Hazrat Zulkifl aur hazrat Yasa’a
alaihimussalam
“Yaad karo Ismail aur Yasa’a aur Zulkifl (alaihimussalam) ko aur sab achhe hain”
Hazrat Zulkifl alaihissalam
Aapka naam Bashar hai ya Sharaf hai, aap hazrat Ayyub alaihissalam ke bete hain aapke mutalliq
aur bhi mukhtalif aqwaal hain taaham isi qaule mazkoor ki taraf zyada rujhaan hai.
ALLAH TA’ALA ne unko unke baap hazrat Ayyub alaihissalam ke baad Nabi bana kar bheja aur
hukm diya ke aap logon ko meri wehdaniyat par imaan laane ki taraf bulaye ke mere baghair koi
mabood nahin. Aap umr bhar shaam (syria) ke ilaaqe mein hi rahe ALLAH TA’ALA ke ahkaam
logon tak pahunchate rahe 75 saal ki umr mein dunya se rukhsat huye.
Aap alaihissalam ne apne bete “Abdaan” ko waseeyat ki thi ke meri wafaat ke baad neki ke amal
par qaa’im rehna logon ko bhi imaan aur nek aamaal ki targheeb dena. Aap alaihissalam yateemon,
mohtaajon, ghareebon, bewa auraton par reham farmate, unki zaruriyaat ka khayaal rakhte unhin
mohtaaj logon ki kafaalat ki wajah se aapka naam Zulkifl (kifaalat karne wala) pad gaya tha.
Hazrat Yasa’a alaihissalam
Aapko ALLAH TA’ALA ne nubuwat ata farmai aur iske sath hi aapko badshaahat bhi ata farmai
aap din ko roza rakha karte the aur raat ko Allah ke huzoor khade hokar nawaafil ada karte the
aapko kisi baat par ghussa nahin aata tha khusoosan aap apni ummat ke maamlaat mein badi
mataanat se faisla farmate, kisi qism ki jaldbaazi aur ghussa se faisla nahin farmate the.
Aap alaihissalam ki wafaat ka waqt jab qareeb aaya to bani israel ke kuchh bade aadmi mil kar
aapki khidmat mein haazir huye ke aap badshaahat mein apna janashin kisi ko muqarrar kar dein
taaki hum apne maamlaat mein uski taraf rujoo karein to aap alaihissalam ne farmaya mulk ki
baagdor main uske hawale karunga jo mujhe teen baaton ki zamanat de, kisi shakhs ne bhi is
zimmedari ko qabool karne ki zamanat dene ke mutalliq aapse koi baat na ki siwaye ek naujawan
ke, usne kaha main zamanat deta hoon aap ne usey kaha baith ja. Maqsad ye tha ke koi aur shakhs
baat kare lekin phir aapke kehne par wo hi naujawan khada hua usne zimmedari qabool karne ki
yaqeen dahaani karai.
1) Ek ye ke tamam raat ibadat mein guzaarni hai sona nahin.
2) Dusri baat ye hai ke har roz din ko roza rakhna hai.
3) Teesri cheez ye hai ke ghussa ki haalat mein koi faisla nahin karna.
Jab us naujawan ne teen cheezon ki zimmedari qabool kar li to aapne badshahi ka nizaam uske
supurd kar diya. Khayaal rahe ke nubuwat mein khaleefa nahin banaya ja sakta ALLAH TA’ALA
jise chahe Nabi bana de.
“ALLAH TA’ALA khoob jaanta hai ke mansab e risalat kise ata karna hai”.
tAZKIRATUL AMBIYA Hazrate Ilyaas
190
Hazrat Ilyaas alaihissalam
“Aur beshak Ilyaas paigambaron se hai jab usne apni qaum se farmaya kya darte
nahin kya tum ba’al (butt ka naam) ko poojte ho aur chhodte ho sab se achha paida
karne wala ALLAH TA’ALA ko jo Rab hai tumhara aur tumhare aglon baap dada
ka phir unhone usey jhutlaaya to wo zarur pakde jayenge magar ALLAH TA’ALA
ke chune huye bande aur hum ne pichhlon mein uski sana baaqi rakhi salaam ho
Ilyaas (alaihissalam) aur unke sath imaan laane walon par beshak hum aisa hi sila
dete hain nekon ko beshak wo humare aala darja ke kaamil imaan wale bandon se
hai”.
Hazrat Ilyaas alaihissalam ALLAH TA’ALA ke Nabi hain aur Moosa alaihissalam ke bhai hazrat
Haroon alaihissalam ki aulaad se hain aapka nasab mashhoor qaul ke mutabiq ye hai “Ilyaas
alaihissalam bin yaseen bin qehhas bin al izaar bin Haroon”.
Hazrat Ilyaas aur hazrat Khizr alaihimussalam ki har
saal mulaqaat
Hazrat Ilyaas alaihissalam khushki par muqarrar kiye gaye the aur hazrat Khizr dariyao par aur
jazeeron par muqarrar hain har saal hajj ke mauqe par in donon ki mulaqaat hoti hai.
Nabi Kareem صلى الله عليه وسلم aur Ilyaas alaihissalam ki mulaqaat
Ek safar ke dauran unki mulaqaat Nabi Kareem صلى الله عليه وسلم se hui, aasmanon se ALLAH TA’ALA ne
khana utaara donon hazraat ne wo khana mil kar khaya us khane mein roti machhali waghaira
naazil ki gai phir asr ki namaz donon hazraat yaani Nabi Kareem صلى الله عليه وسلم aur Ilyaas alaihissalam ne mil
kar ada ki.
Ilyaas alaihissalam ne qaum ko kaha
Hazrat Ilyaas alaihissalam ne qaum ko kaha “Tum ALLAH TA’ALA se darte kyun nahin ho?
Tumhein chahiye ALLAH TA’ALA ke ahkaam par amal karo aur uske nawaahi (jin kaamon ko
Rab ne mana kiya hai) se ijtenaab karo tum butt parasti karte ho, ALLAH TA’ALA ko chhod kar
butt se haajat talab kar rahe ho aur us zaat ko chhod rahe ho yaani us zaat ki ibadat nahin kar rahe
ho aur usse tum apne maqaasid haasil nahin kar rahe ho jo sabse achha paida karne wala hai”.
Khayaal rahe ke khaaliq ALLAH TA’ALA ki zaat hai uske baghair koi khaaliq nahin yahan ALLAH
TA’ALA ko يْلالقْا احسن kaha gaya hai kyun ke unke gumaan ke mutabiq Rab ke baghair bhi khaaliq
the to kaha gaya hai jin ko tum khaaliq maante ho in sabse achha khaaliq ALLAH TA’ALA hai ya
mazaaji taur par dusre kaamon ke ijaad karne walon ko wo log khaaliq keh dete the to aapne bhi
unke qaul ke mutabiq kalaam farmaya ho.
Qaume Ilyaas ka butt
Unke butt ka naam ba’al tha, Yeman ki lughat mein ba’al ka maayne “Rab” hai.
Wo kehte the “Is ghar ka maalik kaun hai?”
Isi wajah se khawind ko bhi ba’al kaha gaya hai, Quran paak mein hai َ
ِِه ّن
ّ
د
َ
ِر
ب
ُ
ّ
ق
َ
ح
َ
ا
َ
ّن
ُُ
ُت
َ
ل
ْ
و
ُ
ع
ُ
ب
َ
و aur zikr kiya
tAZKIRATUL AMBIYA Hazrate Ilyaas
191
gaya hai ا
ً
خ
ْ
ي
َ
ِِلْ ش
ْ
ع
َ
اب
َ
ذ
ی
ه
َ
و in donon maqamon mein ” بعل “ka maayne khawind hai choonki wo us butt
ko apna Rab maante the uska naam hi unhone بعل rakha hua tha. Us butt ki lambai 30 feet thi,
wo sone ka bana hua tha, uske chaar munh the, wo uski bahut zyada tazeem karte the, uski khidmat
ke liye unhone 400 khaadim rakhe huye the wo khuddam choonki unke mabood ke khidmat
guzaar rehte the isliye wo unko apne beton ki tarah samajhte the baaz mufassereen ne “abnaihim”
ki jagah “Ambiya” tehreer kiya hai ke wo un khadimon ko apne khuda ka Nabi samajhte the.
Shehare ba’albak
“Ba’albak” shehar ka naam isliye “ba’albak” rakha gaya hai ke us waqt ke haakim ka naam “bak”
tha aur uske mabood ka naam “ba’al” tha. Usne ek shehar aabad kiya jiska naam usne apne aur
apne mabood ke naam se murakkab karke “ba’albak” rakha nahw ki tamam kitaab mein aisa hi
zikr kiya gaya hai. Tafseer Khazainul Irfan mein hai ke “bak” us jagah ka naam tha jahan unhone
apne butt “ba’al” ko rakha hua tha is tarah butt aur uske mandir ke naam se shehar ka naam
“ba’albak” rakha gaya.
Tambeeh: Baaz hazraat ne tehreer kiya hai ke ba’al butt mein shaitan bolta tha ke gumrahi ki
taraf unki rehnumai karta tha wo butt kuchh ahkaam jaari karta uske khuddam yaani jinko wo
apne butt ke Nabi samajhte the logon tak wo ahkaam pahunchate the.
Allama Raazi rahmatullah alaihi ne isko radd karte huye farmaya “Baaz logon ka jo ye qaul hai ke
ba’al butt ke pet mein shaitan dakhil ho jaata aur unko gumrahi ke raaste par chalane ka kaam
karta tha uska tasleem karna bahut mushkil hai agar ise maan liya jaaye to bahut se mojizaat par
aeb laazim aayega aur un par aitbaar hi khatm ho jayega. Nabi Kareem صلى الله عليه وسلم ke mojizaat mein un
mojizaat ko bhi bayan kiya gaya hai ke aapse bhediye ne kalaam kiya, aap صلى الله عليه وسلم se unt ne kalaam
kiya, aapne jab mimber banwa liya to jis satoon se aap pehle sahaara laga kar khutba diya karte the
wo rone laga, aapne usey tasalli di, agar ye maan liya jaaye ke shaitan jismon mein dakhil hokar
kalaam karta hai to ye ahtemaal bhediye aur unt aur khajoor ke tane yaani us rone wale satoon
mein bhi qaa’im hoga (maaz’Allah) in mein shaitan ne dakhil hokar kalaam kiya hoga is tarah to
mojizaat par se aitbaar hi uth jayega”.
Allama Raazi rahmatullah alaihi ki is behas se waazeh ho gaya ke ye qaul hi baatil hai ke ba’al ke
pet mein shaitan dakhil hokar kalaam karta tha.
Khayaal rahe ke yahan “To unhone uski takzeeb ki pas beshak wo pakde jayenge” mein ukhrawi
azaab ka zikr hai. Isi tarah iske baad magar ALLAH TA’ALA ke chune huye bande mein istisana
bhi isi ukhrawi azaab se hai.
Dunya mein qaume Ilyaas ki tabaahi aur aap par imaan laane walon ki najaat ka zikr muatabar
tafaasir mein nazar nahin aa saka. Aala Hazrat Maulana Ahmad Raza Khan rahmatullah alaihi ka
tarjuma bhi yehi zaahir kar raha hai يْيسَ ال یلع لمَس ka tarjuma Aala Hazrat ne kiya hai “Salaam ho
Ilyaas alaihissalam par” ismein ek qaul ye hai ke aapke sath imaan laane walon par salaam ho. Ek
qara’at mein يْيسَ ال hai choonki Ilyaas alaihissalam bin يْيسَ hain yaani يْيسَ ki ال par salaam ho
isse muraad Ilyaas alaihissalam hain.
tAZKIRATUL AMBIYA Hazrate Ilyaas
192
Hazrat Yunus alaihissalam
“Pas kyun aisa na hua ke koi basti imaan laati to nafa deta usey uska imaan (kisi se
aisa na hua) siwaye qaum Yunus ke, jab wo imaan le aaye to hum ne door kar diya
unse ruswai ka azaab dunyavi zindagi mein aur hum ne lutf andoz hone diya unhein
ek muddat tak”.
Hazrat Yunus alaihissalam ki qaum ke log “Nenwa” ilaaqa “Mosil” mein rehte the kufr wa shirk
butt parasti mein mubtala the ALLAH TA’ALA ne hazrat Yunus alaihissalam ko unke paas bheja
aapne unhein imaan laane aur butt parasti ko chhod ne ke mutalliq hukm diya lekin qaum ne
aapki takzeeb (jhutlaaya) ki, aap alaihissalam ne unhein ALLAH TA’ALA ke faisla se aagah kiya
ke agar tum imaan nahin laoge to ALLAH TA’ALA ke azaab mein mubtala ho jaoge. Aap khud
un logon se naraz hokar shehar se baahar chale gaye, jab unhone hazrat Yunus alaihissalam ko na
paaya to bahut khauf mein mubtala ho gaye kaha ab azaab zarur aayega.
Aap (Yunus) alaihissalam ne un ko ek khaas muddat tak dunyavi maal wa muta’a se nafa haasil
karne ki mohlat di thi ke agar tum imaan nahin laoge to fulan waqt azaab mein mubtala ho jaoge,
mohlat ki muddat mein kai aqwaal hain wo muddat 40 din thi, wo muddat 30 din thi.
Tafseer kabeer ke mutabiq jab 35 din guzar gaye to aasmaan par shadeed syaah baadal chha gaye
jinse bahut zyada dhunwa nikalne laga wo dhunwa shehar tak pahunch gaya aur usne makanon
ko apni lapet mein le liya ab wo log samajh gaye ke Yunus alaihissalam ne jis azaab ke aane ke
mutalliq kaha tha bas wo aane hi wala hai wo itne shadeed khauf mein mubtala ho gaye ke dar ke
maare shehar ko chhod kar jungle mein chale gaye, unhone apni auraton aur bachhon ko juda kar
diya yahan tak ke tamam janwaron aur unke bachhon ko bhi juda juda kar diya jab ke wo ek dusre
se juda hokar ek dusre ki taraf mushtaaq hone ki wajah se be qaraar ho gaye, wo apni aawazein
nikaal ne lage un janwaron ki dardnaak aawazein zabaan haal se aah wa zaari ka ek ajeeb dardnaak
manzar pesh kar rahi thi, wo sab insaan mard auratein bachhe ALLAH TA’ALA ke huzoor apni
aajizi ka izhaar kar rahe the ro rahe the aur arz kar rahe the ke “ALLAH TA’ALA hum tujh par aur
tere Nabi Yunus alaihissalam par imaan laaye hain hum apne gunahon ki maafi talab kar rahe hain
aey maula e kainaat humare gunaah maaf kar de humein aane wale azaab se mehfooz rakh”.
Unhone agar kabhi ek dusre par mazaalim kiye huye the to unko maaf karaya agar kisi ke huqooq
ghasab kiye huye the to wo wapas kiye tauba ka ye aalam tha ke agar kisi ki ijazat ke baghair unhone
koi patthar apne makanon ki buniyadon mein lagaya hua tha to buniyadein khod kar patthar
nikaal kar wapas kiya. Jab unhone imaan qabool kar liya, sachhe dil se tauba kar li to ALLAH
TA’ALA ko un par reham aa gaya aur unse azaab door kar diya.
Qaume Yunus ki tauba ki qabooliyat ka din
Wo din aashura ka din tha yaani 10 Muharramul haraam aur jumu’ah ka din tha wo apne ek
buzrurg aalim ke paas ja kar puchh rahe the ke hum par azaab aane wala hai hum kya karein? Usne
unhein mashwara diya tha ke tum ALLAH TA’ALA ke huzoor ye duayein karo “Aey us waqt bhi
zinda rehne wale jab koi zinda nahin rahega aey humesha zinda rehne wale aey murdon ko zinda
karne wale aey humesha zinda rehne wale tere baghair koi mabood nahin. Aey Allah! Beshak
tAZKIRATUL AMBIYA Hazrate Ilyaas
193
humare gunaah bahut bade hain had se badh chuke hain too azeem hai aur jaleelul qadr hai humare
sath wo sulook kar jo teri shaan ke laayaq ho (kyun ke too raheem wa kareem hai lihaza shaan e
kareemi ke mutabiq humare sath maamla farma) aur humare sath wo sulook na farma jiske hum
haqdaar hain”.
Aitraaz:
Firaun azaab ko dekh kar imaan laaya aur tauba ki lekin uske imaan laane aur tauba karne ko
qabool nahin kiya gaya aur Yunus alaihissalam ki qaum ke imaan aur unki tauba ko kyun qabool
kiya gaya?
Jawab:
Firaun ne azaab ko dekh kar tauba ki thi kyun ke jab wo garq hone laga tha to usne kaha tha main
imaan laata hoon lekin Yunus alaihissalam ki qaum ne azaab ka mushaahida karne se pehle sirf
alaamate azaab ko dekh kar imaan qabool kar liya tha aur tauba kar li thi ke ab azaab aane hi wala
hai. Ab farq waazeh ho gaya ke Firaun ka imaan azaab ke mushaahida karne par aur unka imaan
azaab ka mushaahida karne se pehle tha.
Yunus alaihissalam machali ke pet mein
Hazrat Yunus alaihissalam jab qaum se naraz hokar chale gaye aur qaum ne aapke pichhe tauba
kar li lekin aap wapas laut kar na aaye to aap apne safar ke dauran dariya ko paar karne ke liye ek
kashti par sawaar huye lekin kashti bhanwar mein phans gai us waqt ke dastoor aur riwaaj ke
mutabiq ye khayaal kiya jaata tha ke jab koi ghulaam apne maal se bhaag kar ja raha ho aur kashti
mein sawaar ho to wo kashti us waqt tak kinaare par nahin pahunchti jab tak us ghulaam ko kashti
se utaar na lein, ab kashti ke bhanwar mein phans ne par un logon ne qur’a daala jo hazrat Yunus
alaihissalam ke naam nikla teen dafa qur’a aapke naam hi nikla to aapne farmaya main hi ghulaam
hoon jo apne aaqa ko chhod kar ja raha hoon aap alaihissalam ne khud hi dariya mein chhalang
laga di taaki kashti ke dusre log kinaare par pahunch jayein. ALLAH TA’ALA ne ek machhli ke
dil mein ilqa kiya aur hukm diya ke hazrat Yunus alaihissalam ko nigal le lekin ye khayaal karna
ke tumhara pet unke liye qaid khana banaya hai inhein tumhara luqma nahin banaya isliye inhein
kharaash tak na aane di jaaye inko baal barabar bhi nuqsaan na pahunche. Is tarah aap machali ke
pet mein aa gaye ye aap par ek imtehaan tha aur yaar ka yaar ko ataab tha.
Chand Qura’ani alfaaz e mubaraka ki zaruri tashreeh
Hazrat Yunus alaihissalam ko machhli ke pet mein jaane ki wajah se ذوالنون aur احلوت صاحب kaha
gaya hai kyun ke ونن aur حوت donon ka maayne machhli hai, ALLAH TA’ALA ne irshad farmaya
“Aur ذوالنون) ko yaad karo) jab chala ghussa mein bhara to gumaan kiya ke hum us par tangi na
karenge”.
Ye tarjuma Aala Hazrat Maulana Ahmad Raza Khan rahmatullah alaihi ka hai aur sahi bhi yehi
hai ke kai aur taraajim ْهِ
ْ
ی
َ
ل
َ
ع
َ
ِدر
ْ
ق
َ
ّ
نن
َ
ّ
ل
ْ
ن
َ
ا mein ka tarjuma “hum un par qaboo na pa sakenge”, “hum us
par giraft na karenge”, “hum na pakad sakenge” is qism ke tarjume ghalat aur baatil hain. Maine
apni kitaab mein kai taraajim zikr kiye hain.
Allama Raazi rahmatullah alaihi farmate hain ke jo log Ambiya -e- kiraam ko gunahgaar thehrate
hain ke unse zarur gunaah sarzad hote hain wo is aayat se apni daleel pesh karte hain ke Yunus
tAZKIRATUL AMBIYA Hazrate Ilyaas
194
alaihissalam ne gumaan kiya ke Rab mujhe nahin pakad sakega ye kehna gunaah hai lihaza Nabi
gunahgaar ho sakte hain.
Allama Raazi rahmatullah alaihi un logon ka radd karte huye farmate hain agar ye maayne kiya
jaaye ke aap ne Rab ke mutalliq ye gumaan kiya ke Rab aajiz hai mujhe pakad nahin sakega to ye
kufr hai aisi nisbat to ek momin ki taraf nahin kar sakte to Ambiya -e- kiraam ki taraf kaise kar
sakte hain? Isliye is baat ki taujeeh zaruri hai wo ye ke iska maayne ho “Aapne gumaan kiya ke
hum un par tangi nahin karenge” isliye ke Quran paak mein aur maqamaat par bhi is maayne
mein is lafz ka istemaal hai.
“ALLAH TA’ALA jiske liye chahe rizq kushaada karta hai aur tang karta hai” aur jis par wo rizq
tang kar de “Lekin wo jab insaan ko aazmaish mein mubtala karta hai us par uska rizq tang kar
deta hai”.
Ek din hazrat Ibne Abbas radiallaho ta’ala anhuma Hazrat Ameer Muawiya radiallaho ta’ala anhu
ke paas gaye to unhone kaha guzashta raat Quran paak ki maujon mein mustgharaq raha lekin
mujhe isse khalasi na mil saki, ho sakta hai aap meri rehnumai kar dein aapne puchha wo kya hai?
Hazrat ameer muawiya radiallaho ta’ala anhu ne kaha “Kya ALLAH TA’ALA ka Nabi bhi ye
gumaan kar sakta hai ke ALLAH TA’ALA usey nahin pakad sakega?”
Hazrat Ibne Abbas radiallaho ta’ala anhuma ne jawab diya ةِ
َ
ر
ْ
د
ُ
ق
ْ
ال
ِمَ
َ
ِرٓل
ْ
د
َ
ق
ْ
ال
اِمَ
َ
ذ
ی
ه ye lafz قدر se liya hua
hai قدرۃ se nahin yaani iska maayne tangi na karna qudrat na rakhna nahin.
Allama Raazi ki is tehqeeq ke baad waazeh hua ke hazrat Yunus alaihissalam ko shehar chhod kar
hijrat kar jaane ka hukm ALLAH TA’ALA ne nahin diya tha aap alaihissalam apne ijtehaad se
tashreef le gaye the, khayaal ye kiya tha ke ALLAH TA’ALA us par tangi nahin farmayega na koi
baaz purs karega.
“Aur beshak Yunus paighambaron se hai jab ke bhari kashti ki taraf nikal gaya”.
Yahan bhi kai tarjuma karne walon ne tarjuma kiya hai “wo bhaag gaya” ye tarjuma Nabi ki shaan
ke laayaq nahin bhaag ne ka maqsad hi nahin tha sirf qaum par narazgi ki wajah se aap chale gaye
aur khayaal ye tha ke ab un par azaab aane ka waqt to aa hi chuka lihaza yahan rehne ki ab zarurat
nahin. Rab ta’ala ki taraf se aazmaish mein sirf isliye daala gaya tha ke aap ko Rab ta’ala ke hukm
tak theharna chahiye tha.
“Aur humne usey laakh aadmiyon balki zyada ki taraf bheja to wo imaan le aaye to
hum ne unhein ek waqt tak baratne diya”.
Asal wajah yaar ki taraf se yaar ko itaab ki sirf yehi thi ke aey mere pyaare tumhein to laakh
aadmiyon se zaa’id ki taraf bheja gaya tha abhi to azaab ke aane mein kuchh waqt baaqi tha
tumhein yahan rehna chahiye tha, ho sakta tha ke wo imaan le aayein jaisa ke hua bhi yehi ke wo
imaan le aaye.
Dua na karte to qiyamat tak machhali ke pet mein rehte
“To qur’a daala dhakele huwo mein hua phir usey machhali ne nigal liya aur wo
apne aapko malaamat karta tha to agar wo tasbeeh karne wala na hota to zarur uske
pet mein rehta jis din log uthaye jayenge”.
Hazrat Yunus alaihissalam machhali ke pet mein jaane se pehle bhi ALLAH TA’ALA ka zikr kasrat
tAZKIRATUL AMBIYA Hazrate Ilyaas
195
se karte the aur machhali ke pet mein bhi ALLAH TA’ALA ko yaad karte rahe to Rab ta’ala ne
aap par reham farmaya.
Baaz buzurgon ne kaha “Tum ALLAH TA’ALA ko aasani mein yaad karo taaki wo tum par masaib
wa shadaid mein meharbani farmaye”.
Ye ek hadees shareef ka hi maayne hai agarche alfaaz hadees shareef ke nahin, hazrat Yunus
alaihissalam ko bhi aasaish mein ALLAH TA’ALA ka yaad karna kaseer namazein ada karna aur
machhali ke pet mein bhi Rab ta’ala ko yaad karna hi kaam aaya.
Machhli ke pet mein aapki dua
“To andheron mein pukara koi mabood nahin siwa tere paaki hai tujh ko beshak mujhse beja
hua”. ظلمات jama zikr kiya kai tareekiyan isliye ke aap dariya ke tareeki, raat ki tareeki aur machhali
ke pet ki tareeki mein the. Un andheron mein aapne Rab ta’ala ke huzoor ilteja ki aey Allah main
jo tere hukm ke intezaar se pehle aa gaya ye mujhse beja hua to in kalimaat se aapki dua ko qabool
kar liya gaya.
Faayda: Hadees shareef mein hai jo koi musibat zada bargahe ilaahi mein in kalimaat se dua kare
to ALLAH TA’ALA uski dua qabool farmata hai.
Machhli ke pet se baahar aana
“To humne uski pukaar sun li aur usey gham se najaat di aur aisi hi najaat denge
musalmanon ko”.
Yaani Yunus alaihissalam ne jab ALLAH TA’ALA ka zikr kiya aur izhaar uzr kiya to ALLAH
TA’ALA ne aapko machhali ke pet mein rehne ke gham se najaat ata farmai, isi tarah agar
musalmanon mein se kisi ne bhi apni pareshaniyon ki fariyaad Rab se talab ki, sachhe dil se taaib
huye to ALLAH TA’ALA unki fariyaad ko bhi qabool karega.
Machhli ke pet se baahar aakar
“Humne usey maidan mein daal diya aur wo bimaar tha aur hum ne us kaddu ka ped lagaya”.
“Har bel jismein tana na ho usey يْيقت kaha jaata hai” lekin yahan muraad kaddu hai.
Allama Aalusi rahmatullah alaihi ne tehreer farmaya “Ke yahan muraad “daba” (ped) hai aur wo
mashhoor maroof hai ke wo kaddu hai jise Nabi Kareem صلى الله عليه وسلم pasand farmate the”.
ALLAH TA’ALA ne hazrat Yunus alaihissalam par usko isliye ugaaya ke aap par saaya kare aur
aapko thandak pahunchaye aur aapko iske patte mas karein aur iske bade patte aap par rahein taaki
aap par makkhiyan na baithe kyun ke bayan kiya jaata hai ke kaddu ke patton par makkhiyan
nahin baith’ty.
Hazrat Yunus alaihissalam machhli ke pet se baahar aate waqt nau-maulood bachhe ya chhooze
waghaira ki tarah the yaani aapka chamda bahut narm wa nazuk tha us par koi baal waghaira nahin
tha. Aapke liye makkhiyan baa’is e takleef ho sakti thi aur sakht cheez ka mas karna aur sooraj ki
garmi aapke liye takleef ka baa’is ban sakti thi isliye ALLAH TA’ALA ne apni meharbani se aapko
iske saaye se aaram pahunchaya aur kaddu ke patte utre huye chamde ke liye bhi mufeed hote hain
isliye bhi kaddu ko ugaaya ke iske patte aap ke chamde ke liye faydemand ho sakein.
tAZKIRATUL AMBIYA Hazrate Ilyaas
196
Khayaal rahe ke “shajrat” usey kehte hain jismein tana ho agarche kaddu ki bel hoti hai lekin
ALLAH TA’ALA ne usey darakht ki tarah bada tanaawar bana diya tha ALLAH TA’ALA ne ek
bakri ko aap par muqarrar kar diya tha jo aapko dudh pilati thi is tarah aap ko tawaanai jism ki
pukhta jild aur baal ata kar diye gaye.
Machhli ke pet mein rehne ki muddat teen din saat din bees din aur ek maah mukhtalif aqwaal
mein bayan ki gai hai lekin Allama Raazi rahmatullah alaihi ne farmaya “Mujhe maloom nahin ke
kis daleel se ye muddat muqarrar hui is par koi daleel nahi