Hazrate Adam safiullah alaihissalam

Hazrate Adam safiullah alaihissalam
ALLAH TA’ALA ka firishton se mashwara
ALLAH TA’ALA ne Hazrate Adam alaihissalam ki takhleeq se pehle firishton se mashwara kiya.
“Aur yaad karo jab tumhare rab ne firishton se farmaya main zameen mein apna
naayeb banane wala hoon”. (Surah Baqarah Aayat 30)
Mashwara karne ki hikmat
ALLAH TA’ALA ka firishton se farmana ke main zameen mein khaleefa banane wala hoon
ma’azAllah unse ijazat talab karna maqsood nahin tha balki sirf mashwara talab karna tha aur wo
bhi ahteyaaji ya la ilmi ki wajah se nahin kyun ke ALLAH TA’ALA kisi amr mein kisi ka mohtaaj
nahin balki mashwara talab karne mein hikmat ye thi ke is mein firishton aur khaleefa ka ikraam
paaya jaaye kyun ke rab ta’ala ka firishton se mashwara talab karne mein firishton ki azmate shaan
waazeh hoti hai aur khaleefa ke mutalliq mashwara karne mein khaleefa ki azmat bhi waazeh hoti
hai ke uski takhleeq se pehle hi uska noorani makhlooq mein zikr ho raha hai.
Hadees marfoo: Beshak mere rab ne meri ummat ke baare mein mujhse mashwara talab farmaya.
Ye mashwara talab karna bhi usi hikmat ke peshe nazar tha ke ismein huzoor صلى الله عليه وسلم aur aapki ummat
ki izzat afzai ho. ALLAH TA’ALA ne apni la ilmi ya ahteyaaji ke taur par ma’azAllah Nabi karim
صلى الله عليه وسلم se mashwara nahin kiya. Isi tarah ALLAH TA’ALA ne rasoolullah صلى الله عليه وسلم ko hukm farmaya :
“Aap unse umoor mein mashwara karein”
Yahan sahaba e kiraam se mashwara karne ka hukm isliye nahin diya gaya ke aap sahaba e kiraam
ke mashwara ke mohtaaj the balki sahaba e kiraam ki izzat afzai ke liye mashwara ka hukm diya
gaya.
Aur is wajah se bhi ALLAH TA’ALA ne firishton se mashwara kiya aur Nabi karim صلى الله عليه وسلم ko sahaba
kiraam se mashwara karne ka hukm diya gaya ke log isse sabaq hasil karein aur apne mamlaat mein
ek dusre se mashwara kiya karein.
Aetraaz: Khaleefa ka matlab hai pichhe aane wala aur naayab e khaleefa ki zarurat us waqt darpesh
aati hai jab asal khud apne kaam karne se aajiz ho, asal ka aajiz hona ya uski maut ki wajah se hota
hai ya uske gayab hone ki wajah se hota hai ya marz thakaan waghairah ki wajah se. In tamam
muaani ke lihaz se ALLAH TA’ALA ka khaleefa banana durust nahin wo hayy la yamoot hai,
humesha humesha ke liye zinda hai, us par maut ke waqooa ka tasawwur karna bhi muhaal hai,
wo shahe rag se bhi zyada qareeb hai, wo kahin door chala jaaye, gayab ho jaaye, ye hona bhi
mumkin nahin ke wo mareez ho jaaye, thak jaaye, aajiz ho jaaye, ye bhi namumkin hai to ALLAH
TA’ALA ke khaleefa banane ka kya matlab hai?
Jawab: Yahan khaleefa ka maayne pichhe aane wala nahin balki naayab hai yaani Allah ka naayab
hokar zameen wa aasman ki ashiya mein tasarruf karne wala ho. Naayab banane ki zarurat bhi
TAZKIRATUL AMBIYA Hazrate adam
40
ALLAH TA’ALA ko nahin thi wo mohtaaj nahin balki jin ki taraf khaleefa banana tha unhein
mohtaaji thi isliye ke insaan bahut zyada qadooratein aur zulmaate jismaniya rakhte hain aur
ALLAH TA’ALA bahut muqaddas hai, faiz lene wale aur faiz dene wale mein koi munasabat honi
chahiye jab makhlooq mein aur ALLAH TA’ALA mein koi munasabat nahin, makhlooq ko
wajood mein laana bhi rab ta’ala ki masheeyat thi to ALLAH TA’ALA ne makhlooq ke paida
farmane se pehle hi unke faiz lene ka ye ahtemaam kiya ke Ambiya -e- kiraam alaihimussalam ko
waasta banaya jo apni nooraniyat ki wajah se ALLAH TA’ALA se faiz lekar apni bashriyat ke wasf
ki wajah se insanon tak wo faiz pahuncha dein.
Jis tarah insanon aur haiwanon ke jismon mein haddiyan aur gosht hai haddiyan sakht hain aur
gosht naram hai haddi apni sakhti ki wajah se gosht se giza hasil nahin kar sakti thi to ALLAH
TA’ALA ne apne hikma e kaamila se haddiyon aur gosht ke darmiyan pat’the ba taur waasta rakhe
pat’the apne narm hisse se gosht se giza hasil karte hain aur apne sakht hisse se haddi ko giza
pahunchate hain.
Nuqta: ALLAH TA’ALA ne Hazrate Adam alaihissalam ko khaleefa banane ke mutalliq jo
mashwara kiya isse muraad sirf adam alaihissalam nahin aur aap ki tamam aulad bhi muraad nahin
balki adam alaihissalam aur aapki aulad se baaz hazraat jo is kheelafat ke mansab ke ahel honge ye
sab muraad hain aur wo afraad adam alaihissalam ki aulad mein hazrat Muhammad صلى الله عليه وسلم tak paida
hone wale tamam Ambiya wa rasool hain.
Ambiya -e- kiraam alaihimussalam tamam ke tamam fardan fardan masoom hain lekin siddiqin,
auliya, saalehin fardan fardan masoom nahin, albatta ijtimai taur par khata se mehfooz hain. Yehi
wajah hai ke un hazraat ka ijtemai faisla ummat ko qabool karna lazim ho jaata hai.
Jab ye sabit hua ke kheelafat ka haqdaar wo hai jismein ye istedaad pai jaaye to khud waazeh hua
ke aurat ki fitrat e saleema aur tabeeyat mustaqeema is qabil nahin ke jumu’ah ya baaqi namazon
ki imamat ya kheelafat yaani haakmiyat us ke supurd ki jaaye, aurat apni fitrati aur tabai kamzori
ki wajah se ye kaam sar anjaam nahin de sakti.
Khaleefa banane ka maqsad
Khaleefa banane ka maqsad hi tha ke wo Allah ke ahkaam makhlooq tak pahunchaye aur rab ta’ala
ke awaamir wa nawaahi ka nizaam jaari kare, musalmanon ki aksariyat jab is nizaam ko chahne
wali ho to ummate muslima ka kuffar par ghalba rehta hai lekin ye usi waqt hota hai jab musalman
apne imaan wa aamal mein kaamil ho’n, kaamil imaan ka maiyaar ye hai ke ALLAH TA’ALA aur
Rasoolullah صلى الله عليه وسلم ki muhabbat tamam muhabbaton par ghaalib ho aur Allah ki raah mein maut ki
tamanna kaamil aur ghaalib ho.
Musalmanon ki jaboo’n haali ki wajah :
Khilafate rashida adliya ke baad musalmanon par dunya ki muhabbat ghaalib aa gai, Allah aur uske
Rasool صلى الله عليه وسلم ki muhabbat un ke dilon mein raasikh na rahi, dunya ki muhabbat ki wajah se maut se
unke dilon mein karahat paida ho gai aur Allah ki raah mein jaan dene ka jazba kaamil na raha,
jiski wajah se ummat e muslima bad’haali ka shikar ho gai, ghairon par us ko ghaalib rehne ki
nemat se mehroom kar diya gaya.
TAZKIRATUL AMBIYA Hazrate adam
41
Sunan Abu Dawood aur Baihaqi ki hadees mein ummate muslima ki is bad’haali ka zikr nihayat
hi alamnaak soorat mein waarid hai. Hazrat Soban se riwayat hai Rasoolullah صلى الله عليه وسلم ne irshad
farmaya:
Aey musalmanon qareeb hai ke kafiron ki jama’atein tum par hamla aawar hone ke liye is tarah ek
dusre ko bulayengi jaise kisi pyale mein khana rakha ho aur usey khane ke liye har taraf se logon
ko bulaya jaaye, sahaba e kiraam ne arz kiya huzoor! Kya us waqt hum qaleel (kam) honge? Farmaya
nahin tum us waqt bahut kaseer (zyada) tadad mein hoge lekin tum us waqt sailaab ke jhaag aur
uske khas wa khaashak ki tarah hoge (yaani imaani quwwat wa shuja’at tum mein baaqi na rahegi)
ALLAH TA’ALA tumhari haibat aur tumhara rob dushman ke dil se nikaal dega aur tumhare
dilon mein buzdili aur kamzori paida kar dega sahaba e kiraam ne arz kiya huzoor buzdili aur
kamzori ka sabab kya hoga? Farmaya dunya ki muhabbat aur maut ki karahat.
Zahir hai ke jo shakhs dunya se muhabbat karega maut usey napasand hogi. Arsa daraaz se
musalman isi bad’haali mein mubtala hain aur maujooda daur mein ye bad’haali aisi khaufnak
soorat ikhtiyar kar gai hai ke iske nataej ke tasawwur se bhi dil laraz jaata hai.
Khayaal rahe ke har daur mein nek log, as’haabe ilm wa taqwa rahein hain inhin ke dam qadam se
nizaame dunya chal raha hai aur dunya ki baqa hai lekin aksariyat jab gunahon mein mubtala ho
jaati hai to kam tadad mein nek log bhi halakat ki zad (giraft) mein aa jaate hain agarche wo halakat
unke liye azaab nahin hoti, jaisa ke hadees shareef mein waarid hai :
Jab ALLAH TA’ALA kisi qaum par azaab bhejta hai to nek wa bad (gunahgar) sabhi usmein halaak
ho jaate hain phir jab wo uthaye jayenge to har ek ka uthaya jaana uske achhe ya bure aamal ke
mutabiq hoga. (Bukhari Jild 2 Page 1053)
Musalman agar apni azmat e rafta ko hasil karna chahte hain aur unki tamanna ye hai ke wo
kafiron par ghaalib aa jayein to uska waahid hal (solution) ye hai ke tamam musalman majmooe
taur par kaamil imaan rakhein, ALLAH TA’ALA aur uske rasool صلى الله عليه وسلم ki muhabbat par kisi aur
cheez ko tarjeeh na dein, isi muhabbat aur kaamil imaan ki wajah se jazba e jihaad aur shauq e
shahadat paida karein to koi wajah nahin ke musalman apni is azmat e door rafta ko haasil na kar
lein jo sahaba e kiraam ke daur mein kuffar par musalmanon ko haasil thi ke musalmanon ki haibat
se kuffar ke aaza par kapkapi taari hoti.

 

ALLAH TA’ALA ke mashwara talab karne par firishton ka
taajjub se sawal
Jab ALLAH TA’ALA ne firishton se khaleefa banane ka mashwara talab kiya to firishton ne taajjub
karte huye rab ta’ala se sawal kiya :
“Kya aise ko (naayab) karega jo usmein fasaad phailaye aur khoon reziyan kare? Aur
hum tujhe sarahtey huye teri tasbeeh karte aur teri paaki bolte hain”.
Firishton ne rab ta’ala par koi aetraaz nahin kiya aur na hi koi mukhalifat ki balki unko ALLAH
TA’ALA ne pehle hi ye ilm de rakha tha ke jo khaleefa main banane wala hoon usmein aur uski
aulad mein anaasir arba ki aamezish hogi jo ek dusre ke mukhalif honge yaani aag, mitti, paani,
hawa ka majmooa hoga. Ye ilm firishton ko rab ta’ala ke batane se haasil hua tha ya un par lauhe
mehfooz ko munkashif karne se hasil hua tha. Unhone samjha ke mukhalif aur zid ki cheezein
milne se to fasaad hi fasaad hoga, khaleefa to isliye banaya jaata hai ke zameen mein bhalai qaa’im
TAZKIRATUL AMBIYA Hazrate adam
42
ho aur logon ko bhalai ki raah par qaa’im kiya jaaye aur unke nafson ki takmeel ki jaaye aur unmein
ALLAH TA’ALA ke ahkaam jaari kiye jayein to jis ki bina hi fasaad par hogi us se ye kaam kaise
ho sakenge?
Ye sawal unka makhfi hikmat ke pata chalane ke liye tha ya is sawal par taajjub karte huye tha ke
jo fasaad phailane wale honge unse zameen ko aabad karna aur usmein salahiyat paida karna
kyunkar mumkin hoga?
Khayaal rahe ke ye firishton ki ijtehadi khata (ghalati) thi ke unhone samjha shayad tamam insaan
honge halanki Ambiya -e- kiraam alaihimussalam masoom hone ki wajah se nek aur paarsa, saaleh
wa muttaqi log Allah ki hifazat mein hone ki wajah se fasaad barpa karne se paak hain.
Firishton ke khayaal ke mutabiq unki tasbeeh wa taqdees aur ismat ke peshe nazar wo khilafat
ilaahiya ke zyada mustahiq the, unke is tarah ke qasoor e ilm ko zaahir karne ke liye ALLAH
TA’ALA ne farmaya :
“Aey mere firishton! Main wo sab kuchh jaanta hoon jo tum nahin jaante”
Mehaz tasbeeh wa taqdees maiyare khilafat nahin aur na hi mukhtalif aur ek dusre ki zid anaasir
se murakkab hona mansabe khilafat ke manaafi hai balki khilafat ka maiyar ye hai ke Allah ka
khaleefa jin cheezon ka ghairon ko hukm de un par khud bhi amal kare, isliye saare insaan fasaad
aur naahaq khoonrezi karne ke gunahon mein mubtala nahin honge, unmein kuchh masoom
honge jo ALLAH TA’ALA ke khaleefa banne ke haqdaar honge.
Adam alaihissalam ke uloom
“Aur ALLAH TA’ALA ne adam ko tamam ashiya ke naam sikhaye phir sab ashiya
malaika par pesh karke farmaya sachhe ho to inke naam batao”
Hazrat Ibne Abbas, Akrama, Qataada, Mujahid aur Ibne Zubair radiallaho ta’ala anhum ka irshad
hai :
ALLAH TA’ALA ne aap ko tamam cheezon ke naamon ka ilm ata kiya yahan tak ke bade aur
chhote pyale ke naam bhi bataye.
Baaz hazraat ne Hazrat Ibne Abbas radiallaho ta’ala anhuma ki taraf qaul mansoob karte huye kaha
ke aap ne farmaya ke Hazrate Adam alaihissalam ko ALLAH TA’ALA ne jo kuchh ho chuka hai
aur jo kuchh hona hai ka ilm ata farmaya.
Pehle maayne aur is maayne ke lihaz se maqsad ek hi hai ke ALLAH TA’ALA ne aap ko tamam
cheezon aur unke naamon ka ilm ata kar diya khwah wo pehle pai ja chuki hain ya baad mein pai
jaane wali hain.
Imaam Raazi alaihirrahma ne farmaya ke aap ko tamam cheezon ki sifaat aur nematein aur khwaas
tak ka ilm ata farma diya gaya tha.
ALLAH TA’ALA ne aapko tamam cheezon ke ahwaal aur unse deeni ya dunyavi munaafa jo
mutalliq hain un tamam ka ilm ata farma diya tha.
Ek qaul ke mutabiq aap alaihissalam ko tamam zabanein sikha di gai aur ek qaul ke mutabiq aap
ko tamam malaika ke naamon se aagah kar diya gaya aur ek qaul ke mutabiq aap ko tamam sitaron
ke naamon par muttala farma diya gaya tha.
Allama Aaloosi rahmatullahi ta’ala alaihi ne mukhtalif aqwaal naql karne ke baad hakeem tirmizi
TAZKIRATUL AMBIYA Hazrate adam
43
ka qaul naql kiya ke is aayat e kareema mein asma (naam) se muraad asma e ilaahiya hain. Is ke
baad aapne farmaya mere nazdeek haq ye hai aur tamam Allah wale bhi ise hi haq maante hain aur
mansabe khilafat ka taqaza bhi yehi hai ke aap ko tamam ashiya ke naam ka ilm ata kiya gaya hai.
Wo ashiya khwaah alwi ho’n ya sifli jauhari ho’n ya arzi, in tamam ke naamon ko ALLAH TA’ALA
ke asma hi kaha jaata hai kyun ke tamam cheezein ALLAH TA’ALA ki zaat par dalaalat karti hain
aur ALLAH TA’ALA ki zaat ke jalwe tamam ashiya se zaahir hote hain agarche ALLAH TA’ALA
unmein muqayyad nahin hota.
Adam alaihissalam ko naam sikhaye, firishton ko nahin,
kya wajah?
Alfaaz ke zariye ma’ani ka ilm haasil hota hai jiske padhane wale ko moallim kehte hain aur padhne
wale ko mutallim. Sirf muallim ke padhane se mutallim ko ilm haasil hona zaruri nahin balki
mutallim mein istedaad ka paaya jaana zaruri hai yaani mutallim mein samajhne ki salahiyat ho to
muallim ki taalim ka us par asar hoga, ye roz marra hum mushaheda karte hain ek hi class ke
ladkon ko ustaad padhata hai sab ko yaksa (barabar) padha raha hota hai lekin phir koi laayaq hota
hai aur koi nalayaq, ALLAH TA’ALA ko bhi jab adam alaihissalam ko mansab e khilafat ata karna
tha to aap ko pehle tamam ashiya aur unki kaifiyaat aur unke naamon ko samajhne ki istedaad bhi
ata farmai lekin firishton ko har har cheez ke haalat ki tafaaseel ko samajhne ki istedaad ata nahin
hui thi kyun ke unko mansab e khilafat par faayaz karna maqsood hi nahin tha.
Adam alaihissalam ko ilm kaise ata kiya gaya tha?
Aap ko tamam cheezon ka ilm diya gaya yaani ALLAH TA’ALA ne apni tamam makhlooqat mein
se ek ek jins aapko dikha di aur uska naam bataya, maslan ghorha dikha kar bata diya gaya ke ise
ghorha kehte hain aur unt dikha kar bata diya gaya ke ise unt kehte hain isi tarah ek ek cheez dikha
kar uske naam bata diye gaye.
Adam alaihissalam ko ye khusoosiyat haasil thi ke aapko tamam cheezon ke naam har zabaan mein
bata diye gaye the aur wo hi zabanein aapki aulaad mein mutfarriq taur par paai jaati hain yaani
ek cheez ka naam aapne har har zabaan mein bataya jo zabanein bhi izaad honi thi aapko unka ilm
pehle se hi ata kar diya gaya tha.
Faayda: Jab Adam alaihissalam ko tamam cheezon ka ilm diya gaya har cheez ke naam har zabaan
mein sikhaye gaye to sayyidul Ambiya صلى الله عليه وسلم ke ilm ka maqaam kya hoga? Aala Hazrat Maulana
Ahmad Raza Bareilvy rahmatullahi ta’ala alaihi ne is tarah tehreer farmaya :
“Rehman ne apne mehboob ko Quran sikhaya insaniyat ki jaan Muhammad ko paida kiya
.”sikhaya unhein bayan ka’ ما اكن وما يكون’
Aala hazrat ne Nabi kareem صلى الله عليه وسلم ko insaniyat ki jaan kaha, Hazrat Allama Aaloosi ne tafseer mein
tehreer farmaya : “Tamam jahan ek jism hai aur Nabi kareem uski rooh hain jism ka qiyaam
baghair rooh ke mumkin nahin isse pata chala ke huzoor Nabi kareem صلى الله عليه وسلم kainaat ki jaan hain”.
Aur Aala Hazrat ke tarjuma se ye waazeh hua ke ilmul bayan ka matlab ye hai ke habeebe paak ko
ilm ata kiya gaya, is par Allama Qurtubi ki Aljaamiul Ahkaamil Bayan ki tafseer mulaheza ho :
Yaani ilmul byaan mein zameer mansoob ka marja’a insaan hai aur isse muraad Nabi kareem صلى الله عليه وسلم
hain.
TAZKIRATUL AMBIYA Hazrate adam
44
Aur ilmul bayan mein bayan se muraad ya to halaal wa haraam ka ilm aur gumrahi se hidayat dena
aur ya jis tarah bayan kiya gaya hai ke bayan se muraad ” يكون وما اكن ما “ka ilm hai kyun ke Nabi
kareem صلى الله عليه وسلم ne awwalin wa aakhirin aur qiyamat ka zikr farma diya hai yaani aapne sabhi guzre
huye aur aane wale aur waqiyaate qiyamat se muttala farma diya to aapko “يكون وما اكن ما “ka ilm hasil
hai.
Main ne taraajime (tarjuma) Qurani ka taqabuli jaiza pesha karte huye apni kitab mein bahut si
tafaasir ki ibaarat naql karke waazeh kiya ke saare taraajim mein se yahan aala hazrat ka tarjuma hi
ba kamaal hai.
Ilm ke fazaile aqliya wa naqliya
Tafseer Kabeer aur Azeezi ke hawale se ilm ke fazael par mukhtasar behas peshe khidmat hai :
Faqeeh Abullais Samarqandi rahmatullahi ta’ala alaihi ne farmaya ke aalim ki sohbat mein haazir
hone mein 7 faaide hain khwah usse ilm hasil kare ya na kare.
1) Wo shakhs taalib e ilmon ke jumre mein shumar kiya jaata hai aur unka sawab pata hai.
2) Jab tak us majlis mein baitha rahega gunahon se bachta rahega.
3) Jis waqt ye apne ghar se talab e ilm ki niyat se nikalta hai har qadam par neki paata hai.
4) Ilm ke halqe mein rehmat e ilaahi naazil hoti hai jis mein ye bhi shareek ho jaata hai.
5) Ilm ka zikr sunta hai jo ke ibadat hai.
6) Wahan jab koi mushkil mas’ala sunta hai jo uski samajh mein nahin aata aur uska dil tang hota
hai to haq ta’ala ke nazdeek munkasirul quloob (dil toota hua jo rehmat ka mustahiq hota hai)
mein shumar kiya jaata hai.
7) Uske dil mein ilm ki izzat aur jahaalat se nafrat paida ho jaati hai.
Hazrat Ali radiallahu ta’ala anhu farmate hain ke ilm e deen maal par 7 wajah se afzal hai :
1) Ilm paigambaron ki meeras aur maal firaun, hamaan, shaddad aur namrood ki.
2) Maal kharch karne se kam hota hai magar ilm badhta hai.
3) Maal ki hifazat insaan ko karni padhti hai lekin ilm khud insaan ki hifazat karta hai.
4) Marne ke baad maal to dunya mein reh jaata hai aur ilme deen qabr mein sath hota hai.
5) Maal momin aur kafir sab ko mil jaata hai lekin deen ka nafa’a (yaani qabr wa hashr mein
kamyabi) sirf imandaar ko hi haasil hota hai.
6) Koi shakhs bhi aalim se be parwa nahin lekin bahut se logon ko maaldaron ki zarurat nahin.
7) Ilm se pul siraat par guzarne ki quwwat haasil hogi aur maal se kamzori.
Saat paigambaron ko ilm ki wajah se bahut bade faayde hasil huye :
1) Hazrate Adam alaihissalam ko ilm ki wajah se firishton par buzurgi di gai aur firishton ko unke
samne sajda karne ka hukm diya gaya.
2) Hazrat Khizr alaihissalam unke mutalliq ahle ilm ka ikhtelaaf hai ke ye ‘Nabi’ hain ya ‘vali’ ke
ilm ki wajah se unki aur Moosa alaihissalam ki mulaqat hui aur kuchh ashiya ke zaahir wa baatin
ka farq waazeh hua.
3) Yusuf alaihissalam ilm ki wajah se khwaab ki taabir bayan karne par qaidkhane se nikal kar
shaahi darbaar mein pahunch kar wazeer khazana aur tamam badshahi kaamon ke mudabbir
muqarrar ho gaye.
TAZKIRATUL AMBIYA Hazrate adam
45
4) Hazrat Suleman alaihissalam ko ilm ki wajah se Bilqees jaisi malka ba haisiyat zauja mili aur
usey bhi aapke ilm ki wajah se imaan naseeb hua.
5) Hazrat Dawood alaihissalam ko ilm ki wajah se mansabe nubuwat ke sath sath badshahi bhi
haasil rahi.
6) Eisa alaihissalam ne apni walida hazrat Maryam ki tohmat ko ilm ki wajah se door farmaya.
7) Huzoor Nabi kareem صلى الله عليه وسلم ko tamam kainaat se zyada uloom ata farma kar khilafa e ilaahiya aur
shafa’ate kubra ke darja rafeeya par mut’makkin farmaya.
Quran paak mein 7 cheezon ke mutalliq zikr hai ke wo ek dusre ke barabar nahin :
1) Aalim! Aur jaahil barabar nahin.
2) Khabees aur taiyab yaani napaak aur paak barabar nahin.
3) Dozakhi aur Jannati barabar nahin.
4) Andha aur aankh wala yaani ilm aur imaan wala aur unse khaali barabar nahin.
5) Zulmat aur noor yaani ilm aur imaan ki nooraniyat aur unse khaali hone ki wajah se haasil hone
wali tareeki barabar nahin.
6) Sardi aur garmi barabar nahin.
7) Zinde aur murde barabar nahin.
Hazrat Ali Murtaza radiallaho ta’ala anhu ne farmaya ke dunya chaar shakson se qaem hai :
1) Aalim ba amal se yaani ilme deen ke haasil karne ke baad uske aamaal bhi ahkaam e dunya ke
mutabiq ho.
2) Aise jaahil logon se jo ulama se muhabbat rakhte ho’n yaqeenan ulama ki sohbat ki wajah se
unhein neki ke kaamon ki raghbat haasil hogi aur uloom e dunya ke masail se kuchh na kuchh
zarur haasil honge.
3) Sakhawat karne wale maaldaron se yaani maaldaar jo ALLAH TA’ALA ki raah mein maal
kharch karta hai wo bhi buland martaba rakhta hai jo nizaam e dunya ke qaem rehne ka sabab hai.
4) Aur ghareeb log jin ke paas maal to nahin lekin wo thode maal aur mehnat wa mashaqqat par
sabr karne wale ho’n yaani saabir faqeer ke dam se bhi dunya qaa’im hai.
ALLAH TA’ALA ne irshad farmaya :
“Beshak Allah ke bandon mein se ALLAH TA’ALA se darne wale ulama hi hain”
Is aayat mein jab lafz Allah par “Pesh” (yaani urdu ka aeraab jise lagane se “Oo” ki aawaz nikalti
hai) ho aur lafz ulma par zabar ho to maane hoga ke ALLAH TA’ALA apne bandon mein se ulama
ko izzat wa waqaar ata farmata hai.
Nabiye kareem صلى الله عليه وسلم ne farmaya :
Jab ilme deen padhane wala shakhs faut (mar jaata hai) hota hai to us par fiza se parinde zameen
ke tamam janwar, dariyao mein rehne wali machhaliyan roti hain.
Hazrat Aamir Jehani radiallaho ta’ala anhu ek hadees bayan farmate hain ke :
Qiyamat ke din ilme deen padhne wale taalibe ilm ki syaahi aur shaheed ke khoon ko laaya jayega,
kisi ek ko dusre par fazeelat haasil nahin hogi.
TAZKIRATUL AMBIYA Hazrate adam
46
Hazrat Mus’ab bin Zubair radiallaho ta’ala anhu ne apne bete ko kaha :
Aey bete ilm haasil karo agar tumhare paas maal bhi hua to ilm tumhara jamaal hoga aur agar
tumhare paas koi maal na hua to ilm hi tumhara maal hoga.
Note: Allama Imaam Raazi rahmatullahi ta’ala alaihi ne fazeelate ilm mein is maqaam par bahut
taweel behas ki hai mukhtasar taur par kuchh zikr kiya gaya hai.
Hazrate Adam alaihissalam ki paidaish
ALLAH TA’ALA ne farmaya “Beshak hum ne tumhare asal adam ko mitti se paida kiya”.
Mazeed irshad farmaya :
“Yaad karo us waqt ko jab aap ke rab ne firishton se kaha beshak main ek bashar keechad se banane
wala hoon” isse muraad Adam alaihissalam hain.
Is maqaam par bashar se muraad aisa insaan jo zaahir chamde wala hoga, us par bhedon ki tarah
oon nahin hogi, bakriyon ki tarah baal nahin honge, unton ki maksi (oon) ki tarah bhi oon nahin
hogi, parindon ke paron ki tarah par nahin honge aur phalon ki tarah us par koi chhilka nahin
hoga.
“Beshak hum ne insanon ko chipakti hui mitti se paida kiya”
Yahan bhi muraad insanon se unke asal Adam alaihissalam hi hain.
Beshak humne insaan yaani Adam ko syaah khushk mut’gayyar keechad se paida kiya. Salsaal us
keechad ko kehte hain jo khushk ho jaaye khatkane par us se aawaz aaye, syaah keechad ko hama
kehte hain, jiski boo mein tagayyur aa jaaye usey masnoon kehte hain.
“Insaan yaani Adam ko khushk bajne wali theekari ki tarah ke keechad se paida kiya”.
In aayat se Adam alaihissalam ki paidaish ke mukhtalif maraahil ka zikr kiya gaya hai ke aapke
jisme at’har ke liye pehle khushk mitti ko laaya gaya phir usey ghoondh kar keechad banaya gaya
phir chipakne wali mitti banaya gaya phir usey usi tarah rehne diya gaya yahan tak ke wo khushk
ho gai aur bajne lagi aur uski boo mein tagayyur aa gaya phir aur zyada rakhne par theekari ki tarah
ho gai.
Jisme adam alaihissalam ke liye mitti li gai
Adam alaihissalam ke jisme at’har ki takhleeq ke liye mitti laane ke liye Hazrate Jibreel ko zameen
par bheja gaya, aap jab tashreef laaye to zameen se mitti lene ka iraada kiya to zameen ne badi aajizi
wa inkesari aur girya wa zaari se arz kiya ke meri mitti se banne wale shakhson ne agar khoon reziya
ki ya wo jurm ki wajah se jahannam mein gaye to takleef hogi.
Hazrate Jibreel zameen ki aajizi ko dekh kar wapas chale gaye aur ALLAH TA’ALA ke huzoor
tamam maajra bayan kar diya isi tarah Israfeel bhi aakar wapas chale gaye aur Mikaail bhi aakar
wapas chale gaye. In tamam ke baad Izraail aaye unki khidmat mein bhi zameen ne wo hi aajizana
guftagu ki lekin aapne kaha ke main teri baat tasleem karu ya ALLAH TA’ALA ke hukm par amal
karu? Mujhe ALLAH TA’ALA ka hukm hai isliye mujhe to mitti zarur hi lekar jaana hai, aapne
zameen ki inkesari ki taraf koi tawajjo nahin di balki irshade baari ta’ala ke mutabiq zameen se
mitti lekar rab ta’ala ke hujoor haazir ho gaye, isi wajah se ALLAH TA’ALA ne rooh qabz karna
bhi unke supurd kiya ke aisa na ho ke jibreel, Mikaail, Israfeel mein se kisi ke zimme lagaya to
TAZKIRATUL AMBIYA Hazrate adam
47
rooh qabz karne ke liye jayein to uske aqraba (rishtedar, relatives) ko rote huye paa kar isi tarah
chhod kar na aa jayein.
Kaisi mitti li gai?
Hazrat Abu Moosa ash’ari se marfoo hadees marwi hai :
Beshak ALLAH TA’ALA ne hukm diya ke tamam zameen se ek muththi bhar mitti le aao. Us
mitti mein har qism ke zarrat shamil kiye gaye surkh rang, safed rang, syaah rang aur unke
darmiyan rang mitti li gai. Isi tarah kuchh mitti narm zameen se li gai aur kuchh sakht zameen se,
aise hi taiyab (paak) wa khabees (napaak) mitti ko shamil kiya gaya, jitne qismon ke rangon wali
mitti aapke jism mein lagai gai aapki aulaad mein utne hi rang paaye jaate hain isi tarah koi narm
aur koi sakht dil koi nek aur koi bure.
Baaz hazraat ne bayan kiya ke Adam alaihissalam ki mitti mein 60 qism ke rang shamil the wo
tamam aapki aulaad mein paaye jaate hain.
Zameen mein chashme kyun jaari hain?
ALLAH TA’ALA ne jab Hazrate Adam alaihissalam ko paida karne ka iraada farmaya to zameen
ko bataya ke main tujh se ek makhlooq paida karne wala hoon jo mere mutee (farmabardar) honge
unko main jannat mein dakhil karunga aur jo mere nafarman honge unko main jahannam ki aag
mein daal dunga, ye sun kar zameen ne phir puchha aey Allah mujh se paida hone wali makhlooq
jahannam ki aag mein jayegi? Rab ta’ala ne farmaya haan to zameen itna royi ke uske rone se
chashme jaari ho gaye jo qiyamat tak jaari rahenge.
Insaan ko khushi kam aur gham zyada kyun?
Hazrat Izraail alaihissalam jab mitti ko laaye to unhein ALLAH TA’ALA ne hukm diya ke ise safa
marwa pahadiyon ke paas rakh do yaani wahan rakh do jahan aaj kal ka’aba shareef hai phir
firishton ko hukm diya ke ise mukhtalif paaniyon se gaara banayein phir us par 40 din baarish hui
39 din to gham wa ranj ka paani barsa aur ek din khushi ka, isliye insaan ko ranj wa gham zyada
rehte hain aur khushi kam. Phir usey mukhtalif hawao se khushk karke khatakne wali mitti bana
kar ALLAH TA’ALA ne khud apni qudrat e kaamila se aap ke qaalib (putla) ko taiyar kiya.
Adam alaihissalam ki soorat dekh kar firishte hairan ho
gaye
Firishton ne kabhi aisi soorat nahin dekhi thi wo hairan ho kar uske ird gird phirte the aur uski
khubsoorati par taajjub karte the iblees ko bhi iski khabar ho chuki thi, abhi tak wo mardood
nahin hua tha, wo bhi is qaalib ko dekhne aaya aur iske gird phir kar bola tum is par taajjub karte
ho ye to andar se ek khaali jism hai jis mein jagah jagah suraakh hain aur iski kamzori ka ye haal
hai ke agar bhooka ho to gir pade aur agar khub sair ho jaaye to chal na sake is khaali qaalib se
kuchh na ho sakega, phir kehne laga haan iske seene ki baayi (left side) taraf ek band kothri hai ye
khabar nahin ke ismein kya hai? Shayad ye hi lateefa e rabbani ki jagah ho jiski wajah se ye khilafat
ka haqdaar hua ho.
Adam alaihissalam ke qaalib mein rooh ka dakhool :
ALLAH TA’ALA ne rooh ko hukm diya ke is qaalib mein dakhil ho ja aur tamam hisson mein
TAZKIRATUL AMBIYA Hazrate adam
48
phail ja, jab rooh qaalib ke paas pahunchi to jism ko tang wa tareek paaya andar jaane se ruk gai.
Baaz riwayaat mein aata hai ke tab Noore Mustafa صلى الله عليه وسلم se wo qaalib jagmaga diya gaya yaani wo
noor adam alaihissalam ki peshani mein amaanat rakha gaya. Ab rooh aahista aahista dakhil hone
lagi abhi sar mein thi ke aapko chheenk aai aur zabaan mein pahunchi to aapne ‘Alhamdulillah’
padha aur ALLAH TA’ALA ne uske jawab mein ‘Yarhamkullah’ kaha aur ALLAH TA’ALA ne
farmaya aey abu Muhammad (ye aur abul bashar aap alaihissalam ki kunniyat hai) maine tumhein
apni hamd ke liye hi paida kiya hai. Jab rooh kamar tak pahunchi to aapne uthna chaha lekin aap
gir pade kyun ke rooh abhi neeche wale hisse mein nahin pahunchi thi ALLAH TA’ALA ne
farmaya :
“Insaan jaldbaaz paida kiya gaya” phir rooh tamam jism mein phail gai to aapko hukm hua ke
firishton ko salam karo aapne kaha ‘assalamualaikum’ firishton ne jawab diya ‘wa alaikum assalam’.
ALLAH TA’ALA ne farmaya ye hi aapke liye aur aapki aulaad ke liye salam ka tareeqa hoga. Aap
ne arz kiya meri aulaad kaun si hogi? To aap ki tamam aulaad ko aapke saamne kar diya gaya.
Nabi kareem صلى الله عليه وسلم ne farmaya beshak ALLAH TA’ALA ne Adam alaihissalam ko paida farmaya phir
unki peeth par apna daste qudrat phera aur aapki aulaad ko nikaal zaahir kiya phir farmaya maine
unko jannat ke liye paida kiya aur ye jannat walon ka amal karenge phir ALLAH TA’ALA ne apna
daste qudrat aapki peeth par phera aur aap ki baaqi aulaad ko zaahir farmaya aur rab ne kaha ke in
logon ko maine jahannam ke liye paida kiya hai ye jahannamiyon walon amal karenge.
Firishton ko adam alaihissalam ke saamne sajda ka hukm
Adam alaihissalam ki takhleeq se pehle hi ALLAH TA’ALA ne firishton ko hukm de rakha tha ke
tumhein mere khaleefa ke saamne sajda karna hai. Adam alaihissalam ki takhleeq ke baad firishton
par tamam cheezon ko pesh karke unke naam puchhe, jab firishton ne apni aajizi ka izhaar kar
diya to phir Adam alaihissalam se puchha aap ne tamam cheezon ke naam bata diye to phir hukm
diya. Irshad e baari ta’ala hai :
“Aur yaad karo jab humne firishton ko kaha adam ko sajda karo sab ne sajda kiya
siwaye shaitan ke usne inkaar kiya aur takabbur kiya wo kafiron se ho gaya”
Firishton ko sajda e tazeemi ka hukm diya gaya jaise hazrat Yusuf alaihissalam ke saamne aap ke
bhaiyon ne tazeeman sajda kiya humare Nabi e kareem صلى الله عليه وسلم ki shariat mein sajda e tazeemi haraam
qaraar diya gaya, ibadat ki garz se sajda siwaye ALLAH TA’ALA ke kisi shariat mein jaiz nahin
raha. Allama Aaloosi rahmatullahi ta’ala alaihi farmate hain :
Taaham phir bhi sabse pehla sajda Hazrate Jibreel ne kiya phir Mikaail, phir Israfeel, phir Izraail
alaihimussalam ne phir tamam firishton ne isliye Hazrate Jibreel alaihissalam ko sabse bada darja
ata kiya gaya yaani Ambiya -e- kiraam alaihimussalam ki khidmat mein unke paas “Wahee”
(Quran) laane ka azeem kaam unke supurd hua.
Baaz hazraat ne kaha ke sab se pehle sajda hazrat Israfeel alaihissalam ne kiya isliye unki peshani
par saara Quran likh diya gaya.
Adam alaihissalam ko khaleefa e haqeeqi ka mazhar
banaya gaya
Agarche zaahir taur par sabse pehle khaleefa Hazrate Adam alaihissalam hain lekin darhaqeeqat
TAZKIRATUL AMBIYA Hazrate adam
49
sabse pehle khaleefa humare Nabiye kareem صلى الله عليه وسلم hi hain kyun ke aapka apna irshade giraami ye
hai:
“Main us waqt bhi Nabi tha jab Adam alaihissalam rooh aur jism ke darmiyan the”
Hazrate Jibreel alaihissalam ALLAH TA’ALA ke hukm se Nabi kareem صلى الله عليه وسلم ki qabr anwar ki jagah
se mitti le gaye, aabe tasneem se usey ghoondha gaya, jannat ki neharon mein ghote diye gaye,
zameenon aasmanon mein phiraya gaya isi wajah se Hazrate Adam alaihissalam se pehle hi firishton
ne Nabi kareem صلى الله عليه وسلم ko pehchan liya tha. Phir us mitti ko Adam alaihissalam ke jism se mila diya
gaya aur noor e Muhammadi صلى الله عليه وسلم se Adam alaihissalam ki peshani ko chamkaya gaya.
Wo hi noor e Muhammadi darasal firishton se sajda karane ka sabab bana tha.
Imaam Raazi ne tafseer kabeer mein farmaya :
Beshak firishton ko Adam alaihissalam ko sajda karne ka hukm isliye diya gaya ke aapki peshani
mein Muhammad صلى الله عليه وسلم ka noor rakha gaya tha.
Allama Aaloosi rahmatullahi ta’ala alaihi farmate hain :
Yaani darhaqeeqat huzoor صلى الله عليه وسلم hi Allah ki makhlooq mein ALLAH TA’ALA ke khaleefa e aazam
hain aur zameenon aur buland aasmanon mein sab se muqaddam Imaam huzoor صلى الله عليه وسلم hi hain
agarche huzoor alaihissalam na hote to na Adam alaihissalam paida hote na unke ilaawa koi aur
cheez.
Allama Raazi aur Allama Aaloosi rahmatullahi alaihuma ki in ibaraat se waazeh hua ke khaleefa e
aazam huzoor صلى الله عليه وسلم hi hain Adam alaihissalam ki khilafat aapki khilafat ka zahoor hai.
Firishton ki tadad kitni hai?
Firishton ki tadad ko sirf ALLAH TA’ALA hi jaanta hai ya Nabi kareem صلى الله عليه وسلم ko tamam zameenon
aasmanon ka ilm diya gaya to aap jaante hain lekin aapne bhi tadad ko zikr nahin farmaya, albatta
Allama Raazi rahmatullahi ta’ala alaihi ne is tarah zikr farmaya ke firishton ki tadad bahut zyada
hai kyun ke Nabi kareem صلى الله عليه وسلم ne farmaya aasman mein charcharahat paida hui aur haq bhi ye hi
hai ke unmein charcharahat pai jaaye kyun ke aasmanon mein ek qadam ki jagah bhi nahin ke
wahan koi firishta sajda ya ruku na kar raha ho. Tamam insaan, jinn, haiwanaat, parinde, aabi
janwar sirf ruye zameen ke makeen firishton ka daswa hissa hain, phir ye bhi un tamam ke sath
mila kar pehle aasman ke firishton ka daswa hissa hain phir ye hi silsila saat aasmanon tak phir
arsh ke pardon ke sath aur haamileene arsh firishton ki tadad ke muqable mein ye aise hain jaise
samundar ke muqabil ek qatra ho.
iblees ki asal kya hai?
Kuchh hazraat is taraf hain ke iblees firishton se alahida hai kyun ke firishte noor se paida kiye
gaye hain aur ye naar (aag) se, ALLAH TA’ALA ne farmaya :
“Iblees jinnon se tha usne apne rab ke hukm ki nafarmani ki”
Sawal ye hota hai ke usey sajda ka hukm kaise tha? Halanki zaahir taur par to hukm sirf firishton
ko hai, to iska jawab un hazraat ki taraf se ye diya jaata hai ke ye kasrate ibadat ki wajah se firishton
hi mein dakhil tha aur malaika wale ahkaam hi us par jaari hote the yaani taghliban us par hukm
jaari hua jaise sardaron ko hukm diya jaaye to unke maatehat bhi is hukm mein dakhil hote hain.
Lekin kuchh muhaqqeqeen yaani Allama Baghwi Wahidi, Qazi Baizawi, Allama Aaloosi aur
TAZKIRATUL AMBIYA Hazrate adam
50
Allama Raazi is taraf hain ke ye firishton se hi tha.
Allama Aalusi farmate hain :
Iblees ko agarche rab ta’ala ne jinn kaha, Hazrate Aaisha radiallaho ta’ala anha ki riwayat mein bhi
usey jinn kaha gaya lekin jinn kehne se uske firishta hone mein koi farq nahin padta unmein koi
manafaat nahin isliye ke jinn kabhi to firishton ke madde muqabil alahida makhlooq ko bhi kehte
hain aur kabhi firishton ki ek qism ko bhi jinn kaha jaata hai.
Firishton ko jinn kyun kaha gaya hai?
Allama Aalusi rahmatullahi ta’ala alaihi farmate hain :
Isliye ke wo logon ki nazaron se poshida hote hain chhupi hui cheezon ko jinn kaha jaata hai isliye
firishton ko bhi jinn keh diya.
Iblees ke aag se paida hone aur firishton ke noor se paida hone mein bhi koi zarar nahin aur uske
firishte hone mein isse koi aeb saabit nahin ho sakta kyun ke aag aur noor ka madda ek hi hai, ek
hi jins se hain albatta awaariz ke lihaaz par mukhtalif hain yaani jiske sath dhunyein ki aamezish
hai wo aag hai aur jo saaf wa shaffaf hai wo noor hai.
Jis tarah mitti, ret, patthar, surma waghaira ka madda aur jins ek hai awarizaat ke lihaaz se
mukhtalif hain.
Iblees takabbur ki wajah se mardood ho gaya
ALLAH TA’ALA ke hukm se inkaar ki wajah iblees ka takabbur tha jab rab ta’ala ne usse puchha
ke too ne sajda kyun nahin kiya halanki mera hukm tha? To usne jawab dete huye ye kaha :
“Main isse behtar hoon kyun ke too ne mujhe aag se paida kiya aur ise mitti se”
Yaani jo shaan ke lihaaz se bada ho wo ghatiya ke saamne (maaz’Allah) sajda nahin karta. Iblees
haqeeqat mein adam alaihissalam ki shaan ko samajhne se qaasir raha usey ye maloom na ho saka
ke Allah ke Nabi ki shaan firishton se buland hoti hai. Rab ta’ala ne irshad farmaya :
“Too jannat se nikal ja! Too mardood hai aur beshak qiyamat tak tujh par laanat hai”
Saalahaa saal tak ibadat karne wala, rab ka muqarrab, Nabi ki shaan mein gustakhi karne se ek pal
bhar mein mardood ho gaya, jannat se nikaal diya gaya, qiyamat tak laanat ka mustahiq thehra
diya gaya.
Shaitan ki darkhwast ki manzoori
Bola mujhe fursat de us din tak ke log uthaye jayein farmaya
Tujhe mohlat hai, bola to qasam uski ke too ne mujhe gumrah kiya main zarur tere
seedhe raste par unki taak mein baithunga phir zarur main unke paas aaonga unke
aage aur unke peechhe aur unke daahine aur unke bayein se aur too unmein se aksar
ko shukr guzaar nahin payega.
Shaitan ye mohlat logon ke uthaye jaane tak talab karna chahta tha taaki maut ki sakhti se bach
jaaye lekin shaitan ki ye baat to na maani gai albatta pehli martaba soor phoonkne tak usko mohlat
de di gai.
Surah Nehal mein farmaya :
Beshak tujhe ek muqarrara waqt tak yaani pehle nafkha tak mohlat hai, yaani pehli martaba soor
phoonkne par shaitan bhi mar jayega. Albatta us waqt tak usey mohlat hai ke wo chaaron taraf se
TAZKIRATUL AMBIYA Hazrate adam
51
ghera daal kar insanon ke dilon mein waswase daalta rahe aur unhein baatil raah ki taraf maa’il
karta rahe aur kuchh logon ko ita’at se rok sake aur gumrahi mein daal sake.
Agarche shaitan insanon ko shubhaat (shak) aur buraiyon mein waaqey karne ka pakka iraada kar
chuka tha aur usey ummeed bhi thi ke wo apne maqsad mein kamyaab hoga lekin phir bhi usne
kaha ke too unmein se aksar ko shukr guzaar nahin payega. Dusre maqaam par shaitan ne nek
logon par apna daaw chalane se aajiz hone ka yoon zikr kiya.
Bola aey rab mere! Qasam uski ke too ne mujhe gumrah kiya main unhein zameen mein bhulaawe
dunga aur zarur main un sab ko be raah karunga magar jo unmein tere chune huye bande hain.
Shaitan ne kaha ke main logon par bure aamaal achhe aur muzayyan (saja kar) karke pesh karunga
is tarah wo mere behkane se seedhi raah se hat jayenge albatta aey Allah tere nek, mukhlis aur
barguzida bandon par mere warghalane ka koi asar nahin hoga.
ALLAH TA’ALA ne bhi shaitan ko bata diya tha beshak jo mere bande hain un par tera kuchh
qaboo nahin.
Shaitani waswase ke asar hone ya na hone ke lihaaz se
paanch qismein
Insaan jism aur rooh ka majmua hai rooh aalam e quds ki ek lateef makhlooq hai jismein aalam e
baala ke haqa’iq wa kamalaat aur tamam manaafe paaye jaate hain aur jism ki takhleeq mitti se hui
isliye ismein maaddi asraat aur khusoosiyaat aur zameen ki makhlooqaat wale kamalaat paaye jaate
hain.
ALLAH TA’ALA ka khaleefa banne ki istedaad har insaan ko jism aur rooh ke zimn mein ata hui
lekin shaitan ne insaan ko jo is nemat se mehroom karne ki koshish ki hai uske nateeje mein
insanon ke paanch giroh ban gaye.
1) Pehla giroh wo hai jo poori tarah shaitan ke qabze mein aakar khilafat e ilaahiya se baghawat
kar baitha usne khilafat ki istedaad bilkul zaaya (barbaad) kar di. ALLAH TA’ALA ki tauheed aur
uski maarfat se uska koi taalluq na raha donon jahanon ki nek bakhti aur humesha ki najaat ki
raahon se door ja pada, koi ruhani kamaal haasil karne ki usmein taaqat na rahi yahan tak ke
maaddi fawaid jaanne aur unhein haasil karne se bhi ye mehroom raha, ye wo log hain jo aqal wa
khirad se khaali hain jaahil kafir wa mushrik hain.
2) Dusra giroh wo jismein jismani istedaad to baaqi rahi magar shaitan ke bhatkane se bhatak gaya
aur ruhani istedaad ko zaaya (barbaad) kar diya, isliye ruhani taqazon ko ba ruye kaar laane se wo
mehroom ho gaya. Maarfat e ilaahiya to darkinaar ALLAH TA’ALA ki hasti se bhi munkir ho
gaya, usne sirf jism aur maadda ko apna maqsad samajh liya aur apni baqiya istedaad ka rukh
maaddiyaat hi ki taraf mod diya, wo aqli pecheedgiyon mein gum hokar reh gaye, baaz ne jadeed
inkishafaat aur maaddi ijadaat mein bahut badi kamyaabi haasil kar li, beshumar mufeed cheezein
ijaad ki, fiza mein udne wale taiyare, khala mein noor wa seyyaron ke zariye zameen wa aasman
tak raabte qaa’im kar liye, hairat angez aalaat ijaad kar liye ab unki taraqqi ka aakhri marhela hai
ke unhone bani noo’a insaan ki halaakat ke liye hazaron meel tak maar karne wale missile taiyar
kar liye. Atom bomb, neepam bomb banaye, aawaz se zyada tez raftaar hawai jahaz taiyar kiye jinke
zariye chand secondo mein ruye zameen ko halaakat khez manzar mein tabdeel kiya ja sakta hai
aur atom bombo ke zariye kurraye arz ko aankh jhapakne ki miqdaar mein uda kar tabaah wa
TAZKIRATUL AMBIYA Hazrate adam
52
barbaad kar dena aasan hai. Khilafate ilaahiya ki wo istedaad jo bani noo’a insaan ki jismani,
ruhani, dunyavi, ukhrawi fawaid ke liye thi usey insanon ke halaak kar dene wale aalaat ke liye
waqf kar diya gaya.
Ab maamla yahan tak pahunch chuka hai ke in hathiyaron ko ijaad karne wale khud apne aapko
un ki zad mein mehsoos kar rahe hain unhein har waqt ye khatra laahiq hai ke humare hi ijaad
kiye huye aalaat na maloom kis waqt hum par phat padein aur kurraye arz ke sath hum bhi luqma
-e- ajal ban kar na reh jayein.
3) Teesra giroh wo hai jinmein khilafate ilaahiya ki istedaad to maujood thi magar shaitan ke
warghalane ka itna asar un par zarur hua ke wo ghaflat aur susti ka shikar ho gaye ke apni istedaad
ko poori tarah ba ruye kaar na laaye, ye wo aam musalman log hain jinhone qadre qaleel jismani
aur ruhani munaafa haasil kiye magar apni salahiyaton ko poori tarah kaam mein na laane ki wajah
se ruhaniyat ya maaddiyaat par kaamil tasarruf haasil na kar sake, beshak wo mansabe khilafat par
faa’iz nahin huye magar unhone khilafate ilaahiya se baghawat bhi nahin ki yaani imaan se hath
nahin dhoye.
Lekin ye khayaal rahe ke is giroh mein phir do qismein hain ek wo jin par shaitan ka asar kam hota
hai aur dusre wo jin par shaitan ka bahut zyada asar hota hai agarche imaan se door to nahin hote
lekin bahut hi zyada gunahon mein mubtala ho jaate hain.
4) Chautha giroh Allah ke un khaas bandon ka hai jin mein ALLAH TA’ALA ki ata farmai hui
jismani, ruhani, ilmi, amli poori istedaad maujood thi aur shaitan ke bhatkane ka unki istedaad ko
koi nuqsaan na pahunch saka. ALLAH TA’ALA ne shaitan ko mukhatib farma kar pehle hi farma
diya tha.
“Beshak mere khaas bandon par tujhe koi ghalba haasil na hoga”
Ye muqaddas giroh Ambiya -e- kiraam aur unke manne wale kamileen par mushtamil hai jinhone
ALLAH TA’ALA ki ata farmai hui istedaad ko poori tarah kaam mein lakar khilafate ilaahiya ke
mansab ko paaya, hikmat wa maslehat ke mutabiq ruhaniyat wa maaddiyat par mutsarrif hone aur
khilafat e ilaahiya ke taqazon ko unhone sahi maaynon mein paaye takmeel tak pahunchaya.
5) Paanchwa giroh wo hai jis ne apne khayaal mein sirf rooh aur uske taqazon ko peshe nazar rakha
aur jismaniyaat aur maaddiyaat ko nazar andaaz kar diya ye wo log hain jo apne apne khayaal ke
mutabiq riyazat wa mujahida mein mashgool rahe un mein kuchh wo hote hain jin ka ALLAH
TA’ALA ki wahdaniyat par imaan hota hai wo shaitan ke bhatkane se mehfooz rehte hain aur
kuchh wo hote hain jo ALLAH TA’ALA ki wahdaniyat par imaan nahin rakhte unko shaitan
najaat ki raah se mukammal taur par hata deta hai apni riyazat aur mujahida se kisi ne fayda utha
kar ruhaniyat ko haasil kar liya albatta dunyavi aur maaddi munaafa se mehroom rahe aur kisi ko
apne khayaal ke mutabiq apni ki hui riyazat wa mujahida se ruhaniyat mili aur na hi dunyavi aur
maaddi munaafa haasil huye.
Shaitan ne apni bakhshish ka mauqa gawaaya
Shaitan ne ibtedai taur par Adam alaihissalam ko sajda karne se inkaar kar diya aur peeth pher kar
khada ho gaya firishton ne ek sajda pehle kiya aur phir usey khada dekh kar dusra sajda ba taur
shukr kiya.
Hazrat Moosa alaihissalam ke zamane mein shaitan ne Moosa alaihissalam ko kaha ke tum ALLAH
TAZKIRATUL AMBIYA Hazrate adam
53
TA’ALA se kalaam karte waqt meri sifarish bhi kar dena, aapne jab rab ta’ala ke huzoor arz kiya to
ALLAH TA’ALA ne kaha iblees ko jakar keh do ke Adam alaihissalam ki qabr ko jakar sajda kar
lo to main tumhare gunah maaf kar dunga, ye kehne laga zinda Adam ko sajda nahin kiya to ab
murda Adam ko sajda kaise karu? Is tarah usne inkaar kiya.
Baaz riwayaat mein hai ke ek laakh saal ke baad iblees ko jahannam se nikaal kar aur Adam
alaihissalam ko jannat se nikaal kar phir usey kaha jayega ke Adam alaihissalam ko sajda kar lekin
ye inkaar kar dega usey phir jahannam ki aag mein daal diya jayega.
Fayda: Nabi ko is dunya se rukhsat hone ke baad qabr ki zindagi mein sabse pehle murda kehne
wala shaitan hai ab bhi uske chele, chamche Ambiya -e- kiraam ko murda keh rahe hain, aur jo
kaam baap kare uski aulaad wo hi kaam kare to koi khaas taajjub ki baat nahin khwah haqeeqi
aulaad ho ya maanwi aulaad ho.
Iblees ka naam iblees ya shaitan kyun?
Iblees ka mardood hone se pehle suryani zabaan mein naam azazeel aur arabi zabaan mein haaris
tha jab ALLAH TA’ALA ke hukm ka inkaar kiya to iblees naam hua jiska maayne hai khair se
door hona aur Allah ki rehmat se na ummeed hona, usey shaitan bhi kaha gaya hai agar uska
maadda shatan hoga to maayne hoga haq se door hone wala, agar wo shaitan se makhooz hai to
maayne hoga halaak hone wala aur jal jaane wala.

 

Hazrate Hawwa ki paidaish

Jab Hazrate Adam alaihissalam ko firishton ne sajda kiya aur iblees inkaar wa takabbur ki wajah se
mardood ho gaya to Adam alaihissalam jo khaak se paida huye the aapka jannat mein koi humjins
nahin tha kyun ke firishte alag jins the isliye ALLAH TA’ALA ne aap par neend ko musallat kiya
phir aapki bayein (left) pasli se Hazrate Hawwa ko paida kiya aur uski jagah gosht rakh diya gaya
jab aap bedaar huye to aapne apne sar ke paas Hazrate Hawwa ko baithe huye paaya puchha ke
kaun ho? Unhone kaha ke main aurat hoon, phir aapne kaha tumhein kyun paida kiya gaya? To
unhone arz kiya taaki mujhse sukoon haasil karo.
Firishton ne Hazrate Adam alaihissalam ke ilm ka imtehan lene ke liye puchha ke ye kaun hai? To
aapne farmaya ye aurat hai phir unhone puchha ise aurat kyun kaha gaya hai? To aapne farmaya
choonki ye mard se bani hai, phir unhone sawal kiya ke iska naam kya hai? Aapne farmaya Hawwa,
phir unhone kaha iska naam Hawwa kyun rakha gaya? Aapne farmaya ke zinda cheez ko “Hayy”
kaha jaata hai ye bhi zinda se paida hui isliye iska naam Hawwa rakha gaya.
Ek riwayat ke mutabiq Hazrate Hawwa ki paidaish firishton ke sajde ke baad jannat mein hui aur
dusri riwayat ke mutabiq Hazrate Adam alaihissalam ka jism zameen mein taiyar kiya gaya aur
ismein rooh ko dakhil bhi zameen mein hi kiya gaya aur Hazrate Hawwa ki paidaish bhi zameen
par hi hui phir donon ko jannat mein le jaaya gaya.
Hazrate Adam alaihissalam ki shaadi aur mehar
Jab Hazrate Hawwa ko paida kiya gaya to Hazrate Adam alaihissalam ne unki taraf mailaan karna
chaha aur iraada farmaya ke daste muhabbat badhayein to firishton ne kaha Aey Adam thehar jao
pehle mehar ada kar do aapne farmaya wo mehar kya hai? Firishton ne kaha mehar ye hai ke tum
Nabi e kareem صلى الله عليه وسلم par durood padho.
TAZKIRATUL AMBIYA Hazrate adam
54
Ek riwayat mein teen dafa aur ek mein 70 martaba durood paak padhne ka hukm diya gaya yaani
is mas’ale mein ittefaaq hai ke Adam Alaihissalam ka mehar ye hi tha ke wo Nabi e kareem صلى الله عليه وسلم par
durood paak padhein aap ne durood padha aur firishton ki gawahi se nikah hua.
Isse ye bhi pata chala ke beshak Nabiye kareem صلى الله عليه وسلم har maujood cheez ke liye waseela hain yahan
tak ke aap apne baap Hazrate Adam alaihissalam ka bhi waseela hain.
Dusri riwayat ke mutabiq aap ko aur Hazrate Hawwa ko shaadi ke baad firishte sone ke takht par
baitha kar is tarah jannat mein le gaye jis tarah badshahon ko izzat ki khaatir utha kar le jaate hain
goya ke baraat ki wapasi par firishte sunehari doli mein donon miyan beewi ko utha kar la rahe
hain.
Qanoone qudrat aur qanoon e aadat mein farq
ALLAH TA’ALA ki aadat shareefa ye hai ke aam taur par kaamon ke asbaab bana diye hain isi
tarah insanon ki paidaish mein bhi qanoone aadat asbaab ke maatehat kar diya gaya ke maa’n aur
baap se aulaad ki paidaish hoti hai lekin ye qanoone qudrat nahin.
Qanoone qudrat ki ALLAH TA’ALA ne ek misaal qaa’im kar di hai ke main is tarah bhi kar sakta
hoon asbaab ki mujhe koi mohtaaji nahin, mard aur aurat ke baghair apne daste qudrat se mitti
ka qaalib bana kar usmein rooh phoonk kar Hazrate Adam alaihissalam ko paida farmaya aur aurat
ke baghair mard ki pasli chaak karke aam aadat ke khilaaf Hazrate Hawwa ko paida farma kar ye
waazeh kar diya ke main baghair auraton ke mardo se aulaad paida karne par bhi qaadir hoon aur
aurat se baghair uske khawind ke beta paida karke bhi waazeh kar diya ke meri qudrat se ye bhi
koi bayeed baat nahin yaani hazrat Maryam se Hazrate Eisa alaihissalam ki paidaish to ek aam
tareeqa ke mutabiq hi hui lekin ismein mard ka koi waasta nahin, sirf Jibreel ameen ki phoonk ka
asar hai kyun ke Eisa alaihissalam ka koi baap nahin.
Hazrate Adam wa hawwa alaihissalam ko darakht se
mana karne mein hikmat
Agar Hazrate Adam alaihissalam jannat mein na hote balki pehle hi zameen par hote to “Aur tum
donon us darakht ke qareeb na jao” kehne ki na zarurat darpesh aati aur na hi aap se bhool waaqey
hoti lekin aap to jannat mein the aur aapka zameen mein rehna aur zameen mein hi Allah ka
khaleefa banna khud rab ta’ala ki muraad thi aap ki takhleeq se pehle hi ALLAH TA’ALA ne farma
diya tha “Beshak main zameen mein khaleefa banane wala hoon” isse maloom hua ke adam
alaihissalam apne mehboob aur mehboob ki muraad ko nahin bhoole yaani ALLAH TA’ALA aur
uski muraad jo thi ke aap zameen mein mere khaleefa honge usse Hazrate Adam alaihissalam se
bhool nahin waaqey hui balki ALLAH TA’ALA ki marzi ke mutabiq kaam hua, albatta bhool unke
maasiwa cheez mein hui jo ALLAH TA’ALA ki hikmat ka taqaaza tha ke ek darakht ke qareeb
jaane se roka usmein bhool waaqey hui jo zameen mein aane ka sabab bani.
Is maqaam par ye shubah (shak) sahi na hoga ke ALLAH TA’ALA Hazrate Adam alaihissalam ko
is bhool ke baghair zameen par laane par qaadir tha beshak uski qudrat haq hai lekin usne izhaar
e qudrat ko khud hi hakeemana asbaab ke sath marboot farmaya hai. Adam alaihissalam ka nisyaan
un hi asbaab mein shamil hai, ALLAH TA’ALA ke qaadir hone ke sath sath uska hakeem hona
bhi barhaq hai aur hakeem ki shaan nahin ke hikmat ke khilaaf koi kaam kare, hikmat ki riyaayat
se qudrat ki nafi nahin hoti. Adam alaihissalam ki us zaahiri lagzish ko haqeeqatan maasiyat na
TAZKIRATUL AMBIYA Hazrate adam
55
samjha jaaye aur is baat par ghaur kiya jaaye ke ALLAH TA’ALA ne Hazrate Adam alaihissalam
ko jannat mein thehra kar ek khaas darakht ke qareeb jaane se mana farma diya aur shaitan ko
ikhtiyar de diya ke wo is mumaniyat ki khilaaf warzi mein adam alaihissalam ki lagzish ka sabab
ban jaaye aur lagzish ke saadir hone ke baad Adam alaihissalam ka zameen mein khaleefatullah
hona jo mansha e iyzadi tha hakeemana taur par poora ho jaaye, adna taammul se ye baat samajh
mein aa sakti hai ke ALLAH TA’ALA ne apne mansha aur muraad ko mut’haqqiq farmane ke liye
ye sab hakeemana asbaab paida farmaye.
Adam alaihissalam se bhool hui
“Aur us darakht ke qareeb na jaana ke had se badhne walon mein se ho jaoge”
Adam aur hawwa alaihissalam donon us darakht ke qareeb gaye aur ALLAH TA’ALA ki mumanat
(mana karne) ke bawajood unhone usey kha liya aisi soorat mein aayat e kareema ka ba zaahir
mafaad ye hi hoga ke Adam wa Hawwa alaihimassalam (maaz’Allah) donon zaalim ho gaye magar
yaad rahe ke Adam alaihissalam Allah ki zameen par ALLAH TA’ALA ke pehle khaleefa aur uske
Nabi huye Allah ka Nabi aur Allah ka khaleefa kabhi zaalim nahin ho sakta. Agar koi banda
Hazrate Adam alaihissalam ko zaalim kahega to wo khud zaalim wa kafir qaraar payega.
Zulm ke maayne
Yaani kisi cheez ko us ki asal jagah ki bajaye kisi dusri jagah rakh dena.
Quran kareem mein shirk ke liye bhi lafz zulm waarid hai haq talafi aur haakim ke farmane haq ki
nafarmani ko bhi zulm kehte hain balki har maasiyat wa gunah zulm hai. ALLAH TA’ALA bande
ko jis kaam ka hukm de uski khilaaf warzi yaqeenan gunah hai lekin uska qanoon ye hai ke wo
bandon ko usi kaam ka hukm deta hai jo bande ke ikhtiyar mein ho dekhiye Qurane kareem ne
farmaya “ALLAH TA’ALA kisi ki taaqat wa ikhtiyar se baahar usey koi hukm nahin deta” zaahir
hai ke bhool kar kisi kaam ka karna ya na karna bande ke ikhtiyar mein nahin, aisi soorat mein
“us shajar ke qareeb na jaana” ki nahin ke ye maayne nahin ho sakte ke tum bhul kar bhi us darakht
ke qareeb na jaana warna tum donon zaalimon mein se ho jaoge.
Ab is baat ka faisla ke Hazrate Adam alaihissalam qasdan (jaanbujh kar) us darakht ke qareeb gaye
ya bhool kar bila qasd? Khud Quran majeed se hi sun lijiye ALLAH TA’ALA ne farmaya:
“Aur beshak humne usse pehle Adam alaihissalam se darakht ke qareeb na jaane ka
ahad liya to wo bhool gaye aur humne unka koi qasad na paaya”
Saabit hua ke Adam alaihissalam se kisi qism ka koi zulm sarzad nahin hua na unhone koi shirk
kiya, na unse koi haq talfi hui, na unse kisi maasiyat aur gunah ka sudoor hua. Jaise rozedaar ka
roze ki haalat mein bhool kar khana peena gunah nahin usi tarah Adam alaihissalam ka us darakht
se bhool kar kha lena bhi gunah nahin yaqeenan wo gunahon se paak aur Nabi hone ki wajah se
masoom hain. Shaitan unse jis zaahiri lagzish ke saadir hone ka sabab bana wo haqeeqatan maasiyat
nahin balki uske sath ALLAH TA’ALA ki hikmatein mutalliq hain is tarah Hazrate Adam
alaihissalam ka “Aye humare rab, hum ne apne nafs par zulm kiya” kehna bhi unke zaalim hone
ki daleel nahin balki unke kamaale abdiyat aur rabbe kareem ki bargah mein intehai tawaju aur
inkesari par mabni hai.
TAZKIRATUL AMBIYA Hazrate adam
56
Shaitan ke phuslaane ka kya matlab?
To shaitan ne unhein us darakht ke zariye phuslaaya aur jahan wo rehte the wahan
se unhein alag kar diya.
Adam wa Hawwa alaihimassalam ke liye farman tha ke us darakht ke qareeb na jaana, shaitan ne
unse is farmane ilaahi ki nafarmani karani chahi isliye waswase ki zabaan mein donon se kaha ke
main tumhein aisa darakht na dikhao jiske khane se tum humesha jannat mein raho aur tumhein
aisi badshahi naseeb ho jaaye jismein kabhi kisi qism ki kamzori paida na ho. Shaitan ne unke
dilon mein baar baar waswasa paida kiya aur waswasa ki zabaan mein qasam kha kar unko kaha ke
main tumhara khair khwah hoon us darakht ke khane se tumhare rab ne sirf isliye tumhein roka
hai ke tum firishte na ho jao humesha tumhein jannat mein rehna naseeb na ho jaaye, bil aakhir
dhoke se unhein is darakht ke khane par aamaada kar liya aur adam wa hawwa alaihissalam ne
darakht se kha liya aur khate hi unka jannati libaas unse utar gaya aur jannati darakhton ke patton
se apne apne jismon ko dhanpa (chhupaya) aur wo jannat se zameen ki taraf utaar diye gaye yahan
tak to shaitan ki khwahish poori ho gai lekin asal maqsad mein wo kamyaab na hua uski asal
khwahish ye thi ke Adam alaihissalam Allah ki mumaniyat ko yaad rakhte huye qasdan us darakht
se khayein aur is tarah aasi aur nafarman hokar jannat se nikaale jayein isliye usne waswasa ki
zabaan mein kaha ةِ
َ
ر
َ
ج
َ

ِذِهالش
ٰ
ه
ََعْ
ا
َ
م
ُ
ك
ُ

ب
َ
ار
َ
م
ُ
ك
ٰ
ه
َ
ال
َ
م keh kar ALLAH TA’ALA ki nahin bhi unhein yaad dila di,
lekin ismate ilaahiya ne unhein maasiyat se bacha liya aur us darakht ke khane se pehle mumaniyat
e ilaahi ka unhein nisyaan ho gaya jaisa ke ALLAH TA’ALA ne farmaya :
“Adam bhool gaye humne unka qasad na paaya”
Aur Adam alaihissalam qasdan farmane ilaahi ki khilaaf warzi se bach gaye aur shaitan apne asal
maqsad mein nakaam ho gaya ye hi wajah hai ke ALLAH TA’ALA ne azal (jaal ke sath) ke bajaye
azal nahi farmaya yaani ye farmaya ke shaitan ne unko phusla diya ye nahin farmaya ke unhein
gumrah kar diya.
Shaitan ne waswasa kyun daala?
Adam alaihissalam ko jab firishton ne sajda kar liya to aapko aur aapki zauja ko jannat mein rehne
ka hukm hua aur irshad hua ke aap yahan jo chahein ba faraghat khayein lekin us darakht ke
qareeb na jayein to us mana kiye huye darakht ki wajah se shaitan ne donon ko phusla diya aur
unhein khushhaali, be fikri aur aesh wa ishrat ke mahol yaani jannat se door kar diya, wajah uski
ye bhi thi ke jab Hazrate Adam alaihissalam ko sajda karne se shaitan ne inkaar kar diya aur
takabbur kiya to ALLAH TA’ALA ne farmaya “Too mardood hai yahan se nikal ja” to shaitan ke
dil mein bughz wa hasad ki aag bhadakne lagi aur kehne laga ke jis tarah main zaleel wa khwar kar
ke nikaala gaya hoon adam wa hawwa aur unki nasl ko bhi isi tarah jannat se nikaluga aur unhein
isi tarah gumrah karunga jis tarah mujhe gumrah kiya gaya yaani main unse apna poora badla
lunga.
Shaitan phuslaane par kaise qaadir hua?
Shaitan ne jab sajda se inkaar kiya usey jannat se nikal jaane ka hukm diya gaya usi waqt usne
ALLAH TA’ALA se muhlat le li agarche ALLAH TA’ALA ne farma diya tha ke tera daaw mere
TAZKIRATUL AMBIYA Hazrate adam
57
mukhlis bandon par nahin chalega isliye shaitan aapse qasdan gunah na kara saka balki sirf muhlat
ka faayda uthate huye aapke dil mein waswasa daal kar aap ko bhula diya.
Shaitan insanon ko kaise waswase mein daalta hai?
ALLAH TA’ALA ne irshad farmaya :
“Beshak wo aur uska qabeela tumhein dekhta hai jahan se tum usey nahin dekh sakte”
Yaani shaitan aur uske zere asar dusre chhote chhote shaitan jahan kahin bhi ho’n insanon ko dekh
sakte hain aur unhein waswase mein daal sakte hain halanki insaan unhein nahin dekh rahe hote.
Beshak shaitan insaan ke andar apne asraat is tarah jaari wa saari kar sakta hai jaise adam ki ragon
mein khoon jaari hota hai.
shaitan ne kahan se waswasa wali guftagu ki?
Shaitan ne Adam wa Hawwa se jo guftagu ki wo qawi waswason ke zariye ki.
Usne zameen se hi waswase ki zabaan mein wo kuchh keh diya jo kehna chahna tha jab se usey
jannat se nikaal diya gaya phir usey aasmanon par chadhne ki na ijazat thi na hi wo chadh saka.
Quran majeed ya kisi hadees mein waarid nahin hua ke shaitan Adam wa Hawwa ke paas jannat
mein pahuncha ho Quran paak mein to sirf ye hi alfaaz waarid hain “Un donon ko shaitan ne
waswase mein daal diya”.
Aur Surah Taaha aayat 120 mein hai shaitan ne un (Adam) ko waswase mein daal diya, shaitan ko
waswase mein daalne ke liye jismani taur par kisi ke paas jaana zaruri nahin aur na hi ye zaruri hai
ke wo jise waswase mein daale wo usey dekhe bhi.
Tambeeh: Jin aqwaal mein shaitan ka saanp ke zariye jannat mein jaana saabit hai ya shaitan ka
jannat ke darwaze par baith kar waswase mein daalne ka zikr hai wo bani israel ke manghadat
aqwaal hain. Ibne kaseer ne kaha :
‘Yahan mufassereen ne kai israeli khabrein naqal kar di hain’
Aur Imam Raazi farmate hain :
‘Zaruri hai ke aisi riwayaat ki taraf bilkul iltifaat na kiya jaaye’
Fayda: Shaitan ko ALLAH TA’ALA ne itne tasarrufaat ki taaqat de di hai ke wo kahin bhi logon
ke dilon mein waswase daal leta hai aur hazrat Izraail malkul maut firishte ko itni taaqat haasil hai
ke wo ek lamhe mein tamam ruye zameen ke kone kone mein rooh qabz kar sakta hai aur saiyadna
Muhammad صلى الله عليه وسلم ko ALLAH TA’ALA ne unse zyada tasarrufaat ki taaqat di hai to ismein dusre kisi
ka kya nuqsaan? Aap apne ummati ki haalate zaar ko dekhein, uski haajat ko poora karein wo
kahin bhi ho? Ismein na to koi shirk hai aur na hi aqlan muhaal hai.
Aitraaz:
ALLAH TA’ALA ne irshad farmaya: ی
ٰ
و
َ
غ
َ
هف
َ

ب
َ
ر
ُ
م
َ
د

ٰٰصآ
َ
ع
َ
و
Yahan par kai mut’rajjemeen ne “صٰٰ
َ
ع “ka maana “Hukm taala” nafarmani ki, aap se qasoor hua
kiya hai aur “ی
ٰ
و
َ
غ “ka maayne raah se behka, gumrah huye, ghalti mein pad gaye, raahe raast se
bhatak gaya kiya hai to kis tarah kaha ja sakta hai ke Adam alaihissalam se sirf bhool waaqey hui
aap ne koi jurm aur gunah nahin kiya?
Jawab: Aap mut’rajjemeen ne yahan tarjuma sahi nahin kiya dekhiye Aala Hazrat Maulana
Ahmad Raza Khan Bareilvy rahmatullahi ta’ala alaihi ne ye tarjuma kya hai :
TAZKIRATUL AMBIYA Hazrate adam
58
“Adam alaihissalam se apne rab ke hukm mein lagzish waaqey hui jo matlab chaha
tha uski raah na pai”
Is tarjume se waazeh ho raha hai ke ye lagzish bhool kar thi ismein koi gunah ya bhatkane wali
baat nahin thi. Is maqaam par Allama Raazi rahmatullahi ta’ala alaihi ne tafseer kabeer mein zikr
farmaya :
Yaani beshak zaahir Quran paak agarche dalaalat karta hai ke Hazrate Adam alaihissalam se isyaan
wa ghawayat waaqey huye lekin kisi ko ye kehne ka koi haq nahin ke wo ye kahe ke Hazrate Adam
ne hukm taala wo gumrah huye bhatak gaye yaani maqsad ye hai ke ye alfaaz ALLAH TA’ALA ne
istemal farmaye usko haq pahunchta hai wo apne bande ke haq mein jo alfaaz chahe istemal kare
lekin wo hi haqeeqatan unke maayne se bhi aagah hai.
Is maqaam par Allama Aalusi rahmatullahi ta’ala alaihi ruhul ma’ani mein tehreer farmate hain :
Qazi Abu Bakar bin arabi ne waazeh taur par bayan farmaya ke isyaan yaani nafarmani, bhatak
jaana, behak jaana, gumrah ho jaana is qism ke alfaaz ki nisbat jab hum apne walidain aaba wa
ajdaad ki taraf nahin kar sakte jo insaniyat mein humare mamaasil hain aur Ambiya -e- kiraam se
ghatiya hain aise alfaaz ki nisbat Ambiya -e- kiraam aur khusoosan Hazrate Adam alaihissalam ki
taraf kaisi ho sakti hai? Jo bar guzeeda mukarram aur har tarah tazeem wa takreem ke lihaaz se
muqaddam hain.
Ma’alimul Tanzeel mein hai :
Ye yaqeeni baat hai ke Adam alaihissalam par aasi waghaira (nafarman hua, behak gaya, gumrah
hua) ke alfaaz ka itlaaq jaiz nahin.
Ambiya -e- kiraam gunahon se paak hain
Ambiya -e- kiraam tamam saghaayar aur kabaayar gunahon se paak hote hain maaz’Allah Ambiya
-e- kiraam se gunah sarzad ho’n ye ho nahin sakta Allama Raazi rahmatullahi ta’ala alaihi ne is par
kai daleelein qaa’im ki hain aap farmate hain :
1) Agar Ambiya -e- kiraam se gunah sarzad ho’n to unka martaba apni ummaton ke nafarman,
gunahgaar logon se bhi kam hoga aur ye jaiz nahin, wajah ye hai ke Ambiya -e- kiraam ke maraatib
bahut buland hote hain unhein aala darje ki buzurgi aur sharafat haasil hoti hai jo aala darja rakhte
ho’n unse gunah sarzad ho’n to wo bahut zyada bure samjhe jaate hain ALLAH TA’ALA ne
farmaya :
“Aey Nabi ki beewiyon! Jo tum mein sareeh haya ke khilaaf koi jurrat kare us par
auron se dugna azaab hoga”
Isse muraad shauhar ki ita’at mein kotahi karna aur uske sath bad-akhlaqi se pesh aana hai kyun
ke badkaari se ALLAH TA’ALA Ambiya ki beewiyon ko paak rakhta hai. Beharhaal jis shakhs ki
khusoosiyat aur fazeelat zyada hoti hai usse agar qasoor waaqey ho to wo qasoor bhi dusron ke
qasoor se zyada sakht qaraar diya jaata hai.
Isi tarah mehsan se badkaari sarzad hone mein rajm kiya jaata hai aur ghair mehsan ko 100 kode
lagaye jaate hain kyun ke mehsan ki shaan ghair mehsan se isliye zaayad hai ke wo shaadi shuda
hai usse badkaari sarzad hona azeem jurm samjha jayega. Jab ke is par bhi ijma hai ke Nabi ka
maqaam ummat ke kisi fard se bhi kam nahin ho sakta to gunahgaron se kam darja kaise ho sakta
hai?
TAZKIRATUL AMBIYA Hazrate adam
59
2) Gunahgaar faasiq hota hai aur agar Nabi se gunah sarzad ho’n to wo maaz’Allah faasiq honge
aur faasiq ki shahadat qabool nahin kyun ke ALLAH TA’ALA ne farmaya :
“Agar koi faasiq tumhare paas khabar laaye to tehqeeq kar lo”
3) Ambiya -e- kiraam se agar gunahe kabeera sarzad hona jaiz ho sake to unko zajr karna aur sakhti
se rokna zaruri ho jayega is tarah Ambiya -e- kiraam ka iza pahunchana haraam nahin hoga halanki
Ambiya -e- kiraam ko iza pahunchana haraam hai. ALLAH TA’ALA ne irshad farmaya :
“Beshak jo log iza dete hain Allah uske rasool ko un par Allah ki laanat hai dunya
aur aakhirat mein”
4) Har Nabi ki ummat par laazim hota hai ke wo apne Nabi ki taabedari karein jaise humein hukm
diya gaya hai.
ALLAH TA’ALA ne Nabi kareem ki zabaane mubarak se kehlaaya ‘meri taabedari karo’ agar
maaz’Allah aap se gunah sarzad hone jaiz ho sakein to aap ki ummat ko aapke gunahon ki taabedari
karna wajib hoga is tarah gunah karne haraam bhi ho’n aur gunahon mein Nabi ki taabedari wajib
bhi ho, ek hi waqt mein ek kaam haraam bhi ho aur wajib bhi ho ye kaise mumkin ho sakta hai?
5) Humari aql waazeh taur par ye kaam karti hai ke Nabi ka muqaam bahut buland hota hai Nabi
ALLAH TA’ALA ki’ ‘wahee’ (Quran) ka ameen hota hai aur Nabi Allah ke bandon aur uski
zameen mein Allah ka khaleefa hota hai. Ye kaise ho sakta hai ke wo Allah ke farman ko sunte
huye ke “Ye kaam na karo” phir wo apni lazzaat ko tarjeeh de kar wo kaam kare? Allah ke rokne
aur uske azaab ke khauf ki taraf tawajjo na de ye bahut bura aur namumkin hai.
6) Jo log gunahon ka irtikaab karte hain wo azaab ke mustahiq hote hain ALLAH TA’ALA ne
farmaya :
“Aur jo Allah aur uske rasool ki nafarmani karein to beshak unke liye jahannam ki
aag hain jismein humesha rahenge. Usi tarah gunahon ke murtakib laanat ke
mustahiq hote hain”
ALLAH TA’ALA ne irshad farmaya :
“Khabardar zaalimon par Allah ki laanat hai”
Agar Ambiya -e- kiraam gunah karein to wo azaab aur laanat ke mustahiq honge halanki ijma e
ummat hai ke Ambiya -e- kiraam azaab ya laanat ke mustahiq nahin ho sakte.
7) Ambiya -e- kiraam logon ko ALLAH TA’ALA ki ita’at ka hukm dete hain agar khud us par
amal na karein to un par saadiq aayega.
Logon ko bhalai ka hukm dete ho aur apni jaanon ko bhoolte ho halanki tum kitaab
padhte ho to kya tumhein aqal nahin?
Jab ek aam naseehat karne wale ki is se mazammat ki ja sakti hai to Ambiya -e- kiraam jo azeem
maraatib ke maalik hote hain unse kaise mumkin hai ke wo aur logon ko naseehat karein aur khud
amal na karein.
Hazrat Shoaib alaihissalam ne apni qaum ko kaha “Aur main nahin chahta hoon ke jis baat se
tumhein mana karta hoon aap uske khilaaf karne lagu, main to jahan tak ho sake sawaarna hi
chahta hoon”
8) ALLAH TA’ALA ne Ambiya -e- kiraam ki shaan mein zikr farmaya :
“Beshak wo bhale kaamon mein jaldi karte hain”
Khairat ka matlab ye hota hai ke har achha kaam karna aur har bure kaam se bachna, isse waazeh
TAZKIRATUL AMBIYA Hazrate adam
60
hua ke Ambiya -e- kiraam karte hi achhe kaam hain aur bure kaamon se bachte hain lihaza unse
gunah sarzad nahin ho sakte.
9) ALLAH TA’ALA ne Ambiya -e- kiraam ki shaan mein zikr farmaya :
“Beshak wo humare nazdeek chune huye pasandida hai”
Jab is ko mutlaq zikr kiya gaya unki kisi khaslat aur aadat ko alag nahin kiya to pata chala ke un
ke tamam kaam hi achhe hain koi bura kaam paaya jaaye to is tarah kaha jaata hai :
‘fulan shakhs hai to barguzida aur chune huye logon mein se lekin albatta siwaye fulan kaam ke,
ke wo is kaam mein achha nahin’
Jab Ambiya -e- kiraam ke mutalliq aisa koi jumla zikr nahin kiya gaya to isse waazeh hota hai ke
Ambiya -e- kiraam ke sab kaam achhe hi achhe hote hain unse koi gunah nahin hota aur bhi kai
aayaat us par dalaalat kar rahi hain.
10) ALLAH TA’ALA ne shaitan ke qaul ko zikr farmate huye irshad farmaya :
“Teri izzat ki qasam zarur main un sab ko gumrah kar dunga magar jo unmein tere
mukhlis bande hain”
Shaitan ne apni aajizi ka zikr kar diya ke aey Allah tere mukhlis bandon par mera daaw nahin
chalega.
ALLAH TA’ALA ne Ibrahim, Is’haaq aur Yaqoob alaihimussalam ko apna mukhlis banda kaha,
irshad baari ta’ala hai :
“Beshak humne unhein ek khari baat se imteyaaz bakhsha us ghar ki yaad hai yaani
humne unhein apna mukhlis banaya”
Hazrat Yusuf alaihissalam ke mutalliq rab ta’ala ne farmaya :
“Beshak wo humare mukhlis bandon mein se hain”
Jab baaz Ambiya -e- kiraam ka mukhlis hona waazeh ho gaya aur shaitan ke apne qaul ke mutabiq
wo mukhlis bandon ko gumrah karne se aajiz hai to tamam Ambiya -e- kiraam ka hukm ek hi hai
kyun ke iska koi bhi qaa’il nahin ke baaz Ambiya -e- kiraam maaz’Allah gunahgaar hain aur baaz
nahin.
11) “Aur beshak iblees ne unhein apna gumaan sach kar dikhaya to wo uske peechhe huye magar
ek giroh ke musalman tha”.
Is aayate kareema se waazeh hua ke imaan wale logon ke ek giroh ne shaitan ki taabedari nahin ki
jinhone shaitan ki taabedari nahin ki wo gunahgaar bhi nahin.
Ab dekhna ye hai ke ye giroh Ambiya -e- kiraam ka hai ya dusre log hain? Agar Ambiya -e- kiraam
hain to yaqeenan tamam Ambiya -e- kiraam ka hukm ek hi hai aur agar ye log Ambiya nahin to
phir bhi waazeh hai ke Ambiya -e- kiraam gunahgaar nahin ho sakte, kyun ke agar Ambiya -ekiraam gunahgaar ho’n aur dusre log gunahgaar na ho’n to jo Nabi nahin wo Nabi se shaan ke
lihaaz se badh jayega, ye nahin ho sakta kyun ke tamam ummat ka ittifaaq hai ke Nabi ke darje ko
koi dusra nahin pa sakta.
12) ALLAH TA’ALA ne apni makhlooq ki do qismein bayan ki hain ek ke mutalliq farmaya :
“Wo shaitan ke giroh hain khabardar beshak shaitan hi ka giroh khasaare mein hai”
Dusri qism ke mutalliq farmaya :
“Wo Allah ka giroh hai khabardar beshak Allah ka giroh hi kamyaab hai”
Ismein to kisi qism ka koi shak nahin ke shaitani giroh to wo hi hoga jo aise amal karega jinko
TAZKIRATUL AMBIYA Hazrate adam
61
shaitan pasand karta hoga aur shaitan ke pasandida gunah hain. Har wo shakhs jo ALLAH
TA’ALA ka nafarman hoga, gunahgaar hoga wo hi shaitani giroh mein hoga. Agar maaz’Allah
Ambiya -e- kiraam se bhi gunah sarzad ho’n to wo shaitani giroh mein dakhil honge aur khasaare
mein honge.
Kya koi musalman ye keh sakta hai ke ummat ke nek wa parhezgaar log to Allah ka giroh ho’n aur
kamyaab hone wale ho’n aur Ambiya -e- kiraam shaitani giroh mein dakhil hokar khasaare mein
ho’n? Aisa kabhi nahin ho sakta kisi musalman ka aisa sochna bhi apni dunya aur deen ko barbaad
karna hai.
13) Ambiya -e- kiraam firishton se afzal hain isliye zaruri hai ke unse koi gunah sarzad na ho sake
kyun ke firishton ke mutalliq ALLAH TA’ALA ne farmaya :
“Baat mein usse sabqat nahin karte aur us ke hukm par kaarband hote hain”
Isi tarah firishton ke mutalliq aur ye farmaya :
“Aur wo Allah ka hukm nahin taalte aur jo unhein hukm ho wo hi karte hain”
Jab firishte Allah ke hukm ke mutabiq amal karte hain to Allah ke hukm ki khilaaf warzi nahin
karte to ye kaise ho sakta hai ke Ambiya -e- kiraam jo unse afzal hain wo ALLAH TA’ALA ke
hukm ke mutabiq amal na karein aur Allah ke hukm ki khilaaf warzi karein? Gunahgaar to nekon
ke barabar bhi nahin ho sakte, afzal hona to door ki baat hai. ALLAH TA’ALA ne farmaya :
“Kya hum unhein jo imaan laaye aur achhe kaam kiye un jaisa kar dein jo zameen
mein fasaad phailate hain ya hum parhezgaron ko shareer be hukmon ke barabar
thehra dein”
14) Nabiye kareem صلى الله عليه وسلم ne ek aarabi se untni khareedi aur aapne usey qeemat ada kar di usne phir
aapse qeemat ka mutaalba kiya aapne farmaya ke qeemat to maine ada kar di usne aapse gawah
talab kiya aapne khayaal kiya meri gawahi kaun dega us waqt to koi maujood hi nahin tha. Hazrat
Khuzaima ne kaha ya Rasoolallah! Main gawahi deta hoon ke aapne aarabi ko untni ki qeemat ada
kar di hai. Aapne jab unse poochha tum ne kaise gawahi de di thi halanki tum to us waqt maujood
hi nahin the? Unhone arz kiya Ya Rasoolallah! Aap humein aasmanon ki khabar batate hain to
hum aapki tasdeeq karte hain to kya is untni ki qeemat ada karne par aapki tasdeeq na karein? Ye
kaise ho sakta hai? Nabi kareem صلى الله عليه وسلم ne farmaya aainda Khuzaima jahan akele hi gawahi denge unki
gawahi do shakhson ke barabar samjhi jayegi.
Agar maaz’Allah Ambiya -e- kiraam se gunah hote to hazrat Khuzaima kabhi gawahi na dete balki
ye khayaal karte ke Nabi kareem صلى الله عليه وسلم bhi maaz’Allah humari tarah jhoot bol sakte hain.
(khayaal rahe ke baaz riwayaat mein ghorha khareed ne ka zikr hai.)
15) “Beshak main tumhein logon ka imaam banane wala hoon”
Ye ALLAH TA’ALA ne Ibrahim alaihissalam ko farmaya, imaam wo hai jis ki log iqteda (pairwi)
karein aur taabedari karein agar Nabi se gunah waaqey ho’n to un gunahon ki iqteda aur taabedari
bhi laazim hogi ye mumkin nahin ke Nabi gunahon se mana bhi karein aur gunah karke logon ko
apne gunahon ki iqteda ka bhi hukm dein.
16) ALLAH TA’ALA ne irshad farmaya :
“Nubuwat aur imaamat ka waada nek aur Allah ke qurb ke mustahiq logon ke liye hai zaalimon
ke liye nahin, gunahgaar kabhi Nabi nahin ban sakenge, waazeh taur par maloom hua ke Ambiya
-e- kiraam gunah nahin karte kyun ke gunahgaron ko mansabe nubuwat milta hi nahin.
TAZKIRATUL AMBIYA Hazrate adam
62
Hazrate Adam wa hawwa alaihimassalam ka zameen mein
tashreef laana
“Aur jahan rehte the wahan se unhein alag kar diya”
Yaani jannat mein Hazrate Adam wa Hawwa donon ko rehne ki ijazat di gai aur har qism ke jannat
ke phal aur nematein khane ki ijazat di gai albatta ek darakht se mana kiya gaya jab shaitan khair
khwah ban kar qasmein utha kar naseehat dene wale ki shakl mein aap ko waswase mein daalne
mein kamyaab ho gaya to aapko jannat aur jannat ki nematon se alag hona pada aur ALLAH
TA’ALA ne hukm de diya :
“Aur humne kaha tum tamam utar jao baaz tumhare baaz ke dushman hain”
Aur dusre maqaam par farmaya :
“Rab ne farmaya tum donon mil kar jannat se utaro”
Donon aayaton ka maqsad ye hai ke Hazrate Adam wa Hawwa ko bama’a unki aulaad ke jo taa
qiyamat wajood mein aani thi zameen par utarne ka hukm diya aur farmaya tumhari aulaad baaz
dusre baaz ki dushman hogi.
Khayaal rahe ke shaitan ko un donon ke utaar ne se pehle hi mardood karke ruye zameen par bhej
diya gaya tha yahan uske utarne ka zikr nahin. Hazrate Adam alaihissalam Sarandeep mein utaare
gaye aur Hazrate Hawwa ko Jeddah mein aur shaitan ko pehle hi Ila mein utaar diya gaya tha.
Hazrate Adam alaihissalam jab zameen par tashreef laaye to aapka jannati libaas utaar liya gaya tha
aur jannat ke darakhton ke patte apne jism par dhaanp kar tashreef laaye.
Hazrat Ali radiallaho ta’ala anhu farmate hai ke hindustan ki zameen isliye umda aur hari bhari
aur ude qaranphal waghaira khushbuyein isliye wahan par paida hoti hain ki Adam alaihissalam
jab us zameen par aaye to unke jism par jannati darakht ke patte the wo patte hawa se ud kar jis
darakht par pahunche wo humesha ke liye khushbudaar ho gaya.
Hazrate Adam alaihissalam jannat se kya laaye?
Hazrate Adam alaihissalam jannat se mukhtalif qism ke beej aur teen qism ke phal aur Hajre Aswad
(syaah patthar jo Khana Ka’aba mein laga hua hai) aur wo “Asa” (danda) jo baad mein Moosa
alaihissalam ke hath aaya jis ki lambai 10 gaz thi apne sath lekar aaye the aur kuchh sona chandi
aur kuchh kheti baadi waghaira ke auzaar bhi sath laaye.
Adam alaihissalam is qadr girya wa zaari mein mashgool huye ke un tukhmon se bekhabar ho gaye
shaitan ne mauqa pakar unko apna hath lagaya jis tukhm par uska hath laga wo zehreela ho gaya
aur jo uske hath se mehfooz raha uska nafa barqaraar raha.
Sayyiduna Adam alaihissalam ke sath teen qism ke jannati mewe aaye, ek wo jo poore kha liye jaate
hain, dusre wo jinka upari hissa kha liya jaata hai aur ghutli phenk di jaati hai jaise khajoor, aam
waghaira teesre wo jin ka upari chhilka phenk diya jaata hai aur andruni hissa kha liya jaata hai.
Sahi riwayat hai ke unke sath lohe ke auzaar bhi the ek sadsi jisse loha pakadte, dusra hathauda,
teesra iran neez hajare aswad.
Sahi riwayat mein aata hai ke Hajre Aswad jab jannat se aaya to uski roshani kai meel tak jaati thi
jahan uski kiranein pahunchti thi us had tak haram ki hadein (sarhad, boundary) qaa’im hui.
Hazrate Adam alaihissalam ko dunya mein aakar bahut wahshat aur ghabrahat hui, Hazrate Jibreel
alaihissalam ba hukme ilaahi zameen par aaye aur buland aawaz se azaan kahin jab Adam
TAZKIRATUL AMBIYA Hazrate adam
63
alaihissalam ne azaan mein huzoor صلى الله عليه وسلم ka naam suna tab unki wo wahshat door hui.
Ye tamam waqiyaat sahi ahadees se saabit hain jinko Shah Abdul Azeez Muhaddis Dehalvi ne
Tafseer Azeezi mein isi maqaam par jama farmaya hai.
Hazrate Adam alaihissalam ka zariya mua’ash :
Isi Tafseer Azeezi mein hai ke sabse pehle kapda bunne ka kaam Adam alaihissalam ne kiya aur
baad mein aap kheti baadi ke kaam mein mashgool rahe, Nooh alaihissalam ka zariya ma’ash lakdi
ka kaam tha, Idrees alaihissalam darzi gari, Hazrat Hood alaihissalam aur Hazrat Saaleh tijarat,
hazrat Ibrahim alaihissalam kheti baadi kiya karte the, hazrat Moosa alaihissalam ne kuchh muddat
bakriyan charai, hazrat Dawood alaihissalam zirah banate the, hazrat Suleman alaihissalam itne
bade badshah ho kar bhi darakhton ke patton se punkhe aur waghaira zanbeelein bana kar guzar
karte the, Hazrate Eisa alaihissalam ne koi pesha ikhtiyar na farmaya balki humesha sair karte rehte
the aur farmate the ke jisne mujhe subah ko khana diya hai wo shaam ka khana bhi dega.
Fayda: Tafseer Azeezi mein usi maqaam par Hazrate Adam alaihissalam ne kunwein ka paani
kabhi nahin piya balki aap humesha baarish ka paani piya karte the sabse pehle Adam alaihissalam
ne chandi se rupye aur sone se asharfiyan banai.
Adam alaihissalam ki tauba
“Phir seekh liye Adam ne apne rab se kuchh kalime to ALLAH TA’ALA ka un par
rujoo ba rehmat hua beshak wo hi bahut tauba qabool karne wala behad reham
farmane wala hai”.
تلیق ka maayne hai ke aage badh kar mulaqat karna yaani istiqbaal karna ab maayne ye hoga ke
Adam alaihissalam ne aane wale ba waqaar mehmanon aur muazzam ahbaab ki tarah muhabbat
wa ikraam ke sath ALLAH TA’ALA ke kalimaat ka istiqbaal kiya. Wo kalimaat kya the Allama
Abu Hayyaan ne farmaya :
Yaani ALLAH TA’ALA ne waazeh taur par wo kalimaat nahin bataye balki
َ
ف ا ت
َ
ِم
َ
ِ ٖهَک

ب
َ

ر
ِِمْ
ُ
م
َ
د
َ
ا
ٰ
یق
َ
ل
َ
ت
farma kar humein sirf kalimaat mubhema ki khabar di isliye unki taayyun mein ahle ilm se chand
aqwaal manqool hain.
1) Ibne Abbas radiallaho ta’ala anhuma aur baaz deegar ulema ne kaha ke wo kalimaat ye hain :
َ
ن
َ

ب
َ
ر
ِِسِي َْ
ٰ
ْ
اْل
ِِمَ
َ

َ
ْن
و
ُ
ك
َ
ن
َ
ال
َ
ن
َحَْ
ْ
َ
َت
َ
او
َ
ن
َ
ل
ْ
ِفر
ْ
غ
َ
ت
ْ
َ

ّل
ْ
ِان
َ
او
َ
ن
سَ
ُ
ف
ْ
ن
َ
اا
َ
ن
ْ
م
َ
ل
َ
اظ
2) abdullah bin masood radiallaho ta’ala anhu se manqool hai ke wo kalimaat ye hain :
ُ

د
َ
ج
ٰ
اٰل
َ
ع
َ
ت
َ
و
كَ
اْس ُْ
كَ
َ
ار
َ
ب
َ
ت
َ
و
ِدكَ
ْ
م
َ
ِِب
َ
و
َ
م
ُ
ه
ٰ

الل
كَ
َ
ان
َ
بُس ُْ
كَ
ْي ُْ
َ
غ
َ
ه
ٰ
ِال
َ
َل
َ
و
كَ
3) wahab aur Muhammad bin ka’ab se manqool hai wo kalimaat ye hain :
ِيَ
اِفر
َ
غ
ْ
ال
ْي ُْ
َ
خ
كَ
َ

ِان
ِٰلْ
ْ
ِفر
ْ
اغ
َ
ف
ِِسْ
ْ
ف
َ
ْ ُتن
م
َ
ل
َ
ظ
َ
و
ً
ء
ْ
و
ُتسُ
ْ
ِل
َ
َع
ِدكَ
ْ
م
َ
ِِب
َ
و
َ
م
ُ
ه
ٰ

الل
كَ
َ
ان
َ
بُس ُْ
Ye qaul abdullah bin abbas ki taraf bhi mansoob hai.
4) Ek qaul ye hai ke Adam alaihissalam ne saaqe arsh par Muhammad صلى الله عليه وسلم likha hua dekha to
unhone usi ‘isme mubarak’ ko apni shafa’at ka zariya banaya ye akhiri qaul Hazrat Abdul Azeez
Muhaddis Dehalvi rahmatullahi ta’ala alaihi ne bhi ba riwayat Tibrani Baihaqi Haakim Hazrat
Farooqe Aazam radiallaho ta’ala anhu Tafseer Azeezi mein naql kiya.
“Aey Allah main tujhe hazrat Muhammad صلى الله عليه وسلم ka waasta dekar maafi chahta hoon”
TAZKIRATUL AMBIYA Hazrate adam
64
Isi Tafseer Azeezi mein Hazrat Ali radiallaho ta’ala anhu se bhi ba riwayat Ibnul Manzar manqool
hai.
Allama Sayyed Mehmood Aaloosi hanafi baghdadi ne farmaya :
Yaani ek qaul ye hai ke Adam alaihissalam ne saaqe arsh par Muhammad صلى الله عليه وسلم likha dekha to hazrat
ko unhone apni shafa’at ka zariya banaya yaani wo kalimaat “Muhammad rasoolullah” hain Allama
Aalusi farmate jab Quran mein eisa alaihissalam ko kalimatullah kaha gaya to roohe aazam
Habeebe Akram صلى الله عليه وسلم par ‘kalimatullah’ ka bola jaana to zarur hi saabit ho jayega, na eisa hain na
Moosa, balki aalame imkaan mein koi nahin aur waqai koi nahin lekin sab Huzoor alaihissalam
ke Huzoor ke anwaar ke jalwe aur aap hi ke gulzaare husn ke mehakte huye phool hain.
Agar Adam alaihissalam Nabi kareem صلى الله عليه وسلم ke isme giraami ko bataur waseela na pesh karte aur isi
tarah Nooh alaihissalam aap ke isme giraami ka waseela na laate to na adam ki tauba qabool hoti
aur na Nooh alaihissalam gharq hone se najaat haasil karte.
Adam alaihissalam ki tauba kab qabool hui?
Hazrate Adam alaihissalam ne jab in kalimaat ke zariye tauba ki, ALLAH TA’ALA ne usi waqt
aapki taraf rehmat ki tawajjo karte huye tauba ko qabool farma liya.
Baaz ulema ke nazdeek Adam alaihissalam ka ALLAH TA’ALA se kalimaat lena aur unke zariye
tauba karna aur unka qabool hona jannat se utarne ke baad hua aur tauba bhi kai 100 saal baad
qubool hui 200 balki 300 saal aah wa buka girya wa zaari aur nadaamat ke haal mein un par guzare.
Shah abdul azeez rahmatullahi ta’ala alaihi ne tafseer azeezi mein yehi farmaya hai.
Lekin haq ye hai ke jannat se baahar aane se pehle hi ALLAH TA’ALA ne Adam alaihissalam ko
wo kalimaat ata farma diye the aur usi waqt unhone tauba ki jo qabool ho gai aur usi waqt ALLAH
TA’ALA ne unki khata maaf farma di albatta ye mumkin hai ke maafi ke bawajood Adam
alaihissalam apni lagzish ko yaad karke nadaamat ke taur par saal haa saal tak girya wa zaari mein
mashgool rahe ho’n jo khauf wa khashiyat ka taqaaza aur kamaal abdiyat ki daleel hai.
Fayda: ALLAH TA’ALA ne “FATAABA ALAIHIMA” nahin farmaya yaani ALLAH TA’ALA ne
donon ki tauba ko qabool kar liya isliye ke auratein mardon ke taabe hain, mard ke zikr se aurat
ka zikr khud ba khud ho jaata hai.
Tambeeh: Allama Ahmad Sayeed Kaazmi rahmatullahi ta’ala alaihi ne Ruhul Ma’ani ke is qaul
ko tarjeeh di hai jismein zameen par aane se pehle aapki tauba qabool ho chuki thi, zameen par
rona aajizi ke liye tha taaham Mufti Ahmad Yaar Khan rahmatullahi ta’ala alaihi ne Tafseer Naimi
page 289 par bayan kiya. Ye qaul zayeef hai jab tauba qabool ho chukne ke baad zameen par
tashreef laaye to phir beewi se alahidgi kaisi aur pareshaniyan kahan? Yaani rab ta’ala kisi ko maafi
dekar bila wajah pareshani mein nahin daalta.
Hazrate Adam alaihissalam ki tauba kis din qabool hui?
Hazrate Adam alaihissalam ki tauba jumu’ah ko qabool hui, aap ki paidaish aur jannat se baahar
tashreef laana bhi jumu’ah ke din hi tha aur wo aashura yaani 10 muharram ka din tha.
Khayaal rahe ke aashura jumu’ah ko bade aham waqiyaat huye Adam alaihissalam ki tauba, Nooh
alaihissalam ki kashti ka zameen par aana, Yunus alaihissalam ka machhali ke pet se baahar aana,
Ayyub alaihissalam ki shifa, Moosa alaihissalam ka firaun se najaat paana aur firaun ka gharq hona,
TAZKIRATUL AMBIYA Hazrate adam
65
Yaqoob alaihissalam ka Yusuf alaihissalam se milna, Hazrat Imaam Husain ka karbala mein
shaheed hona sab 10wi muharram ko waaqey huye in buzurgon se 11wi shab raahat ki guzaari.
Ahle sunnat 11wi raat ko hazrat ghause paak ke isaale sawab ka ahtemaam karte hain wo dar
haqeeqat un tamam buzurgon ko haasil hone wale inamaat par izhaar e khushi bhi hota hai.
Hazrate Adam aur Hazrate Hawwa alaihimassalam ki
mulaqaat
Jab zameen par tashreef laaye to Hazrate Adam alaihissalam Hindustan ke ilaaqa Sarandeep ke
pahaad par utare aur Hazrate Hawwa Jeddah mein, tauba qabool hone ke baad donon ki mulaqaat
Arafaat ke maqaam par hui donon ne ek dusre ko pehchana isiliye us maidan ko Arafaat kehte hain
yaani pehchan ne ki jagah.
Jab Hazrate Adam alaihissalam jannat se aaye the to unse arabi zabaan bhi le li gai thi yaani bhula
di gai thi itne roz tak Suryaani zabaan mein kalaam farmaya. Tauba qabool hone ke baad arabi
zabaan phir ata hui phir Hazrate Jibreel alaihissalam ne tamam aalam ke janwaron ko aawaz di ke
aey janwaron haq ta’ala ne tum par apna khaleefa bheja hai iski ita’at aur farmabardari karo dariyai
janwaron ne sar utha kar ita’at zaahir ki aur khushki ke janwar aapke aas paas jama ho gaye Adam
alaihissalam un par hath pherne lage jis par unka hath pahunch gaya wo ahli aur khaangi ban gaye
jaise ghorha, unt, bakari, kutta, billi waghaira aur jis par aapka hath na pahuncha wo jungli wa
waheshi raha jaise hiran waghaira.
Hazrate Adam alaihissalam ki aulaad ke haq mein dua
Is waqiya ke baad Adam alaihissalam ne arz kiya ke maula meri aulaad bahut kamzor hai aur iblees
ka fareb bahut sakht, agar too unki imdaad (madad) na kare to wo iblees se kaise bach sakenge,
hukme ilaahi aaya Aey Adam tumhare aur ahkaam the aapki aulaad ke liye aur ahkaam honge hum
har insaan ke sath ek firishta rakhenge tab aapne khush hokar shukr kiya.
Adam alaihissalam ki aulaad
Hazrate Hawwa 20 ya 40 martaba Hazrate Adam alaihissalam se haamila hui har hamal mein do
do bachhe paida huye ek muzakkar ek muannas. Ek hamal ke bachhon ka dusre hamal ke bachhon
ka aisa hukm tha jaisa ke mukhtalif maa’n baap ke bachhon ka hota hai yaani pehle hamal ke
bachhe ka dusre ki bachhi se nikah hota isi tarah dusre hamal ke ladke ka pehle hamal ki ladki se
nikah hota.
Tambeeh: Hazrate Adam alaihissalam ke do bachhe har hamal se huye siwaye Hazrat Shees
alaihissalam ke.
Hazrate Hawwa ne Hazrat Shees ko sirf akela hi pesh kiya unke sath judwa (twins) koi bachhi
nahin thi ye sirf Nabi kareem صلى الله عليه وسلم ki izzat wa takreem ke liye maalikul mulk ne ek bachhe se hi
haamila kiya kyun ke Nabi kareem صلى الله عليه وسلم ka noor Adam alaihissalam se muntaqil ho kar Hazrat Shees
alaihissalam ke paas aa gaya.
Hazrate Adam alaihissalam ne unhein waseeyat ki ke ye noore mubarak paak aurat ki taraf
muntaqil karna hai phir Hazrat Shees alaihissalam ne apne bete ko yehi waseeyat ki ye silsila Hazrat
Abdul Muttalib tak chalta raha ke har shakhs ne apne bete ko is noor ke paak batan ki taraf
muntaqil karne ki waseeyat ki.
TAZKIRATUL AMBIYA Hazrate adam
66
Hazrate Adam alaihissalam ki wafaat ke waqt aapki aulaad aur aulaad ki aulaad waghaira 40,000
se zyada ho gai thi, tafseer saawi aur jumla waghaira mein ek laakh pahunch jaane ka zikr milta
hai.
Hazrate Adam alaihissalam ke do beton ka jhagda
Hazrate Adam alaihissalam ki sulbi aulaad se Qaabil aur Haabil the, Qaabil bada tha aur Haabil
chhota tha, Qaabil kheti baadi karta tha aur Haabil bakriyan charata tha. Qaabil ke sath paida
hone wali ladki ka naam Aqleema tha jo bahut zyada haseen wa jameel thi aur Haabil ke sath paida
hone wali ladki Libwa khubsoorati mein kuchh kam thi, Hazrate Adam alaihissalam ki shari’at ke
qanoon ke mutabiq Qaabil ke sath paida hone wali ladki ka nikah Haabil se aur haabil ke sath
paida hone wali ladki ka nikah Qaabil se hona tha lekin Qaabil ne aisa karne se inkaar kar diya
usne kaha ke mere sath paida hone wali ladki ka nikah hi mere sath hoga.
Hazrate Adam alaihissalam ne donon ko niyaaz ka
mashwara diya
Jab Qaabil ne zid aur hatdharmi shuru kar di to Hazrate Adam alaihissalam ne kaha ke tum donon
Allah ki raah mein koi na koi cheez pesh karo jo sachha hoga uski niyaaz wa sadqa qabool ho jayega
aur jo jhoota hoga uski taraf se pesh kiya gaya sadqa qabool nahin hoga, us waqt qabooliyat ki ye
alaamat thi ke jiska sadqa qabool ho jaata usey qudrati taur par aane wali aag kha jaati aur jo qabool
nahin hota tha usey aag nahin khati thi.
Qaabil ne ek ambaar gandum aur haabil ne ek bakari ya ek dumba rab ta’ala ki raah mein pesh
kiya donon ne ye keh kar niyaaz pesh ki ke aey Allah jo aqleema ka zyada haqdaar hai uski qurbani
qabool farma.
Aasmani aag ne haabil ke sadaqe ko kha kar qabooliyat bakhsh di aur qaabil ke sadqa ko aag ne na
kha kar radd kar diya. Qaabil ke dil mein hasad bughz aenaad bhadak utha usne haabil ko qatl
karne ki dhamki de di, ALLAH TA’ALA ne is waqiye ko is tarah zikr farmaya :
“Aur inhein padh kar sunao adam ke beton ki sachhi khabar jab donon ne ek ek
niyaaz pesh ki to ek ki qabool hui, bola qasam hai main tujhe qatl kar dunga. Haabil
ne kaha Allah usi se qabool karta hai jise dar hai beshak agar too apna hath mujh
par badhayega ke mujhe qatl kare to main apna hath tujh par na badhaoga ke tujhe
qatl karu. Main Allah se darta hoon jo maalik hai saare jahan ka, main to ye chahta
hoon ke mera aur tera gunah donon tere hi palle padein too dozakhi ho jaaye aur
be insafon ki yehi saza hai”.
Is waqiye ko zikr karne ka ye matlab tha ke hasad ki burai maloom ho aur Nabi kareem صلى الله عليه وسلم se
hasad karne walon ko sabaq haasil ho aur qiyamat tak log hasad ko bura samjhein.
Haabil haq par the unke taqwa ke peshe nazar unka sadqa qabool ho gaya unhone kaha main
chahta hoon mera aur tumhara gunah tumhare hi palle pade, iska maqsad ye tha ke tum ne apne
baap ki nafarmani ki wo gunah bhi tumhare zimme hai aur agar mujhe qatl karna chaho to kar lo,
mere qatl ka gunah bhi tumhare zimme hi hoga.
Aakhirkar qaabil ne haabil ko qatl kar diya
“To uske nafs ne usey bhai ke qatl ka chaaw dilaya to usey qatl kar diya to reh gaya nuqsaan mein”
TAZKIRATUL AMBIYA Hazrate adam
67
Adam alaihissalam Makka gaye huye the usne unke peechhe apne bhai ko qatl kar diya ye ruye
zameen par pehla qatl tha isliye qaabil jaanta nahin tha ke wo apne bhai ko kaise qatl kare to
shaitan ne uske saamne ek parinde ka sar patthar par rakh kar dusre patthar se phod diya. Qaabil
ko pata chal gaya ke is tarah qatl karna hai haabil choonki bakariyan charate the ek darakht ke
neeche soya hua tha uske sar par patthar maar kar unhein qatl kar diya us waqt haabil ki umr 20
saal thi.
Qatl ke baad qaabil ki dunya mein zillat
Abdurrahman bin Fazaala se marwi hai ke jab Qaabil ne Haabil ko qatl kar diya to us ki aqal zaail
ho gai, dil mein samajhne ki salahiyat khatm ho gai isi tarah paagal hi raha yahan tak ke mar gaya.
Qatl karne se pehle rang uska safed tha aur qatl ke baad uska tamam jism kaala ho gaya, Hazrate
Adam alaihissalam ne makka mukarrama ki sar zameen se wapas hone par qaabil se puchha
tumhara bhai kahan hai? Usne kaha main koi uska zimmedar to nahin tha aapne farmaya too ne
usey qatl kar diya hai isiliye tera jism syaah ho chuka hai.
Qaabil ka ukhrawi azaab
Hazrat Ibne Mas’ood radiallaho ta’ala anhu se marwi hai Rasoolullah صلى الله عليه وسلم ne farmaya jo shakhs bhi
zulman qatl hoga uske qatl ka azaab Adam alaihissalam ke bete par bhi hoga kyun ke sab se pehle
usi ne qatl ki shuruaat ki yaani jis tarah qatl karne wale ko qatl ka azaab hoga usi tarah qatl ki
ibteda karne wale ko bhi azaab hota rahega.
Bete ke qatl par Hazrate Adam alaihissalam ka gham
Hazrate Adam alaihissalam bete ke qatl par itne zyada ghamzada huye ke 100 saal aap muskuraye
nahin, 100 saal ke baad aap ko ek bete ki bashaarat di gai yaani aap ko kaha gaya :
“Allah aap ko zinda rakhe ALLAH TA’ALA aap ko ek aur beta ata farmane wala hai
to aap muskuraye”
Albatta Hazrat Allama Muhi’us Sunna rahmatullahi ta’ala alaihi ne zikr farmaya ke Hazrate Adam
alaihissalam ko haabil ke qatl hone ke 50 saal baad Hazrat Shees alaihissalam ata huye aur Adam
alaihissalam ke vali ahad bane.
Khayaal rahe tafseer kashaaf mein ye zikr hai ke Hazrate Adam alaihissalam ne apne bete ke qatl
hone ke baad bataur marsiya ash’aar kahe lekin Tafseer Kabeer mein Allama Raazi rahmatullahi
ta’ala alaihi ne aur ruhul ma’ani mein Allama Aalusi rahmatullahi ta’ala alaihi ne usey radd kiya ke
ye ghalat aur jhoot hai tamam Ambiya -e- kiraam ne ash’aar nahin kahe.
Qatl ke baad qaabil ki pareshani
Qaabil ne jab Haabil ko qatl kar diya to ab ye nahin jaanta tha ke kya kare? Isi tarah chhod dene
par usey ye khatra tha ke darinde kha jayenge to wo apne bhai ki laash ko bori mein daal kar phirta
raha yahan tak ke laash badboodaar ho gai usey chhupane ka koi tareeqa maloom nahin ho raha
tha ke main kya karu? Bahut hi pareshan tha. Khayaal rahe Quran paak mein is maqaam par laash
ke liye lafz صوءۃ istemal hua jiska asali maayne “Nangez” hai yaani jism ka wo hissa jo zaahir na
kiya jaaye kyun ke wo bhi qatl ke baad laash chhupaye phirta tha isliye usey صوءۃ kaha gaya hai.
TAZKIRATUL AMBIYA Hazrate adam
68
Laash chhupane mein kawwe ki muawanat
Irshad khudawandi hai:
“To Allah ne ek kawwa bheja jo zameen kuredne laga ke usey dikhaye kyun kar apne
bhai ki laash chhupaye bola, haaye kharabi mein is kawwe jaisa bhi na ho saka ke
main apne bhai ki laash chhipata, to pachhtata reh gaya”.
ALLAH TA’ALA kitna kareem hai ke qaabil mujrim hone ke bawajood jab us pareshani mein
phansa hua tha ke apne bhai ki laash se kya kare? Dunya mein pehli maut thi qabr khodne dafan
karne se wo be khabar tha to ALLAH TA’ALA ne uski mushkil hal karne ke liye uska madadgaar
kawwe ko bana kar bheja.
Kawwe ne kaise muawanat ki?
Allama Raazi rahmatullahi ta’ala alaihi ne is maqaam par teen wajah bayan ki hain agarche
mashhoor pehli baat hi hai.
1) ALLAH TA’ALA ne do kawwe bheje wo donon lade ek ne dusre ko qatl kar diya aur apni
chonch aur panjon se zameen ko kureda aur murda kawwe ki laash ko us garhe mein daal kar upar
mitti daal di isse qaabil ko bhi pata chal gaya ke mujhe aisa hi karna hai aur bahut pashemaan hua
ke main us kawwe se bhi zyada aajiz ho gaya itna kaam bhi na kar saka.
2) Qaabil ne tang aakar Haabil ki laash ko isi tarah phenk diya ALLAH TA’ALA ne kawwe bheje
jinhone mitti khod khod kar us laash par daali aur usey chhipa diya ye dekh kar qaabil ko bahut
afsos hua ke haabil ko Allah ne kitni izzat bakhshi hai aur main kitna zaleel ho gaya.
3) Kawwe ki aam aadat ye hai ke koi khane ki cheez uske paas ho to usey dusre waqt ke liye zameen
mein daba deta hai, usne jab kisi cheez ko zameen mein chhupa diya to Qaabil ko pata chal gaya
ke mujhe apne bhai ki laash ko aise chhipana hai aur sath sath kawwe se kam ilm rakhne ki wajah
se bahut pashemaan bhi hua ke mujh se to kawwa hi achha hai jise cheezon ko chhupana aata hai.
Tambeeh: Qaabil ko nadaamat ALLAH TA’ALA ke khauf ke wajah se nahin thi aur na hi wo
taaib ho raha tha balki usey nadaamat is par hui ke wo bhai ki laash ko uthaye phirta raha aur
kawwe se bhi kam aqal raha usey dafan na kar saka aur is wajah se naadim ho raha tha ke wo bhai
ko qatl karne ke bawajood apne maqasid mein kamyaab nahin hua tha kyun ke usse maa’n baap
behan bhai sab naraz ho gaye the. Aur ek wajah ye bhi thi ke jab usne dekha ke ek kawwe ne badi
meharbani se dusre ki laash ko dafan kiya to ye us par naadim hua tha ke mujhe to apne bhai par
itna reham bhi nahin aa saka jitna kawwe ko hai waazeh hua ke usne koi tauba nahin ki, aur
nadaamat usey sirf apni himaakat par thi.
Hazrate Adam alaihissalam ki wafaat
Jab Adam alaihissalam ka aakhiri waqt aaya to aap ko jannati mewe khane ki khwahish hui apne
farzaandon se kaha ke Ka’aba muazzama jao aur wahan dua karo ke ALLAH TA’ALA meri ye
tamanna poori kare, Adam alaihissalam ke farzand ye hukm pakar wahan pahunche unhein
Hazrate Jibreel aur dusre firishte mile jin se unhone Adam alaihissalam ki farmaish ka zikr kiya,
firishton ne kaha humare sath aao hum jannat ke mewe apne sath laaye hain.
Chunanche ye sab Adam alaihissalam ke paas pahunche, Hazrate Hawwa un firishton ko dekh kar
darne lagi aur chaha ke Adam alaihissalam ke daaman mein chhup jayein unhone farmaya ke
TAZKIRATUL AMBIYA Hazrate adam
69
Hawwa ab tum mujh se alag raho mere aur rab ke qaasidon ke darmiyan aad (rukawat) na bano is
tarah firishton ne Adam alaihissalam ki rooh qabz kar li.
Hazrate Adam alaihissalam ki tajheez wa takfeen
firishton ne ki
Firishton ne Adam alaihissalam ke beton ko kaha jis tarah hum tumhare baap ka kafan wa dafan
karenge isi tarah tum faut hone wale logon ka kafan dafan karna.
Jibreel alaihissalam jannat ki murakkab khushbu aur jannati jorhe ka kafan aur jannati beri ke
kuchh patte apne sath laaye the unko khud ghusl diya aur kafan pehnaya aur khushbu lagai aur
malaika unka jism mubarak ka’aba mein laaye aur un par saare firishton ne namaz janaza ada ki
jismein Hazrate Jibreel alaihissalam imaam the aur saare firishte muqtadi. Us namaz mein chaar
takbeerein kahin jaise ke aaj hoti hain phir makka muazzama se teen meel ke faasle par maqaam
mina mein le gaye jahan ke haaji qurbani karte hain aur usi jagah Hazrat Ibrahim alaihissalam ne
Hazrat Ismail alaihissalam ki qurbani ki, wahan masjid khaif ke qareeb baghli qabr khod kar unko
dafan karke un ki qabr ko unt ke kohaan ki dhalwaan banaya.
Hazrate Hawwa ki qabr Jeddah mein hai baaz riwayat ke mutabiq donon ki qabrein haram mein
tawaaf ki jagah mein hain.
TAZKIRATUL AMBIYA Hazrate Shees
70
Hazrate Shees a