Hazrat Ibrahim

Hazrat Ibrahim wa Ismail wa Is’haaq alaihimussalam

Hazrat Ismail aur Hazrat Is’haaq alaihimassalam donon hazrat Ibrahim alaihissalam ke bete hain, Hazrat Is’haaq alaihissalam ki walida ka naam Hazrat Saara radiallaho ta’ala anha aur Hazrat Ismail alaihissalam ki walida ka naam Hazrat Haajra radiallaho ta’ala anha hai.

Hazrat Ibrahim alaihissalam ka nasab

Aap Taarakh ibne Nakhoor ke farzand hain, aapka naam Ibrahim aur aapka laqab Abul Zaifaan (bahut bade mehmaan nawaz) hai aap ka nasab ye hai: Ibrahim Ibne Taarakh Ibne Nakhoor Ibne Sarooa Ibne Ra’oo Ibne Taatea Ibne Aabar Ibne Saaleh Ibne Arfah Shaz Ibne Saam Ibne Nooh.

Aapki paidaish toofan ke 1709 saal baad aur Eisa alaihissalam se taqreeban 2300 saal pehle shehar babul ke qareeb qasba “kauni” mein hui. Tafseer khazainul irfan mein hai ke aapki paidaish amwaaz ke ilaaqe mein “Soos” ke maqaam par hui.

Tambeeh: Aazar Ibrahim alaihissalam ke chacha ka naam hai aapke baap ka naam Taarakh hai. Allama Mehmood Ahmad Aaloosi rahmatullahi ta’ala alaihi farmate hain ahle sunnat ke kaseer ahle ilm ka isi par aitmaad hai ke beshak Aazar Ibrahim alaihissalam ka baap nahin tha, ahle sunnat ke jamme ghafeer ki daleel yehi hai ke Nabi Kareem ﷺ ke aaba wa ajdaad mein koi bhi kafir nahin tha. Nabi Kareem ﷺ ka irshad giraami hai ke main humesha paak pushton se paak rehamon ki taraf muntaqil hota raha aur ye bhi waazeh hai ke kuffar wa mushrikeen to paak kabhi nahin ho sakte ALLAH TA’ALA ne farmaya:

“Beshak mushrik to napaak log hain”.

Baaz logon ne kaha tha ke Nabi Kareem ﷺ ke Irshad mein “taahir” ka matlab ye hai ke aapke aaba wa ajdaad badkaari se paak the, Allama Aalusi rahmatullahi ta’ala alaihi iska radd karte huye farmate hain “Tahaarat ko zina se paak hone ke sath khaas karna daawa baghair daleel ke hai is par koi aisi daleel nahin jo qabile aitmaad ho, lihaaz umoom alfaaz ka hota hai na ke asbaab ki khusoosiyat ka”.

Alfaaz ki umoomiyat is par dalaalat kar rahi hai ke muraade mutlaq har tarah ki pakeezgi hai, kufr aur badkaari har tarah se paak pushton aur paak rehamon mein hi Huzoor ﷺ muntaqil hote rahe. Imaan Raazi rahmatullahi ta’ala alaihi ne Tafseer Kabeer mein Nabi Kareem ﷺ ke walidain ke imaan ke qaul ko shia ki taraf mansoob kiya tha iska bhi radd pesh karte huye Allama Aalusi rahmatullahi ta’ala alaihi farmate hain “Is qaul ko shia ki taraf mansoob karna jaise Imam Raazi rahmatullahi ta’ala alaihi ne bhi mansoob kar diya hai ye haqeeqat mein ghaur wa fikr karne ki wajah se aisa hua hai agar tawajjo ki jaati to aisa na hota”.

Khayaal rahe ke Allama Suyooti rahmatullahi ta’ala alaihi ki tasneef “Alhaawi” mein ek risala ke hawale se Allama Fakhruddin Raazi rahmatullahi ta’ala alaihi ka qaul bhi jamhoor ke sath imaan ke mutalliq hi mazkoor hai. Hazrat Allama Maulana Muhammad Ashraf Siyalwi madda zillahu farmate hain ke Tafseer Kabeer ke baad ki tasneef Allama Raazi ki hai isliye Allama ka pehle qaul se rujoo saabit hota hai.

“Aksar ahle ilm ka yehi qaul hai ke Aazar Ibrahim alaihissalam ke chacha ka naam hai”.

83 AZKIRATUL AMBIYA Hazrate ibrahim wa ismail wa ishaaq

Quran paak mein dada chacha aur baap sab par lafz baap bola gaya hai. Irshad e baari ta’ala hai:

“Kya tum maujood heavy the jab Yaqoob par maut ka waqt haazir hua us waqt unhone apne beton se kaha tum mere baad kis ki ibadat karoge? Bole hum ibadat karenge tumhare mabood aur tumhare aaba Ibrahim, Ismail aur Is’haaq ke mabood ki”.

Is aayate kareema mein Yaqoob alaihissalam ke walid Is’haaq alaihissalam aur chacha (taaya) Ismail alaihissalam aur dada Ibrahim alaihissalam sab par aaba ka itlaaq hai jo “Ab” ki jama hai. Muhammad bin Ka’ab Qarzi ne is aayat ko bataur daleel pesh kiya aur kaha “Hadees shareef mein Nabi Kareem ﷺ ka qaule mubarak maujood hai jismein aapne apne chacha Hazrat Abbas radiallaho ta’ala anhu ko “Abi” mera baap kaha hai”.

“Mere baap abbas ko mujh par pesh karo”.

Jis muhaqqeqeen ne ye daawa kiya hai ke Ibrahim alaihissalam ka haqeeqi walid kafir nahin tha balki aapka chacha Aazar kafir tha unhone bataur daleel ibne manzar ka qaul bhi pesh kiya hai jo usne apni tafseer mein sanade sahih se Suleman bin sarad ka qaul pesh kiya hai ke jab Namrood aur uski qaum ne Ibrahim alaihissalam ko aag mein daalne ka iraada kiya aur unhone lakdiyan jama karna shuru ki to ek boodhi aurat bhi lakdiyan jama kar rahi thi Ibrahim alaihissalam ne jab saari qaum ko mukhalif paaya to kaha:

“Mujhe Allah kaafi hai aur wo behtareen kaar saaz hai”.

Jab aapko un logon ne aag mein daal diya to ALLAH TA’ALA ne aag ko hukm diya:

“Aey aag Ibrahim par thandi aur salamati wali ho ja”

jab aap par aag gulzaar ban gai to aapka chacha kehne laga ke ye aag meri wajah se hi Ibrahim se door hui hai to ALLAH TA’ALA ne aag ke ek chingare ko uski taraf bheja jo uske qadamon par gira aur usey jala kar rakh diya. Is riwayat mein waazeh taur par َعه ke alfaaz maujood hain jinse waazeh ho raha hai ke ‘Aazar’ aapka chacha tha.

Ibrahim alaihissalam ka mukhtasar waqiya aur Aazar ke chacha hone par shandaar daleel

Muhammad bin Ka’ab, Qataada, Mujahid aur Hasan waghaira se marwi hai ke beshak Ibrahim alaihissalam apne chacha Aazar ke liye dua e maghfirat karte rahe yahan tak ke wo mar gaya uske mar jaane ke baad aap par waazeh ho gaya ke wo to haalat e kufr mein mar gaya hai kafir to Allah ka dushman hai uske liye to dua karne ka koi maqsad nahin to aapne uske liye dua e maghfirat chhod di aur usse bezaari ikhtiyar ki. ALLAH TA’ALA ne irshad farmaya:

“Aur Ibrahim ka apne baap (chacha) ki bakhshish chahna wo to na tha magar ek waada ke sabab jo usse kar chuka tha jab Ibrahim par waazeh ho gaya ke wo Allah ka dushman hai to usse taalluq tod diya”.

Is aayat mein ابيه se muraad Aazar hai, Ibrahim alaihissalam ne ek waada ke peshe nazar uske liye dua e maghfirat ki kyun ke aap ne ek martaba Aazar ko kaha tha ke main apne Rab se teri maghfirat ki dua karunga, dusri wajah ye thi ke ek martaba Aazar ne bhi Hazrat Ibrahim alaihissalam se imaan laane ka waada kiya tha. Aayat e kareema ka shaane nuzool ye hai Hazrat Ali murtaza radiallaho ta’ala anhu se marwi hai ke jab ye aayat naazil hui “Main tumhare liye apne Rab se maghfirat talab karunga” to maine suna ke ek shakhs apne walidain ke liye maghfirat kar raha hai bawajood ye ke wo donon mushrik the to maine kaha too mushrikon ke liye dua e maghfirat karta hai? To usne kaha, kya Hazrat Ibrahim alaihissalam ne Aazar ke liye dua na ki thi wo bhi to mushrik tha. Ye waqiya maine Sayyade Aalam ﷺ se arz kiya to aap ﷺ ne farmaya ke Hazrat

84 AZKIRATUL AMBIYA Hazrate ibrahim wa ismail wa ishaaq

Ibrahim alaihissalam ka istighfaar karna uske islaam laane ki ummeed par tha jiska Aazar ne aapse waada kiya tha aur aapne aazar se istighfaar karne ka waada kiya tha jab wo ummeed khatm ho gai to aapne usse taalluq tod liya aur uske liye dua e maghfirat karna bhi chhod diya.

Aazar aag ke chingare se mar gaya aur hazrat Ibrahim alaihissalam ne us ke baad uske liye koi dua nahin ki. Aag ke waqiye ke baad Ibrahim alaihissalam ne shaam (syria) ki taraf hijrat ki phir misr mein dakhil huye aur ek jaabir badshah ka waqiya darpesh aaya aur hazrat Haajra aapko mili phir aapko ALLAH TA’ALA ne hukm diya ke Haajra aur uske bete Ismail ko ka’aba ke paas chhod do aapne jab apne bete aur zauja ko wahan chhoda jahan aaj makka mukarrama aabad hai to wahan aapne kuchh duayein farmai jinmein se ek dua mein ye alfaaz mubaraka bhi hai:

“Aey humare Rab meri aur mere walidain ki maghfirat farma”.

Ab isse baat roze raushan ki tarah waazeh ho gai ke aap ne Allah ke jis dushman ke liye dua karna chhod diya tha wo aapka chacha Aazar hai jise baap se taabir kiya gaya aur is dua ke chhodne ke kitne arse baad aap apne baap aur maa’n ke liye maghfirat ki dua kar rahe hain wo aapka haqeeqi baap hai agar Aazar jo kafir aur Allah ka dushman hai wo hi aapka haqeeqi baap hai to usse bezaari ke baad phir uske liye dua karne ka kya matlab hai?

Ibrahim alaihissalam ko zameen wa aasman ki malkoot ka mushahida karaya gaya

ALLAH TA’ALA ne irshad farmaya:

“Aur isi tarah hum Ibrahim ko dikhate hain saari badshahi aasamnon aur zameen ki aur isliye ke wo aenul yaqeen walon mein se ho jaaye”.

Malkoot ka maayne (meaning) azeem badshahi aur saltanat qahira yaani aapko zameen wa aasman ki tamam ashiya ka mushahida kara diya gaya yahan tak ke chand, sooraj, pahaad, darakht aur dariya tamam cheezon ke haqa’iq ko aapne dekha aur tamam ruye zameen wa aasmanon ka mushahida kiya “Yaani aap alaihissalam ko tamam nishaniyan aur tamam ajaibaat dikhaye gaye beshak aap par saat aasman munkashif kar diye gaye to aap alaihissalam ne aasmanon ki jameea ashiya ko dekha yahan tak ke aapki nazar arshe ilaahi tak pahunchi isi tarah aap par saat zameenein munkashif kar di gai to aapne zameenon ki har cheez ko dekha”.

Ibne Mardoowiya rahmatullahi ta’ala alaihi ne Hazrat Ali radiallaho ta’ala anhu se riwayat bayan ki Rasoolullah ﷺ ne farmaya jab hazrat Ibrahim alaihissalam ne zameen wa aasman ki badshahiyon ka mushahida kar liya to aapne ek shakhs ko gunah karte huye dekha yaani jo kahin door daraaz chhup kar maasiyat mein mubtala tha lekin aapne uska mushahida kar liya to aapne uske khilaaf dua farmai, Rab ta’ala ne usey halaak kar diya phir aap ek aur shakhs ke gunah par ba khabar huye to uske khilaaf bhi dua karne ka iraada kiya hi tha ke ALLAH TA’ALA ne aapko mana farma diya ke aey Ibrahim! Aap mustajabuddaawat hain mere bandon ki halaakat ki dua na karein kyun ke mere bande teen qism ke hain ya to gunahgaar honge lekin tauba qabool karunga ya wo khud to gunahgaar rahenge lekin unki aulaad mein aise nek log honge jo zameen ko tasbeehaat se bhar denge yaani ALLAH TA’ALA ki hamd wa sana wa tehleel itni zyada karenge ke unke faizan se aur log bhi Allah ke zikr mein mashgool ho jayenge ya wo log gunahon ke haal mein hi mar jayenge aur mere qabza e qudrat mein honge iske baad meri marzi ki baat hai ke main unko maaf kar du ya saza du.

SubhanAllah! Jab hazrat Ibrahim alaihissalam ke ilm ka ye maqaam hai to saiyadul Ambiya habeeb

85 AZKIRATUL AMBIYA Hazrate ibrahim wa ismail wa ishaaq

kibriya Mustafa ﷺ ke ilm ka kya aalam hoga? Jab ke jameea Ambiya -e- kiraam ka majmooi ilm Nabi Kareem ﷺ ke ilm ke muqabil ek qatra ki misaal hai aur aap ka ilm samundar ki misaal.

Ibrahim alaihissalam ne butt paraston ka radd farmaya

“Aur yaad karo jab Ibrahim ne apne baap Aazar se kaha kya tum buton ko khuda maante ho? Beshak main tumhein aur tumhari qaum ko khuli gumrahi mein dekhta hoon”.

Is aayat kareema se arab ke mushrikeen par hujjat qaa’im ki gai kyun ke unmein se kai hazrat Ibrahim alaihissalam ko moazzam jaante the aur unki fazeelat ke motarif the unhein bataya ja raha hai ke hazrat Ibrahim alaihissalam butt parasti se mana farmate the aur butt parasti ko bahut bada aeb aur gumrahi samajhte the agar tum unki azmat ko maante ho to butt parasti chhod do.

“Ibrahim ne jab apne baap se kaha aey mere baap kyun aise ko poojta hai jo na sune na dekhe aur kuchh tere kaam na aaye. Aey mere baap beshak mere paas wo hukm aaya jo tere paas nahin aaya too meri taabedari kar main tujhe seedhi raah dikhao aey mere baap shaitan ka banda na ban beshak shaitan rehman ka nafarman hai”.

In tamam aayat mein baap se muraad aapka chacha Aazar hi hai aapne usey naseehat karte huye kaha ke jin buton ki too pooja kar raha hai wo teri ibadat ko nahin dekh sakte teri sana ko nahin sun sakte aur kabhi kisi qism ka kalaam sunna unki taaqat mein nahin aur tumhari ya kisi aur ki imdaad (madad) karna aur kisi qism ki musibat se najaat dena aur tumhein be parwah karna jab unhein haasil nahin to wo ibadat ke laayaq kabhi nahin ho sakte balki unki ibadat karna darhaqeeqat shaitan ki ibadat hai kyun ke isse wo khush hota aur buton ki ibadat karna usi ke dhoke aur fareb ka nateeja hai isliye tum shaitan ki ibadat chhod do kyun ke shaitan ALLAH TA’ALA ka nafarman hai wo khud to mardood ho chuka hai aur dusron ko bhi bhatkaane mein har waqt koshish mein laga rehta hai wo to chahta hai ke koi na koi mere daame fareb mein phas kar Rab ta’ala se door ho jaaye aur uske azaab ka mustahiq ban sake.

“Aur un par Ibrahim ki khabar padho jab usne apne baap aur apni qaum se farmaya tum kya poojte ho? Bole buton ko poojte hain phir unki pooja mein munhamik rehte hain phir farmaya kya wo tumhari sunte hain jab tum pukaro ya tumhara kuchh bhala bura karte hain bole balki humne apne baap dada ko aisa hi karte paaya farmaya to kya tum dekhte ho jinhein pooj rahe ho tum aur tumhare agle baap dada beshak wo sab mere dushman hain magar parvardigaar e aalam wo jisne mujhe paida kiya to wo hi mujhe hidayat dega aur wo hi mujhe khilata aur pilata hai aur jab main beemar hota hoon to wo hi mujhe shifa deta hai aur wo hi mujhe wafaat dega phir mujhe zinda karega”

In aayate kareema mein Hazrat Ibrahim alaihissalam ka zikr e khair kiya ja raha hai kyun ke aap quraish ke jadde aala aur ka’aba ke baani the quraish ko unki nasal hone par bada naaz tha isliye unke saamne aapke aqaa’id bayan farmaye ja rahe hain taaki hazrat Ibrahim alaihissalam ko apna jadde aala kehne wale aur is nisbat par fakhr karne wale hazrat Ibrahim alaihissalam ke Rabbe akbar par bhi imaan layein, jis tarah aap ka daaman kufr wa shirk ki aalaaishon se bilkul paak tha usi tarah ye bhi apne daaghon ko door karke tauheed e khaalis ikhtiyar karein.

Allama Qazi Sanaullah Tafseere Mazhari mein farmate hain “َلبيه” se muraad Aazar hai jo aapka

86 AZKIRATUL AMBIYA Hazrate ibrahim wa ismail wa ishaaq

chacha tha kyun ke usi ne aapki parwarish ki thi isliye baap kaha gaya. Hazrat Ibrahim alaihissalam ke samjhane ka kitna pyara andaaz hai? Unse hi unke maboodon ki bebasi ka aiteraaf karaya ja raha hai jab wo in baaton ka inkaar na kar sake kyun ke unke butt sunne nafa wa nuqsaan pahunchane se qaasir the to ye keh kar apna difa karne lage ke humare baap dada aisa hi karte the isliye hum to unke tareeqe se hatne ke liye kisi waqt bhi taiyar nahin.

Aap alaihissalam muhabbat bhare tareeqe se unhein samjhate hain ke nadaan na bano, beja zid achhi nahin, andhi taqleed ke nataa’ij bade khatarnaak hote hain, tum dunyavi maamlaat mein jab aqal wa feham ko istemal karte rehte ho to zindagi ke is buniyadi mas’ala par sochne ka waqt aaye to tum apni soch ka chiraagh ghum kar do ye to achhi baat nahin. Phir aap alaihissalam ne farmaya in andhe behare buton ke mutalliq tum jo chaho kehte raho main inhein apna dushman aur bad-khwah samajh raha hoon, meri bandagi ka taalluq sirf us mabood e barhaq ke sath hai jo kainaat ki har cheez ko uske martaba e kamaal tak pahunchata hai iski saari zaruriyaat bhi muhayya karta hai, unki nashw wa numa ke liye jo wasaayal zaruri hote hain unko beham pahunchata hai. In andhe behare maboodon ke muqable mein Rabbul Aalmeen (har cheez ko martaba e kamaal tak pahunchane wala) ki sifat se ALLAH TA’ALA ka taarruf kitna maayne khez hai? Aayat mein phir se ghaur farmaiye, aapne ye nahin farmaya ke ye butt tumhare dushman hain balki farmaya ke mere dushman hain. Naaseh kareem ka andaaz e naseehat aisa hi hota hai wo baraahe raast dusron par hamla nahin karta balki apni zaat se aaghaaz karta hai. Isi tarah ishaaratan kalaam karna zaahir kalaam karne se ba dar jaha muassir hai.

Hazrat Ibrahim alaihissalam ka buton ko todna

Jab Ibrahim alaihissalam ne apne chacha aur apni qaum ko kaha tum kis ki pooja karte ho, kya bohtaan se Allah ke baghair aur khuda chahte ho? To tumhara kya gumaan hai Rabbul Aalmeen par yaani tum uske siwa dusre ko poojoge to kya wo tumhein be azaab chhod dega bawajood ye ke tum jaante ho ke wo hi man’im e haqeeqi mustahiq e ibadat hai.

Is qaum ka salaana (har saal) ek mela lagta tha jungle mein jaate the aur shaam tak wahan khel tamasha mein mashgool rehte the wapasi ke waqt butt khane mein aate the aur buton ki pooja karte the iske baad apne kaamon ko wapas jaate the. Jab hazrat Ibrahim alaihissalam ne unke buton ki mazammat bayan ki to unhone kaha kal humari eid hai, jungle mein mela lagega, hum nafees khane paka kar buton ke paas rakh jayenge aur mela se wapas hokar tabarruk ke taur par khayenge aap bhi humare sath chalein dekhein ke humare deen aur tareeqe mein kya bahaar hai aur kaise lutf uthate hain. Jab wo mele ka din aaya to aapko chalne ke liye kaha gaya to aapke jawab ko Quran majeed mein in alfaaz mein farmaya gaya:

“Usne ek nigaah sitaron ko dekha phir kaha main beemar hone wala hoon”.

Aapne sitaron ko aise dekha jaise sitaron ka hisaab lagane wale dekhte hain qaum choonki sitaron ke hisaab ki bahut muataqid thi unhone ye samjha ke shayad aapne sitaron se hisaab laga kar ye samjha hai ke aap beemar hone wale hain, is tarah qaum aapko chhod kar apne mela par chali gai. Aap alaihissalam ne kai logon ke saamne ye waazeh taur par keh diya tha:

“Aur mujhe Allah ki qasam hai main tumhare buton ka bura chahunga iske baad tum peeth pher jaoge”.

Jab qaum apne mele par chali gai to aapne mauqa ko ghaneemat samjha ke ab apne iraade ko amli

87 AZKIRATUL AMBIYA Hazrate ibrahim wa ismail wa ishaaq

jaama pehnane ka sunehara waqt aa gaya hai aapne chup ke se butt khane ka rukh kiya wahan jakar dekha ke qaum unke paas tarah tarah ke khane rakh kar gai hai ke wapas aakar khayenge aur buton ki pooja karenge to aapne buton ke qareeb ja kar kaha tum khate kyun nahin? Aap alaihissalam ke is irshad par jab buton ki taraf se koi jawab na aaya phir to aapne unhein kaha: َ tumhein kya hua tum bolte kyun nahin? Wo bejaan patthar ki moortiyan unki taraf م َ ا ل َُك ُ ْ َل َ ت َ ن ْ طِق ُ ون

se kya jawab aana tha. Jab aapne dekha ke ye butt khane ke qaabil nahin, bolne ki inmein taaqat nahin, apne hi hathon se tarashe huye pattharon ke bejaan butt hain to aapne unko maarna shuru kar diya.

“Aapne unke tukde tukde karke choora kar diya siwaye ek ke jo un sab se bada tha ke shayad wo usse kuchh poochhein”.

Qaum ko wahan hi pata chal gaya tha ke humare buton ko tod diya gaya hai “To wo jaldi se uski taraf mutawajjeh huye”.

“Unhone kaha ke kisne humare khuda’o ke sath ye kaam kiya beshak wo zaalim hai unmein se kuchh bole humne ek jawan ko inhein bura kehte suna hai jise Ibrahim kehte hain wo kehne lage to usey logon ke saamne lao shayad wo gawahi dein, unhone kaha kya tumne humare khuda’o ke sath ye kaam kiya aey Ibrahim! Aapne farmaya balki unke is bade ne kiya hoga to inse puchho agar bolte hain, to unhone apne nafson ki taraf rujoo kiya aur bole beshak tum hi zaalim ho phir apne saron ke bal aaundhe gire ke tumhein khoob maloom hai ye bolte nahin to aapne farmaya ke Allah ke siwa aise ko poojte ho jo na tumhein nafa de aur na nuqsaan pahunchaye tuf hai tum par aur in buton par jinko Allah ke siwa poojte ho, to kya tumhein aqal nahin?”.

Hazrat Ibrahim alaihissalam ne tamam buton ko tod phod kar chakna choor kar diya siwaye bade butt ke, aapne basoola uske kandhe par rakh diya jab qaum ke log wapas aaye to kehne lage humare khuda’o ko kisi ne tod diya hai kaise be aqal log the jinko abhi tak ye samajh nahin aa raha tha ke jo butt apne aapko nahin bacha sake wo humari kya imdaad karenge? Unke is sawal par ke humare khuda’o se ye sulook kisne kiya un logon ne bataya jinke saamne Ibrahim alaihissalam ne kaha tha ke “Main tumhare khuda’o se kuchh na kuchh bura sulook zarur karunga” ke ye kaam Ibrahim ne hi kiya hoga kyun ke wo humare khuda’o ki buraiyan bayan karta tha. Ab wo kehne lage ke Ibrahim ko saamne lao taaki us par gawahiyan qaa’im karke muqaddama kiya ja sake jab Ibrahim alaihissalam ko laaya gaya to aapse poochha gaya ke ye kaam tum ne kiya hai? To aapne farmaya ke basoola tumhare bade butt ke kandhe par hai isi ne ye kaam kiya hoga apne in khuda’o se hi poochh lo agar ye bolte hain to batayenge? Aapke is hakeemana jawab par kuchh der ke liye to wo sochne lage ke Ibrahim haq par hain aur hum hi bewakooof hain ke aise khuda’o ki pooja kar rahe hain jo apne aapko bhi nahin bacha sake ye haqeeqat hai ke hum is maamle mein apne aap par zulm kar rahe hai lekin kuchh der baad un par phir bad-bakhti sawaar ho gai kehne lage hum inse puchhein ye to bolte hi nahin is tarah wo apni gumrahi par qaa’im rahe.

Aiteraaz:

Qaum jab mele par jaane lagi to unhone Ibrahim alaihissalam ko bhi daawat di to aapne farmaya main beemar hoon halanki aap beemar nahin the ye to maaz’Allah jhoot hai, hazrat Ibrahim

88 AZKIRATUL AMBIYA Hazrate ibrahim wa ismail wa ishaaq

alaihissalam ne unke butt tod diye qaum ne poochha to aapne farmaya ye kaam to inke bade ne kiya hai halanki bade butt ne chhote buton ko nahin toda tha to aapne ye kaise keh diya? Ye bhi maaz’Allah jhoot nazar aata aur hadees shareef mein bhi aapke teen jhooton ka zikr milta hai in teen mein se do yehi hain jinka zikr kiya gaya.

Jawab:

Jhoot bolne wala Nabi nahin jo sakta jhoot gunahe kabeera hai Ambiya -e- kiraam qabl az nubuwat aur baad az nubuwat sagheera aur kabeera gunahon se paak hain wo hadees jisse baaz ghair islami logon ne samjha ke hazrat Ibrahim alaihissalam ne maaz’Allah teen jhoot bole iski wazaahat ki jaati hai taaki ye samajh aa sake ke hadees paak ka asal matlab kya hai agar hadees paak ka tarjuma hi sahi kar diya jaaye to samajh aa sakta hai ke matlab kya hai wo hadees paak ye hai “Hazrat Abu Huraira radiallaho ta’ala anhu se marwi hai aapne kaha Nabi Kareem ﷺ ne farmaya Hazrat Ibrahim alaihissalam ne siwaye teen baaton ke koi aisi baat nahin ki jisko logon ne jhoot samjha ho in teen mein se do ka taalluq ALLAH TA’ALA ki zaat se hai. Ek aapka qaul “main” beemar hone wala hoon, dusra aapka qaul “unke is bade ne kiya hoga” aur inmein se teesra qaul (jab aap philistine ki taraf hijrat karke ja rahe the to us dauran) ek din aap aur aapki zauja ka aisi jagah se guzar hua jahan ek jaabir zaalim shakhs musallat tha usko logon ne bataya yahan ek shakhs aaya hua hai jiske sath ek aurat hai jo tamam logon se zyada haseen hai us zaalim ne hazrat Ibrahim alaihissalam ki taraf apna qaasid bheja ke wo unse poochhe ye tumhare sath aurat kaun hai? Uske sawal par aapne farmaya ye meri behan hai, phir aap Hazrat Saara radiallaho ta’ala anha ke paas aaye unko kaha agar us zaalim ko pata chal gaya ke tum meri zauja ho to wo jabran tumhein mujhse chheen lega agar wo tum se sawal kare to tum usko khabar dena ke tum meri behan ho isliye ke islam mein tum meri behan ho kyun ke ruye zameen par mere aur tumhare baghair koi momin nahin. Us zaalim ne hazrat Saara ke paas qaasid bhej kar unko apne paas bula liya hazrat Ibrahim alaihissalam ne khade hokar namaz ada karni shuru farma di hazrat Saara radiallaho ta’ala anha jab us zaalim ke paas pahunchi usne aapki taraf apna hath badhana chaha lekin wo Allah ki giraft mein aa gaya, pagalon ki tarah ho gaya, uska gala ghunt gaya, munh se jhaag behne laga, aediya ragadne laga, usne Hazrat Saara radiallaho ta’ala anha ko kaha tum mere liye dua karo main tumhein takleef na pahunchaoga aapne Allah se dua ki wo theek ho gaya usne dobara hath badhane ki koshish ki lekin wo pehle ki tarah Rab ta’ala ki giraft mein aa gaya balki usse bhi zyada usne phir hazrat Saara radiallaho ta’ala anha se dua karne ki darkhwast ki aapne phir dua ki jab wo theek ho gaya phir usne darbaan ko bulaya aur kaha tum mere paas kisi insaan ko nahin laaye balki kisi jinn ko laaye ho, us zaalim ne aapko Hazrat Haajra radiallaho ta’ala anha bataur khadima dekar wapas lauta diya”.

(Mufti ahmad yaar khan rahmatullah alaihi ne Tafseer Naimi mein tehreer kiya hai Hazrat Haajra radiallaho ta’ala anha rum (Rome) ke badshah ki beti thi unse bhi us zaalim ka anjaam aisa hi hua tha isliye usne kaha in donon ko yahan se nikaal do ye donon insaan nahin balki jinn hain.)

Hazrat Saara radiallaho ta’ala anha jab hazrat Ibrahim alaihissalam ke paas wapas aai to aap namaz ada farma rahe the aapne apne hath ke ishare se poochha kaisa haal hai? Aapne kaha ALLAH TA’ALA ne kafir ke makr ko usi ke seene par lauta diya yaani wo zaleel hua usne mujhe Haajra bataur khadima di. Hazrat abu huraira radiallaho ta’ala anhu ne kaha aey ahle arab ye (Haajra) tumhari maa’n hai.

89 AZKIRATUL AMBIYA Hazrate ibrahim wa ismail wa ishaaq

Qaazi Iyaaz rahmatullahi ta’ala alaihi ne farmaya Ambiya -e- kiraam se mutlaqan jhoot saabit nahin ho sakta lekin ye jhoot jinka zikr kiya gaya hai ye sunne wale ki taraf mansoob hain jinko sunne wale ne jhoot samjha isliye ke ba zaahir jhoot nazar aate hain halanki haqeeqat mein jhoot nahin the lihaza Nabi Kareem ﷺ ke Irshad giraami ka matlab ye hai ke Ibrahim alaihissalam ne teen martaba is tarah kalaam farmaya ke logon ne usey jhoot samjha in teen martaba ke alaawa aapne koi aisa kalaam nahin farmaya jisko logon ne bhi jhoot samjha ho.

Pehla irshad e giraami : “Main beemar hone wala hoon”

Aapke is irshade giraami ka matlab pehle tafseelan bayan ho gaya ke qaum ne aapko mela mein shirkat ki daawat di to aapne sitaron ko dekh kar farmaya yaani “Main beemar hone wala hoon” aapne ye nahin farmaya ke main kal hi beemar hone wala hoon balki aapne sirf ye farmaya ke “Main beemar hone wala hoon” insaan zindagi mein kabhi na kabhi to zarur beemar hota hai aapne maayne door wala liya aur logon ne qareeb wala samjha ye “Torya” kehlata hai jo jaiz hai.

Dusri wajah Mulla Ali Qaari rahmatullah alaihi bayan farmate hain “Aapne farmaya mera dil beemar hai isliye ke mujhe bahut ghussa hai ke tumne sitaron ko khuda bana rakha hai ya isliye mujhe ghussa hai ke tumne buton ko apna mabood banaya hua hai is ghusse ki wajah se zehani pareshani mere dil ke beemar hone ka sabab hai” yaani aapki baat sadaaqat par mabni thi ke main qalbi taur par beemar hoon lekin log is ko na samajh sake.

Dusra irshad : “Inke is bade ne kiya hoga”

Qaum jab mele par chali gai to hazrat Ibrahim alaihissalam ne tamam buton ko tod diya aur kulhaada ya basoola unke bade butt yaani jisko bada khuda samajhte the uske kandhe par rakh diya jab wo qaum wapas aai to ek dusre ko dekh kar kehne lage humare khuda’o se ye zyadti kisne ki hai? Jab baaz logon ne kaha ye Ibrahim ne kiya hoga, aapse bula kar poochha gaya to aapne farmaya “Ye is bade butt ne kiya hai” jiska aam maayne zehanon mein ye aata hai ke aapne kaha “Ye is bade butt ne kiya hai” yaani isne toda hai aur logon ne apni samajh ke mutabiq jhoot samjha halanki iska matlab hi ye nahin, Allama Raazi rahmatullahi ta’ala alaihi ne is ke mukhtalif mataalib (matlab) bayan kiye hain iska asal matlab kya hai?

Pehli wajah: Pehli wajah ye hai ke aapne ye nahin farmaya ke ye kaam is butt ne kiya hai balki aapne isse muraad apni zaat li aapka ye kalaam taareez par mabni tha yaani kalaam karne wala aur muraad le raha ho sunne wala aur samjhe. Ye kalaam is tarah hai jis tarah ek shakhs likhne ka maahir ho wo ek achha khat likhe dusra shakhs jo likhna nahin jaanta wo maahire khat se poochhe kya ye tumne likha hai? Aur wo uske jawab mein kahe balki tumne likha hai ye ilzaaman usko khamosh karna hai yaani is jumla se us shakhs ki nafi ki ja rahi hai jo qaadir nahin aur jo shakhs qaadir hai uske liye saabit karna hai isi tarah hazrat Ibrahim alaihissalam ne butt ki taraf mansoob karke waazeh kiya ke ye kaam usi ne kiya hai jo ye kaam karne par qaadir hai wo kaise kar sakta hai jo ye kaam karne par qaadir hi nahin?

Dusri wajah: Jab Hazrat Ibrahim alaihissalam ne dekha ke buton ko muzayyan kiya hua hai aur inko qaum ne bada barguzida samjha hua hai aapko ghussa aa gaya aur ye dekh kar ghussa aur zyada shadeed ho gaya ke logon ne bade butt ko zyada muzayyan kiya hua hai aur iski zyada tazeem karte hain jab is bade butt ko dekh kar ghussa zyada hua to sab buton ko tod diya. Hazrat Ibrahim alaihissalam ne apne fe’l ko butt ki taraf isliye mansoob kiya ke wo inko todne aur zillat ka sabab bana kyun ke is ko dekh kar aapko zyada ghussa aaya tha jis tarah kaam karne wale

90 AZKIRATUL AMBIYA Hazrate ibrahim wa ismail wa ishaaq

ki taraf fe’l mansoob hota hai usi tarah kaam par ubhaar ne wale ki taraf bhi mansoob hota hai.

Teesri wajah: Aapne unke mazhab ke mutabiq kalaam kiya ke tum jab isko khuda samajhte ho to phir ye kaam isne kiya hoga. “Yaani jisko tum ibadat ka mustahiq samajhte ho ke ye humara mabood hai wo ye kaam karne par qaadir hona chahiye balki isse bhi zyada qudrat ise honi chahiye”. Maqsad unko samjhana tha ke jab tum ye nahin maante ke isne buton ko toda hai kyun ke ye todne ki taaqat nahin rakhta to ye mabood kaise ban sakta hai.

Chauthi wajah: Yahan kuchh ibaarat ghaur mazkoor hai asal ibaarat is tarah hai “Jisko karna tha usne kar diya ye unka bada hai isse poochh lo”. Goya is bayan ka maqsad hi ye tha ke maine ye kaam kar diya hai apne bade khuda se poochho agar ye bolne ki taaqat rakhta hai ismein bhi unko tableegh thi ke ye tumhara khuda to ye bhi nahin bata sakta ke ye kaam kisne kiya hai?

Paanchwi wajah: ُ ك َ ب ِْي ْ ُه par waqf hai aur ه ٰ ذ َ ا se phir kalaam ki ibteda hai maayne ye hai ke kaam unke bade ne kiya hai ye tumhara khuda hai isse poochh lo agar bolta hai. Isse muraad aapne apni zaat li hai kyun ke insaan tamam buton se bada hai maqsad ye tha ke ye kaam unke bade ne kiya hai wo bada main hi hoon kyun ke main insaan hoon aur tumhare khuda’o se bada hoon insaan ke muqabil in buton ki kya haisiyat hai.

Chhathi wajah: Kalaam mein taqdeem wa takheer hai goya ke asal maanwi lihaaz par is tarah hai “Aapne farmaya inke is bade ne kiya hai agar ye bolte hain to inse poochh lo”. “Fe’l ki izaafat in ke bade butt ki taraf mashroot taur par hai agar ye bolte hain to inke bade ne kiya hai jab wo bolte hi nahin to ye kaam inke bade butt ne nahin kiya”.

Saatwi wajah: Ek qiraat mein ُ ه ك َ ب ِْي ْ ُه aaya hai iske mutalliq maayne ye hoga “Shayad ye kaam ف َ ع َ ل َ karne wala inka bada hoga”.

In bayan karda wajooh se waazeh hua ke hazrat Ibrahim alaihissalam ka kalaam sadaaqat par mabni tha agarche sunne wale na samajh sakein aur unhone apne baatil gumaan mein jhoot samjha.

Ambiya -e- kiraam ko jhoota kehne se raawiyon ko jhoota kehna behtar hai

Allama Raazi rahmatullahi ta’ala alaihi isi maqaam par tehreer farmate hain “Agar aisi koi riwayat ho jis se Ambiya -e- kiraam ka jhoota hona saabit ho raha ho aur is riwayat ki koi taaweel na ho sake jis se Ambiya -e- kiraam ki sadaaqat saabit ho sake to is soorat mein raawiyon ko jhoota kaha ja sakta hai lekin Ambiya -e- kiraam ko jhoota kehna muhaal hoga”.

Aisi soorat mein riwayat ko radd kar diya jayega lekin Ambiya -e- kiraam ki shaan mein koi farq nahin aane diya jayega.

Aapka teesra irshad

Hazrat Saara radiallaho ta’ala anha ke mutalliq aapne farmaya ye meri behan hai iski wajah hadees paak mein khud hi waazeh hai ke aapne ye muraad nahin liya ke ye meri nasabi behan hai balki aapne hazrat Saara radiallaho ta’ala anha ko kaha tum islam mein meri behan ho isliye ke akhuwwate islami ke lihaaz par baap beta bhi bhai bhai hain, maa’n beta bhi bhai behan hain isi tarah khawind beewi bhi ek dusre ke bhai behan hain.

91 AZKIRATUL AMBIYA Hazrate ibrahim wa ismail wa ishaaq

Buton ko todne par Ibrahim alaihissalam ko saza

Ibrahim alaihissalam ne jab kuffar ke banawati khuda’o ko tabaah kar diya aur dalaail mein bhi un par ghalba haasil kar liya to unhone aapse inteqaam ka faisla kar liya aur sab sazao se sakht saza tajweez ki yaani ye ke aapko aag mein jala diya jaaye halanki aag ka azaab sirf ALLAH TA’ALA de sakta hai bande ke liye ye jaiz nahin ke kisi ko aag ka azaab de lekin Namrood aur uski qaum ne aapko jalane ki saza di. ALLAH TA’ALA ne iska zikr farmaya:

“Wo kehne lage iske liye ek imaarat banao phir ise bhadakti aag mein daal do”

yaani ird gird bahut badi deewar bana kar iske darmiyan aag jala kar Ibrahim alaihissalam ko ismein daal do.

“Bole isko jala do aur apne khuda’o ki madad karo agar tumhein karna hai”.

Zara ghaur karein kitne bewakooof log the ke ye bhi nahin samajh rahe the ke jin buton ki hum imdaad kar rahe hain aur wo khud apni imdaad kuchh na kar sake wo khuda banne ke qaabil kaise?

Ibrahim alaihissalam ka aag mein daale jaane ka waqiya

Ibrahim alaihissalam ko aag mein jalane ke liye jo chaar deewari banai gai iski miqdaar hazrat Ibne Abbas radiallaho ta’ala anhu ne bayan farmai ke iski bulandi 30 zara’a (45 feet) aur chaudai 20 zara’a (30 feet) aur tool 30 zara’a (45 feet).

Aag mein daal ne ka mashwara dene wala

Hazrat Mujahid kehte hain ke Hazrat Abdullah bin Umar radiallaho ta’ala anhu ne farmaya, Aey Mujahid kya tumhein maloom hai ke Ibrahim alaihissalam ko jalane ka sabse pehle mashwara dene wala kaun tha? Maine kaha mujhe to ilm nahin aap radiallaho ta’ala anhu ne farmaya wo faaras ke dehaat mein rehne wala shakhs tha jiska naam Ikraad tha baaz jagah uska naam Ikraad bin Atiya mukammal taur par zikr hai, naam ke mutalliq do qaul aur bhi hain ek qaul ke mutabiq naam Hayoon hai aur dusre ke mutabiq Hader hai. Us shakhs ko ALLAH TA’ALA ne zameen mein dhansa diya aur qiyamat tak dhansta chala jayega.

Aapko jalane se pehle qaid kar liya gaya, unhone phir aag jalane ke liye chaar deewari baada ki tarah banani shuru kar di jab baada taiyar ho gaya to phir lakdiyan jama karni shuru kar di har qism ki lakdiyan 40 din tak wo sab log jama karte rahe yahan tak ke agar koi boodhi aurat beemar ho jaati to wo bhi kehti agar mujhe is bermari se shifa haasil ho gai to main bhi Ibrahim ko jalane ke liye lakdiyan laogi.

Wo kaisi aag thi

Jab tamam logon ne mil kar 40 din tak mehnat karke kaseer miqdaar mein lakdiyan jama kar li to aag jala di gai aag ke shole aasmanon se baatein karne lage itni azeem aur shadeed aag thi ke iske upar se fiza mein bhi koi parinda nahin ud sakta tha.

Aag mein daalne ke liye shaitan ki rehnumai

Jab aag bahut zyada shola zan ho gai uski haraarat itne door door tak phail gai ke aag ke qareeb jaana kisi insaan ki taaqat mein na raha to wo kuffar hairan wa pareshan ho gaye ke sab mehnat zaaya jaati hai kyun ke unhein samajh mein nahin aa raha tha ke Ibrahim alaihissalam ko aag mein kaise daala jaaye to shaitan ne aakar unki rehmumai ki ke ek munzaneeq taiyar ki jaaye aur Ibrahim

92 AZKIRATUL AMBIYA Hazrate ibrahim wa ismail wa ishaaq

alaihissalam ko rassiyon se jakad kar munzaneeq mein rakh kar aag mein phenk diya jaaye khayaal rahe sabse pehle dunya mein yehi munzaneeq taiyar hui baad mein usi ko jungon mein istemal kiya jaata raha aur munzaneeq ke zariye pattharon ko golon ki tarah phenka jaata tha.

Zameen wa aasman ki makhlooq ki fariyaad

Hazrat Ibrahim alaihissalam ko jab rassiyon se baandh kar munzaneeq mein rakha gaya to siwaye jinno aur insanon ke ALLAH TA’ALA ki zameen wa aasman ki saari makhlooq chilla uthi aur ALLAH TA’ALA ke huzoor fariyaad karne lagi aey Maula e kainaat zameen mein siwaye Ibrahim alaihissalam ke koi aur nahin jo teri ibadat kare aey Allah aaj wo tera naam lene ki wajah se jalaya ja raha hai. Zameen wa aasman ke firishte, janwar, wahoosh wa tayoor sabhi ye maajra dekh kar hairan wa pareshan hain Rab ta’ala ki hikmat se be khabar the, soch rahe the ab kya hoga? Allah ka naam lene wala to aaj jal jayega ab zameen mein ALLAH TA’ALA ki ibadat karne wala kaun hoga?

Firishton ne aapki imdaad karne ki ALLAH TA’ALA se ijazat talab ki

Zameen wa aasman ke firishton ne ALLAH TA’ALA ke huzoor arz ki aey Allah humein ijazat farma ke hum Ibrahim alaihissalam ki imdaad karein ALLAH TA’ALA ne unhein ijazat farma di ke agar wo tum se imdaad haasil karna chahte hain to tum unki imdaad karo aur agar wo mere baghair kisi aur se imdaad nahin haasil karte to main unhein zyada jaanta hoon main hi unka Vali hoon unka maamla mujh par hi chhod do beshak wo mere khaleel hain, is waqt tamam ruye zameen par unke baghair aur mera koi khaleel nahin aur main hi unka mabood hoon mere baghair inka koi mabood nahin.

Ibrahim alaihissalam ka ALLAH TA’ALA par tawakkul (bharosa)

Ibrahim alaihissalam ke paas hawao par muqarrar firishta aaya aur wo firishta bhi haazir hua jo paaniyon par muqarrar tha in donon ne arz kiya aap humein ijazat farmayein ke hum aag ko khatm kar dein aapne farmaya mujhe tumhari imdaad ki zarurat nahin:

“Mera Allah mujhe kaafi aur wo hi behtar kaar saaz hai”.

Aapke paas Jibreel alaihissalam aaye aur arz kiya ke aap ko meri imdaad ki zarurat ho to main aapki imdaad karu aapne farmaya mujhe tumhari imdaad ki koi zarurat nahin Jibreel ne kaha achha to phir apne Rab ta’ala se hi sawal kar lo to aapne farmaya:

“Wo mere haal ko jaanta hai sawal ke baghair hi mujhe kaafi hai”.

SubhanAllah! Hazrat Ibrahim alaihissalam ko ALLAH TA’ALA par kitna bharosa hai? Ye to keh diya jaata hai ke ghairullah se imdaad talab karna jaiz nahin agar jaiz hota to Ibrahim alaihissalam firishton se imdaad talab karte kaash! In logon ko ye samajh aa jaaye ke Ambiya -e- kiraam ka maqaam malaika se buland hai unhein kya zarurat hai ke wo apne se kam maraatib walon se imdaad talab karein phir Ibrahim alaihissalam ki tarah aam insaan tawakkul kaise kar sakta hai? Wo to ALLAH TA’ALA se bhi sawal nahin karte ke wo khud hi jaanta hai mujhe sawal karne ki kya zarurat hai?

93 AZKIRATUL AMBIYA Hazrate ibrahim wa ismail wa ishaaq

Chhipkali ka aag ko phoonke dena

Bukhari muslim ki riwayat mein aaya hai ke chhipkali aag mein phoonke deti thi Muslim shareef mein Hazrat Sa’ad radiallaho ta’ala anha se marwi hai ke beshak Rasoolullah ﷺ ne qatl karne ka hukm diya aur usko buri cheez ke naam se tabeer farmaya aur ek riwayat mein hai ke chhipkali ko pehli hi zarb se qatl karne mein zyada sawab hai aur dusri zarb mein qatl karne mein isse kam sawab hai aur teesri zarb mein qatl karne ka isse kam sawab hai.

Ibrahim alaihissalam ka aag mein ajeeb manzar

Ibrahim alaihissalam ne firishton se imdaad lene se inkaar kar diya ALLAH TA’ALA se bhi sawal na kiya ke aag mein jaane se pehle hi mujhe bacha le bas sirf ek baat madde nazar thi ke Rab ta’ala jis par raazi hai main bhi usi par raazi hoon. Kafiron ne jab aapko baandh kar munzaneeq mein rakh kar aag mein daalna chaha to aapne ye alfaaz mubaraka padhe:

“Tere baghair koi mabood nahin teri zaat paak hai sab tareefein tere liye hi hain sab cheezein teri hi milk mein hain tera koi shareek nahin”.

Kafiron ne aapko aag mein phenk diya ALLAH TA’ALA ne aag ko farmaya:

“Aey aag Ibrahim par thandi aur salamati ho ja”

ALLAH TA’ALA ne aag ko thandi ho jaane ke sath sath salamati ka bhi hukm diya taaki Ibrahim alaihissalam ko kisi qism ka bhi nuqsaan na ho. Musnad ahmad mein hazrat Ali radiallaho ta’ala anhu ka irshad mazkoor hai ke agar ALLAH TA’ALA aag ko س َ َل َ م ً ا ka hukm na deta to aag itni thandi ho jaati ke aap sardi se wafaat pa jaate. Riwayat mein aata hai ke jab Ibrahim alaihissalam ko aag mein daala gaya to aag baahar baahar jalti rahi lekin uski haraarat Ibrahim alaihissalam tak na pahunch saki balki aag ke andar ek baagh bana diya gaya yaani jab aapko aag mein daala gaya to firishton ne aapko pehlu’o se pakad kar ek jagah zameen mein bitha diya jahan ek meethe paani ka chashma tha aur ird gird gulaab nargis aur chameli ke paudhe aur phool apna haseen wa jameel manzar pesh kar rahe the, aag ne sirf un rassiyon ko jalaya jinse aap ko baandha gaya aur unke jalne se bhi aapko kisi qism ka koi zarar (nuqsaan) nahin hua.

Khayaal rahe ke jab Ibrahim alaihissalam ki aag ko thandi hone ka hukm diya gaya us waqt dunya mein aisi aag nahin thi jo bujh na gai ho yaani dunya ki tamam aagein ek martaba bujh gai thi.

Ibrahim alaihissalam aag mein kitne din rahe

Minhaal bin Amar se marwi hai wo kehte hain mujhe ye khabar di gai ke hazrat Ibrahim alaihissalam aag mein 40 ya 50 din rahe, Hazrat Ibrahim alaihissalam farmate hain aag mein rehne ke dinon main jitna khush raha aur maine aesh wa ishrat ki apni poori zindagi mein mujhe aesh haasil na ho saka. ALLAH TA’ALA ne saaya par muqarrar firishta ko Ibrahim alaihissalam ki hi shakl mein un par bheja ke wo aapke paas baithe taaki wo usse uns haasil karein akele hone ki wajah se aapko koi pareshani na ho aap ke paas Jibreel jannat mein se ek reshmi kameez laaye aur kaha aey Ibrahim alaihissalam beshak aap ko Rab kehta hai kya aapko maloom nahin ke mere mehboobon ko aag nuqsaan nahin pahuncha sakti.

Namrood ka Ibrahim alaihissalam ko baagh mein dekhna

Namrood ne apne mehal ki bulandi se dekha to Ibrahim alaihissalam ko ek baagh mein baithe huye paaya aur ek shakhs (firishte) ko aapke paas baithe huye dekha aur aapke ird gird lakdiyon

94 AZKIRATUL AMBIYA Hazrate ibrahim wa ismail wa ishaaq

ko jalte huye aag ke shole bhadakte huye dekh kar aapko pukaar ne laga aey Ibrahim alaihissalam kya tum is aag se nikal sakte ho? Aapne farmaya haan nikal sakta hoon usne kaha utho aur nikal aao (mumkin hai usne ye samjha ho ke jab niklenge to baahar jalti hui aag se guzrenge to jal jayenge) Ibrahim alaihissalam uthe aur chalte chalte aag se nikal aaye. Aap alaihissalam se Namrood ne poochha ke tumhare paas tumhari hi shakl ka dusra aadmi kaun tha? Aapne farmaya ke wo saaya par muqarrar firishta tha jise ALLAH TA’ALA ne mere paas isliye bheja tha ke mujhe akele hone se kisi qism ki koi ghabrahat na ho balki main unse uns haasil kar saku.

Namrood Rab ki qudrat ka iqraar karne ke bawajood gumrah raha

Namrood ne kaha jab maine tumhare Rab ki izzat wa qudrat ko dekha to maine nazar maani ki main tumhare Rab ka qurb haasil karne ke liye qurbani pesh karunga isliye main tumhare Rab ke huzoor 4000 gaay ki qurbani kar raha hoon Ibrahim alaihissalam ne farmaya jab tak tum apne deen par qaa’im ho us waqt tak ALLAH TA’ALA tumhari qurbani ko qabool nahin karega us ne kaha main apni badshahi ko to nahin chhod sakta albatta qurbani zarur karunga usne apni nazar ke mutabiq 4000 gaay zibah kar di aur aainda hazrat Ibrahim alaihissalam ko saza na dene ka iraada kar liya albatta wo apne kufr par hi qaa’im raha imaan usko naseeb na ho saka.

Baaz riwayat mein hai ke jab kuffar ne dekha ke Ibrahim alaihissalam ko aag ne nahin jalaya to unhone kaha ke Ibrahim ne aag par jadoo kar diya hai unhone tajurba karne ke liye ek boodhe ko aag mein daala to aag ne usey jhulas kar rakh diya.

Ibrahim alaihissalam ne tamam baatil maboodon ka radd kiya

Ibrahim alaihissalam jis qaum mein tashreef laaye us mein kuchh log butt parast the aur kuchh sitaara parast aur kuchh chaand parast aur kuchh sooraj parast balki Namrood ki parastish bhi hoti thi aapne buton ke mabood hone ko dalaail se baatil kiya qaum ne jab dalaail se koi fayda na haasil kiya to aapne buton ko tod kar apni pareshani ko door karke apne dil ko tasalli di. Sitaara parast aapko bhi sitaron ki pooja ki daawat dene lage aapne unka bhi radd farmaya ke ye sitaare mabood banne ke qaabil nahin:

“Phir jab un par raat ka andhera aaya ek taara dekha bole ise mera Rab thehrate ho phir jab wo doob gaya bole mujhe khush nahin aate doobne wale”.

Yaani ye to khud kisi nizaame qudrat ke paband hain unmein mabood banne ki salahiyat nahin meri tawajjo aur muhabbat ka markaz to sirf maalikul mulk khaaliq e kainaat ‘Wahdahoo La Shareek Lahu’ hai main to in sitaron se muhabbat nahin karta aur na hi unko kisi maamla mein muassire haqeeqi maanta hoon jab unse muhabbat hi nahin to unki ibadat ko kaise main achha samajh sakta hoon?

Chaand paraston ne aapko chaand ki ibadat ki daawat di aapne unka bhi radd kar diya ke tum to gumrah ho haq to ye hai ke tum khud seedhi raah par aa jao kya tum mujhe raahe raast se bhatkana chahte ho ye namumkin hai:

“Phir jab chaand chamakta dekha bole ise mera Rab batate ho? Jab wo bhi doob gaya kaha agar mera Rab hidayat na karta to main inhi gumrahon mein hota”.

Yaani ye chaand bhi kisi ke hukm ka taabea hai iski chamak damak bhi kabhi ek ilaaqa par kabhi dusre par yaani ek waqt mein ek ilaaqa ko chamka raha hai to dusra iski raushani se mehroom hai to aisi cheez jo khud hi ek haal par na reh sake wo kaise mabood ban sakti hai ye to mujh par Allah ka faizan hai jisne mujhe seedhi raah par chala kar is par qaa’im rehne ki taufeeq farma di warna jis

95 AZKIRATUL AMBIYA Hazrate ibrahim wa ismail wa ishaaq

qaum mein har taraf baatil raah par chalne wale hi nazar aate ho’n wahan ek fard ka haq par qaa’im rehna kaise mumkin hai?

Sooraj paraston ne aapko sooraj ki ibadat ki daawat di ke ye to bahut hi raushan hai ye to yaqeenan bada khuda banne ke qaabil hai aapne unka bhi radd kiya ke main shirk par qaa’im rehne ki kisi ko jab ijazat nahin deta to mujhse shirk ki ummeed rakhna tumhari himaakat hai:

“Phir jab sooraj jagmagata dekha bole ise mera Rab kehte ho? Ye to in sab se bada hai phir jab wo doob gaya kaha aey qaum main bezaar hoon un cheezon se jinhein tum shareek thehrate ho”.

Aapne jab sooraj ko jagmagate dekha to qaum ko kaha ke ise mera Rab kehte ho sab se bada samajh kar ise bada khuda maante ho ye bhi to kabhi ek ilaaqa ko jagmaga raha hai aur dusre ko andhere mein rakhta hai jab dusre ilaaqa ko raushan karta hai to pehle ilaaqe ko tareeki mein dooba deta hai bhala wo cheez jo khud apne mehwar mein ghumne ke liye kisi ke hukm ki paband ho khuda ban sakti hai? Nahin nahin, ye khuda kabhi bhi nahin ban sakti. Aey meri qaum ALLAH TA’ALA se shareek thehrana chhod do, main to pehle hi bezaar hoon mujhse tumhari ye ummeed ke main bhi tumhare sath maboodane baatila ko maanne mein shareek ho jaonga besood hai. Aap alaihissalam ne farmaya ke meri tawajjo ka markaz to sirf zameen wa aasman ka khaaliq hai main uske sath aur koi shareek thehrao ye kaise ho sakta hai main koi mushrik to nahin. Qaum ne aapko baatil maboodon ki mukhalifat se darane ki koshish ki ke ye tumhein nuqsaan pahunchayenge unki mukhalifat se baaz aa jao aap ne do took alfaaz mein jawab diya:

“Jinko tum (Allah ke sath) shareek thehrate ho mujhe unse koi dar nahin”.

Ibrahim alaihissalam ka Namrood se munazira

“Aey mehboob kya tumne na dekha tha usey jo Ibrahim se jhagda uske Rab ke baare mein is par ke Allah ne usey badshahi di”.

Isse muraad us waqt ka badshah hai jiska naam Namrood bin kan’aan ibne sanjareb hai, yehi pehla badshah hai jisne taaj pehna aur riyaaya par zulm wa sitam kiya, khudai ka daawa kiya, saare jahan ki badshahat usko mili, uski kul umr 800 baras thi 400 saal apni badshahi ke rob wa dabdaba mein guzaare aur 400 baras machchhar ne usey kaata jo naak ke raaste uske dimaag mein ghus gaya tha wo apne sar par joote lagwata raha usne ALLAH TA’ALA ka muqabla karne ke liye buland qila banwaya tha uska darul khilaafa babul mein hai.

Tamam ruye zameen ke chaar badshah

Jinko kul dunya ki badshahi haasil rahi ho wo sirf chaar shakhs hain do musalman aur do kafir:

1. Hazrat Suleman alaihissalam

2. Hazrat Sikander Zulqarnain alaihissalam

3. Namrood

4. Shaddad bin Aad jiska naam Bakhtnasar tha. Shaddad ne hi Rab ta’ala ke muqabil apni khudai ka daawa karte huye adan ke junglaat mein apni jannat banwai thi, jannat jab taiyar hui to dekhne ke liye gaya abhi uske ghorhe ne apne donon paanv ko uski masnooi jannat mein rakha hi tha ke Izraail ko hukm hua ke iski rooh qabz kar lo.

Ibrahim alaihissalam ka Namrood se munazira kab hua

Kabeer aur Ruhul Ma’ani mein do qaul naql kiye gaye hain ek ye ke buton ke todne ke baad aur

96 AZKIRATUL AMBIYA Hazrate ibrahim wa ismail wa ishaaq

aag mein daalne se pehle aur dusra qaul ye hai ke aap jab aag se baahar tashreef laaye to us waqt ye munazira hua, munazara karne ki wajah ye thi ke Namrood ne Ibrahim alaihissalam se poochha tha ke tumhara Rab kaun sa hai jiski main ibadat karu?

Ibrahim alaihissalam ki Rab ke mutalliq daleel

“Jab ke Ibrahim ne kaha ke mera Rab wo hai ke zinda karta hai aur maarta hai”

yaani ajsaam mein maut wa hayaat ko paida karta hai ek khuda ko na pehchan ne wale ke liye ye behtareen hidayat thi aur usmein bataya gaya tha ke khud teri zindagi Rab ke wajood ki shahadat de rahi hai ke too ek bejaan nutfa tha jisne is nutfa ko insaani soorat di aur hayaat ata farmai wo Rab hai aur zindagi ke baad phir ajsaam ko jo maut deta hai wo parvardigaar hai uski qudrat ki shahadat khud teri apni maut wa hayaat mein maujood hai uske wajood se be khabar rehna kamaale jehaalat wa safaahat aur intehai bad-naseebi hai.

Ye daleel aisi zabardast thi ke iska jawab Namrood se na ban pada aur is khayaal se ke majma ke saamne usko laa jawab aur sharminda hona pad raha hai to usne kaj behasi (tedhi behas) ikhtiyar ki.

“Bola main zinda karta aur maarta hoon”.

Namrood ki bewakoofi

Namrood ne do shakhson ko bulaya unmein se ek ko qatl kiya aur ek ko chhod diya aur kehne laga ke main bhi zinda karta hoon aur maarta hoon yaani kisi ko giraftaar karke chhod deta hoon ise zinda karta hoon aur kisi ko qatl karke maar deta hoon ye uski nihayat ahemkana baat thi, kahan qatl karna aur chhodna aur kahan maut wa hayaat paida karna? Qatl kiye huye shakhs ko zinda karne se aajiz rehna aur bajaye uske zinda ke chhodne ko ye kehna ke main zinda karta hoon uski zillat ke liye kaafi tha, aqalmandon par to zaahir ho gaya tha ke hazrat Ibrahim alaihissalam ki daleel qawi aur qatai hai iska jawab mumkin nahin.

Namrood ne jo daleel qaa’im ki thi usmein daawa bhi paaya gaya tha to Ibrahim alaihissalam ne us par munazarana giraft farmai ke aey jhoote muddai e uloohiyat maut wa hayaat paida karna teri qudrat mein kahan balki iska tasawwur bhi nahin kar sakta isse aasan kaam kar ke dikha:

“Ibrahim alaihissalam ne farmaya beshak Allah sooraj ko mashriq se laata hai too isko maghrib se le aa to hosh ud gaye kafir ke wo Allah raah nahin dikhata zaalimon ko”.

Wo kafir Rab ki taraf se hairan kar diya gaya warna ismein bhi wo kaj behasi (tedhi behas) is tarah kar sakta tha ke sooraj ko mashriq se to main laata hoon tum apne khuda se kaho ke wo maghrib se laaye lekin ALLAH TA’ALA ne usey mab’hoot karke laa jawab kar diya, wo is tarah zaleel hua. Jab usse koi jawab na ban saka to kehne laga mere paas tumhare liye koi ghalla nahin tum apne Rab se maango wo hi tumhein ghalla de jiski tum ibadat karte ho.

Ret ghalla ban gai

Ibrahim alaihissalam usse wapas laut tey huye raaste mein ret ke teele par ruke wahan se ek thaile mein ret bharkar makaan par pahunche thaila rakh kar so gaye aapki zauja hazrat Saara radiallaho ta’ala anha ne usey khola to usmein nihayat nafees gandum tha aapne usey pees kar rotiyan taiyar ki jab hazrat Ibrahim alaihissalam jaage to aapki khidmat mein khana pesh kiya gaya aapne poochha ke ye gandum kahan se aai hai to aapki zauja ne arz kiya wo hi jo aap thaila bharkar laaye hain to aap samajh gaye ke Rab ta’ala ne mujhe rizq diya hai.

97 AZKIRATUL AMBIYA Hazrate ibrahim wa ismail wa ishaaq

Namrood ek martaba phir imaan laane se mehroom

ALLAH TA’ALA ne zaalim Namrood ke paas insaani shakl mein ek firishta bheja jisne aakar kaha tera Rab kehta hai too mujh par imaan laa, hum teri saltanat barqaraar rakhenge wo bola Rab to main hi hoon mera Rab kaun hai? Teen dafa ye waqiya darpesh aaya lekin wo imaan laane se mehroom raha.

Namrood aur uski qaum ka anjaam

Namrood ki qaum par machchharon ka azaab bheja gaya, machchharon ki zyadti ka ye haal tha ke unse sooraj chhup gaya tha, zameen par dhoop na aati thi, machchharon ne unke khoon choos liye, gosht chaat liye siwaye Namrood ke baaqi sab ki haddiyan hi baaqi reh gai Namrood dekhta tha magar kuchh na kar sakta tha, phir ek machchhar uski naak ke zariye dimaag mein ghus gaya aur 400 saal tak maghz chaat taa raha, jab upar se dhamak pahunchti to kaatna chhod deta warna kaat’taa. Chunanche din raat uske sar par joote aur thappad padte rehte the ab uske darbaar ka adab ye tha ke jo aaye uske sar par joota raseed kare isse pehle 400 saal bahut aaram se saltanat ki aur 400 baras pithta raha phir zillat se mara, uski umr 800 baras se kuchh hi zyada hui.

Ibrahim alaihissalam ne murdon ko zinda hote dekhna chaha

“Aur jab arz ki Ibrahim alaihissalam ne aey mere Rab mujhe dikha de too kyun kar murda zinda karega farmaya kya tujhe yaqeen nahin arz kiya yaqeen kyun nahin magar main ye chahta hoon ke mere dil ko qaraar aa jaaye”.

Ibrahim alaihissalam ne murdon ko zinda karne ka sawal kyun kiya?

Imam Raazi rahmatullahi ta’ala alaihi ne iski 17 wajah bayan farmai hain lekin Allama Nauwi rahmatullahi ta’ala alaihi ne chaar ke mutalliq bayan farmaya ke ye zaahir aur waazeh hain aur baaqi wajah ghair zaahir hain.

Pehli wajah: Aapko pehle ilm istidalaali haasil tha ab aap murdon ko zinda karne ki kaifiyat ka mushahida karna chahte the taaki ilm zaruri badeehi bhi haasil ho jaaye isliye ke Imaam Abu Mansoor rahmatullahi ta’ala alaihi ka mazhab ye hai ke ilm istidalaali mein kabhi shakook waaqey hote hain lekin ilm zaruri shakook se paak hota hai jo ilm mushahida se ayaanan haasil ho wo zaruri hota hai. Khayaal rahe ke khud Nabi ke liye ilm istidalaali ya zaruri mein farq nahin hota kyun ke Nabi ka ilm shak se paak hota hai albatta sawal karne ki wajah ye thi ke kisi ko bhi ye kehne ka haq na ho ke tumne to murdon ko zinda hote dekha nahin tumhare ilm par kaise yaqeen kiya jaaye.

Dusri wajah: Aap ye jaanna chahte the ke mera martaba Allah ke nazdeek kya hai aur meri dua ki qabooliyat ka kya maqaam hai is soorat mein matlab ye hoga kya tumhein yaqeen nahin tumhara martaba mere nazdeek azeem hai tum mere pasandida ho aur tum mere khaleel ho.

Teesri wajah: Aapko pehle bhi shak nahin tha aapne sawal isliye kiya taaki ilmul yaqeen ki taraf taraqqi ho jaaye kyun ke in donon mein bahut bada farq hai isliye ke aenul yaqeen mushahida ke baad haasil hota hai lekin ilmul yaqeen mein mushahida ki zarurat nahin.

Chauthi wajah: Jab aapne mushrikeen par ye daleel qaa’im farmai mera Rab wo hai jo zinda

98 AZKIRATUL AMBIYA Hazrate ibrahim wa ismail wa ishaaq

karta hai aur maarta hai phir aapne ALLAH TA’ALA se arz kiya aey Allah too kis tarah murda ko zinda karta hai? Yaani unko mere saamne zinda kar main dekhu taaki meri daleel kafiron par zaahir ho jaaye.

Aiteraaz:

Hadees shareef mein to aata hai ke Nabi Kareem ﷺ ne farmaya hum Ibrahim alaihissalam se shak karne mein zyada haq rakhte hain isse to pata chalta hai ke aapne murdon ko zinda karne ka sawal shak ki wajah se kiya tha yaani aapko yaqeen nahin tha.

Jawab:

Hadees paak ke tarjuma aur samajhne mein log ghalati karte hain hadees paak ka ye matlab nahin jo aiteraaz karne wale pesh karte hain hadees paak ke tarjuma aur wazaahat ki taraf tawajjo karein matlab khud waazeh ho jayega.

“Hazrat Abu Huraira radiallaho ta’ala anhu se marwi hai beshak Nabi Kareem ﷺ ne farmaya agar Ibrahim alaihissalam ne shak kiya hota to hum ba nisbat Ibrahim alaihissalam ke shak karne ka zyada haq rakhte. Jab arz ki Ibrahim ne aey mere Rab mujhe dikha de too murde kis tarah zinda farmayega kya tujhe yaqeen nahin arz ki kyun nahin magar ye chahta hoon ke mere dil ko qaraar aa jaaye”.

Is hadees paak ka ye matlab nahin ke Nabi Kareem ﷺ ne ye farmaya ke hazrat Ibrahim alaihissalam ne ALLAH TA’ALA ke murdon ko zinda karne mein shak kiya tha aur humein unki nisbat zyada shak hai balki is hadees paak ka tarjuma jo bayan kiya hai isi se matlab waazeh ho raha hai taaham zyadti wazaahat ke liye Allama Nauwi rahmatullahi ta’ala alaihi ne is hadees paak ki sharah bayan ki hai isse ek qaul bayan kiya ja raha hai, aap farmate hain Nabi Kareem ﷺ ke is irshad “Agar Ibrahim alaihissalam ne shak kiya hota to hum ba nisbat Ibrahim alaihissalam ke shak karne ka zyada haq rakhte” ke maayne bayan karne mein ulema ke bahut aqwaal hain lekin sabse haseen aur sahih qaul wo hai jo Imaam Abu Ibrahim mazni aur ulema ki kai jama’aton ne bayan farmaya hai wo ye hai:

Is hadees paak ka matlab ye hai ke Ibrahim alaihissalam ka shak karna muhaal hai agar ALLAH TA’ALA ke murdon ko zinda karne mein Ambiya -e- kiraam alaihimussalam se shak waaqey ho sakta to ba nisbat Ibrahim alaihissalam ke shak karne mein main zyada haq rakhta aur tehqeeq tumhein yaqeenan maloom hai ke mujhe murdon ko zinda karne mein koi shak nahin tumhein yaqeenan is amr ka bhi ilm hona chahiye ke beshak Ibrahim alaihissalam ko is mein koi shak nahin tha.

Khayaal rahe ke is hadees paak mein Nabi Kareem ﷺ ne hazrat Ibrahim alaihissalam ki fazeelat bayan ki aur ajz wa inkesari se apne aapko unse kam martaba bayan kiya warna dusre maqaam par haqeeqat bayan karte huye tamam kainaat par apni fazeelat bhi bayan ki hai.

Murda zinda hote huye Ibrahim alaihissalam ko dikha diye

“Farmaya achha parinde lekar apne sath maanoos kar lo phir unka ek ek tukda har pahaad par rakh do phir unhein bulao tumhare paas chalte aayenge paanv se daudte aur jaan lo ke Allah ghaalib hikmat wala hai”.

Hazrat Ibrahim alaihissalam ne chaar parinde yaani mor, gidh (ek riwayat mein gidh ki jagah

99 AZKIRATUL AMBIYA Hazrate ibrahim wa ismail wa ishaaq

kabootar ka zikr hai) kauwa aur murgh apne sath maanoos kiye phir ALLAH TA’ALA ke hukm ke mutabiq unke tukde kiye aur unke gosht aur haddiya waghaira ko mila karke chaar pahadon par unko rakh diya phir aapne unhein pukara “Aey juda juda haddiyo! Aey alag alag gosht ke tukdo, aey kaati hui rago ek dusre se mil jao taaki ALLAH TA’ALA tumhari ruhon ko tum mein lauta de”.

Ye sun kar haddiyan apni dusri haddiyon ki taraf chali gayi yaani har parinde ki apni apni haddiyan ek dusri se mil gai, parr dusre paron se ja mile, gosht ke tukde dusre tukdon se milne lage yahan tak ke khoon se khoon mil gaya. Is tarah aap dekh rahe the ke aapke saamne murdon ko zinda karke aapko aenul yaqeen ka martaba ata kar diya gaya phir ALLAH TA’ALA ne aapki taraf ‘wahee’ ki ke Ibrahim tumne mujhse sawal kiya tha ke too murdon ko kaise zinda karta hai? Beshak maine zameen ko paida kiya hai ismein chaar qism ki hawayein qaa’im ki hain:

1. Shimaal jaanib se chalne wali hawa,

2. Junoobi jaanib se chalne wali hawa,

3. Baade saba,

4. Baade bor.

Yahan tak ke jab qiyamat ka din hoga tamam murde aur maqtool soor phoonkne par jama ho jayenge jaise un chaar parindon ko tumhare saamne pahadon se jama kar diya gaya hai. Mere saamne tum tamam ka paida karna aur phir maut ke baad zinda karna aise hi hai jis tarah kisi ek shakhs ko paida karna ya zinda karna hai.

Tambeeh: Baaz ahle ilm ne bayan kiya hai ke chaar parindon ke sabhi ajza (parts) mila kar pahadon par rakhe gaye the, aapne jab Allah ke izn (hukm) se unko bulaya to wo zinda hokar aapke paas daudte huye aa gaye, maanoos karne mein hikmat bhi yehi thi ke aap unke aane par pehchan lein ke ye wo hi parinde hain jo maine apne sath hila mila liye the aur baaz ne kaha ke aapne unke saron ko apne paas rakh liya tha aapke bulane par unke tamam ajza apne apne ajza se mil kar apne apne saron se aakar mil gaye. ALLAH TA’ALA ki qudrat se koi soorat bhi ba’id nahin jo soorat bhi ho qudrat ki ajeeb nishani ka zahoor hai.

Tamam jandaron se parindon ka intekhaab kyun

Hazrat Ibrahim alaihissalam ko chaar parinde maanoos karne ka hukm diya aur haiwanon ko hukm nahin diya iski kya wajah hai? Iski do wajahein hain ek ye ke parindon ko ALLAH TA’ALA ne fiza mein udne aur hawa mein buland hone ki taaqat ata farmai hai aur hazrat Ibrahim alaihissalam ko bhi uncha maqaam yaani maraatib ki bulandi aur malkoot tak pahunch ne ki himmat ata farmai hai isliye parindon ko zibah karne aur gosht ko mila jula kar rakhne ka hukm diya taaki aapka mojiza aapke maraatib ke mushabeh ho jaaye.

Dusri wajah ye hai ke hazrat Ibrahim alaihissalam ne jab parindon ko zibah kar diya aur unko tukde tukde kar diya aur mila jula kar pahadon ki chotiyon par rakh diya phir unko bulaya to tamam tukde mile jule gosht se juda hokar apne apne tukdon se mil gaye qiyamat ke din bhi isi tarah tamam bikhre huye zarrat jama ho jayenge aur unse badan maarize wajood mein aayenge, unki roohein unse mil jayengi. ALLAH TA’ALA ka irshad e giraami iski taa’id kar raha hai:

“Neechi aankhein kiye huye qabron se niklenge goya wo tiddi hain phaili hui”.

100 AZKIRATUL AMBIYA Hazrate ibrahim wa ismail wa ishaaq

Chaar ka hukm dene ki wajah

Ibrahim alaihissalam ne sirf murdon ko zinda hote huye dekhne ki darkhwast ki lekin maalikul mulk ne kaha:

“Aey mere khaleel tumne to apni uboodiyat ke peshe nazar ek murda ko zinda hote dekhna chaha lekin main apni raboobiyat ki wajah se tumhein chaar murda ko zinda karke dikhata hoon”.

Dusri wajah ye thi ke haiwanaat waghaira anaasir araba’a yaani aag, mitti, paani hawa se murakkab hain isliye chaar ko zibah karne ka hukm diya ke main jis tarah in chaar ko zinda kar raha hoon aise hi tamam anaasir araba’a ke murakkabaat ko zinda karunga.

Sab parindon mein se chaar ko khaas karne ki wajah

Tamam parindon mein se mor, gidhd, murg aur kauwe ko muntakhab karne ki wajah ye hai ke insaan ko zeenat, martaba, buland maraatib se muhabbat hai aur ye ausaaf mor mein paaye jaate hain. ALLAH TA’ALA ne farmaya:

“Khwahishaat ki muhabbat ko logon ke liye muzayyan kar diya gaya hai”.

Insaan jis tarah zyada khane se shaghf rakhta hai usi tarah gidhd ko bhi khane se hi zyada kaam hota hai, isi tarah insaan ko furj ki khwahishaat poori karne se jis tarah kaam hota hai usi tarah murg mein bhi ye wasf paaya jaata hai insaan maal talab karne aur jama karne ka zyada harees hota hai usi tarah kauwa bhi maal ki talab aur jama karne ka harees hota hai kyun ke siwaye kauwe ke raat ko udne wala koi parinda nahin hai aur sakht sardi mein din ko sirf kauwa hi nikalta hai.

In chaar ko muntakhab karne mein is hikmat ki taraf ishaara hai ke insaan jab tak khwahishaat e nafsaaniya aur khwahishaat e furj aur maal ki hirs aur zeb wa zeenat ko khatm nahin karega us waqt tak uske dil par ruhaniyat ka asar nahin hoga aur na hi usey ALLAH TA’ALA ke jalaal ke noor se raahat haasil hogi.

Hazrat Ibrahim alaihissalam ka hijrat karna

“Aur Ibrahim alaihissalam ne kaha main ja raha hoon jahan mere Rab ne hukm diya hai wo hi meri rehnumai farmayega”.

Rab ta’ala ke irshad ِ ّ اِٰل ی ر َ ب ka matlab bayan karte huye Allama Aalusi rahmatullahi ta’ala alaihi farmate hain “Yaani jahan mere Rab ne hukm diya hai main wahan ja raha hoon ke main wahan apni ibadat ko behtar tareeqe se ada kar sakunga” kyun ke jo qaum meri nishaniyan dekh kar bhi imaan na laai wahan theharna ab be maqsad hai aur jab ALLAH TA’ALA ne bhi hukm de diya hai to ab yahan se hijrat karna zaruri ho chuka hai.

Ibtedai taur par aap namroodi qaum se hijrat karke apne chacha haraan ke paas hiraan mein aa gaye, haraan ne Ibrahim alaihissalam ki nek bakhti dekh kar apni beti Saara radiallaho ta’ala anha ka nikah aapse kar diya. Hazrat Saara radiallaho ta’ala anha bahut hi khubsoorat aurat thi, mardon mein hazrat Yusuf aur auraton mein hazrat Saara bahut haseen huye balki hazrat Yusuf alaihissalam ko apni dadi hazrat Saara radiallaho ta’ala anha ke husn se hi husn mila tha. Hazrat Ibrahim alaihissalam ne wahan bhi apna silsila e tableegh jaari rakha isliye aapke chacha haraan ne bhi aap ko ghar se nikaal diya. Daurane hijrat raaste mein misr ke zaalim badshah ka waqiya darpesh aaya aur hazrat Saara ko hazrat Haajra ata ki gai ye waqiya ek hadees paak ki wazaahat ke zimn mein pehle bayan kiya ja chuka hai.

101 AZKIRATUL AMBIYA Hazrate ibrahim wa ismail wa ishaaq

Hijrat karne wala qaafila jab hiraan se chala tha sirf teen aadmiyon par mushtamil tha hazrat Ibrahim alaihissalam, hazrat Saara aur hazrat Looth alaihissalam is qaafila ke afraad ALLAH TA’ALA ki wahdaniyat ko maanne wale us waqt sirf yehi the, chalte waqt hazrat Ibrahim alaihissalam aur hazrat Saara ka muahida hua tha ke ek dusre ki baat ko maana jayega. Raaste mein jab hazrat Haajra bhi mil gai to ab qaafila ke chaar fard ho gaye jo tamam hi Allah ko maanne wale the.

Philistine mein khushhaali

Misr se jab ye chaar afraad rawana hokar philistine pahunche to wahan ke logon ne unki qadr wa manzilat ko samjha aur unke aane ko baaise barkat samjha aur bahut si zameen aapki khidmat mein bataur nazr pesh ki is zameen mein kheti baadi se ALLAH TA’ALA ne bahut barkat ata farmai, aapke paas ghalla aur janwar kaafi miqdaar mein ho gaye, aapne musafiron aur ghurba ko rehne aur khane ki sahooliyaat ata ki is tarah mehmaan nawazi mein aapko ek munfarid maqaam haasil ho gaya.

Hazrat Saara ke mashware se hazrat Haajra se nikah

Ek din hazrat Saara radiallaho ta’ala anha ne arz kiya ke humare paas ALLAH TA’ALA ke fazl wa karam se zaruriyaate dunya mein yaani khane peene ki ashiya aur rehne ke makanaat ki to koi kami nahin albatta aulaad ki kami hai isliye aap Haajra radiallaho ta’ala anha se nikah kar lein ho sakta hai ke ALLAH TA’ALA humein aulaad se nawaz de yaani Haajra ke batan (pet) se paida hone wala bachha humare liye taskeen wa raahat ka sabab ban jaaye is tarah hazrat Saara ke kehne par hazrat Haajra se nikah ho gaya.

Ibrahim alaihissalam ki aulaad ke liye dua

“Ilaahi mujhe laayaq aulaad de” ALLAH TA’ALA ne aapki is dua ko sharf qabooliyat bakhshte huye irshad farmaya “To humne usey khushkhabari sunai ek burdbaar ladke ki” is bashaarat se muraad hazrat Ismail alaihissalam ki wiladat ki bashaarat hai kyun ke Allama Aalusi ح َ لِی ْم ki tafseer karte huye farmate hain “Yaani aapko bashaarat di gai ke aap ko ek beta ata kiya jayega jo ح َ لِی ْم hoga isse badhkar hilm ki aur kya misaal milegi jab aap baloogh ke qareeb the to aapke walid ne aapko kaha ke main tumhein khwab mein zibah karte huye apne aapko dekh raha hoon is mein tumhari kya raay hai? To aapne arz kiya ke aap mujhe insha Allah saabiron mein se payenge”.

Ismail alaihissalam ke baad Is’haaq alaihissalam ki bashaarat

“To hum ne usey (hazrat Saara) ko Is’haaq ki khushkhabari di aur Is’haaq ke peechhe Yaqoob ki”.

Hazrat Saara ko bashaarat dene ki wajah ye thi ke aulaad ki khushi auraton ko ba nisbat mardon ke zyada hoti hai aur dusri wajah ye thi ke hazrat Saara radiallaho ta’ala anha ko aulaad nahin thi isliye zyada khushi unko hi haasil hui thi kyun ke hazrat Ibrahim alaihissalam ke farzand Ismail pehle paida ho chuke the.

Hazrat Yaqoob alaihissalam ki bashaarat dene se is taraf ishaara tha ke Saara radiallaho ta’ala anha ki umr itni badi hogi ke ye apne Is’haaq ke bete Yaqoob ko bhi dekhengi, hazrat Saara radiallaho

102 AZKIRATUL AMBIYA Hazrate ibrahim wa ismail wa ishaaq

ta’ala anha ki umr us waqt 90 saal thi, tafseer jalaalain mein 99 saal mazkoor aur hazrat Ibrahim alaihissalam ki umr 120 saal thi, isliye hazrat Saara radiallaho ta’ala anha ne taajjub karte huye kaha tha:

“Ajeeb baat hai ke mera bachha paida hoga jab ke main boodhi hoon aur mere shauhar boodhe hain beshak ye to bahut hi taajjubnaak baat hai”.

Is’haaq alaihissalam chhote aur Ismail alaihissalam bade

Is’haaq alaihissalam ki bashaarat dene ke ek saal baad ALLAH TA’ALA ne unhein paida farma diya aur Ismail alaihissalam ki paidaish ke 14 saal baad Is’haaq alaihissalam ki paidaish hui yaani unki paidaish ke 13 saal baad Is’haaq alaihissalam ki bashaarat di gai.

Hazrat Ismail, Is’haaq, Yaqoob alaihissalam Nabi huye

“Aur humne usey (hazrat Ibrahim alaihissalam ko) Is’haaq aur Yaqoob ata kiye aur har ek ko ghaib ki khabarein batane wala (Nabi) kiya” “Aur humne unhein apni rehmat ata ki aur unke liye sachhi bulandi naamwari rakhi”.

Ismein ishaara hai ke hazrat Ibrahim alaihissalam ki umr shareef itni lambi hui ke aap ne apne potey hazrat Yaqoob alaihissalam ko dekha aur is aayat se ye bhi samajh aata hai ke ALLAH TA’ALA ke liye hijrat karne aur apne ghar baar ko chhodne ki ye jaza mili ke ALLAH TA’ALA ne aapko bete, potey maal wa daulat se nawaza.

“Aur kitaab mein Ismail ko yaad karo beshak wo waada ka sachha tha ghaib ki khabarein batata aur apne ghar walon ko namaz aur zakaat ka hukm deta aur apne Rab ko pasand tha”.

Hazrat Ibrahim alaihissalam ne jo waada bhi kiya usey zarur poora kiya farmaya ek martaba aap aur aapka ek sathi kahin ja rahe the to shehar ke qareeb pahunch kar aapke sathi ne kaha yahan main baith’ta hoon aur tum shehar jakar khana khareed kar lao ya tum baitho main khana khareed kar laata hoon aapne farmaya main tumhara intezaar karunga aur tum hi chale jao khana khareed kar lao wo gaya aur bhool gaya teen dinon ke baad usey yaad aaya ya baaz riwayat mein hai ke ek saal ke baad wahan lauta to hazrat Ismail alaihissalam wahan hi maujood the usne taajjub se poochha tum abhi yahan hi ho, aapne farmaya haan waada ke mutabiq muntazir to rehna hi tha.

Hazrat Haajra radiallaho ta’ala anha aur Ismail alaihissalam ko haram ki zameen mein chhodna

Hazrat Ibrahim alaihissalam ka ALLAH TA’ALA ne imtehan liya ke aapko hukm diya ke aap apni zauja aur apne bete Ismail ko haram ki sar-zameen mein chhod aao, us waqt wahan koi shehar aur aabadi nahin thi balki bayabaan jungle tha, aap ko wahan chhodne ka hukm dene mein ek to imtehan lena maqsood tha, phir ka’aba shareef ki tameer aur makka mukarrama ko aabad karna maqsood tha aur hazrat Saara radiallaho ta’ala anha se hijrat ke waqt jo waada kiya tha ke tumhari baat maani jayegi us waada ka paas karana bhi maqsood tha kyun ke aapne pehle to Haajra radiallaho ta’ala anha se nikah karne ka mashwara diya lekin hazrat Ismail ki paidaish ke baad apni aulaad na hone par ghairat bhi khai aur Allah ke huzoor darkhwast ki ke Ibrahim ko hukm do ke wo apne is bete aur apni zauja Haajra ko mujhse door chhod dein, ALLAH TA’ALA ne unki dua

103 AZKIRATUL AMBIYA Hazrate ibrahim wa ismail wa ishaaq

qabool karte huye aapko hukm diya ke aap unko haram ki sar-zameen mein chhod aao.

Jahan aaj zamzam hai wahan ek darakht tha us waqt na makka tha aur na hi kisi insaan ka wahan basera tha aur wahan paani bhi nahin tha aapne ek thaile mein kuchh khajoorein aur ek mashkeeza mein kuchh paani maa’n bete ke hawale karte huye aur unko zamzam ki jagah ek darakht ke neeche chhodte huye wapas laute to hazrat Haajra radiallaho ta’ala anha ne aapka peechha karte huye poochha aey Ibrahim! Aap humein yahan chhod kar kahan ja rahe hain? Yahan koi humara gham khwar, monis wa humdam nahin aur na hi yahan koi aabadi hai ke khane peene ki cheez mil jaaye kai martaba Haajra ke poochh ne par bhi aapne koi jawab na diya to phir hazrat Haajra radiallaho ta’ala anha ne poochha kya ALLAH TA’ALA ne aapko ye hukm diya hai? Aapne farmaya haan to hazrat Haajra ne kaha:

“Achha humein ALLAH TA’ALA zaaya nahin karega”, ye kehte huye wapas apni jagah par laut aai.

Hazrat Ibrahim alaihissalam ek ghaati ke paas pahunche jahan se aapko apni zauja aur beta nazar nahin aa rahe the aap ne baitullah shareef ki taraf tawajjo ki us waqt sirf baitullah ki buniyadein ek teela ki maanind nazar aati thi aur dua ki:

“Aey humare Rab main ne basa diya hai apni kuchh aulaad ko is waadi mein jismein kheti baadi nahin tere hurmat wale ghar ke pados mein aey humare Rab ye isliye taaki wo namaz qaa’im karein pas kar de logon ke dilon ko ke wo shauq wa muhabbat se unki taraf maa’il ho’n aur unhein rizq de phalon se taaki wo tera shukr ada kare”.

Hazrat Haajra radiallaho ta’ala anha apne bachhe Ismail alaihissalam ko doodh pilati rahi yahan tak ke mashkeeza mein jo paani tha wo khatm ho gaya aur khajoorein bhi khatm ho gai hazrat Haajra radiallaho ta’ala anha bhi bhookhi pyasi ho gai, doodh ka banna bhi khatm ho gaya, bachha bhi bhookh pyaas se pareshan haal tha apne honton par zabaan pherne laga bachha ka ye haal maa’n se bardasht na ho saka aap qareeb ek pahaadi safa par chadhti hain ke kahin se paani ka pata chal jaaye ya koi insaan nazar aaye phir isi khayaal se marwa par aati hain darmiyan mein nashebi jagah jab pahunchti hain jahan se bachha nazar nahin aata wahan daudti hain jab nashebi jagah ko uboor kar leti hain aur aisi jagah pahunchti hain jahan se bachha nazar aane lagta hai to wahan aahista ho jaati hain, marwa par pahunch kar bhi paani ya koi insaan nazar nahin aata aap be qaraari ke aalam mein phir safa par phir marwa par 7 chakkar aise hi laga deti hain aakhiri martaba marwa par aapne ek aawaz suni, apne aapko kehne lagi khamosh! Khayaal kiya shayad mere ausaan khata ho gaye yahan kaun hai? Ye mujhe waise hi aawaz aa rahi hai phir dobara aawaz sunne par kaha ke agar yahan koi fariyaad ko sun kar pahunchane wala ho sakta hai to firishta hi ho sakta hai dekha to bachhe ke qareeb ek firishta khada hai, Ismail alaihissalam ki aedi ke paas usne apni aedi ya parr maara ya hazrat Ismail alaihissalam ke aedi ragad ne se paani ka ek chashma jaari ho gaya, hazrat Haajra ne paani ke ird gird band baandh kar ek hauz ki shakl de di wo paani josh maar raha tha aapne khud bhi piya bachhe ko bhi pilaya aur paani ko kaha “zamzam” ruk ja ruk ja. Nabi Kareem ﷺ ne farmaya ALLAH TA’ALA Ismail alaihissalam ki walida par reham kare agar aap zamzam ko isi tarah rehne deti ya aap ne farmaya agar aap isse jaldi se chullu na bharti to zamzam jaari chashma hota.

Isi tarah aap radiallaho ta’ala anhu ne jab chashma se paani piya to aapka doodh bhi jaari ho gaya jo bachha ko pilaya, firishte ne aapko kaha:

“Tum koi khauf na karo ke tum zaaya ho jaogi beshak yahan baitullah hai is ki tameer ye bachha aur iska baap karenge beshak ALLAH TA’ALA apne muqarrebeen ke ajr ko zaaya nahin karta”.

104 AZKIRATUL AMBIYA Hazrate ibrahim wa ismail wa ishaaq

Kuchh der ke baad wahan se jarham qabeela ka guzar hua jinhone dekha ke parinde ud rahe hai unhone khayaal kiya ke parinde wahan hi hote hain jahan paani ho yaqeenan yahan kahin paani hoga, unhone apne ek shakhs ko bheja jisne dekha ke ek paani ka chashma hai aur uske qareeb ek aurat baithi hui hai unhone kaha tum humein paani mein shareek karo to hum tumhein apne janwaron ke doodh mein shareek karenge hazrat Haajra radiallaho ta’ala anha ne unse is shart par muahida kar liya, isi jarham qabeela ne ek ladki ka nikah Ismail alaihissalam se kar diya.

Faida: Hazrat Ibrahim alaihissalam ki dua ke asraat aaj bhi waazeh taur par nazar aa rahe hain ke makka ki sar-zameen pahaadi aur reteeli hai lekin phal har qism ke aala se aala wahan maujood rehte hain log har taraf se is maqaam par kheeche chale aate hain har musalman ke dil mein ek tadap paai jaati hai ke wo baitullah ki ziyarat kar le. Hazrat Haajra radiallaho ta’ala anha to bachha ki pyaas ko dekh kar be qaraar ho kar safa wa marwa ke chakkar laga rahi thi lekin ALLAH TA’ALA ko apne khaleel ki zauja aur Ismail ki walida ki ada aisi pasand aai ke taa qiyamat haaji is yaad ko taaza karne ke liye wahan chakkar lagate rahenge. Haqeeqat ye hai ke haj Allah ke maqbool bandon ki ada ke baghair kuchh nahin. Nabi Kareem ﷺ aur sahaba kiraam ki yaad ko taaza karne ke liye tawaaf mein pehalwanon ki tarah akad kar chalna, hazrat Ibrahim alaihissalam ki yaad ko taaza karne ke liye mina mein jamraat ko kankariyan maarna is qism ke kaam hi haj hain.

Hazrat Ibrahim alaihissalam ki qurbani

Hazrat Ibrahim alaihissalam ne hijrat ke baad bete ke liye dua ki ke aey Allah mujhe nek aulaad ata farma:

“Ilaahi mujhe nek laayaq aulaad de to humne usey khushkhabari sunai ek burdbaar ladke ki”

aapki dua mein teen mutaalbe the aey Allah aulaad e nareena yaani muzakkar ata farma aur wo burdbaari ki umr tak pahunche aur burdbaar hi rahe. Ibrahim alaihissalam bhi حل م ی hain aapki shaan mein ALLAH TA’ALA ne farmaya:

“Beshak Ibrahim bahut aahein karne wale mut’hammil burdbaar hain”.

Aapko beta bhi (حلیم) ata kiya gaya taaki beta bhi baap ki tarah sharf wa fazeelat wala ho aur jaleelul qadr Nabi ho. “Salaah” yaani neki aur ALLAH TA’ALA ka qurb bahut hi achhi sifat hai isliye Ibrahim alaihissalam ne bete ke liye bhi yehi dua ki aur apni zaat ke liye bhi dua karte huye arz kiya:

“Aey mere Rab mujhe hukm ata farma aur mere Rab mujhe unse mila jo tere qurb ke laayaq hain”. “Phir jab wo uske sath kaam ke qaabil ho gaya kaha aey mere bete maine khwab dekha, main tujhe zibah karta hoon ab too dekh teri kya raay hai? Kaha aey mere baap! Kijiye jis baat ka aapko hukm hota hai khuda ne chaha to qareeb hai ke aap mujhe saabir payenge”.

Qurbani ke waqt Ismail alaihissalam ki umr

Baaz ahle ilm ka qaul ye hai ke zibah ka waqiya darpesh aane ke waqt hazrat Ibrahim alaihissalam ki umr 13 saal thi.

Imtehan ki wajah

Choonki pehli aayate kareema mein ye zikr hua ke ALLAH TA’ALA ne hazrat Ibrahim alaihissalam ko (حلیم) bete ki bashaarat di ab imtehan lekar usey waazeh kar diya ke kitna azeem

105 AZKIRATUL AMBIYA Hazrate ibrahim wa ismail wa ishaaq

saabir aur burdbaar beta aapko Rab ta’ala ne ata kiya jis ne itne bade imtehan ko sabr aur khanda peshaani se paas kiya.

Teen din Ibrahim alaihissalam ka khwab dekhna

Zil hijja ke 7 din guzar jaane par raat ko khwab dekha ke koi kehne wala keh raha hai “Beshak ALLAH TA’ALA tumhein beta zibah karne ka hukm deta hai” aapne subah is par tafakkur kiya aur kuchh taraddud mein rahe ke kya ye Allah ka hi hukm hai ya khwab faqt khayaal to nahin isi wajah se 8 zil hijja ka naam Yaumul Tarwiya (soch vichaar) ka din rakha gaya, 8 tareekh ka din guzar jaane par raat phir khwab dekha subah yaqeen kar liya ke ye ALLAH TA’ALA ki taraf se hi hukm hai isiliye 9 zil hijja ko Yaume Arfa (pehchan ne ka din) kaha jaata hai iske baad aane wali raat ko phir khwab dekhne par subah us par amal karne ka pakka iraada kar lene par hi 10 zil hijja ko Yaumul Nehar (zibah ka din) kaha jaata hai.

Sirf khwab dekhne se zibah par amal kyun?

“Beshak ALLAH TA’ALA ne Ambiya -e- kiraam ke khwabon ko haq banaya”

yaani unke khwabaat sach hote hain inko apne khwabon par amal karna laazim hain.

Ambiya -e- kiraam ke khwab ke teen qism

1. Jo khwab dekha jaaye wo usi tarah waaqey ho jaise humare Nabi Kareem ﷺ ne Madeena taiyaba mein khwab dekha ke aap bama’a apne as’haab ke makka mukarrama tashreef le gaye aur as’haab ne sar mundwaye aur baaz ne baal katwaye aapka ye khwab ek saal baad isi tarah sachha hua jaise dekha tha:

“Beshak Allah ne sach kar dikhaya apne Rasool ka sachha khwab beshak tum zarur masjid haraam mein dakhil hoge agar Allah chahe aman wa amaan se apne saron ke baal mundwaye ya tarashwaye be khauf”.

2. Khwab mein sirf imtehan ho iska waqooa maqsood na ho jaise hazrat Ibrahim alaihissalam ne khwab mein bete ko zibah karte huye dekha ye sirf imtehan tha aapne apne imtehan par amal kar liya lekin Allah ne Ismail alaihissalam ko bacha liya aur fidya de diya.

3. Khwab mein baaz cheezon se tashbeeh di jaaye jis cheez ko khwab mein dikhaya gaya ho usi ka waqooa na ho balki uski koi na koi taaweel ho aur waqooa mushabeh ho jaise Yusuf alaihissalam ka khwab:

“Yaad karo jab Yusuf ne apne baap se kaha aey mere baap maine 11 sitaare aur sooraj aur chaand dekhe unhein apne liye sajda karte dekha”.

Khwab mein aapne chaand aur sooraj aur 11 sitaare sajda karte huye dekhe lekin waaqey mein in cheezon ne aapko sajda nahin kiya balki aapke khwab ko is tarah sachha karke dikhaya:

“Uske liye sajde mein gire aur Yusuf ne kaha aey mere baap ye mere pehle khwab ki tabeer hai beshak ise mere Rab ne sachha kiya”.

Maa’n baap khwab mein chaand sooraj ki shakl mein dikhaye gaye aur 11 bhai 11 sitaron ki soorat mein, khwab sachha hua ke sab ne aapko sajda e tazeemi kiya jo pichhli shari’aton mein jaiz tha humari shari’at mein haraam hai, yaad rahe ke ibadat ka sajda har shari’at mein ALLAH TA’ALA ke baghair kisi aur ke liye jaiz nahin.

106 AZKIRATUL AMBIYA Hazrate ibrahim wa ismail wa ishaaq

Bete se mashwara karne ki wajah

ALLAH TA’ALA ne aapko bete se mashwara karne ka hukm diya ke aap par ye zaahir ho jaaye ke aapka beta ALLAH TA’ALA ke hukm ki farmabardari mein kitna saabir hai? Is tarah aapki aankhon ko thandak haasil hogi. Jab aap dekhenge ke aap ka beta hilm (burdbaari) ke aala maiyaar par faa’iz ho chuka hai aur is tarah bete ko bhi sakht mushkilaat mein azeem sabr karne par aala darja haasil ho jaaye, aakhirat mein sawab haasil ho aur dunya mein bhi aapki tareef ho.

Hazrat Ismail alaihissalam ne apne sabr karne ke pukhta iraade ko insha Allah se mila kar barkat haasil ki aur is mas’ale ki taraf ishaara kiya ke jo kaam mustaqbil mein karna ho uske sath insha Allah zikr kiya jaaye kyun ke neki ki taufeeq ALLAH TA’ALA hi ata farmata hai isi tarah gunahon se bachana bhi usi ke fazl se naseeb hota hai.

Ibrahim alaihissalam se shaitan ki nakaami

Hazrat Qataada radiallaho ta’ala anhu se marwi hai ke shaitan ne hazrat Ibrahim alaihissalam aur aapke bete par kamyaab hone ka iraada kiya to ek dost ki shakl mein aapko rokne ke liye aaya lekin aap par kamyaab na ho saka phir aapke bete hazrat Ismail alaihissalam ko us raah se hatane ki koshish ki lekin un par bhi uska daaw na chal saka to usne bahut bada mota taaza ban kar waadi ko bhar diya taaki aap us se aage na ja sakein, Hazrat Ibrahim alaihissalam ke sath ek firishta tha jisne aapko kaha ise maarein aapne usey 7 kankariyan maari to wo raaste se hat gaya, dobara phir aage aane ki koshish ki aapne phir kankariyan maar kar raaste se hata diya, teesri baar phir isi tarah aage aa kar raasta band kar diya to aapne phir is tarah 7 kankariyan maar kar raasta se hata diya. Aaj haajiyon par is sunnat Ibrahimi par amal karna wajib kar diya gaya, SubhanAllah apne mehboobon ki adayein Rab ta’ala ko kaisi pasand aai ke unko azeem ibadat ka hissa bana diya gaya.

Ismail alaihissalam ka Ibrahim alaihissalam ko mashwara dena

Ismail alaihissalam ne apne baap se kaha aey mere abba jaan! Zibah se pehle mujhe baandh dena taaki main tadpoo nahin, apne kapdon ko mujh se bacha kar rakhna taaki aapke kapde mere khoon se aalooda na ho jayein aur meri walida unhein dekh kar pareshan na ho’n, mere halaq par chhuri jaldi jaldi chalana taaki mujh par maut aasani se waaqey ho jaaye, jab meri walida ke paas jaana to mera salam unko dena in baaton ke baad baap bete ne ek dusre ko dekha baap ne bete ka bosa (chumna) liya muhabbat ke aansu chhalak pade lekin ALLAH TA’ALA ke hukm ki baja aawari mein koi kotaahi nahin ki.

“To jab in donon ne humare hukm par gardan rakhi aur baap ne bete ko maathe ke bal litaaya”

maathe ke bal litaane mein bhi Ismail alaihissalam ka hi mashwara tha ke kahin aap muhabbat e pedari ki wajah se chhuri chalane mein mamooli si kotaahi na kar dein.

“Aur humne usey nida farmai aey Ibrahim! Beshak too ne khwab sach kar dikhaya hum aisa hi sila dete hain nekon ko, beshak ye waazeh imtehan tha aur hum ne ek bada zabeeha de kar usey bacha liya aur humne pichhlon mein uski tareef baaqi rakhi”.

Chhuri chalane se pehle hi aapko keh diya gaya ke aapne apne khwab ko sach kar dikhaya ke aapne chhuri chala di thi to Jibreel Ameen ne aakar uska rukh badal diya tha.

107 AZKIRATUL AMBIYA Hazrate ibrahim wa ismail wa ishaaq

ALLAH TA’ALA ki taraf se ek mota taaza seengon wala safed syaahi maa’il dumba hazrat Ismail alaihissalam ka fidya de diya gaya aur aapko zibah se bacha kar bhi zibah ho jaane ka ajr wa sawab ata kiya gaya aur qiyamat tak aapko zabeehullah (Allah ki raza ke liye zibah hone wala) ke laqab se muttasif kar diya gaya.

Jibreel Ameen alaihissalam jab fidya lekar aaye to khayaal kiya ke Ibrahim alaihissalam kahin jaldi na kar dein to aapne padha “Allahu akbar Allahu akbar” hazrat Ibrahim alaihissalam ne jab aasamnon ki taraf sar uthaya to dekha ke Jibreel fidya laa rahe hain to padha “La ilaaha illallaahu wAllahu akbar” jab hazrat Ismail zabeehullah alaihissalam ne suna to aapne padha “Allahu akbar wa lillaahil hamd”.

In teenon hazraat ke majmooi kalaam ko takbeeraat e tashreeq ki soorat mein taa qiyamat namaziyon par zil hijja ki 9 tareekh ki namaz fajr se lekar 13 tareekh ki namaz asr tak wajib kar diya gaya taaki ye yaadgaar qaa’im rahe. Khayaal rahe ke madaarik mein dusra kalaam hazrat Ismail alaihissalam aur teesra kalaam hazrat Ibrahim alaihissalam ka mazkoor hai.

Hazrat Ibrahim alaihissalam ke do beton mein se qurbani kis ki?

Agarche ikhtelaaf hai is mas’ale mein ke qurbani hazrat Is’haaq alaihissalam ki hui ya hazrat Ismail alaihissalam ki hui taaham qawi dalaail se yehi waazeh hai ke qurbani hazrat Ismail alaihissalam ki hi ki gai, Allama Raazi rahmatullahi ta’ala alaihi ne is par mukhtalif dalaail zikr kiye hain:

1. Rasoolullah ﷺ ne farmaya “main do zabeehon ka beta hoon” isi tarah ek aarabi ne aapko ya ibnul zabeehain keh kar pukara to aapne tabassum farmaya jab aapse poochha gaya ke aap do zabeehon ke bete kis tarah hain? To aap ﷺ ne farmaya ke Abdul Muttalib ne jab zamzam ka kunwa khodna shuru kiya to ALLAH TA’ALA ke liye nazar maani ke agar ALLAH TA’ALA ne mere liye ye kaam aasan kiya to main apne beton mein se ek ki qurbani karunga, qura’a (draw) hazrat Abdullah ke haq mein nikla, aapke nanihaal aur kuchh ahle ilm ne 100 unt bataur fidya dene ka faisla kiya is tarah Huzoor ﷺ ke baap ko zabeeh hone ka sharf haasil hua aur ye bhi waazeh hai ke Huzoor ﷺ hazrat Ismail alaihissalam ki aulaad se hain hazrat Is’haaq alaihissalam ki aulaad se nahin to yaqeenan dusre zabeeh hazrat Ismail alaihissalam hain.

2. Hazrat Asma’i kehte hain ke maine Abu Amar ibne Ula se sawal kiya ke zabeeh kaun the? Unhone farmaya aey Asma’i! Tumhari aqal kahan gai? Kya tumhein nahin maloom ke Is’haaq alaihissalam makka mein nahin the balki wo to shaam (syria) mein the makka mein to hazrat Ismail alaihissalam hi the wo hi apne baap ke sath mil kar ka’aba ki tameer mein mashgool the aur qurbani ka waqiya bhi makka mukarrama ke qareeb mina mein pesh aaya to yaqeenan zibah hone ka waqiya bhi hazrat Ismail alaihissalam se hi darpesh aaya.

3. ALLAH TA’ALA ne Ismail alaihissalam ko saabir kaha Is’haaq alaihissalam ko nahin, Rab ta’ala ne irshad farmaya:

“Ismail, Idrees aur Zulkifl alaihimussalam ko yaad karo wo sab sabr wale the”.

Aur ALLAH TA’ALA ne hazrat Ismail alaihissalam ke mutalliq farmaya beshak aap waada ke sachhe the zibah hone wale ne hi apne baap se waada kiya.

108 AZKIRATUL AMBIYA Hazrate ibrahim wa ismail wa ishaaq

“Aap anqareeb mujhe insha Allah saabirin se payenge”

Jab ye waazeh ho gaya ke zibah hone wale ne apne baap se sabr ka waada kiya aur waada sach kar dikhaya ALLAH TA’ALA ne Ismail alaihissalam ko sabr karne wala aur waada ka sachha kaha to yaqeenan zabeeh Ismail alaihissalam hain.

4. Is’haaq alaihissalam ki paidaish se pehle aapki walida ko bashaarat Rab ta’ala ne in alfaaz mein di:

“Humne usey (Saara ko) bashaarat di Is’haaq ki aur Is’haaq ke pichhe Yaqoob ki”.

Agar ye kaha jaaye ke zibah karne ka hukm Is’haaq alaihissalam ke mutalliq tha to ab ye dekhna hoga ke Yaqoob alaihissalam ki paidaish se pehle aapke zibah karne ka hukm diya gaya hai ya baad mein? Agar aapki paidaish se pehle hukm diya gaya hai to ismein hazrat Ibrahim ka imtehan nahin ho sakta kyun ke aapko bata diya gaya tha ke Saara radiallaho ta’ala anha ka beta Is’haaq aur Is’haaq ka beta Yaqoob hoga, jab Ibrahim alaihissalam ko maloom hai ke Is’haaq ka beta Yaqoob to abhi paida hona hai ye to zibah ho hi nahin sakta to imtehan kaise? Aur Rab ta’ala apne hi hukm ke khilaaf kaise hukm de sakta hai? Agar Yaqoob alaihissalam ki paidaish ke baad hukm ho to ye bhi saabit nahin ho sakta kyun ke ALLAH TA’ALA ne farmaya:

“Jab wo aapke sath hath batane ke qaabil ho gaya”.

Zibah ke waqt Ibrahim alaihissalam ke bete ki umr 13 saal ya baaz riwayaat mein 7 saal bhi hai to is umr mein Yaqoob alaihissalam ka paida ho jaana aur Is’haaq alaihissalam ke zibah ka hukm dena bhi aqal ke khilaaf hai.

5. ALLAH TA’ALA ne Ibrahim alaihissalam ki hijrat ka zikr karte huye farmaya:

“Main apne Rab ki taraf jaane wala hoon jo mujhe hidayat dega”

yaani jahan mere Rab ka hukm hai us sar-zameen mein jaane wala hoon hijrat karne ke baad Ibrahim dua karte hain “Ilaahi mujhe laayaq aulaad de” ALLAH TA’ALA ne aapki is dua ki qabooliyat ko zikr kiya:

“To humne usey ek ( حلی bete ki ) م khushkhabari sunai”

phir usi bete ka zikr karte huye farmaya:

“Phir jab wo uske sath kaam ke qaabil ho gaya kaha aey mere bete maine khwab dekha main tujhe zibah karta hoon ab to dekh teri kya raay hai? Kaha aey mere baap kijiye! Jis baat ka aapko hukm hota hai khuda ne chaha to qareeb hai ke aap mujhe saabir payenge”

Ab is saare waqiye ke baad ye waazeh ho jaata hai ke ye Ismail alaihissalam hi hain kyun ke hazrat Is’haaq alaihissalam ki bashaarat hazrat Saara ko di hi isliye gai thi ke Ibrahim alaihissalam ko to ek bete ki bashaarat di ja chuki hai aur beta bhi ata kar diya gaya tha agar zibah ke waqt Ismail alaihissalam ki umr 13 saal hai to usi saal Is’haaq alaihissalam ki bashaarat di gai aur ek saal baad aap paida huye aur agar us waqt Ismail alaihissalam ki umr 7 saal thi to zibah ke waqiye ke 7 saal baad hazrat Is’haaq ki paidaish hai.

6. Ibne kaseer mein ye zikr bhi maujood hai ke zibah ke waqt jo dumba bataur fidya diya gaya us ke seeng ka’aba shareef ki deewar par bahut arsa tak nasab rahe, Isse bhi waazeh hua ke zibah ka waqiya makka mukarrama mein pesh aaya aur makka mukarrama mein hazrat Ismail alaihissalam the agar zibah ka waqiya Is’haaq alaihissalam se mutalliq hota to mulk shaam (syria) mein darpesh aata na ke makka mukarrama mein.

109 AZKIRATUL AMBIYA Hazrate ibrahim wa ismail wa ishaaq

Hazrat Ibrahim alaihissalam ki qurbani ka fe’al bhi Rab ta’ala ko kaisa pasand aaya ke taa qiyamat as’haab e nisaab, ahle sarwate is par amal karte rahenge.