Hazrat Looth alaihissalam

Hazrat Looth alaihissalam
Irshade baari ta’ala hai “To imaan laaye un par Looth”
“Hazrat Ibrahim alaihissalam ki tamam baaton ki aap alaihissalam ne tasdeeq farmai
aur aapke daawa e nubuwat ki tasdeeq farmai”.
Tamam Ambiya -e- kiraam nubuwat se pehle aur nubuwat ke baad gunahon se paak hote hain
isliye yahan ye maayne (matlab) nahin liya ja sakta ke hazrat Looth alaihissalam (maaz’Allah) kufr
se imaan laaye aur hazrat Ibrahim alaihissalam ne tauheed ki tableegh farmai to aap tauheed par
imaan laaye.
Ye maayne Nabi ki shaan ke manaafi hain
“Looth alaihissalam Ibrahim alaihissalam par imaan laaye” iska matlab ye hua ke aap ne Ibrahim
alaihissalam ko har daawa mein sachha tasleem kiya. Looth alaihissalam hazrat Ibrahim
alaihissalam ke bhai haraan bin taarakh ke bete hain agarche kashshaaf mein ye hai ke aap ke behan
ke bete hai lekin kamalain mein is qaul ko radd kiya gaya hai.
Khayaal rahe ke haraan hazrat Ibrahim alaihissalam ke chacha ka naam bhi hai jo hazrat Saara
radiallaho ta’ala anha na baap tha, pehle zamane mein ghar ke kai afraad ka ek hi naam hota tha
balki baaz auqaat baap bete ka ek naam aur kabhi behan bhai ka ek naam bhi hota tha.
Tambeeh: Baaz hazraat ne bayan kiya ke jab hazrat Ibrahim alaihissalam ko aag ne kuchh takleef
na di to ye mojiza dekh kar hazrat Looth alaihissalam imaan laaye, isse ba zaahir ye taassur milta
hai ke aap maaz’Allah kufr ke baad imaan laaye lekin isko Allama Aalusi rahmatullahi ta’ala alaihi
ne radd karte huye farmaya:
“Baaz hazraat ne jo ye kaha ke Looth alaihissalam ne jab ye dekha ke Ibrahim
alaihissalam ko aag ne nahin jalaya to aap imaan laaye ye aqal wa naql ke mukhalif
hai kyun ke isse ba zaahir pata ye chalta hai ke aapka pehle imaan nahin tha ye Nabi
ki shaan ke laayaq hi nahin”.
Looth alaihissalam ke imaan laane se muraad
Ya to imaan ka wo hi maayne hai jo pehle bayan kiya ja chuka hai aur ya ye matlab bhi ho sakta
hai ke “Aap alaihissalam maraatib ki us bulandi par faa’iz huye jahan aam insaan us maqaam ko
nahin pa sakta”.
Hazrat Looth alaihissalam ki hijrat
Hazrat Looth alaihissalam ne Ibrahim alaihissalam ke sath baabul se hiraan ki taraf hijrat ki phir
wahan se misr mein, ab un donon ke sath hazrat Saara bhi thi, misr se philistine mein aa gaye ab
in teenon ke sath hazrat Haajra bhi thi, phir Looth alaihissalam hazrat Ibrahim alaihissalam ke
shehar se taqreeban 18 meel door tak ek shehar mein tableegh e deen ke liye aa gaye us shehar ka
naam ‘sandoom’ tha, Quran paak mein isi ko ْه
َ
ِفک
َ
ت
ْ
و
ُ
م
ْ
ل
َ
ا se tabeer kiya gaya.
AZKIRATUL AMBIYA Hazrate looth
115
Looth alaihissalam ne qaum ko ibadat ki daawat nahin
di
Hazrat Looth alaihissalam ne qaum ko sirf buraiyon se baaz rehne ki tableegh ki lekin un ko ibadat
karne ka hukm is tarah nahin diya jaise hazrat Ibrahim alaihissalam ne diya iski wajah ye thi ke
Ibrahim alaihissalam ne qaum ko ALLAH TA’ALA ki wehdaniyat aur ibadat ki tableegh farma di
thi aur ye bahut mashhoor ho chuki thi.
Looth alaihissalam jab hazrat Ibrahim alaihissalam ke zamane mein hi the aur ilaaqa bhi qareeb
qareeb tha aur aapki qaum yaani khandaan mein se the to aapne dobara mashhoor umoor ki taraf
tawajjo dene ke bajaye apni qaum ko sirf unki khusoosi buraiyon se hi roka taaki ye qaum dunyavi
aur ukhrawi (aakhirat) azaab se bach jaaye lekin qaum baaz na aai aakhirkaar un par azaab musallat
kar diya gaya.
Aapne qaum ko kaha:
“Aur Looth ko najaat di jab usne apne qaum ko kaha tum beshak be hayai ka kaam
karte ho ke tum se pehle dunya bhar mein kisi ne na kiya, kya tum mardon se bad
fe’ali karte ho? Aur raah maarte ho aur apni majlis mein buri baate karte ho? Uski
qaum ka kuchh jawab na hua magar ye ke bole hum par Allah ka azaab lao agar tum
sachhe ho”.
Aap alaihissalam qaum ko azaab se bachane ki fikr mein hain lekin qaum kabhi kehti hai tum
azaab le aao aur kabhi kehti “Bole aey Looth agar tum baaz na aaye to zarur nikaal diye jaoge”
yaani hum tumhein apne shehar se nikaal denge aur hum tumhein yahan rehne nahin denge.
Looth alaihissalam ki qaum ki kharabiyan
Sabse badi burai unmein liwaatat thi (mardon se burai karne ki aadat unmein kasrat se paai jaati
thi) aur musafiron aur guzarne walon ke raaste mein baith jaana, unka raasta rokna aur zabardasti
unse burai ka murtakib hona, raasta mein baith kar daaka zani, logon ko qatl karna aur unka maal
lootna unki buri aadat mein shamil tha.
1) Qaume Looth ki ye buraiyan abhi tak logon mein maujood hain jo shari’at mutahhara se
baghaawat hai.
2) Mardon ki mehfilon mein sirf isiliye aana ke unko taadna yaani baaz ka baaz ko dekhna aur
burai ke liye intekhab karna, kabootar baazi yaani poora poora din unko udane aur shart par baazi
lagane mein guzaar dena aaj bhi log is burai ke murtakib ho rahe hain.
3) Auraton ki tarah ungliyon ke pore mehandi se rangna, khayaal rahe ke mard ka bataur dawa
mehandi lagana jaiz hai lekin zeb wa zeenat ke liye mana hai lekin aaj ke daur mein ladkon ko
ladkiyon ka libaas aur chaal dhab pasand hai jo haraam hai.
4) Hathon se kankariyan idher udher phenkna, guzarne walon ko tang karna, isi tarah bandooqon
se kankariyan phenk kar logon ko sataana ye fe’al aaj ke daur mein aubaash logon mein qaume
Looth se zyada paaya jaata hai.
5) Ek dusre ko thappad maarna udher se ek aaya usne dusre ko thappad maar diya aur idher se
dusra aaya usne thappad maar diya ye behooda fe’al unka mazaah hua karta jo darhaqeeqat unke
aubaash hone ki alaamat (pehchan) thi.
6) Mehfil mein logon ke saamne buland aawaz se hawa khaarij karna wo apni shaan samajhte the
AZKIRATUL AMBIYA Hazrate looth
116
halanki shurfa ke liye ye fe’al baa’is sharm hota hai. Be ikhtiyar ka buland aawaz se hawa khaarij
hona ya gas waghaira ki beemari mein mubtala hone ki wajah se na rok sakna ya rokne ki soorat
mein beemari badh jaane ka khatra hona sab uzr (majboori) hain uzr ki sooraton mein kai af’aal
maaf hote hain unke aehkaam alag hote hain.
7) Mazah karte huye logon ke saamne nanga hona yaani chaadar shalwaar waghaira utaar dena,
nanga hona, be haya banna bhi qaume Looth ka fe’al hai jisko aaj naam nihaad musalmanon ne
saqaafat ka naam diya hua hai.
8) Mazah mazah mein fehash kalaami aur ek dusre ko gaali dena ye burai bhi aaj ke aubaash ladkon
mein aam taur par paai jaati hai wo apne khayaal mein apne aapko modern aur taraqqi yaafta
samajhte hain agar koi shareef aadmi unhein roke to usey malaiyat fistaiyat qadaamat pasandi ke
alqaab dete hain aur kehte hain dunya to be hayai mein bahut aage ja chuki hai lekin ye abhi 1400
saal pichhe hain. Scienci uloom padh kar taraqqi to zarur karein mulk wa millat ko urooj bakhshein
lekin be haya ban kar ALLAH TA’ALA ke azaab ko daawat na dein algarz har qism ki be hayai us
qaum mein maujood thi haya ke khilaaf har fe’al unke nazdeek pasandida samjha jaata.
Aam logon ke saamne aam mehfil mein mustagi ka chabana aur miswaak ka chabana bhi qaum e
Looth ka bura fe’al tha ye aisa fe’al hai jisse dusre dekhne wale ka dil kharab hota hai dil mein
matlaapan paida hota hai jo baaz auqaat zyada hissaas tabiyat ke shakhs ke qay (ulti, vomiting)
aane ka sabab ban jaata hai.
Aaj ke daur mein chewing gum (babalgum) chabana, munh se baar baar nikaalna phir munh ke
andar le jaana aur kabhi gubbara banana qaume Looth ke fe’al (kaam) ka hi aqs hai aur darhaqeeqat
ye bewakoofi ki alaamat (pehchan) hai.
Aam taur par bewakoof ko unt se tashbeeh di jaati hai kyun ke wo peshab apni raanon par karta
hai, jo peshab se apne aap ko na bacha sake usey bewakoof samjha jaata hai. Bewakoof ko unt keh
dete hain aur kai mast unt apne munh se isi tarah gubbara banate hai phir munh mein dakhil kar
lete hain munh mein jhaag paida hoti hai ise punjabi mein kehte hain ‘boo ke nikaalne wala unt’
kabhi unt ka nazara bhi dekhein aur taraqqi yaafta chewing gum khane walon ko bhi dekhein to
aapko koi farq nazar nahin aayega isliye unko unt kehna aur bewakoof samajhna aqal ki alaamat
hai.
Kuchh log har waqt munh mein miswaak liye phirte hain aam mehfil mein, bus mein, waighan
mein halanki is tarah miswaak munh mein lena phir nikaalna phir munh mein daalna kulli na
karna ye tareeqa dusron ka dil kharab karne ke mutraadif hai.
Miswaak kaun se mawaaqe (mauqe) mein mustahab hai
Miswaak ke mutalliq Nabi Kareem صلى الله عليه وسلم ke kya irshadaat hain unko samajh ne se waazeh ho jayega
ke har waqt miswaak chabate rehna, kabhi munh mein lena, kabhi baahar nikaalna mayoob hai.
Jis fe’al se dusre logon ki tabiyat kharab ho wo kaam Ambiya -e- kiraam ne nahin kiye.
Miswaak ke mutalliq irshade Mustafa صلى الله عليه وسلم
Hazrat Abu Huraira radiallaho ta’ala anhu se marwi hai Rasoolullah صلى الله عليه وسلم ne farmaya “Agar main
ummat par shaaq na samajhta to har wuzu ke waqt miswaak ka hukm deta yaani har wuzu ke sath
miswaak ko waajib qaraar de deta”.
AZKIRATUL AMBIYA Hazrate looth
117
Hazrat Abu Huraira radiallaho ta’ala anhu farmate hain Rasoolullah صلى الله عليه وسلم ne farmaya “Agar main
apni ummat par shaaq na samajhta to isha ki takheer aur har namaz ke waqt miswaak ka hukm
deta yaani isha ki namaz ko der se ada karta aur har namaz ke waqt miswaak karne ko waajib kar
deta”.
Khayaal rahe ke ye donon hukm istehbaabi ab bhi maujood hain sirf wajoob ki nafi hai taaki
ummat par mushkil darpesh na aaye.
Hazrat Shuraih bin Haani radiallaho ta’ala anhu kehte hain ke Hazrate Aaisha radiallaho ta’ala
anha se sawal kiya gaya ke Rasoolullah صلى الله عليه وسلم jab ghar tashreef laate to kis cheez se ibteda (shuru)
karte? Aap radiallaho ta’ala anha ne kaha miswaak se yaani masjid se wapas ghar aa kar ya safar se
wapas aa kar miswaak farmate the, aap nazaafat ka khusoosi khayaal farmate the aur daanton ki
safai mein mubaalgha farmate.
Miswaak ke mustahab auqaat
Paanch mauqon mein miswaak karna mustahab hai
1) Daant zard rang ke ho jayein,
2) Munh mein boo aane lage,
3) Sone ke baad,
4) Namaz ke liye jab taiyar ho,
5) Wuzu jab bhi kare, khwah namaz ke liye ya Quran paak ko chhune ke liye.
Is behas se miswaak ke mawaaze waazeh ho gaye gaadi mein, bus mein, chalte phirte, har mehfil
mein miswaak ko chabate rehna, kabhi munh mein lena, kabhi nikaalna, kabhi thookna phir
miswaak ko munh mein lena, kulli na karna ye tareeqa raaqim ko kahin se nahin mila ke aisa karna
mustahab hai ya dusron ko mut’naffir karna hai.
Looth alaihissalam ki zauja (beewi)
Hazrat Looth alaihissalam ki zauja ka naam Waahela tha ye kafira thi, uske dil mein nifaaq tha
waada ka paas (lihaaz) nahin karti thi, Looth alaihissalam ke paas aane wale mehmanon ke mutalliq
qaum ko khabar karti is tarah Looth alaihissalam ki khayaanat ki murtakib hoti, qaum ki burai par
khush hoti thi isliye qaum ke sath azaab mein ye bhi giraftaar hui.
Azaab wale firishton ka Looth alaihissalam ke paas
aana
Jo firishte hazrat Ibrahim alaihissalam ke paas aaye the hazrat Saara ko Is’haaq alaihissalam aur
unke baad Yaqoob alaihissalam ki bashaarat dene ke liye wo hi Looth alaihissalam ki qaum ko
azaab dene ke liye bhi aaye, wo firishte insaani shakl mein aaye the. Ibrahim alaihissalam bahut
mehmaan nawaz the 15 dinon se koi mehmaan na aaya tha isliye aap ne jaldi se unke paas bhuna
hua bachheda pesh kiya aapne jab dekha ke ye ajNabi log hain unke hath khane tak nahin pahunch
rahe hain to samajh gaye ke ye to firishte hain.
Aitraaz :
Rab ta’ala ne farmaya “Aur dil dil mein unse darne lage” isse to pata chalta hai ke aap ko firishton
ka pata hi na chal saka aur unko ajNabi samajh kar dar gaye ke maloom nahin ye kaun log hain
kahan se aa gaye hain.
AZKIRATUL AMBIYA Hazrate looth
118
Jawab:
Taweelaate Najmiya mein ye bayan kiya gaya hai ke Ibrahim alaihissalam ko bataq zaaye bashariyat
koi khauf nahin hua ke aapko apni jaan ka khauf hota to aapko jab munzaneeq ke zariye aag mein
daala ja raha tha us waqt aapko apni jaan ka koi khauf nahin hua balki aapne kaha “Main apne
aapko Rabbul Aalmeen ke supurd kar raha hoon” aapko sirf khauf apni ummat ka tha ummat par
rehmat wa shafqat karte huye aap khauf kar rahe the ke kahin meri ummat kisi azaab mein mubtala
na ho jaaye, firishton ka jawab is mazmoon ko waazeh kar raha hai kyun ke unhone kaha “aap
khauf na karein beshak hum to Looth alaihissalam ki taraf bheje gaye hain”.
Ibrahim alaihissalam ka firishton se mujaadla
“Phir jab Ibrahim ka khauf zaa’il hua aur usey khushkhabari mili hum se qaum e
Looth ke baare mein jhagadne laga”.
Yaani Ibrahim alaihissalam ko jab maloom ho gaya ke meri qaum ko azaab to nahin ho raha hai
to aapko Looth alaihissalam aur unki ahel ki fikr daamangeer hui. Allama Aalusi rahmatullahi
ta’ala alaihi ne bhi yehi qaul pasand kiya hai ke aap ko apni qaum ki fikr thi aap firishton ko
pehchan rahe the.
Allama Aalusi farmate hain “Meri rujhaan isi taraf hai ke aapne firishton ko pehle hi pehchan liya
tha khauf sirf isliye ho raha tha ke ye maloom na ho saka ke ye kyun naazil huye hain? Kahin qaum
ko azaab dene ke liye to nahin aa gaye”.
Ibrahim alaihissalam ka firishton se sawal wa jawab karna agarche haqeeqatan koi mujaadla nahin
albatta sooratan mujaadla tha aap alaihissalam ne unhein kaha kya tum is basti ko halaak karoge
jismein 300 momin honge? Unhone kaha nahin aisa kabhi nahin karenge, phir aapne kaha kya
tum is basti ko halaak karoge jismein 200 imaan wale rehte ho’n? Unhone kaha nahin usey to
halaak nahin karenge, phir aapne kaha kya tum is aabadi ko barbaad karoge jahan 40 imaandaar
log maujood hain? Unhone kaha nahin ise to kabhi barbaad nahin karenge, phir aapne farmaya
tum is shehar ko barbaad karoge jahan 10 momin rehte ho’n? Unhone kaha nahin, phir aapne
farmaya ke agar ek momin wahan rehta ho to usey tum barbaad karoge? Unhone kaha nahin to
aap alaihissalam ne farmaya “Is mein to Looth maujood hain”. Firishton ne kaha “Humein
maloom hai wahan kaun log hain?” Looth alaihissalam aur unki ahel ko hum najaat denge siwaye
unki aurat ke wo qaum ke sath azaab mein mubtala ho jayegi.
Firishton ka Looth alaihissalam ke paas aana
“Jab Looth ke paas humare firishte aaye usey unka gham hua aur unke sabab dil
tang hua aur bola ye badi sakhti ka din hai aur uske paas uski qaum daudti hui aai
aur unhein pehle hi bure kaamon ki aadat padi thi kaha aey qaum ye meri qaum ki
betiyan hain ye tumhare liye suthari hain to Allah se daro aur mujhe mere
mehmanon mein ruswa na karo kya tum mein se ek aadmi bhi nek chalan nahin
bole tumhein maloom hai ke tumhari qaum ki betiyon mein humara koi haq nahin
aur tum zarur jaante ho jo humari khwahish hai bole aey kaash mujhe tumhare
muqabil zor hota ya kisi mazboot paaye ki panaah leta”.
Yaani qaum ko jab pata chala ke Looth alaihissalam ke paas khubsoorat naujawan bataur mehmaan
aaye huye hain to wo apne bure iraade aur shadeed jazbaat liye bhaagte huye aa gaye, unko khabar
AZKIRATUL AMBIYA Hazrate looth
119
dene wali bhi Looth alaihissalam ki zauja Waahela hi thi.
Ye bhi khayaal rahe ke wo qaum is badfe’ali yaani liwaatat ka irtikaab koi chhup kar na karti balki
wo log zaahir taur par is burai ke murtakib hote isliye Looth alaihissalam ne kaha kya tum mein
se koi bhi nek chalan nahin? Aapne inko bade pyaare andaaz par naseehat farmai ye meri qaum ki
betiyan hain jo tumhari beewiyan hain tum unke huqooq paaymaal kar rahe ho, huqooq e zaujiyat
ada nahin kar rahe, naujawanon ki taraf tumhara meelaan, badfe’ali ka irtikaab tumhari bad chalni
ka zariya hai, apni beewiyon ki taraf meelaan karo taaki unke huqooq bhi ada ho sakein aur tum
bhi nek ho jao, ye mere mehmaan hain inmein koi burai ke murtakib hokar mujhe ruswa na karo
agar mere paas koi taaqat hoti to main tumhein maar maar kar bhaga deta, agar mere paas koi
mazboot qila ya panaah hoti to mehmaan ko wahan le jaata.
Panaah talab karne ka matlab
Looth alaihissalam ne kaha “Ya kisi mazboot paaye ki panaah leta”
Nabi Kareem صلى الله عليه وسلم ne farmaya “ALLAH TA’ALA Looth par reham farmaye aap kisi mazboot paaye
ki panaah lena chahte the”.
Ba zaahir yahan weham hota hai ke Looth alaihissalam ne ye kyun kaha? (maaz’Allah) aapne be
sabri ka muzaahira kiya iska jawab zikr karte huye Mulla Ali Qaari rahmatullahi ta’ala alaihi ne
farmaya “Insaan ki zabillate bashari ka taqaaza hai ke wo baaz umoore zarooriya apne qawi qabeela
se imdaad talab karta hai” ye Ambiya -e- kiraam ki shaan ke mukhalif nahin balki hazrat Looth
alaihissalam ke baad aane wale tamam Ambiya -e- kiraam ne bhi apne qabaa’il ke kai afraad se
madad talab ki, ismein ALLAH TA’ALA ki taraf se koi manaahi nahin paai gai.
Firishton ka jawab aur qaume Looth par azaab
“Firishte bole aey Looth! Hum tumhare Rab ke bheje huye hain wo tum tak nahin
pahunch sakte to apne ghar walon ko raaton raat le jao aur tum mein koi peeth pher
kar na dekhe siwaye tumhari aurat ke, usey bhi wahi pahunchna hai jo inhein
pahunchega. Beshak unka waada subah ke waqt hai kya subah qareeb nahin? Phir
jab humara hukm aaya humne is basti ke upar ko iska neecha kar diya aur us par
kankar ke patthar lagataar barsaaye jo nishaan kiye huye tere Rab ke paas hain aur
wo patthar kuchh zaalimon se door nahin”.
Firishte ye manzar ab tak khamoshi se dekh rahe the jab in aubaashon ki gustakhi aur hazrat Looth
alaihissalam ki pareshani aur bebasi ki inteha ho gai to firishte goya huye aey Looth! Ghabrao
nahin darwaza khol do aur in maskharon ko aage aane do hum launde thode hain ke ye aage badh
kar humko daboch lenge hum Allah ke bheje huye firishte hain aur humein isliye bheja gaya hai
ke hum in bastiyon ko teh wa baala karke rakh dein, aap aisa karein ke raat ka jab kuchh hissa
guzar jaaye to apne ghar walon ko humraah lekar yahan se chale jayein lekin aapki beewi aapke
sath nahin ja sakti iska anjaam wo hi hoga jo dusre mujrimon ka. Ab in zaalimon ki mohlat ki
ghadiyan khatm ho gai sirf subah hone ki der hai aur subah ke tuloo hone mein ab zyada waqt
nahin.
Jab azaab aaya to unki bastiyon ko zer wa zabar karke rakh diya gaya, unki falak bos imaaratein
zameen par aundhi gira di gai, un par sakht pattharon ki aisi moosla dhaar baarish ki gai ke wo sab
AZKIRATUL AMBIYA Hazrate looth
120
khaaq siyaas ban kar reh gaye. Sa’adoon, umooraah, auma aur zaboo’im unki chaaron bastiyan us
jagah aabad thi jahan aaj kal behare muraad ya behare Looth hai ab bhi behar Looth se dhuyein
ke baadal uthte rehte hain aur kasrat se zalzale aate rehte hain.
Looth alaihissalam ka raat ko nikal jaana
Looth alaihissalam apne sath siwaye zauja ke baaqi ghar ke afraad ko raat ko lekar nikal gaye,
ALLAH TA’ALA ne zameen ko lapet diya is tarah aap Ibrahim alaihissalam ke paas pahunch gaye.
Phir Jibreel alaihissalam ne unki tamam bastiyon ko apne parr se uthaya aur itna buland kiya ke
aasman wale unki bastiyon mein rehne wale murghon ki aawaz aur kutton ke bhonk (barking) sun
rahe the phir unko palat kar neeche gira kar upar se pattharon ki baarish barsa kar tabaah wa
barbaad kar diya gaya.
Khayaal rahe ke chaar bastiyon ka pehle zikr ho chuka hai paanchwi basti jo sabse badi thi uska
naam “sadoom” tha jise Quran paak mein موتفکات se tabeer kiya gaya.
Tambeeh: Jo patthar un par barsaaye gaye the un par nishanaat the jinki wajah se wo dusre
pattharon se mumtaaz the un par khutoot the ya muharein thi ya un par har shakhs ka naam likha
gaya tha jis jis ka naam tha usi par wo patthar gira aur wo mara.
Looth alaihissalam ki qaum ko jab pata chala ke aapke paas naujawan mehmaan aaye huye hain to
wo daudte huye apne bure iraade se aaye aapne unhein samjhaya ke mujhe mehmanon ke baare
mein ruswa na karo aur aapne farmaya:
َ
ل
ُ
ر
َ
ه
ْ
ط
َ
ا
َ
ّن
ُ
ه
اِِتْ
َ
ن
َ
ِءب
ا
ٓل
ُ
ؤ
ی
ِمه
ْ
و
َ
ق
ی
ي
َ
ال
َ
ق
ْ
ك ُ
Aala Hazrat Maulana Ahmad Raza Khan Bareilvy rahmatullahi ta’ala alaihi likhte hain “Bole aey
meri qaum ye meri qaum ki betiyan hain ye tumhare liye suthari hain” deegar hazraat ne tarjuma
mein “meri betiyan” zikr kiya hai.
Aala hazrat ka tarjuma tafaasir ke mutabiq aur Allah ke Nabi ki shaan ke laayaq hai jab ke deegar
taraajim se ye pata chalta hai ke Looth alaihissalam ne apni betiyon ke mutalliq kaha agarche ek
qaul ye milta hai ke aap ne betiyon ke mutalliq kaha ke tum inse nikah kar lo lekin ye qaul
mukhtalif behason se mardood hai. Aapki do betiyan thi بنات jama hai neez do betiyan poori qaum
ke liye kaise? Kya sirf us qaum ke do sardaar muraad the ya ke poori qaum? Kya kafiron se nikah
jaiz tha?
Abu shaikh ne Ibne Abbas radiallaho ta’ala anhu se bayan kiya hai ke ibn abi haatim ne Ibne Zubair
se Mujahid ibn Ubiyudduniya aur Ibne Asaakar ne Siddi se bayan kiya hai ke yahan Looth
alaihissalam ne jo بنات ka zikr kiya hai isse muraad aapne apni qaum ki auratein li hain لءٓ
ْ
و
ی
se ھ
ishaara ko ba manzil haazir ke samajh kar kiya aur unki izaafat apni taraf ki aur ْتِِا
َ
ن
َ
ب kaha aur isse
muraad ye hai ke har Nabi apni ummat mein baap ki haisiyat rakhta hai kyun ke Hazrat Ibne
Mas’ood radiallaho ta’ala anhu ki qara’at mein hai:
“Nabi mominon ke unki jaan se zyada maalik hain kyun ke wo unke baap hain aur
unki beewiyan unki maayein”.
Hazrat Abi radiallaho ta’ala anhu ki qiraat mein bhi aise hi hai lekin ismein ْم
اُتُُ
َ
ه
َ
ّ
م
ُ
ا
ُ
ه
ُ
اج
َ
و
ْ
ز
َ
ا
َ
و pehle aur
م
ُ
ه
َ
ّ
ٌبل
َ
ا
َ
و
ُ
ه
َ
و baad mein hai.
Aala Hazrat Maulana Ahmad Raza Khan Bareilvy rahmatullahi ta’ala alaihi ne jo tarjuma kiya hai
AZKIRATUL AMBIYA Hazrate looth
121
Allama Raazi rahmatullahi ta’ala alaihi ne bhi ise hi pasand kiya hai aur apne mukhtaar par dalaail
qaa’im kiye hain. Tafseer kabeer ki ibaarat mulaheza ho “Hazrat Looth alaihissalam ke is kalaam
ْ
ك ُ
َ
ل
ُ
ر
َ
ه
ْ
ط
َ
ا
َ
ّن
ُ
ه
اِِتْ
َ
ن
َ
ِءب
ا
ؤٓل
ی
هmein do qaul hain hazrat qataada ne kaha isse muraad aapki apni haqeeqi betiyan
hain lekin Hazrat Mujaahid aur saed bin zubair ne kaha hai ke isse muraad aapki ummat ki auratein
hain isliye ke wo aapki betiyan hi thi unki taraf qabool e daawat aur mutabe’at ki wajah se mansoob
kiya isliye ke nehwiyon ka zaabta ye hai ke husne izaafat mein adna munaasebat kaafi hai isliye ke
aap unke Nabi the aur Nabi apni ummat ka baap hota hai kyun ke Quran paak mein aata hai
“Nabi ki beewiyan unki maayein hain” lihaza Nabi unke baap huye. Allama Raazi farmate hain
yehi qaul mere nazdeek mukhtaar hai iske mukhtaar hone par kai wajooh dalaail hain.
Pehli wajah ye hai ke insaan ka apni betiyon ka aubaashon aur faasiqon aur faajiron par pesh karna
bahut baa’id hai ahle muraddat ke laayaq nahin aqaabir Ambiya ye kaam kaise kar sakte hain.
Dusri wajah aapne farmaya ْ
ك ُ
َ
ل
ُ
ر
َ
ه
ْ
ط
َ
ا
َ
ّن
ُ
ه
اِِتْ
َ
ن
َ
ِءب
ا
ؤٓل
ی
ه aapki apni haqeeqi betiyan itni azeem jama’at ko
kaafi nahin ho sakti thi ummat ki auratein un tamam ko kaafi ho sakti thi.
Teesri wajah, sahih riwayat hai ke aapki do betiyan thi ek ka naam “zanta” زنتا aur dusri ka naam
“za’oora” زاعوراء tha, بنات ka itlaaq (bilhaqeeqat) do betiyon par sahih nahin kyun ke jama ke kam
se kam teen fard hote hain”