Hazrat Nooh alaihissalam
Hazrat Nooh alaihissalam ke baap ka naam Lamak bin Matoo bin Shalakh bin Akhnookh (ye
Idrees alaihissalam ka naam hai)
Aap alaihissalam ko 40 saal ke baad ailaan nubuwat ka hukm diya gaya aur 950 saal aap apni qaum
mein thehre aur apni qaum ko tableegh farmai. ALLAH TA’ALA ne farmaya “To wo unse 50 saal
kam hazaar baras rahe”.
Toofan ke baad aap 250 saal zinda rahe aapki kul umr 1240 saal hai agarche ismein aur qaul bhi
hain lekin zyada taur par isi qaul ko sahi kaha gaya hai.
Nooh alaihissalam ne qaum ko kya tableegh ki?
Hazrat Nooh alaihissalam ne 950 saal apni qaum ko Allah ki wahdaniyat, gunahon se baaz rehne
ki tableegh farmai aur sath sath ALLAH TA’ALA ke azaab se darate rahe.
Aapne farmaya “Aey meri qaum! Main tumhare liye zaahir taur par dar sunane wala hoon ke Allah
ki bandagi karo aur usse daro aur mera hukm maano wo tumhare kuchh gunah bakhsh dega aur
ek muqarrar miyaad tak tumhein mohlat dega, beshak Allah ka waada jab aata hai hataya nahin
jaata, kaash tum jaante”.
Aap ne apni qaum ko aur ye farmaya “Agar tum ne Allah ke baghair kisi aur ki ibadat ki to main
qiyamat ke din ke bahut bade azaab ka tumhein khauf dilata hoon”.
Aapne tableegh farmate huye mazeed irshad farmaya “Agar tum ne Allah ke baghair aur kisi ki
ibadat ki to main tumhein dunya aur aakhirat ke dardnaak azaab se darata hoon”.
Is aayat kareema mein apni qaum ko ukhrawi (aakhirat) azaab ke sath sath dunya mein tabaahi wa
barbadi se bhi waazeh taur par dara diya gaya ke shayad qaum par kuchh asar ho jaaye.
Aur aapne farmaya “Aur main is par tum se kuchh ujrat nahin mangta mera ajr to us par hai jo
saare jahanon ka Rab hai”.
Yaani main jo tumhein ALLAH TA’ALA ki wahdaniyat aur sirf usi ki ibadat karne aur sirf usi se
darne aur uske baghair aur kisi ki ibadat karne par deen wa dunya ki tabaahi se darane par koi ujrat
maal wa daulat ka mutaalba to nahin kar raha agar tum ne is raah ka taayyun kar liya jo main bata
raha hoon to tumhari kamyaabi hai warna tum zaleel ho jaoge, tabaah wa barbaad ho jaoge, deen
wa dunya mein khasaare mein pad jaoge. ALLAH TA’ALA ke ahkaam tum tak pahunchane mein
mujhe tum se koi garz nahin kisi mansab maal wa daulat ke husool ka koi lalach nahin sirf Allah
ke hukm se Allah ki razamandi ke liye tumhein tableegh kar raha hoon. Mere ALLAH TA’ALA
ko hi mujhe ajr wa sawab ata karna hai uski be hisaab rehmat ke hote huye mujhe tumse kuchh
garz nahin.
Nooh alaihissalam ki tableegh ka qaum par kya asar
hua?
Aap alaihissalam ne 950 saal din raat tableegh ki lekin qaum qareeb aane ke bajaye door hoti chali
gai aapki taqreer ko na sunne ki garz se apne kaanon mein ungliyan thoos lete, (maaz’Allah) aap
se nafrat karte huye apne chehron ko dhaanp lete. ALLAH TA’ALA ne farmaya “Arz ki aey mere
Rab maine apni qaum ko raat din bulaya to mere bulane se unka bhaagna badha hi hai aur maine
TAZKIRATUL AMBIYA Hazrate nooh
74
jitni baar unhein bulaya ke too unko bakhshe unhone apne kaanon mein ungliyan de di aur apne
kapde odh liye aur hatdharmi ki aur bada guroor kiya”.
Yaani Nooh alaihissalam ne ALLAH TA’ALA ke huzoor arz kiya aey Allah! Maine tere ahkaam
pahunchane mein koi kotaahi susti nahin ki lekin meri qaum maanne aur qareeb aane ke bajaye
door hoti chali gai.
Jaise jaise aap tableegh farmate rahe qaum ke door hone mein kami aane ke bajaye zyadti hoti rahi,
Allah ke Nabi ki qaum par shafqat ka ye aalam hai ke aap unko us raah par chalana chahte jis par
chalne se unko najaat haasil ho, Allah unki maghfirat kare Allah unse raazi ho jaaye aur wo Allah
ke qareeb ho jayein lekin qaum ki bad-bakhti ka ye aalam hai ke aap se itni zyada nafrat karti hai
ke aap ki baat sunne ke liye taiyar nahin aur aap ko dekhna unhein gawara nahin, wo kaanon mein
isliye ungliyan thoos rakhte taaki aap ka kalaam aur aapke pesh karda dalaail ko na sun sakein apne
chehron ko dhaanp kar rakhte ke maaz’Allah humein Nooh alaihissalam ki shakl bhi nazar na aaye.
Allah ka jin par fazl ho wo Allah walon ki baatein sun kar imaan laate hain, gunahon se baaz rehte
hain, neki wa taqwa ikhtiyar karte hain jo shaitan ki giraft mein hote hain wo hidayat dene walon
ko malaayat, fistaiyat, kadaamat pasandi ke naam dekar deen ke baaghi ho jaate hain.
Nooh alaihissalam ne tableegh ka har tareeqa aazmaya
Aap alaihissalam ne har waqt tableegh ki yaani din raat tableegh ki phir aapne har shakhs ko aahista
aahista naram lehaza mein samjhaya ke Allah ki ibadat karo, Rab se daro lekin qaum ne kaanon
mein ungliyan thoos kar sunne se inkaar kiya, apne chehron par kapda daal kar aap ko dekhne se
bezaari zaahir ki, apne kufriya aitiqadaat par hatdharmi se qaa’im rahe, takabbur ki wajah se
ahkaam e baari ta’ala se inkaar kiya. Phir aap ne zaahiran aam maajlis mein unko khitaabat kiye
aur raahe haq ka sabaq diya lekin un par kuchh asar na hua phir aap ne ailaniya taur par aur aahista
aahista donon tarah se tableegh ki lekin ye tareeqa bhi qaum ko raahe raast par na laa saka. Isi
mazmoon ko ALLAH TA’ALA ne yoon pesh farmaya “Nooh alaihissalam ne kaha phir maine
unhein ailaniya bulaya phir maine un se ba ailaan bhi kaha aur aahista khufiya bhi kaha”.
Qaum ke kitne log imaan laaye?
Itna arsa tableegh karne ke bawajood imaan laane walon ka mukhtasar giroh nazar aata hai teen
aapke bete Saam, Haam, Yaafis aur teen unki beewiyan aur ek Nooh alaihissalam ki zauja aur 70
mard auratein yehi imaandaar log kashti par bhi sawar the yaani bama’a Nooh alaihissalam ke kul
78 aadmi kashti mein sawar the jin mein mard aur auratein barabar barabar tadad mein the.
Nooh alaihissalam ki qaum ke imaan na laane ki wajah
1) “To aap ki qaum ke sardaar jo kafir huye the bole hum to tumhein apne hi jaisa aadmi dekhte
hain”. Yaani ek wajah qaum ke imaan na laane ki ye thi ke Nooh alaihissalam ko apne jaisa bashar
samajhne lage ke humare hi jaisa bashar kabhi Nabi nahin ban sakta wo isse be khabar the ke Nabi
ko do haalatein haasil hoti hai ek bashari aur dusri noorani, wo kehne lage Nabi to firishta hona
chahiye.
“To aapki qaum ke jin sardaron ne kufr kiya bole, ye to nahin magar tum jaise
aadmi, chahta hai ke tumhara bada bane aur Allah chahta to firishta utaarta. Hum
ne to ye agle baap dadao mein na suna”.
TAZKIRATUL AMBIYA Hazrate nooh
75
Yaani unhone ye kaha hai ke hum Nooh alaihissalam par kyun imaan layein ye to humare jaisa hai
ye nubuwat ka daawa karke hum se bada banna chahta hai humne to apne kisi baap dada se ye
nahin suna ke bashar bhi Nabi hota hai agar Rab ko Nabi banana hi hota to kisi firishton ko Nabi
bana kar bhej deta.
2) Dusri wajah qaum ke imaan na laane ki ye thi ke hum aala log aur ghatiya log ek hi mazhab par
nahin ho sakte, qaum ne kaha “Aur hum nahin dekhte ke tumhari pairwi kisi ne ki ho magar
humare kameenon ne sarsari nazar se”.
Yaani qaum ke sardaar kehne lage ke tum par imaan ghareeb, ghatiya shaan wale laaye hain aur
unhone bhi baghair soch wa samajh ke sarsari nazar se imaan qabool kiya hai wo bhi sochte to
imaan na laate ya ye ke unmein sochne ki taaqat hi nahin thi. Aise ghatiya logon ke sath hum bhi
imaan lakar un jaise ho jayein ye kaise ho sakta hai? Goya takabbur ki wajah se wo imaan na laaye.
“Bole, kya hum tum par imaan le aayein aur tumhare sath (imaan laane wale) kameene log hain?”
3) Teesri wajah un ke imaan na laane ki ye thi ke tum aur tumhare sath imaan laane wale hum par
koi zyada fazeelat to nahin rakhte yaani Nabi ki shaan ko samajhne se qaasir rahe, Nabi ki azmat
ko na samajh sake aur ye baat unhein na samajh mein aai ke Rab ta’ala ke nazdeek kisi ke maal wa
daulat ki zyadti afzal hone ka sabab nahin, balki imaan aur taqwa afzaliyat ka sabab hai, yehi Rab
ta’ala ki qurbat ka sabab hai. Unke imaan na laane ki is wajah ka Rab ta’ala ne zikr farmaya “Aur
hum tum mein apne upar koi badai nahin paate”.
Hazrat Nooh alaihissalam ka jawab
“Kya tum taajjub karte ho is par ke koi tumhare paas naseehat tumhare Rab ki taraf
se ek aadmi ke zariye jo tum se hai taaki wo daraye tumhein (ghazabe ilaahi se) aur
taaki tum parehezgaar ban jao aur taaki tum par reham kiya jaaye”.
Yaani aapne unke shubah ka izaala farmaya wo ye nahin samajh sakte the ke koi insaan bhi
nubuwat wa risalat ke martaba par faa’iz ho sakta hai aur zaat e rabbani se baraah e raast faiz haasil
karke logon tak pahuncha sakta hai unka khayaal tha ke ye kaam koi firishta hi kar sakta hai isliye
farmaya ke tumhari hairat wa pareshani be mahal hai ALLAH TA’ALA agar apne kisi kaamil aur
barguzida bande ko nemate nubuwat se sarfaraz karna chahe to ismein koi istehaala nahin.
Hazrat Nooh alaihissalam ne unke imaan se inkaar ki is wajah ka do took alfaaz mein jawab diya.
“Aur main un ko nikaalne wala nahin jo imaan le aaye hain beshak wo apne Rab se
mulaqaat karne wale hain albatta main tumhein dekhta hoon ke tum aisi qaum ho
jo (haqeeqat se) nawaaqif hai”.
Yaani unhone Nooh alaihissalam se kaha ke har waqt aap ke ird gird khasta haal log halqa baandhe
baithe hote hain humara to ji (dil) nahin chahta ke aisi jagah jayein jahan is qism ke gande ghaleez
aur kameene logon ka jamghata ho aap unko apne haan se nikal jaane ka hukm dein tab hum aap
ke paas aayenge, is qism ka mutaalba aapko yaad hoga kuffar ne Huzoor alaihissalatu wassalam se
bhi kiya tha. Hazrat Nooh alaihissalam ne saaf jawab diya ye namumkin hai ke main un haq
paraston ko tumhari khaatir apne haan se nikal jaane ka hukm doo tum apni jagah bade log ho
lekin meri nazar mein jo qadr manzilat shama noor ke un dil sokhta parwanon ki hai wo gidh’do
ki nahin ho sakti jo dunya ki mut’affan laash par toot padti hai, yahan qadr wa manzilat ka maiyaar
akhlaas wa taqwa hai daulat wa sarwat nahin. Hazrat Nooh alaihissalam ne unhein ye bhi kaha ke
TAZKIRATUL AMBIYA Hazrate nooh
76
tumhein to apni aqal wa danish par bada naaz hoga lekin mere nazdeek to tum anjaan aur nawaaqif
log ho jinhein ab tak ye bhi maloom nahin ke sharfe insaniyat ka raaz kasarat e maal mein muzmir
nahin balki dil ki paaki, kirdaar ki bulandi aur akhlaaq ki pukhtagi mein hai.
Nooh alaihissalam ki qaum par ibtedai wabaal
Nooh alaihissalam ne apni qaum ko baar baar tableegh ki lekin qaum se siwaye takzeeb ke kuchh
haasil na hua unhone jab ALLAH TA’ALA ke ahkaam maanne se inkaar kar diye to ibtedai taur
par ALLAH TA’ALA ne unhein jhinjhod dene ke liye is tarah giraft mein liya ke un par baarishein
barasni khatm ho gai aur unki auratein baanjh ho gai unki aulaad paida honi khatm ho gai.
Allah ke Nabi ki shafqat
Qaum baar baar inkaar kar rahi thi lekin Nooh alaihissalam sabr wa tehammul se unhein jahannam
ki aag se nikaal ne aur dunyavi mushkilaat se nikaal ne ki tadbeer farmate huye unhein wo tareeqe
bata rahe the jin se wo apne aap ko masaib wa aalaam se nikaal sakein. Nooh alaihissalam ne qaum
ko mushkilaat se nikalne ka jo tareeqa bataya uska zikr ALLAH TA’ALA ke huzoor karte hain.
“To maine kaha apne Rab se maafi maango wo bada maaf farmane wala hai tum
par saraate ka (musladhaar) meena bhejega aur maal aur beton se tumhari madad
karega aur tumhare liye baagh bana dega aur tumhare liye naherein banayega
tumhein kya hua Allah se izzat haasil karne ki ummeed nahin karte?”
Yaani aapne apni qaum ko bataya ke tumhari mushkilaat ka hal sirf ALLAH TA’ALA par imaan
laane, uski yaad karne, usse darne aur usse maafi talab karne mein hai lekin qaum apni hatdharmi
par usi tarah qaa’im thi takabbur itna had se badh chuka tha ke wo ek dusre ko yehi keh rahe the
“Aur bole hargiz na chhodna apne khuda’o ko aur hargiz na chhodna aur suwaa’a aur yagoos aur
ya’ooq aur nasar ko (ye sab unke buton ke naam hain) aur beshak unhone bahuton ko behkaya”.
Faayda: Hazrat Rabia bin Sabih se marwi hai ke ek shakhs Hazrat Hasan ke paas aaye unhone
qahet saali ki shikayat ki aapne farmaya Allah se istighfaar karo, ek aur shakhs ne aap se apni
ghurbat ka zikr kiya aapne usey bhi farmaya ke tum apne Rab se istighfaar karo, ek aur shakhs ne
arz kiya aap apne Rab se mere liye dua karo ke mujhe ALLAH TA’ALA beta de aap ne usey bhi
farmaya apne ALLAH TA’ALA se istighfaar karo, ek aur shakhs ne baaghaat ke khushk hone, phal
kam dene, zameen ki paidawar kam hone ka zikr kiya aur dua ki darkhwast ki aapne usey bhi
farmaya ke tum ALLAH TA’ALA se istighfaar karo.
Hazireen ne arz kiya ke shikayat logon ki mukhtalif (alag, different) thi lekin aap ne sab ko amal
ek hi bataya to aapne jawab diya ke hazrat Nooh alaihissalam ne apni qaum ko sab mushkilaat ke
hal ke liye istighfaar ka hi hukm diya tha yaani ye amal Quran paak se saabit hai.
Qaum ne Nooh alaihissalam ko kya alqaab diye
Nooh alaihissalam ALLAH TA’ALA ke wo Nabi jinhone din raat qaum ko dunyavi aur ukhrawi
azaab se bachane ke liye aur unhein raahe raast par laane ke liye ek kar rakhe the lekin qaum ne
aap ko gumrah, jhoota, majnoon (deewana) waghaira alqaab de rakhe the.
“Sardaar bole ke hum tumhein khuli gumrahi mein dekhte hain”.
Hazrat Nooh alaihissalam ne qaum ko jawab dete huye farmaya “Aey meri qaum mujh mein
TAZKIRATUL AMBIYA Hazrate nooh
77
gumrahi kuchh nahin main to Rab ta’ala ka Rasool hoon tumhein apne Rab ke paighamaat
(messages) pahunchata hoon aur tumhara bhala chahta hoon aur main Allah ki taraf se wo ilm
rakhta hoon jo tum nahin rakhte”.
“Balki hum tumhein jhoota Khayaal karte hain”.
Yaani tum aur tumhare sath imaan laane wale sab jhoote ho kyun ke tum sab ek hi daawa rakhte
ho ya ye ke tum apne daawa e nubuwat mein jhoote ho aur wo tumhari tasdeeq karne mein jhoote
hain.
“Wo to nahin magar ek deewana mard, to kuchh zamane tak iska intezar kiye raho”.
Yaani intezar karo ho sakta hai ke apni deewangi se kuchh ifaaqa ho jaaye aur apna daawa e
nubuwat chhod de ya us par maut aa jaaye to humari jaan hi usse chhoot jaaye. Kuchh sanjeeda
log ye bhi kehte the ke intezar karo agarche sachha Nabi hai to Allah uski imdaad karega aur agar
jhoota hai to Allah usey ruswa karega aur humari jaan usse chhoot jayegi lekin aisa sochne wale
imaan na laa sake jab ALLAH TA’ALA ki imdaad Nooh alaihissalam ke liye aa gai to ye bhi garq
ho gaye.
“Unse pehle Nooh alaihissalam ki qaum ne jhutlaaya to humare bande ko jhoota kaha aur bole
majnoon hai aur usey jhidka gaya”.
Nabi Kareem صلى الله عليه وسلم ko tasalli dete huye kaha ke in quraish se pehle Nooh alaihissalam ki qaum ne
bhi takzeeb ki aap alaihissalam ko jhoota kaha aur aap ko majnoon kaha aur dhamkiyan di ke agar
tum apne daawa e nubuwat se baaz nahin aaye to hum tumhein gaaliya denge aur tumhein sangsaar
kar denge.
Nooh alaihissalam ko qaum ki dhamkiyan aur sakhtiyan
“Bole aey Nooh agar tum baaz na aaye to zarur sangsaar kiye jaoge”. Tafseer jalaalain mein مرمجی
ke do maayne bayan kiye gaye hain ek ye ke tumhein gaaliyan di jayengi aur dusra ye ke tumhein
sangsaar kiya jayega.
Ibne asaakar ne hazrat Ibne Abbas radiallaho ta’ala anhu se riwayat ki ke Hazrat Nooh alaihissalam
ki qaum ne aap ko maar maar kar shadeed zakhmi kar diya aapko ooni kapde mein lapet kar aapke
ghar phenk diya aur ye khayaal kiya ke aap alaihissalam faut ho chuke hain lekin aap usi haalat
mein nikal kar phir unhein daawate haq dene lage.
Ek dafa ek boodha shakhs jo laathi ke sahare chal raha tha usne apne bachhe ko uthaya hua tha
Hazrat Nooh alaihissalam ko dekh kar apne bete ko kehne laga ke aey mere bete dekhna is boodhe
shakhs ke jaal mein na phasna ye tumhein kahin dhoke mein na daale. Baap ki baat sun kar bete
ne kaha aey mere abba mujhe utaar do aur apna danda mujhe de do baap ne bete ko utaar kar
danda uske hath mein thama diya us chhote se ladke ne Nooh alaihissalam ke qareeb aakar aapko
danda de maara jo aapke sar par laga aap zakhmi ho gaye khoon jaari ho gaya. Ye maajra dekh kar
Nooh alaihissalam ne Rab ke huzoor ilteja ki “Aey Allah tere bande jo mere sath sulook kar rahe
hain ise too dekh raha hai aey Allah agar too apne bandon ko zinda rakhna hi chahta hai to inhein
hidayat de ya apna koi faisla karne tak mujhe sabr de too behtar faisla farmane wala hai”. Rab ta’ala
ne farmaya “Aur Nooh ko ‘wahee’ (Quran) hui ke tumhari qaum se musalman na honge magar
jitne imaan laa chuke, too gham na kha us par jo wo karte hain”.
TAZKIRATUL AMBIYA Hazrate nooh
78
Hazrat Nooh alaihissalam ki dua
“Nooh alaihissalam ne arz ki aey mere Rab meri imdaad farma, us par ke unhone meri takzeeb ki”.
Is dua mein bhi ishara milta hai ke aapne apni qaum ko tabaah wa barbaad karne ki darkhwast
Rab ke huzoor pesh kar di.
“Arz ki aey mere Rab meri qaum ne mujhe jhutlaaya too mujh mein aur unmein
poora faisla kar de aur mujhe mere sath wale musalmanon ko najaat de”.
“To aapne apne Rab se dua ki ke main maghloob hoon too mera badla le”.
“Aur Nooh alaihissalam ne arz ki aey mere Rab zameen par kafiron mein se koi
basne wala na chhod beshak agar too inhein rehne dega to tere bandon ko gumrah
kar denge aur unki aulaad bhi hogi to wo na hogi magar badkaar badi nashukr”.
Qaum ki halaakat ki dua aapne kyun ki?
Nooh alaihissalam ne qaum ko barbaad karne ke liye dua isliye nahin ki ke aap ko gaaliyan dene
ki dhamki di gai thi ya aapko sangsaar karne ke liye unhone kaha tha balki sirf wajah ye thi ke aey
Allah jise too ne khud bata diya hai ke jo imaan laa chuke hain un ke baghair aur koi imaan laane
wale nahin to inse imaan ki ummeed jab nahin aur un ki aulaad se bhi siwaye badkaari aur nashukri
ke ummeed nahin to inko zinda rakhne ka kya fayda inko tabaah wa barbaad kar de.
“Aey Allah main to aajiz wa maghloob ho chuka hoon too apne deen aur apne imaan laane wale
bandon ki khaatir meri imdaad farma”.
Rab ta’ala ne kashti banane ka hukm de diya
Nooh alaihissalam ki dua ke baad Rab ta’ala ne farma diya ke tumhari qaum ko garq kar diya
jayega tum apne aur imaan wale logon ke bachaaw (protection) ke liye kashti taiyar kar lo. ALLAH
TA’ALA ne farmaya “Aur kashti banao humari madad aur humare hukm se aur zaalimon ke baare
mein mujh se baat na karna zarur duboye jayenge”.
Yaani kafiron ke azaab ki khaatir ki kahin dua na kar dena kyun ke unke garq hone ka yaqeeni
faisla ho chuka hai, unke garq hone ka waqt bhi muayyan ho chuka hai isliye jaldi ka mutaalba bhi
na karna kyun ke waqte muqarrar se pehle un par azaab nahin aayega, aapki ek beewi aur ek beta
bhi kafir hain wo bhi garq ho jayenge unke bachane ki dua bhi na karna kyun ke tamam kafiron
ke dubone ke faisla mein koi tarmeem nahin hogi.
Kashti ka design ALLAH TA’ALA ki ‘wahee’ aur Jibreel ki
muawanat (madad) se taiyar hua
Ibne Asaakar ne Hazrat Ibne Abbas radiallaho ta’ala anhu se riwayat ki hai ke Nooh alaihissalam
ko maloom nahin tha ke kaise kashti banayein to ALLAH TA’ALA ne aapki taraf ‘wahee’ ki kashti
ka agla hissa murgh ke sar ki tarah banana aur uske darmiyan ka hissa parindon ke pote ki tarah
banayein aur pichhla hissa murgh ki dum ki tarah banayein aur uske atraaf mein darwaze banayein
meekhon se mazboot karein aur siwaye neeche wali taraf ke har taraf mein taarkol ki lipai kar do.
Kashti banane mein Jibreel aur kuchh dusre firishton ne bhi muawanat (madad) ki.
Kashti kaisi thi?
Kashti ki lambai 300 zara’a (450 feet), chaudai 50 zara’a (75 feet) aur unchai 30 zara’a (45 feet)
TAZKIRATUL AMBIYA Hazrate nooh
79
thi. Saagwan ki lakdi se taiyar ki gai thi jiske taiyar karne mein do saal sarf huye, kashti teen manzila
thi pehli manzil mein waheshi janwar, darinde aur hashratul arz (keede makode) the aur darmiyani
hisse mein paaltu janwar chaupaye waghaira the aur sabse upar wali manzil mein hazrat Nooh
alaihissalam aur unke sath imaan laane wale hazraat the aur apne khane peene ki cheezein rakhi
gai thi.
Kashti mein sawaar hone walon ki tadad
Kashti mein wo hi log sawaar the jo aapke sath imaan laaye the jinka zikr pehle kiya ja chuka tha,
aapke teen bete aur har ek ki zauja aur Nooh alaihissalam khud aur aap ki ek zauja ghar ke ye 8
afraad the aur 70 afraad aur the jinhone imaan qabool kiya tha is tarah kashti mein sawaar hone
walon ki kul tadad 78 thi. Allama Aalusi ne aap ke baghair 79 aadmi yaani 72 aur 7 aap ke qabeele
ke aur ek aap khud is tarah kul 80 aadmi the, is riwayat ko zyada sahih qaraar diya.
Khayaal rahe ke Nooh alaihissalam ki ek zauja aur ek beta kan’aan kafir the jo garq ho gaye the
unka zikr insha Allah aage aayega.
Kashti ko dekh kar qaum ka mazaaq karna
Hazrat Nooh alaihissalam ALLAH TA’ALA ke hukm se kashti bana rahe the to qaum aapse
poochhti thi ke ise kya karoge to aap farmate ye sailaab mein kaam aayengi ye sun kar qaum mazaaq
udati ke is ilaaqe mein paani ka koi dariya nahin to itni badi kashti banana ke ye paani mein kaam
aayegi? (maaz’Allah) ye to sarasar himaakat hai.
Kabhi kehte pehle to tum nubuwat ka daawa kar rahe the ab badhai (carpenter) ban gaye ho is
tarah mazaaq uda rahe the ke ALLAH TA’ALA ne unke is tareeqe ko zikr farmaya “Aur Nooh
kashti banate hain aur jab is qaum ke sardaar us par guzarte hain us par hanste bole agar tum hum
par hanste ho to ek waqt hum tum par hansege jaisa ke tum hanste ho”.
Yaani aaj agar tum humare kashti banane par aitraaz karte ho mazaah karte ho to tum jab halaak
ho jaoge to hum bhi Allah ke dushmanon ke halaak hone par khush honge.
Toofan ka aaghaaz tannoor se hua
ALLAH TA’ALA ne Hazrat Nooh alaihissalam ko bata diya tha ke jab tannoor se paani nikalna
shuru ho jaaye to samjho ke ab toofan aa raha hai us waqt tum kashti par sawaar ho jaana tamam
janwaron ka ek ek jorha aur imaan walon ko bhi sath kashti mein sawaar kar lena. Ye tannoor
koofa mein tha sahi yehi hai ke aam tannoor tha jismein aapki zauja rotiyan pakati thi usi se toofan
ki ibteda hui ALLAH TA’ALA ne farmaya “Aur yahan tak ke jab humara hukm aaya to tannoor
ne josh maara”.
Yaani jis tarah handiya ubalti hai usi tarah tannoor ubalna shuru hua to aap alaihissalam ko
maloom ho gaya ke ab toofan aane hi wala hai.
Kashti par sawaar hone aur dua padhne ka hukm
Jab tannoor se paani nikalna shuru hua to hazrat Nooh alaihissalam ne tamam imaan walon ko
hukm de diya ke ab kashti par sawaar ho jao aur sawaar hote waqt Allah ke naam se ibteda karo.
“Aur aapne kaha ismein sawaar ho Allah ke naam par us ka chalna aur uska theharna
beshak mera Rab zarur bakhsh ne wala meharban hai”.
TAZKIRATUL AMBIYA Hazrate nooh
80
Hazrat Nooh alaihissalam ne apni qaum ko kashti par sawaar hokar Allah ka naam lene ka hukm
de kar ye waazeh kiya ke kashti haqeeqat mein itne bade toofan se najaat ka zariya nahin balki
ALLAH TA’ALA ke fazl se hi ise chalna hai aur usi ke fazl se iska langar andaaz hona hai, aap
alaihissalam ka maqsad ye tha ke kashti par aitmaad (bharosa, tawakkul) na karo balki sirf ALLAH
TA’ALA ki zaat par aitmaad karo ye kashti sirf ek sabab hai.
Kitna azeem toofan tha?
Jab toofan ki ibteda tannoor se ho chuki to aasmanon ko paani barsaane ka aur zameen ko
chashmon se paani nikaal ne hukm de diya gaya, aasmanon aur zameen ke paani ne milkar ek
azeem haulnaak manzar pesh kiya ALLAH TA’ALA ne farmaya “Humne aasmanon ke darwaze
khol diye zor ke behate paani se aur zameen ke chashme karke baha diye (yaani zameen se chashme
jaari karke zor se paani baha diya) to donon paani mil gaye is miqdaar par jo muqaddar thi”.
Zameen wa aasman ke paani ne milkar itni shadeed tughyaani barpa kar di ke maujein jab uthati
to bahut bade buland pahadon ki tarah nazar aati. Rab ta’ala ne farmaya “Aur wo (kashti) unhein
liye ja rahi thi aisi maujon mein jaise pahaad”.
Is aayat ki tafseer mein Allama Raazi rahmatullahi ta’ala alaihi farmate hain ke maujon ki bulandi
us waqt hoti hai jab hawa bhi tez aur shadeed ho isse pata chalta hai ke shadeed baarishon aur
zameen ke paani chhodne ke sath shadeed aandhiyan bhi chal rahi thi jinse uthne wali maujein
pahadon ki chotiyon se baatein kar rahi thi.
Kashti ka chalna aur manzil par pahunchna
Hazrat Nooh alaihissalam ki kashti 10 rajab ko chali aur 10 muharram ko joodi pahaad par langar
andaaz ho gai, kashti 6 maah musalsal toofan mein rahi, 10 muharram ko toofan se najaat milne
par hazrat Nooh alaihissalam aur aapki qaum ne roza rakha.
“Nooh alaihissalam ne khud bhi roza rakha aur apne sath tamam logon aur waheshi janwaron aur
dusre janwaron ko bhi hukm diya sab ne Allah ka shukriya ada karte huye roza rakha”.
SubhanAllah! Nabi ki azmat ko janwar to jaante hain bewakoof log na jaanein to apni bad-bakhti
ka maatam karein.
Fayda: Musnade Ahmad waghaira mein Hazrat Abu Huraira radiallaho ta’ala anhu se marwi hai
ke Nabi Kareem صلى الله عليه وسلم ka ek martaba yahoodi logon se guzar hua jinhone aashura ke din roza rakha
hua tha aapne farmaya ye roza kyun rakha hua hai? To aapko bataya gaya ke is din ALLAH
TA’ALA ne Moosa alaihissalam aur bani israel ko najaat di aur Firaun ko garq kiya aur isi din
Nooh alaihissalam ki kashti joodi pahaad par langar andaaz hui, hazrat Nooh alaihissalam aur
hazrat Moosa alaihissalam ne Allah ka shukr ada karne ke liye roza rakha to Nabi Kareem صلى الله عليه وسلم ne
farmaya ke main Moosa alaihissalam se zyada haq rakhta hoon ke is din roza rakhu, aap صلى الله عليه وسلم ne
khud bhi roza rakha aur sahaba kiraam ko bhi hukm diya. Khayaal rahe ke Eisa alaihissalam ki
paidaish bhi aashura ke din hi hui.
Nooh alaihissalam ka ek beta garq ho gaya
Hazrat Nooh alaihissalam ke chaar bete the unmein se teen momin the jo aapke sath kashti mein
sawaar huye the jinke naam Saam, Haam aur Yaafis the aur ek aapka beta munafiq tha jiska naam
Kan’aan tha wo kashti mein sawaar nahin hua tha jo garq ho gaya choonki ye munafiq tha yaani
TAZKIRATUL AMBIYA Hazrate nooh
81
zaahir taur par momin tha aur darhaqeeqat kafir tha aur kafiron se mila hua tha. Uske garq hone
ke waqiye ko ALLAH TA’ALA ne zikr farmaya “Aur Nooh alaihissalam ne apne bete ko pukara
aur wo usse kinaare par tha aey mere bachhe humare sath sawaar ho ja aur kafiron ke sath na ho
bola ab main kisi pahaad ki panah leta hoon wo mujhe paani se bachayega. (Nooh alaihissalam ne
kaha) aaj Allah ke azaab se bachane wala koi nahin magar jis par wo reham kare aur unke darmiyan
mauj haa’il ho gai to wo doobne walon mein reh gaya”.
Nooh alaihissalam ka ye beta ghorhe par sawaar tha, itra raha tha ke main pahaad par chadh kar
apne aapko bacha lunga, Nooh alaihissalam usey keh rahe the ke aaj Allah ke azaab se uske reham
karne ke baghair koi bach nahin sakega yehi mukaalma un donon ke darmiyan chal raha tha ke
toofan se uthne wali maujein un donon ke darmiyan haa’il ho gai aur kan’aan garq ho gaya.
Nooh alaihissalam ki bete ke haq mein ilteja
“Nooh ne apne Rab ko pukara arz ki aey mere Rab mera beta bhi to mera ghar wala
hai aur beshak tera waada sachha hai aur too sabse badh kar hukm wala hai. ALLAH
TA’ALA ne farmaya aey Nooh wo tere ghar walon mein se nahin beshak iske kaam
bade nalayaq hain too mujhse wo baat na maang jiska tujhe ilm nahin main tujhe
naseehat farmata hoon ke nadaan na ban arz ki aey mere Rab main teri panah chahta
hoon ke tujhse wo cheez mangu jiska mujhe ilm nahin aur agar too mujhe na
bakhshe aur reham na kare to main ziyakaar ho jaoga”.
Shaikh Abu Mansoor matureedi rahmatullahi ta’ala alaihi ne farmaya ke Nooh alaihissalam ka beta
kan’aan munafiq tha aapke saamne apne aapko momin zaahir karta tha agar wo apna kufr zaahir
kar deta to aap ALLAH TA’ALA se uski najaat ki ilteja na karte.
ALLAH TA’ALA ne Nooh alaihissalam se waada farmaya ke aapke ghar walon ko najaat haasil
hogi to isiliye aapne apne bete ke mutalliq arz kiya aur wo bhi uski munafaqat ki wajah se. Rab
ta’ala ne farmaya iske amal achhe nahin yaani wo kafir hai. Pehle martaba qurbate deeni ka hai
agar ye haasil ho to rishta ki qurbat ka bhi fayda hoga warna koi fayda nahin hoga.
Tambeeh: Hazrat Muhammad Ali Baaqar aur Hazrat Hasan Basari radiallaho ta’ala anhu ka qaul
hai ke kan’aan Nooh ki zauja ka beta kisi aur khawind se tha aap ka apna beta nahin tha. Hazrat
Ali Murtaza se marwi hai ke aap padhte the ا
ََ
َن
ْ
اب
ُ
ح
ْ
ُ
یُن
ٰ
د
َ
َن
َ
و Nooh alaihissalam ne apni zauja ke bete
ko aawaz di ke kashti mein sawaar ho jao.
Hazrat Qataada ne Hazrat Hasan radiallaho ta’ala anhu se sawal kiya to aapne farmaya qasam hai
Allah ki aapka beta nahin tha, to wo kehte hain maine kaha ye kaise? Jab ke ALLAH TA’ALA ne
Nooh alaihissalam ke kalaam ki hikaayat bayan karte huye farmaya beshak mera beta mere ghar
walon se hai.
Hazrat Hasan Basari ne jawab diya ke ye to mere qaul ki taa’id hai ke Nooh alaihissalam ne kaha
mera beta meri ahel se hai aapne ye to nahin kaha ke mera beta jo mera hi hai.
Nooh alaihissalam ki ek zauja bhi garq ho gai
Hazrat Nooh alaihissalam ki ek zauja uska naam Waaliha tha ye kafira thi aur logon ko bhi kaha
karti thi (maaz’Allah) Nooh majnoon (deewana) hai iski baat na maana karo, wo bhi garq ho gayi.
Tafseer Jalaalain ke qaul ke maatehat aapke bete kan’aan aur aapki zauja donon ka zikr hai yaani
TAZKIRATUL AMBIYA Hazrate nooh
82
ye donon kafir the aur garq ho gaye.
Tambeeh: Hazrat Ibne Abbas radiallaho ta’ala anhuma se kai hazraat ne riwayat bayan ki “Kisi
Nabi ki koi aurat kabhi zaaniya nahin thi”.
Ashras ne isi hadees ki sanad ko Nabi Kareem صلى الله عليه وسلم tak pahuncha kar marfoo qaraar diya. Tafseer
Kashshaaf mein hai ke Ambiya -e- kiraam ki auratein zaaniya to nahin thi albatta kisi se kufr sarzad
hone mein koi harj nahin kyun ke badkaari ko har zamane mein bura samjha jaata raha aur logon
ki tabiyat isse mut’naffar rahi. Isliye Nabi ki beewi mein aisa fe’l paaya jaaye to Nabi mein naqs
aur aeb hoga. ALLAH TA’ALA ne Ambiya -e- kiraam ko aebon aur naqaayas se paak paida farmaya
lekin kufr ko kafir log apna haq mazhab samajhte the isliye kufr unke nazdeek aeb ki bajaye kamaal
samjha jaata tha lihaza kufr Ambiya -e- kiraam ki beewiyon mein bhi paaya ja sakta hai.
Toofan ki inteha
“Aur hukm farmaya gaya aey zameen apna paani nigal le aur aey aasman tham (ruk)
ja aur paani khushk kar diya gaya aur kaam tamam hua aur kashti kohe joodi par
thehri aur farmaya gaya ke door ho’n be insaaf log”.
Yaani jab kafiron ke garq hone ka kaam mukammal ho gaya to toofan ko khatm kar diya gaya,
baarish rok di, zameen ko hukm diya gaya ke ab jo paani tere upar hai usey apne andar jazb kar le.
Sirf wo hi log ya janwar bache jo kashti mein sawaar the baaqi tamam insaan chaupaye parinde
aur dusre waheshi janwar garq ho gaye aur garq hona aaqil baaligh kafiron ke liye azaab tha aur
unke alaawa dusre garq hone walon ke liye azaab nahin tha.
Hadees shareef mein aaya hai “Jab ALLAH TA’ALA kisi qaum par azaab naazil karta hai to sab
achhe aur bure is azaab mein mubtala ho jaate hain phir jab uthaye jayenge to har ek ko apne apne
aamaal ke mutabiq uthaya jayega”.
Yaani nek logon ko dunya mein azaab zillat ke liye nahin hoga isiliye wo apne achhe aamaal ke
mutabiq hi qiyamat ke din uthaye jayenge.
Kashti joodi pahaad par kyun ruki?
Tamam pahaad apni apni bulandi par takabbur kar rahe the aur itra rahe the lekin joodi pahaad
Allah ke huzoor apni aajizi hi karta raha to ALLAH TA’ALA ne usey ye takreem ata farmai ke
Nooh alaihissalam ki kashti us par aakar thehari.
“Jis ne aajizi ki ALLAH TA’ALA ne usey rif’at ata ki”.
Khayaal rahe joodi pahaad mosal ya shaam ke ilaaqe mein hai, ye bhi khayaal rahe ke paani haram
shareef mein dakhil nahin hua tha