ne kaha
ke uske aane se pehle hi pata chal jaaye ke uski badshahi mein kitni wus’at hai?.
tAZKIRATUL AMBIYA Hazrate Dawood wa Suleman
221
3) Teesri wajah ye thi ke kafiron ke maal ko haasil karna jaiz tha, abhi wo kafira thi aapne khayaal
kiya ke uska takht abhi mangwa liya jaaye to uski milkiyat humein haasil ho jayegi.
4) Chauthi wajah ye thi ke aap uski zehani aazmaish karna chahte the ke uski aqal wa feham kitni
hai kyun ke aapne hukm diya tha. Aapne hukm diya shakl badal do uske liye uske takht ki, hum
dekhte hain ke wo haqeeqat par aagah hoti hai ya ho jaati hai un logon mein se jo haqeeqat ko
nahin pehchante.
Yaani aapne takht mangwane ke baad uski shakl mein taghayyur wa tabaddul karne ka hukm diya
tha iski wajah ye thi ke aapne farmaya hum dekhte hain ke wo apni tabdeel shuda takht ko
pehchanti hai ya nahin aap uski samajh aur danai ka andaza lagana chahte the ke isi se pata chal
jayega ke wo ALLAH TA’ALA ke deen ko bhi samajh sakti hai ya nahin.
ALLAH TA’ALA ke vali ki taaqat jinn se zyada
“Suleman (alaihissalam) ne jab farmaya takht kaun layega to ek bada khabees jinn
bola ke main wo takht aapki khidmat mein haazir karunga isse pehle ke aap ijlaas
barkhast karein aur beshak main us par quwwat wala amaanat daar hoon, usne arz
ki jiske paas kitaab ka ilm tha ke main usey aapki khidmat mein haazir karunga ek
pal maarne se pehle. Phir jab Suleman (alaihissalam) ne takht ko apne paas rakha
dekha kaha ye mere Rab ke fazl se hai taaki mujhe aazmaye ke main shukr karta
hoon ya nashukri aur jo shukr kare wo apne bhale ko shukr karta hai aur nashukri
kare to mera Rab be parwah hai sab khoobiyon wala”.
“Ifreet” sarkash wa khabees ko kaha jaata hai yaani aisa khabees wa munkir jo apne sathiyon par
sarkashi aur khabaasat kare yaani jinnon mein se ek sarkash khabees jinn jise apni taaqat par naaz
tha, ne kaha main bilqis ke takht ko aapke saamne aapke ijlaas barkhast karne se pehle le aaonga.
Hazrat qataada radiallaho ta’ala anhu ka qaul hai ke Suleman alaihissalam subah se lekar zuhar tak
majlise adaalat qaa’im farmate the jismein logon ke darmiyaan faisle farmate the goya us jinn ka
matlab ye tha ke main aadha din guzar ne se pehle pehle aapke paas pahuncha dunga kyun ke
mujhe itne bade azeem takht ka uthana koi bhaari mehsoos nahin hoga main badi badi cheezon
ko uthane ki taaqat rakhta hoon yaani yahan qawi ka maayne qaadir liya gaya hai aur main wo
takht laane mein kisi qism ki koi khayanat nahin karunga na isse kuchh toduga aur na hi ismein
koi taghayyur wa tabaddul karunga balki amaanat ka paas karunga.
Allah ke Wali ne kaha
Chunanche ek aur aadmi khada hua usne moaddebana iltemaas (adab se guzarish) kiya ke agar
mujhe irshad ho to aankh jhapakne se pehle takht wahan se utha kar aapke qadamon mein lakar
rakh du aapne ijazat marhemat farmai aur jab aapne aankh kholi to takht wahan maujood tha.
Aap alaihissalam ne apne ek khaadim ki is quwwat ka mushaahida kiya to dil mein ghuroor wa
nakhoowat ke jazbaat paida nahin huye balki fauran saraapa niyaaz ban kar apne maula ka shukr
ada karne lage arz kiya ye mere Rab ka fazl wa karam hai jisne mujhe itni izzat aur sarfarazi bakhshi
hai ke mere khuddam aisa kaam kar sakte hain iske baad farmaya fazl bahut badi aazmaish hai
ALLAH TA’ALA mujhe aazmana chahta hai main uski inaayat e jaleela par uska shukr ada karta
hoon ya nashukri ka izhaar karta hoon.
tAZKIRATUL AMBIYA Hazrate Dawood wa Suleman
222
Imtehaan kabhi musibat se aur kabhi aasaish se liya
jaata hai
Musibat aur takleef ko to hum sab imtehaan aur aazmaish tasawwur karte hain lekin jo farhat wa
suroor ka daur aata hai jab uske inamaat ki be muhaaba baarish hone lagti hai to hum is baat ko
bhool jaate hain ke ye bhi imtehaan hai aur pehli qism ke imtehaan se bada sakht imtehaan hai
ismein kamyaab hona bade dil gurde ka kaam hai, takaalif wa masaib ke imtehaan mein kamyaab
wo hota hai jo sabr ka daaman mazbooti se pakad le aur aaram wa aasaish ki aazmaish mein
kamyaabi ka sehra uske sar baandha jaata hai jo shukr guzaar ho aur shukr ka sirf ye matlab nahin
ke aap sirf zabaan se hi shukriya ada karte rahein balki haqeeqi shukr ye hai ke us nemat ko is tarah
istemaal kiya jaaye jismein ALLAH TA’ALA ki raza aur khushnoodi ho.
Shukr karne mein insaan ka apna bhala
Hazrat Suleman alaihissalam ne kaha:
“Yaani aur jisne shukr kiya to wo shukr karta hai apne bhale ke liye”.
Ye keh kar bata diya ke ALLAH TA’ALA ka shukr ada karke tum us par koi ahsaan nahin kar rahe
ho balki apne liye mazeed nematon ka darwaza khol rahe ho aur agar tum ne nashukri ki to mazeed
inayaat ka silsila munqata’a ho jayega balki apne pehle inamaat se bhi hath dhona padega. ALLAH
TA’ALA ghani aur kareem hai agar koi uska shukr guzaar banda bana rahe to wo usey aur zyada
deta jayega kyun ke wo ghani hai uske khazane bhare pade hain aur wo kareem hai uska daste jood
wa ata sakhawat karta hi rehta hai.
Takht laane wala kaun tha?
Ek cheez abhi tehqeeq talab hai ke wo kaun shakhs tha jisne dam bhar mein bilqis ka shaahi takht
1500 meel ki masaafat “saba” se baitul muqaddas pahuncha diya? Neez wo takht kahin sehan mein
to pada nahin hoga balki qasre shaahi ki kisi mehfooz tareen jagah rakha hoga aur uski nigehbaani
ke liye khusoosi peharedaron ka intezaam bhi hoga.
Iske mutalliq kisi ne hazrat Khizr alaihissalam ka naam aur kisi ne Hazrate Jibreel alaihissalam ka
naam aur kisi ne Aasif bin Barkhiya rahmatullahi alaihi ka naam liya aur ye aakhri qaul zyada
mashhoor hai lekin Quran ne uska naam nahin liya balki uski sifat se uska taarruf kara diya yaani
us shakhs ne ye baat kahi jiske paas kitaab ka ilm tha jisse saaf pata chalta hai ke uski ye sifat aisi
thi jiska is muhayyarul uqool (aqlon ko hairan karne wale) kaar naame ki anjaam dehi ke sath
khusoosi taalluq tha.
Imaam Abdul Qaahir Jirjaani ne لغهَالب ارسار mein tasreeh ki hai ke jab kisi faa’il ki tauseef sila se ki
jaaye to us fe’al ke sudoor mein is sila ko khusoosi dakhal hota hai. Is tehqeeq se maloom hua ke
us shakhs mein ye quwwat aur taaqat paida hone ki wajah ye thi ke uske paas الکتاب م علم kitaab
ka ilm tha.
Is aayate kareema se karamaate auliya ka saboot bhi ho gaya aur ye baat bhi waazeh ho gai ke agar
Suleman alaihissalam ka ek ummati kitaab ke ilm ki barkat se aisa kaam kar sakta hai to Sayyidul
Ambiya wal Mursaleen صلى الله عليه وسلم ki ummat ka vali jo kitaab ka hi nahin balki kitabul mubeen ka aalim
aur iske asraar wa maarif par aagah hai usse aise umoor ka sarzad hona kya mushkil hai? Wo log jo
tAZKIRATUL AMBIYA Hazrate Dawood wa Suleman
223
huzoor Nabi Kareem صلى الله عليه وسلم ki ummat ke auliya e kaamleen ki karamaat ka inkaar karte hain unhein
Quran kareem ki is aayat mein baar baar ghaur karna chahiye.
Tambeeh: Humare tajaddud pasand mufassereen likhte hain ke aap (Suleman) alaihissalam ne
jab bilqis ki aamad ki khabar suni to apne darbariyon se kaha tum mein koi aisa hai jo bilqis ke
baith ne ke liye koi takht bana de taaki jab wo yahan aaye to usey us par baitha diya jaaye. Unki is
taweel ko dekh kar barmala ye kehna padta hai ke wo arabi lughat ke mubadeyaat se bhi nawaaqif
hain warna wo “ke tum mein se kaun mere paas uska takht laa sakta hai” ka ye tarjuma hargiz na
karte aur agar unhein itna ilm hai to ye baawar karne mein koi shubah nahin rehta ke Quran ki
tasreehaat par unka dil nahin jamta, khule bandon iska inkaar karne ki bhi jurrat nahin kar sakte
aur buzdili ke baa’is apni qalbi munafeqat ko tehreef ke pardon mein chhipane ki koshish kar rahe
hain.
Bilqis, Suleman alaihissalam ke darbar mein
“Phir wo jab aai usse kaha gaya ke tera takht aisa hi hai? Boli goya ye wo hi hai aur
humko is waqiye se pehle khabar mil chuki aur hum farmabardar huye”.
Jaisa ke pehle guzar chuka hai ke hazrat Suleman alaihissalam ne bilqis ke aane se pehle uske takht
mein taghayyur wa tabaddul kara diya tha taaki ye maloom kiya ja sake ke wo kitni aqal wa samajh
ki maalka hai? Uske aane par puchha kya tumhara takht aisa hi hai usne jawab diya goya ye wo hi
hai. Hazrat Suleman alaihissalam ne usse puchhte huye ye nahin kaha kya yehi tera takht hai?
Kyun ke agar aap ye sawaal karte to aazmane ka maqsad faut ho jaata, isse to usey jawab dene ki
taraf ishaara mil jaata. Bilqis ka jawab bhi nihayat aqalmandi par mauqoof tha yaani usne ye nahin
kaha ye wahi hai kyun ke bilkul wahi nahin tha balki taghayyur wa tabaddul kiya gaya tha aur usne
ye bhi nahin kaha ye wo to nahin kyun ke darhaqeeqat takht to wo hi tha iski nafi karni bhi durust
nahin thi isliye usne badi aqalmandi se jawab diya goya ke ye wahi hai yaani hai to wahi lekin
ismein kuchh tabdeeliyan kar di gai hain.
Usne ye bhi kaha ke humein pehle hi aapki nubuwat, ilm, mojizaat aur ALLAH TA’ALA ke
mutalliq ilm tha aur dil se to pehle hi tasleem kar chuki thi sirf aapke paas aakar dil ko zyada tasalli
dena maqsood tha.
Itni aqalmand aurat sooraj parast kyun rahi
“Aur usey roka us cheez ne jise ALLAH TA’ALA ke siwa poojati thi beshak wo kafir
logon mein se thi”.
Wo choonki aisi qaum mein thi jo kufr mein raasikh thi isi wajah se wo islaam ke izhaar par qaadir
na ho saki.
Yaani Suleman alaihissalam ke khat ke baad usey kaafi had tak aap alaihissalam ki haqqaaniyat ka
ilm ho chuka tha lekin phir wo islaam ko zaahir na kar saki kyun ke wo kafir qaum mein paida
hui thi kafir qaum mein reh rahi thi.
Bilqis ka chamak daar farsh ko paani samajhna
“Usse kaha gaya sehan mein aa phir jab usne use dekha gehra paani samjhi aur apni
pindliyan kholi Suleman alaihissalam ne farmaya ye ek chikna sehan hai, sheeshon
zada, aurat ne arz ki aey mere Rab maine apni jaan par zulm kiya aur ab imaan laati
tAZKIRATUL AMBIYA Hazrate Dawood wa Suleman
224
hoon Suleman (alaihissalam) ke sath ALLAH TA’ALA par jo saare jahanon ka
parvardigar hai”.
Hazrat Suleman alaihissalam ne bilqis ke aane se pehle safed sheeshe ka ek mehal tameer karaya jo
paani ki tarah nazar aata tha mehal banwane ki garz ye thi ke bilqis malka hai wo sirf apne
intezamaat ko hi na dekhti rahe balki usey aapki nubuwat aur khilafat ki azmat aur aapki majlis ka
rob maloom ho jaaye. Us ballooreen farsh ke neeche paani aur machhaliyan bhi thi aapka takht
uske darmiyaan tha, jab usey kaha gaya ke is mehal mein dakhil ho jao aur takht par chal kar baith
jao to usne farsh ko paani samajh kar pindliyon se kapda upar chadhaya to aapne farmaya ye to
balloor ka bana hua farsh hai paani nahin to usey jaldi hi apni ghalti ka ahsaas hua aur Suleman
alaihissalam ki azmat, nubuwat aur nooraniyat ne aisa asar kiya ke barmala kehne lagi maine aaj
tak apni umr gawa di apni jaan par kufriya aqaaid ke mazaalim dhaati rahi ab to Suleman
alaihissalam ke sath ALLAH TA’ALA par imaan laati hoon, is tarah bilqis ko daulat e imaan naseeb
hui.
Tambeeh: Ye jo mashhoor hai aur baaz mufassereen ne bhi tehreer kiya hai ke aap ko khabar kiya
gaya tha ke bilqis waise to khubsoorat hai lekin uski pindliyan badsoorat hain, gadhe ki khuron ki
tarah hain ya baaz ne kaha ke aap alaihissalam ko bataya gaya tha ke uski pindliyon par baal hain
to aap alaihissalam ne uski pindliyon ko dekhne ke liye aisa farsh banwaya tha ye durust nahin,
Nabi ki shaan e azmat ke sarasar khilaaf hai.
Isi ke mutalliq Allama Raazi rahmatullah alaih farmate hain “sheeshe ka mehal chamakdaar farsh
bichhane ka maqsad faqat majlis ko ba rob banana aur izhaare nubuwat tha, bilqis ka pindliyon
ko nanga karna uski apni ghalat fehami ki wajah se tha usne chamakdaar sehan ko paani samajhte
huye apni pindliyon se kapda upar kiya tha goya ke wo paani se guzarna chahti hai”.
Ye waaqiya bilkul isi qism ka hai jaise Hazrat Aamir Bin Sa’ad radiallaho ta’ala anhu apne baap se
riwayat karte hain beshak Nabi Kareem صلى الله عليه وسلم ne unke liye apne maa’n baap ko jama kiya mushrikon
mein se ek shakhs ne musalmanon ko jala kar rakh diya (yaani uske hathon musalman bahut tang
aa chuke the) to Nabi Kareem صلى الله عليه وسلم ne farmaya mere maa’n baap tum par qurbaan ho’n ise teer
maaro (maa’n baap ko jama karne ka yehi maayne hai) wo kehte hain maine apna teer nikaala
halanki usmein lohe ki nok nahin thi maine wo hi uske pehlu par gaad diya wo gira uska satar khul
gaya wo nanga ho gaya Nabi Kareem صلى الله عليه وسلم usey dekh kar hanse yahan tak ke aapki dadhein mujhe
nazar aane lagi is hadees ke maatehat Allama Nawawi rahmatullahi ta’ala alaihi tehreer farmate
hain “Nabi Kareem صلى الله عليه وسلم ke hansne ki wajah Hazrat Sa’ad ka dushman ko qatl karna hai aap uske
nange nangeez ko dekh kar nahin hanse the”.
Kisi ke nange nangeez ko dekh kar hansna Nabi ki shaan ke laayaq nahin na hi aap صلى الله عليه وسلم ne aisa
kabhi kiya, hazrat Suleman alaihissalam ne bhi aisa koi iraada nahin farmaya ke aapne ghair
mehram aurat ki nangi pindliyan dekhi.
Ghair yaqeeni waqiyaat
Kuchh waqiyaat jo hazrat Suleman alaihissalam ki taraf mansoob hain unko naql karne ke baad
Allama Aalusi rahmatullah alaihi farmate hain “Ye jitni khabarein bhi hain unke sahih hone ya
jhoota hone mein kuchh pata nahin mumkin hai ke baaz waqiyaat jhoote ho’n jinki taraf dil maa’il
hota hai ALLAH TA’ALA hi haqeeqat e haal behtar jaanta hai”.
tAZKIRATUL AMBIYA Hazrate Dawood wa Suleman
225
Wo waqiyaat jin par yaqeen nahin kiya gaya unhein Ruhul Mua’ani mein is tarah naql kiya gaya:
1) Bilqis ne hazrat Suleman alaihissalam ki taraf ghulaam aur laundiyan bheji, ghulamon ko zanana
libaas pehnaya gaya, unke hathon mein kangan aur kaanon mein baaliyan pehnai gai aur laundiyon
ko mardana libaas pehnaya gaya aur unhein hidayat ki ke ghulamon ko auraton ki tarah kalaam
karna hai aur laundiyon ko mardon ki tarah aur sath hi ye bhi kaha ke Suleman alaihissalam ko
kehna agar tum Nabi ho to ghulamon aur laundiyon mein farq karke dikhao aur batao kaun se
ghulaam hain aur kaun si laundiyan?
2) Ek ko usne moti diya jismein suraakh nahin tha iske mutalliq kaha ke Suleman alaihissalam ko
kehna agar tum Nabi ho to ismein suraakh kara do aur ye kaam insanon aur jinnon se nahin
karana.
3) Aur ek moti diya jismein suraakh tedha tha iske mutalliq ye keh kar bheja ke ismein dhaaga
daal do aur bheje huye qaasid ko kaha ke dekhna agar wo shakhs tumhein jawab sakht kalaami,
tund mizaaji se de to wo badshah hoga usse darna nahin main us par ghaalib aa jaongi aur agar wo
shakhs khush akhlaaqi, narm mizaaji lataafate taba’a, narm goi se jawab de to samajhna ke wo
Nabi hai phir uski baat ko ghaur se sunna aur samajhna.
Bilqis ne ghulaam aur ghulaama bama’a sone chaandi ke zewraat sone aur chaandi ki eintein, moti
la’al wa jawaahar, ambare kastoori, ghorhe waghaira kaseer tadad mein bataur hadiya bheje lekin
Suleman alaihissalam ne wo hadiya aane se pehle hi 9 farsakh tak sone aur chaandi ke mehallat
jinnon se tameer kara diye, daryaai janwar mangwa liye jinke paron ke ajeeb wa ghareeb rang the,
ghorhe ki tarah unki gardan aur peshani ke baal the, murgh ki tarah unke sar par kalghiyan thi.
Jinn, insaan, janwar, darinde, parinde garz ye ke har qism ki makhlooq ko aapne apne paas kai kai
meelon tak safon (lines) mein khada kar diya, hadiya laane wale ne ye manzar dekh kar apne hadiya
ko haqeer samjha.
Suleman alaihissalam ne khush tabai se usse mulaqaat ki usne bilqis ka khat aapki khidmat mein
pesh kiya. Hazrat Suleman alaihissalam ne usse dibiya talab ki usne dibiya dete huye kaha ke is ko
kholne se pehle batana ismein kya hai? Jibreel alaihissalam aaye unhone aapko bataya to aap
alaihissalam ne us shakhs ko kaha ke ismein ek moti baghair suraakh ke hai aur ek tedhe suraakh
wala usne kaha aapne sach kaha. Usne kaha ke baghair suraakh moti mein suraakh kar do aur tedhe
suraakh wale manke mein dhaaga daal do, aap alaihissalam ne farmaya ke moti mein suraakh kaun
karega? Deemak (lakdi khane wala keeda) ne kaha ye kaam main karunga usne apne munh mein
ek baal liya aur moti mein ek sire se ghoom kar dusre sire se nikal gaya, aap alaihissalam ne us
keede se puchha tumhari koi haajat ho? Usne kaha haan! Aey Allah ke Nabi mera rizq darakhton
mein kar do aap alaihissalam ne usey kaha theek hai tumhara rizq darakhton mein hi hoga. Phir
aap ne tedhe suraakh wale manke (moti) ko hath mein liya aur farmaya ismein dhaaga kaun dalega?
Ek safed rang ka keeda aaya aur usne kaha ye kaam main karunga usne dhaaga apne munh mein
liya aur ek taraf se dakhil hua aur dusri taraf se nikal gaya aap alaihissalam ne usse puchha agar
tumhari bhi haajat ho to batao usne kaha haan Allah ke Nabi mera rizq phalon mein kar do aapne
farmaya theek hai tumhein phalon se hi rizq milega.
Phir hadiya (tohfa) laane wale ne kaha aap ghulamon aur laundiyon mein tameez karein unke
hijaab hatane se pehle batao, aapne farmaya sab hath dho’o jab unhone hath dhone shuru kiye to
tAZKIRATUL AMBIYA Hazrate Dawood wa Suleman
226
jo donon hath ek sath dhone lage aapne kaha ye ghulaam hain aur jinhone pehle paani ek hath
mein liya aur phir dusre hath par daala aap ne farmaya ye laundiyan hain.
Guzashta se pewasta
Suleman alaihissalam ne hud hud ko gaayab pakar jo irshad farmaya ismein زحبنه لٓ ka zikr hai
jismein “laam” ke baad “alif” zaa’id likha gaya hai ba zaahir “alif” ke zaa’id karne ki wajah nazar
nahin aa rahi hai lekin ek shaandaar nukta tehreer kiya gaya hai “Ke ismein is baat par mutanabbeh
kiya gaya hai ke waaqiya mein zibah nahin hua”.
Yaani aap alaihissalam ne farmaya tha ke main zibah kar dunga ya wo koi daleel lekar aayein, usne
daleel pesh kar di thi isliye zibah se mehfooz raha.
Rab ki yaad ke liye ghodo se muhabbat
“Jab ke us par pesh kiye gaye teesre pehar ko ke rokiye to teen paanv par khade ho’n,
chauthe sum ko kinaara zameen par lagaye huye aur chalaye to hawa ho jayein to
Suleman (alaihissalam) ne kaha mujhe un ghodo ki muhabbat pasand aai apne Rab
ki yaad ke liye, phir unhein chalane ka hukm diya yahan tak ke nigaah se parde mein
chhup gaye (nigaah se ojhal ho gaye) phir hukm diya ke unhein mere paas laao (jab
wapas laaye gaye) to unki pindliyon aur gardanon par hath pherne laga”.
Hazrat Suleman alaihissalam ne hukm diya ke un par ghode pesh kiye jayein taaki unhein dekhein
aur unke ahwaal ki kaifiyat par waaqif ho’n to aap ke hukm ke mutabiq ghodo ko asr se din ke
aakhir tak pesh kiya jaata raha, ghodo ki do lafzon se sifaat bayan ki gai hain “saafnaat aur jiyaad”.
“Saafan” ka ek maayne ye bhi hai ke donon qadamon ka ek qataar mein rakhna aur ghoda jab teen
qadamon par zor daal kar khada ho chauthe qadam ka sum sirf zameen par mamooli sahaara lagaye
huye ho to usey bhi saafan kehte hain maqsade bayan ye hai ke wo aise ghode the jab unhein khada
kiya jaata to nihayat aaram sukoon se khade ho jaate.
“Jiyaad” tez ghodo ko kaha jaata hai yaani jab wo chalte hain to hawa ki tarah tez chalte hain lekin
unki tez raftaari aisi nahin hoti ke sawaar ko gira dein balki tez raftaari mein bhi sawaar ko sukoon
haasil rehta hai aapne kaha “Mujhe in ghodo ki muhabbat pasand aai hai apne Rab ki yaad ke
liye”.
Allama Raazi rahmatullah alaihi is tafseer mein farmate hain “Yaani mujhe un ghodo ki itni
shadeed muhabbat dunyavi khwahishaat wa lazzaat ki wajah se nahin balki sirf ALLAH TA’ALA
ke hukm aur uski yaad ki wajah se hai”.
Jis tarah Quran paak mein ghodo ko jihaad ke liye paalne ka hukm aur tareef ko zikr kiya gaya hai
usi tarah “Tauraat” mein bhi zikr kiya gaya tha. Aap alaihissalam ghodo ko sirf ALLAH TA’ALA
ki razamandi ke liye dekh rahe the ke isse Rab aur uske hukm ki yaad haasil ho rahi hai jab ek
martaba ghodo ko aapke saamne guzaar diya gaya aur wo aapki nigaah se ojhal ho gaye to aapne
phir unhein laut aane ka hukm diya. Jab bhi aapke qareeb se ghorhe guzaare jaate to aap un se azru
e muhabbat unki pindliyon aur gardanon par hath pherte aur sath sath apni ummat ko apne is
fe’al se ye taleem de rahe the ke haakime waqt ko aksar kaam apne hath se bhi sar anjaam dene
chahiye aur wajah ye bhi thi ke aap ko ghodo ke amraaz ka ilm bhi haasil tha aap is wajah se bhi
un par hath pher rahe the ke ghodo ke ahwaal, amraaz, uyoob dekhein ke kisi mein koi nuqs to
tAZKIRATUL AMBIYA Hazrate Dawood wa Suleman
227
nahin agar ho to uska ilaaj kiya jaaye. Allama Raazi rahmatullah alaihi ne ye tafseer bayan karne
ke baad farmaya “Ye tafseer jo hum ne zikr ki hai Quran paak ke alfaaze mubaraka ke mutabiq
yehi hai aur hum par laazim nahin ke aise waqiyaat ko bayan karein jo durust nahin”.
Ek mashhoor lekin ghair motabar waaqiya
Isi aayate kareema ki tafseer mein baaz hazraat ne bayan kiye ke hazrat Suleman alaihissalam par
ghode pesh kiye jaate rahe yahan tak ke sooraj ghuroob ho gaya aapki asr ki namaz faut ho gai
aapne hukm diya ke ghodo ko mujh par wapas lautaya jaaye jab ghode aap par wapas lautaye gaye
to aapne unki taange katwa di, gardanein uda di ke wo meri namaz ke faut hone ka sabab bane
hain.
Allama Raazi rahmatullah alaihi ise radd karte huye farmate hain ke agar ye maan liya jaaye to
ALLAH TA’ALA ke is irshad “Mujhe un ghodo ki muhabbat pasand aai apne Rab ki yaad ke liye”
ke khilaaf hai kyun ke jab aapko ghodo se muhabbat ALLAH TA’ALA ki yaad ke liye thi to namaz
aap ko kabhi nahin bhool sakti thi aur na hi aap ALLAH TA’ALA ki yaad ko chhod sakte the neez
ismein kai kharabiyan laazim aati hain قِا
َ
ن
ْ
ع
َ ْ
آل
َ
ِقو
ْ
و
ُ
ِِبلسّ
ا
ً
ح
سْ
َ
م
َ
ِفق
َ
ط
َ
ف ka maayne ye liya jaaye ke aapne
talwaar se unki pindliyon aur gardanon ko kaata to phir wuzu ke hukm mein Rab ke irshad:
ْ
وِسك ُ
ُ
ِر
واب
ُ
ح
سَ
ْ
ام
َ
و mein bhi maayne ye nahin hoga ke tum apne saron ka masah karo balki ye maayne
karna padega tum apne saron ko talwaron se kaato, kya ye maayne koi aqalmand tasleem kar sakta
hai nahin hargiz nahin yaqeenan jab ye maayne ghalat hai to hazrat Suleman alaihissalam ki taraf
bhi is qism ka matlab mansoob karna bhi ghalat hai aur ismein kai kharabiyan ye laazim aayengi
ke Suleman alaihissalam ne namaz chhod di aur aap par dunya ki muhabbat ghaalib aa gai thi ke
aap ghodo ko dekhte rahe namaz ke taarik (chhodne wale) ban gaye halanki Nabi Kareem صلى الله عليه وسلم ne
irshad farmaya “Dunya ki muhabbat har qism ke gunahon ki asal hai”.
ALLAH TA’ALA ke mutalliq aisa gumaan karna kaise sahi ho sakta hai? Phir aapse (maaz’Allah)
agar namaz chhodne ka azeem gunaah sarzad hua tha to aapko tauba karni chahiye thi jihaad wale
ghodo ki gardanein udane ka kya maqsad tha? Phir agar maan liya jaaye ke aapne Rab ko kaha ke
mujh par sooraj ko wapas lautaya jaaye to ye aur hi bahut badi kharabi ka baa’is banega idhar
namaz chhodne ka gunaah udher tauba ke bajaye Rab ko hukm dena ye darhaqeeqat Rab ki shaan
mein gustakhi hai aur iska seegha bhi is maayne ko radd kar raha hai aur ALLAH TA’ALA ne Nabi
Kareem صلى الله عليه وسلم ko farmaya “Humare bande Dawood ko yaad karo” iske baad aapke bete Suleman
alaihissalam ka zikr farmaya goya ke Rab ta’ala ne yoon irshad farmaya “Aey Muhammad صلى الله عليه وسلم ye
kuffar jo aapse kehte hain is par sabr kijiye aur humare bande Suleman ko yaad karo”.
Ab iske baad agar waaqiya is tarah bayan kiya jaaye jisse pata chale ke Suleman alaihissalam achhe
aamaal, achhe akhlaaq ke maalik the aur ALLAH TA’ALA ki ita’at karne wale the, dunya ki
khwahishaat wa lazzaat se door the to kalaam ka koi maqsad nikal sakta hai ke Rab ne Huzoor صلى الله عليه وسلم
ko aapki ye sifaat bata kar tasalli di aur agar ye bayan kiya jaaye ke aap dunya ki muhabbat ki wajah
se namaz chhod kar azeem gunahon ke murtakib ho jaate the to kalaam ka maqsad hi faut ho
jayega (maaz’Allah) kya Huzoor صلى الله عليه وسلم ko ye kaha gaya ke aap bhi aisa karein.
Allama Raazi rahmatullah alaihi ne is mashhoor waaqiya ko badi tafseel se radd kiya aur aakhir
mein farmaya “Main logon par bahut bada taajjub karte huye ye kehta hoon ke unhone ye kamzor
wajooh kaise tasleem kar li hain jin ko aqal bhi nahin maanti aur shari’at ke bhi khilaaf hain”.
tAZKIRATUL AMBIYA Hazrate Dawood wa Suleman
228
Suleman alaihissalam ka “Insha Allah” kehna bhool jaana
“Aur beshak humne Suleman (alaihissalam) ko jaancha aur uske takht par ek bejaan
badan daal diya phir rujoo laaya”
Is aayate kareema ki tafseer mein muhaqqeqeen mufassereen kiraam ne is waaqiya ko naql kiya hai
jo Rasoolullah صلى الله عليه وسلم ka irshad giraami Bukhari wa Muslim ne riwayat kiya hai ke Rasoolullah صلى الله عليه وسلم ne
farmaya “Hazrat Suleman alaihissalam ne kaha main aaj raat 70 auraton se jima’a (sohbat) karunga
(aapki shari’at mein chaar se zyada nikah karna mana nahin tha) har aurat se ek bachha paida hoga
jo bahut bada shehsawaar hoga aur ALLAH TA’ALA ki raah mein jihaad karega. Aap alaihissalam
ne ‘In sha Allah’ na kaha, aap ne 70 auraton se jima’a kiya lekin koi bhi aurat haamila na hui siwaye
ek aurat ke, uska bachha bhi na mukammal bejaan paida hua”.
Khayaal rahe ke Muslim mein 70 auraton ka zikr hai aur Bukhari mein 40 auraton ka zikr hai.
Neez ye bhi riwayaat mein aaya ke aap ko firishton ne kaha “In sha Allah kaho” lekin aapne na
kaha, aapka na kehna bhool kar tha ya qasdan tha kisi soorat mein bhi gunaah nahin kyun ke
firishte ka hukm maanna aap par koi farz nahin tha, firishte ke kehne par aapka “In sha Allah” na
kehna zyada se zyada tark aula (behtar kaam ko chhodna) paaya gaya hai ise gunaah nahin kaha ja
sakta agarche Ambiya -e- kiraam ke tark aula ko bhi “zanab” se tabeer kar diya jaata hai.
“Jism se muraad wo hi na mukammal bejaan bachha hai aur kursi par daal ne ka matlab ye hai ke
daaya ne wo bachha lakar uske takht ya kursi par ek bejaan jism daal diya”.
“Us bejaan bachhe ko pehle kursi par rakha gaya aur kursi par utha kar laaya gaya wo aapki god
mein rakh diya gaya ke aap dekhein”.
Nabi Kareem صلى الله عليه وسلم ne farmaya “Qasam hai us zaat ki jiske qabza e qudrat mein Muhammad (meri)
ki jaan hai agar Suleman alaihissalam “In Sha Allah” keh lete to tamam auraton se bachhe paida
hote aur tamam ke tamam bade shehsawaar aur ALLAH TA’ALA ki raah mein jihaad karne wale
hote”.
Is aayate kareema ki tafseer mein Allama Raazi rahmatullah alaihi ne ek aur taujeeh bhi bayan ki
hai ke jise Peer Karam Shah Sahab haseen wa jameel alfaaz mein tehreer karte huye farmate hain:
“Aap alaihissalam kisi bimari mein mubtala ho gaye bimari itni shadeed aur iska arsa itna taweel
tha ke aapka kadiyal jism haddiyon ka dhaancha ban kar reh gaya, wo azeem shaahi takht jis par
aap baith’te the to aapke rob wa jalaal ki wajah se jinn wa ins par larza taari ho jaata tha, ab zuaf
wa naqaahat ke baa’is jism bahut laaghar ho gaya tha takht par jab tashreef rakhte to aisa maloom
hota ke ek be rooh aur bejaan jism jo kisi ne utha kar kursi par daal diya hai aap alaihissalam ne
bargahe ilaahi mein bade ijz wa niyaaz se apni sehat ke liye dua ki jo qabool hui aap alaihissalam
bilkul sehat yaab ho gaye aur jahanbaani ke faraiz pehle ki tarah badi shaan wa shaukat se anjaam
dene lage”.
Suleman alaihissalam ke haq mein yahoodi ki gustakhi
Yahoodiyon ne hazrat Suleman alaihissalam ke mutalliq manghadat waaqiya pesh kiya kisi nek
aadmi ke mutalliq aisa gumaan karna bhi mumkin nahin che jaaye ke ALLAH TA’ALA ke Nabi
ke mutalliq aisi banawati kahaniyan mansoob ki jayein, yahoodiyon ne kaha: “Suleman
alaihissalam ko samundar mein ek shehar ki khabar mili ke wahan koi shakhs hukoomat kar raha
hai aapne apna lashkar sath liya aur hawa ko hukm diya jisne aap ko aur aapke lashkar ko wahan
tAZKIRATUL AMBIYA Hazrate Dawood wa Suleman
229
pahuncha diya aap alaihissalam ne us shakhs ko jo wahan ka haakim tha qatl kara diya aur uski ek
bahut hi khubsoorat beti thi jiska naam “jaraadah” tha usey aapne apne liye pasand kar liya, wo
islaam le aai aap bhi usse bahut zyada muhabbat karte the, wo humesha apne baap ko yaad karke
roti rehti thi Suleman alaihissalam ne shaitan ko hukm diya ke ise iske baap ki tasweer bana kar de
do taaki usey dekh ne se tasalli haasil rahe uske baap ki shaitan ne tasweer bana di us aurat ne
tasweer ko apne baap ke libaas ki tarah hi libaas pehna diya, subah wa shaam apni laundiyon ko
sath le jakar usey sajda karti thi. Suleman alaihissalam ko unke wazeer aasif ne jab is maamla ki
khabar di to aapne tasweer ko todne ka hukm diya aur us aurat ko saza di phir akele jungle ki taraf
nikal gaye, khaakistar par baith kar ALLAH TA’ALA se tauba karne lage”.
Suleman alaihissalam ki ek laundi “umme walad” bhi jise “ameena” kaha jaata tha jab aap tahaarat
ke liye tashreef le jaate ya apni azwaaj se majaame’at ka iraada farmate to apni anguthi utaar kar
“ameena” ko de jaate aap ki badshahi anguthi mein thi. Aap anguthi pehan rakhte to insaan wa
jinn aapke taabe hote aap utaar dete to koi bhi aapke hukm ko maanne ke liye taiyar na hota. Ek
din aapne anguthi ameena ke paas rakhi aap qaza e haajat ke liye chale gaye, dariyao par mutsarrif
shaitan Suleman alaihissalam ki shakl mein ameena ke paas aaya aur kaha aey ameena meri anguthi
de ameena ne anguthi usey de di wo anguthi pehan kar aap ke takht par baith gaya tamam insaan
jinn parinde waghaira uske ird gird jama ho gaye usi ka hukm un par chal raha tha aur ye uske
taabe the.
Suleman alaihissalam ki shakl badal di gai thi jab aap qaza e haajat se faarigh hokar ameena ke paas
aaye ke meri anguthi do to usne inkaar kar diya tum Suleman alaihissalam kab ho jao apna kaam
karo Suleman alaihissalam to apni anguthi le gaye hain.
Aapko maloom ho gaya ke meri khata ki wajah se mujhe giraft mein le liya gaya hai, aap logon ke
gharon par dastak dete unke saamne khane ke liye hath phailate ke mujhe khane ko kuchh mil
jaaye jab aap batate ke main Suleman alaihissalam hoon to log aap par mitti daalte aur aap ko
gaaliyan dete aakhirash aapne machheron ki ghulaami ikhtiyar kar li unki machhaliyan ek jagah se
utha kar dusri jagah pahunchate wo aapko do machhaliyan har roz de dete aap usi se guzar auqaat
karte rahe.
Chalees din isi haal mein guzar gaye kyun ke chalees din aapke ghar butt parasti hoti rahi thi jab
aap ke chalees din guzar gaye udher aasif aur bani israel ke bade bade leaderon ne shaitan ka hukm
maanne se inkaar kar diya shaitan aapke takht ko chhod kar chala gaya aur anguthi ko dariya mein
daal diya usko machhali ne nigal liya, machhali jab aapke hath mein aai to aapne uske pet ko chaak
kiya to anguthi mil gai aapne anguthi pehan li aur aapko hukoomat wapas mil gai aap ne sajda e
shukr ada kiya.
Allama Raazi rahmatullah alaihi ne ise bahut shiddat wa tafseel se radd kiya aur farmaya “Yaqeenan
ye jaan lo ke ye muhaqqeqeen ke nazdeek laghw aur baatil kalaam hai”.
Is qism ka maamla shaitan ulema se bhi nahin kar sakta Ambiya -e- kiraam se kaise kar sakta hai?
Neez Allah ki hikmat ke khilaaf hai ke wo shaitan ko Suleman alaihissalam ki azwaaj par musallat
karta aur hazrat Suleman alaihissalam ka soorat banwa kar dena waghaira sab laghwiyaat hain.
Suleman alaihissalam ki dua
“Phir wo (humari taraf) mutawajjeh huye arz ki mere Rab mujhe maaf farma de aur
tAZKIRATUL AMBIYA Hazrate Dawood wa Suleman
230
ata farma mujhe aisi hukoomat jo kisi ko muyassar na ho mere baad, beshak too hi
be andaza ata karne wala hai”.
Pehle maghfirat ke liye ilteja ki uske baad mulk wa hukoomat bakhshe jaane ka sawaal kiya, har
shakhs ka sawaal apne zarf ke mutabiq hua karta hai neez jisse sawaal kar raha hai uski qudrat wa
ikhtiyar aur jood wa ata ko bhi peshe nazar rakha jaata hai yahan maang ne wale hazrat Suleman
alaihissalam hain aur jisse maang rahe hain wo Rabbul Aalmeen hai, wo akramul akrameen hai,
usse bada sahab e qudrat ikhtiyar bhi koi nahin aur us jaisa sakhi aur kareem bhi koi nahin.
Hazrat Allama Paanipatti rahmatullah alaihi farmate hain ke isse koi shakhs ye na samjhe ke hazrat
Suleman alaihissalam ka martaba Huzoor صلى الله عليه وسلم se bada hai Huzoor صلى الله عليه وسلم ne apni marzi se Nabi e mulk
(badshah Nabi) banne ke bajaye Nabi e abd banna pasand farmaya.
“Yaani Huzoor صلى الله عليه وسلم ka hukm har jinn wa ins par naafiz hai”.
Sahibe Qaseeda Burda farmate hain: Huzoor صلى الله عليه وسلم jab darakhton ko ishaara karte hain to wo sajda
karte huye qadamon ke baghair apne tane ke sahaare khidmate aqdas mein haazir hote hain.
Aur yahi haal khulfa e rashideen ka tha jinhone khilafat aur faqeeri donon ko jama kiya aur tamam
fazail ke jaame bane.
Nabi Kareem صلى الله عليه وسلم ne farmaya aaj raat ko sarkash shaitan meri namaz ko faasid karne ke liye mere
qareeb mandlata raha “Beshak ALLAH TA’ALA ne mujhe usse zyada quwwat de rakhi hai tehqeeq
maine iraada kiya ke main ise masjid ke sutoonon mein se ek sutoon se baandh du taaki subah
tum tamam log bhi usey dekh sako” lekin mujhe apne bhai Suleman alaihissalam ki dua yaad aai
ke aapne Rab ke huzoor arz kiya tha “Aey mere Rab mujhe maaf farma aur mujhe aisi badshahi
ata farma jo mere baad kisi ko haasil na ho”.
Huzoor صلى الله عليه وسلم ka kitna waazeh ishaara hai ke mujhe jinnon par bhi hukoomat haasil hai lekin main
iska izhaar nahin karta ke Suleman alaihissalam ka jinnon par hukoomat karna mashhoor hai.
Suleman alaihissalam ke faisle
“Aur yaad karo Dawood wa Suleman (alaihimussalam) ko jab wo faisla kar rahe the
ek kheti ke jhagde ka jab raat ke waqt chhoot gai ismein ek qaum ki bakariyan aur
hum unke faisla ka mushaahida kar rahe the”.
Ek aadmi ki bakariyan raat ke waqt chhoot gai unke sath koi aadmi na tha wo dusre shakhs ki
kheti kha gai, ye muqaddema hazrat Dawood alaihissalam ke saamne pesh hua aap alaihissalam ne
tajweez kiya ke bakariyan kheti waale ko de do choonki bakariyon ki qeemat kheti ke barabar thi,
hazrat Suleman alaihissalam ne jab faisla suna to aapne kaha ke ek soorat is se behtar aur donon
fareeqon ke liye nafa mand ho sakti hai hazrat Dawood alaihissalam ne farmaya achha tum batao
ke wo kya soorat ho sakti hai? Aap (Suleman) alaihissalam ne farmaya ke bakariyan kheti wale ko
sirf isliye di jayein ke wo unke dudh waghaira se nafa haasil karta rahe aur bakariyon wale shakhs
ko kaha jaaye ke wo us shakhs ke khet mein kaam kare aur mehnat karke zaaya (barbaad) shuda
fasal ke barabar aur fasal kaasht karke taiyar kare jab kheti apne haal par aa jaaye to kheti wale ko
uski kheti de di jaaye aur bakariyon wale ko uski bakariyan de di jayein ye faisla hazrat Dawood
alaihissalam ne bhi pasand farmaya us waqt hazrat Suleman alaihissalam ki umr 11 saal thi ye
donon faisle ijtehaadi the jo us waqt ki shari’at ke mutabiq the.
Hazrat Mujaahid rahmatullah alaihi ka qaul ye hai ke Dawood alaihissalam ka faisla qanoon ke
tAZKIRATUL AMBIYA Hazrate Dawood wa Suleman
231
mutabiq tha aur Suleman alaihissalam ka faisla un donon ke darmiyaan sulah karane ki soorat
mein tha, humari shari’at mein agar janwar khud se chhoot jayein kisi ki kheti ko nuqsaan
pahunchaye to janwaron ke maalik par koi zamaan laazim nahin.
Do auraton ke jhagde mein faisla
Hazrat Abu Huraira radiallaho ta’ala anhu se marwi hai ke Nabi Kareem صلى الله عليه وسلم ne farmaya ek waqt
do auratein thi un donon ke bachhe unke sath the, ek bhediya ek bachhe ko le gaya ek aurat ne
dusri ko kaha bhediya tumhara bachha le gaya hai dusri kehne lagi tumhare bachhe ko le gaya un
donon ke darmiyaan jhagde ne tool pakda to wo apna faisla karane ke liye hazrat Dawood
alaihissalam ke paas aa gai aapne badi ke haq mein faisla kar diya yaani un auraton mein se ek umr
mein chhoti thi aur ek badi. Jab wo donon (faisla ke baad) nikli to hazrat Suleman bin Dawood
alaihissalam ke saamne aai to unko unhone hazrat Dawood alaihissalam ke faisle ki khabar di to
aapne farmaya “Chhuri lao main iske do tukde karke tum donon ko taqseem kar du, to chhoti ne
kaha ALLAH TA’ALA aap par reham farmaye aisa na karein wo isi ka beta hai to aapne faisla
chhoti ke haq mein kar diya”.
Wazaahate hadees
Hazrat Dawood alaihissalam ne badi ke haq mein faisla kyun kiya tha?
Aap alaihissalam ne badi ke haq mein faisla isliye kiya tha ke ya to bachhe mein aapne badi se
kuchh mushahebat dekhi thi ya ho sakta hai ke aapki shari’at mein bade ko muqaddam rakha jaata
ho ya ye ke bachhe par qabza badi ka tha aur aapki shari’at mein jiska qabza hota tha uske haq ko
tarjeeh di jaati thi.
Hazrat Suleman alaihissalam ne chhoti ke haq mein faisla kyun kiya?
Isliye ke aapne dekha ke bachhe se muhabbat kise hai jab aapne farmaya ke “chhuri lao ke main
iske tukde karke tum donon mein taqseem kar du” to aapke is irshad par badi khamosh thi kyun
ke haqeeqatan wo jaanti thi ke main jhooti hoon is wajah se bhi khamosh thi ke mera beta to zaaya
ho chuka tha ye bhi qatl ho jaaye to dusri aurat ko bhi meri tarah ghum laahiq ho lekin chhoti ne
kaha huzoor ise qatl na farmayein balki ise hi de dein kyun ke jab haqeeqat mein beta hi usi ka tha
to usne azru e muhabbat bete ka qatl hona pasand nahin kiya balki uski khwahish ye thi ke mujhe
mile na mile lekin kam se kam zinda to rahe. Chhoti ke is pyaar wa muhabbat ko dekh kar hazrat
Suleman alaihissalam ne samajh liya ke ye ladka isi ka beta hai dusri ka nahin lihaza aap (Suleman)
alaihissalam ne usi ke haq mein faisla farma diya.
Hazrat Suleman alaihissalam ne hazrat Dawood alaihissalam ka faisla kaise toda?
Qanoon ye hai ke ek mujtahid dusre mujtahid ka faisla nahin tod sakta halanki donon hazraat ke
faisle ijtehaadi the “wahi” ke zariye koi ek faisla nahin tha. Hazrat Suleman alaihissalam ke faisle
se hazrat Dawood alaihissalam ka faisla ba zaahir todna durust nazar nahin aata lekin uski chand
wajahein hain:
1) Hazrat Dawood alaihissalam ne hatmi faisla nahin farmaya tha balki badi ke qabze ko dekh kar
bachha usi ke paas rehne ki raay qaa’im ki thi.
2) Hazrat Dawood alaihissalam ne fatwa jaari kiya tha fatwa mein aur qaza (faisla) mein farq hai,
qaza yaani faisla par amal laazim hota hai lekin fatwa par amal laazim nahin hota kyun ke mufti
ko amal karane ke ikhtiyar haasil nahin hote.
tAZKIRATUL AMBIYA Hazrate Dawood wa Suleman
232
3) Mumkin hai ke aap ki shari’at mein ek mujtahid dusre mujtahid ka faisla tod sakta ho aur ye
jaaiz ho.
4) Hazrat Suleman alaihissalam ne izhaare haq ke liye heela (bahaana) kiya us par chhoti ka sachha
hona jab waazeh ho gaya to hazrat Dawood alaihissalam ne khud hi apna faisla wapas le liya ho.
Dev aapke taabe
“Aur tamam me’amaar aur ghotakhor aapke taabe kar diye”.
Yaani kuchh wo jinn the jo fanne tameer mein maahir the badi badi imaarat bahut jaldi taiyar
karte aur kuchh jinn dariyao samundaron mein ghota laga kar tarah tarah ke moti, heere la’al wa
jawaahar nikaalte. Dariyao mein sabse pehle moti (manke) nikaal ne ka kaam hazrat Suleman
alaihissalam ne hi shuru kiya.
“Aur (aapke taabe kar diye) jinnon mein se wo jo uske aage kaam karte uske Rab ke
hukm se aur jo unmein se humare hukm se aeraaz kare hum usey bhadakti aag ka
azaab chakhayenge, uske liye banate jo wo chahta unche unche mehal aur tasweerein
aur bade hauzon ke barabar lagan aur langardaar denge”.
حماريب jama hai mehraab ki aur harab se liya hua hai jiska maayne ladai karna hai, yahan حماريب se
muraad wo mehallaat hain jinki hifazat ke peshe nazar unka maalik dusron se ladai kare agar wo
qabza karne ki koshish kare. متاثیل se muraad peetal, taanba balloor sang marmar waghaira se
tasweer banana lekin ye khayaal rahe ke hazrat Suleman alaihissalam ki shari’at mein tasweerein
banana jaaiz tha yehi qaul Hazrat Zahhaaq aur Abul Aaliya ka hai ek shari’at ke masail ko dusri
shari’at mein us waqt tak saabit nahin kiya ja sakta jab tak donon shari’aton mein unka hukm ek
na ho. جفان se muraad wo bartan jismein ta’am (khana) daala jaaye, aisa bartan jismein itna ta’am
aaye ke jo ek shakhs ko sair (pet bhar khana) kar sake ise “saheefta” kaha jaata hai aur jo do ya teen
aadmiyon ko sair kar sake usko “ma’ikala” kaha jaata hai aur jo paanch aadmiyon ko sair kar sake
usey “sehfa” kaha jaata hai aur jo das aadmiyon ko sair kar sake usey “qas’aa” kaha jaata hai aur
جفان mutlaqa bartan ko kaha jaata hai khwah chhota ho ya bada lekin yahan لکجواب keh kar saabit
kar diya ke bade hauzon ki tarah lagan banate the jismein se 1000 aadmi sair hokar khana kha lete
the. راسيات قدور badi badi dege banate the jinke neeche paaye hote the bahut badi hone ki wajah se
unhein utaara nahin jaata tha.
Suleman alaihissalam ki wafaat
“Pas jab humne Suleman alaihissalam par maut ka faisla naafiz kar diya pata na
bataya jinnaat ko aapki maut ka magar zameen ke deemak ne jo khaata raha aapke
asa ko pas jab aap zameen par aaye to jinnon par ye baat khul gai ke agar wo ghaib
jaante hote to (itna arsa) na rehte is ruswa kun azaab mein”.
Jinnaat ghaib daani ka daawa kiya karte the aur is wajah se insanon par apna rob baithate aur
unhein tarah tarah ki aisi baatein batate jinka taalluq umoore ghaibiya se hota ALLAH TA’ALA
ki ghairat ne unka bhaanda chaurahe mein phod diya hazrat Suleman alaihissalam ko us waqt maut
se humkinaar kiya jab wo asa par tek lagaye masroofe ibadat the aapki rooh parwaaz kar gai lekin
aapka jism mubarak asa ke sahaare jyun ka tyun (jaisa ke waisa) khada raha. Jinnaat jo aap ke hukm
se bade kathin (mushkil) aur mashaqqat talab kaamon mein jute huye the aur aapke khauf se susti
tAZKIRATUL AMBIYA Hazrate Dawood wa Suleman
233
na kar sakte the wo aapko khada hua dekhte to samajhte ke aap zinda wa salamat hain zara ghaflat
barti to khaal udhed lenge. Isi tarah poora saal guzar gaya hukme ilaahi se deemak ne asa ko chaatna
shuru kar diya, neeche se upar tak usey khokhla karne mein ek saal ka arsa beet gaya jab wo bilkul
khokhla ho gaya aur aapka bojh na seh saka to toot gaya aur aap neeche zameen par aa gaye tab
jinnaat ko pata chala ke jiske khauf se unhone apne aapko musibat mein mubtala rakha wo to arsa
se wafaat pa chuka hai to ab unke daawa ki haqeeqat faash ho gai neez wo log jo un jinnaat ki
ghaib daani ke daawe ko sachha samajh rahe the unhein bhi pata chal gaya ke ye apne daawa mein
sarasar jhoote hain.
Tabeenat ka faa’il ya to jinn hain yaani tamam jinnon par ye haqeeqat waazeh ho gai ke unke
sardar jo ghaib daani ki laafein maara karte the wo bilkul jhoote hain agar inhein ghaib ka ilm hota
to wo saal bhar apni jaan ko is musibat mein na daal rakhte ya iska mafhoom ye hai ke logon par
haqeeqat khul gai ke jinnaat ko ghaib ka koi ilm nahin.
Jinnaat ke saare ghuroor ko khaak mein milane ke sath sath ALLAH TA’ALA ne shaane nubuwat
ka mushaahida bhi kara diya, aam insaan agar asa par tek laga kar khada ho aur wo ungh jaaye to
uska tawaazun bar-qaraar nahin rehta aur fauran zameen par gir padta hai phir maut ke baad
chehre ki rangat badal jaati hai, jism mein tarah tarah ke taghayyuraat runooma hone lagte hain
lekin yahan aap saal bhar tek lagaye khade rahe, chehra usi tarah phool ki tarah shagufta raha,
badan bilkul tar wa taaza raha, taaffun aur boseedgi (jism ka badboo daar hona aur gal sad jaana)
to kuja libaas bhi waise hi paak saaf raha na mausam e garma ki hiddat loo aur habs ne jasde at’har
ko mutaassir kiya aur na mausam e sarma ka koi asar zaahir hua. ALLAH TA’ALA ne be baseerat
logon ko zaahiri aankhon se mushaahida kara diya ke Nabi ki zaahiri zindagi ki jaah wa jalaal to
tum dekhte rahe ab uske iteqaal ke baad bhi uski shaan rafeea ko dekho.
tAZKIRATUL AMBIYA Hazrate Hazqeel
234
Hazrat Hazqeel alaihissalam
“Aey mehboob kya tum ne na dekha tha unhein jo apne gharon se nikle aur wo
hazaaron the maut ke dar se to ALLAH TA’ALA ne unse farmaya mar jao! Phir
unhein zinda farma diya, beshak ALLAH TA’ALA logon par fazl karne wala hai
magar aksar log nashukre hain”.
Hazrat Ibne Abbas radiallaho ta’ala anhuma se marwi hai ke bani israel ke badshahon mein se ek
badshah ne apni qaum ko jihaad karne ke liye kaha to gharon se baahar nikal kar wo kehne lage
hum to us zameen mein nahin jayenge jahan tum humein le jaana chahte ho kyun ke wahan waba
phaili hui hai jab waba (ta’oon) wahan se zaa’il ho jayegi to phir hum jayenge. ALLAH TA’ALA
ne un tamam par jo hazaaron ki tadad mein the apne ilaaqa mein hi shehar se baahar maut ko
musallat kar diya wo 8 din tak usi haal mein rahe yahan tak ke unke jism phool gaye dusre ilaaqa
ke bani israel ko jab unki maut ka ilm hua to wo unko dafan karne ke liye aaye lekin unki badboo
ki wajah se wo unhein dafan karne se aajiz aa gaye isliye unhone unke ird gird ek deewar bana di.
Ek aur riwayat mein isi tarah zikr hai ke hazrat Hazqeel alaihissalam ne apni qaum ko daawate
jihaad di lekin unhone buzdili ka muzaahira kiya aur jihaad mein shirkat ko napasand samjha to
ALLAH TA’ALA ne un par maut musallat kar diya jab unmein se kasrat se maut hone lagi to
unhone apne sheharon se maut ke dar ki wajah se bhaagna shuru kar diya jab hazaaron ki tadad
mein sheharon se baahar nikle hi the to Hazqeel alaihissalam ne dua ki “Aey Allah! Aey Yaqoob
alaihissalam ke khuda aur aey Moosa ke khuda too apne bandon k
dua ki “Aey Allah! Aey Yaqoob
alaihissalam ke khuda aur aey Moosa ke khuda too apne bandon ki nafarmani dekh raha hai too
inhein apni koi nishani dikha jisse inhein teri qudrat ka pata chal jaaye ke wo tere qabza e qudrat
se nahin nikal sakte, to aapki is dua ke baad ALLAH TA’ALA ne aapki qaum par maut musallat
kar di wo hazaaron ki tadad mein shehar se nikle hi the ke mar gaye”.
Hazrat Hazqeel alaihissalam ne jab hazaaron ki tadad mein apni qaum ke afraad ko mara hua
dekha to aapko pareshani laahiq hui khayaal hua ke ye dobara zinda ho jayein to ALLAH TA’ALA
ne aapki taraf “wahi” ki ke aey Hazqeel tum haddiyon ko kaho aey haddiyon tumhein ALLAH
TA’ALA hukm deta hai ke tum jama ho jao aapke kehne par wo tamam haddiyan ek dusre se mil
kar jismon ke dhaanche mein mukammal ho gaye lekin abhi tak unmein gosht aur khoon nahin
tha phir ALLAH TA’ALA ne aapki taraf “wahi” ki ke ab tum ye kaho aey jismon! ALLAH TA’ALA
tumhein hukm deta hai ke tum apne gosht ka libaas pehan lo is tarah ALLAH TA’ALA ne un par
gosht chadha diya, phir ALLAH TA’ALA ne aapki taraf “wahi” ki ab tum kaho aey jismon!
ALLAH TA’ALA tumhein hukm deta hai ke tum ab uth khade ho is tarah ALLAH TA’ALA ne
un logon ko phir se zinda kar diya jab wo zinda hokar uthe to keh rahe the:
َت
ْ
ن
َ
ا
َ
ّ
ِآل
َ
ه
ی
ِال
ا
َ
ٓل
ِدكَ
ْ
م
َ
ِحب
َ
او
َ
ن
َ
ّ
ب
َ
ر
َ
مّ
ُ
ه
ی
ّ
لل
َ
ا
كَ
َ
ان
َ
ح
ْ
ب
سُ
Zinda hone ke baad bhi un par asraate maut baaqi rahe yahan tak ke jis tarah maut ke waqt unka
rang zard hua tha usi tarah zard hi raha.
“Aur unke marne ki wajah se jo unke jismon mein badboo paida hui thi wo unke paida hone ke
baad bhi baaqi rahi balki aaj tak unki aulaad mein bhi boo paai jaati hai”.
Khayaal rahe ke maut ke baad insaan mukallaf nahin rehta, us par awaamir wa nawaahi khatm ho
jaate hain lekin un logon ko zinda karne ke baad bhi mukallaf banaya gaya kyun ke ya to unhein
tAZKIRATUL AMBIYA Hazrate Hazqeel
235
maut ke waqt sakraate maut aur maut ki wajah se laahiq hone wali haulnakiyan nahin haasil hui
thi ya ye cheezein to haasil hui thi lekin ALLAH TA’ALA ne unse bhula di kyun ke ALLAH
TA’ALA jo zinda karne par qaadir hai wo kisi cheez ko zehanon se mitane par bhi qaadir hai aur
ya ye wajah hai ke ye maut un par bataur saza aadat ke khilaaf un par musallat ki gai thi isliye us
par ahkaame maut jaari nahin kiye gaye yehi wajah hai ke unhein zinda karne ke baad bhi mukallaf
banaya gaya.
Aur tehqeeqe riwayat kiya gaya hai ke murdon ko zinda karne ka waaqiya ALLAH TA’ALA ke
Nabi hazrat Hazqeel alaihissalam ke zamane mein pesh aaya aur ye murdon ko zinda karna ALLAH
TA’ALA ke Nabi ka mojiza hai.
Hazrat Hazqeel alaihissalam ki kunniyat ibnul ujooz thi kyun ke aapki paidaish ke waqt aapki
waalida ki umr zyada thi isliye aap budhiya ke bete ke naam se mashhoor ho gaye. Aap ka laqab
Zulkifl hai kyun ke aapne 70 Nabiyon ki kafaalat ki aur unko shaheed hone se bachaya ye bhi
khayaal kiya jaata hai ke ek ALLAH TA’ALA ke Nabi Zulkifl naam ke bhi hain jinka zikr pehle
ho chuka hai wo alag hai.
Faayda: Insaan maut se bhaag nahin sakta isliye ALLAH TA’ALA ne farmaya “Farma dijiye hargiz
tumhein maut se bhaagna nafa nahin de sakta khwah maut se bhaago ya qatl se, maut apne waqt
mein aakar rehti hai”.
Ismein der ya sawer nahin ye humare khayalaate baatila hain ke fulan ko maut be waqt aa gai fulan
shakhs kaash safar na karta to ye haadsa pesh na aata maut ke waqt insaan ko maut ke munh mein
jaana hi hota hai