Hazrat Yaqoob wa hazrat Yusuf alaihissalam

Hazrat Yaqoob alaihissalam Is’haaq alaihissalam ke bete aur hazrat Ibrahim alaihissalam ke pote hain aur hazrat Yusuf alaihissalam hazrat Yaqoob alaihissalam ke bete hain.

Hazrat Ibne Umar radiallaho ta’ala anhum se marwi hai ke Rasoolullah ﷺ ne farmaya:

“Kareem ibne kareem ibne kareem ibne kareem Yusuf bin Yaqoob bin Is’haaq bin Ibrahim hain”.

Yaqoob alaihissalam ke bete

Yaqoob alaihissalam ke 12 bete hain yaani Yusuf alaihissalam ke 11 bhai hain unke naam ye hain: Yahooda, Rubeel, Sham’oon, Laadi, Riyaloon, Yashjar, Deenah ye tamam ladke aapki zauja liya bint Liyaan bin Faahir ke batan se hain ye zauja Yaqoob alaihissalam ki khala ki ladki thi. Daan, Yaftaali, Jaad, Aashriya ladke Zalqeh aur Balhatah ke batan se the, hazrat Yusuf alaihissalam aur Buniyaamin Raheel ke batan se the. Raheel ki wafaat Buniyaamin ki paidaish ke baad jald ho gai thi, “liya” ki wafaat ke baad Raheel se nikah hua tha, raheel liya ki behan thi.

Khayaal rahe ke jo naam zikr kiye gaye hain Yusuf alaihissalam ke alaawa wo 12 hain aur mashhoor ye hai ke hazrat Yusuf alaihissalam ke 11 bhai the isi wajah se aksar hazraat ne Deenah naam ko shamil nahin kiya kuchh hazraat ne shamil to kiya hai lekin kaha hai ke ye muannas ka naam hai yaani Yusuf ki ek behan ka naam Deenah tha.

Yusuf alaihissalam ka khwab dekhna

Hazrat Yusuf alaihissalam ne apne baap ko bataya ke mere baap!

“Beshak maine 11 taare aur sooraj aur chaand dekhein unhein apne liye sajda karte huye dekha”.

Yusuf alaihissalam ne jo taare dekhe the unke naam ye hain: Jirbaan, Taariq, Ziyaal, Qaalbis, Umoodaan, Feelaq, Faza’a, Wisaab, Zulkaftain, Zarooj, Misbah. Ek riwayat mein misbah ki jagah natah zikr hai lekin pehli riwayat par kaseer ahle ilm hazraat hain, sanaan naami yahoodi Huzoor Sarware Kainat ﷺ ki khidmat mein haazir hua aur kehne laga aap mujhe in sitaron ke mutalliq batayein jo Yusuf ne dekhe the, aap khamosh the ke Jibreel alaihissalam aa gaye unhone huzoor ko sitaron ke naam bata diye, aapne yahoodi ko kaha agar main tumhein un taaron ke naam bata du to kya tum imaan le aaoge? Usne kaha haan! Aapne usey naam bata diye wo kehne laga qasam hai ALLAH TA’ALA ki beshak yehi unke naam hain.

Aapke khwab ki tabeer

11 taaron se muraad aapke bhai aur chaand sooraj se muraad aapke maa’n baap hain lekin khayaal rahe ke khwab dekhne se pehle hi aapki walida ka Inteqaal ho chuka tha, sajda se muraad sajda e tazeemi hai jo pehle ummaton mein jaiz tha humari shari’at mein jaiz nahin.

Faayda: Khwab mein sooraj dekhne se badshaahat sona khubsoorat aurat milne ki taraf ishaara paaya jaata hai, chaand ko khwab mein dekhne se badshaahat wazaarat badshah ka qurb riyasat sharafat ghulaam mansab haakimiyat bade aadmi ki ziyarat waalid waalida zauja khawind azmat ki taraf ishaara hota hain haan kabhi kabhi fasaad aur baatil umoor ki taraf bhi ishaara hota hai ye sab dekhne wale par munhasir hai.

122 AZKIRATUL AMBIYA Hazrate yaqoob wa yusuf

Khayaal rahe khwab dekhne wala jab koi achha khwab dekhe to wo ALLAH TA’ALA ki taraf se (ilqa) hota hai us par ALLAH TA’ALA ki hamd wa sana padhe aur logon ke saamne bayan karna chahe to bayan bhi kar de lekin agar bura khwab dekhe wo to shaitan ki taraf se hota hai, khwab dekhne par baayein taraf teen martaba thooke aur padhe “aauzu billah minash shaitanirrajeem wa sharrir ruya” aur kisi ke saamne wo khwab bayan na kare usey koi nuqsaan nahin hoga.

Yaqoob alaihissalam ka khwab bayan karne se mana karna

“Kaha aey mere pyaare bete! Apna khwab apne bhaiyon ko na batana ke wo tere sath koi chaal chalenge beshak shaitan aadmi ka khula dushman hai”.

Hazrat Yusuf alaihissalam ne ye khwab 12 saal ki umr mein dekha, hazrat Yaqoob alaihissalam ko maloom tha ke Yusuf alaihissalam mansabe nubuwat par faa’iz honge to bhai unse hasad karenge kyun ke Yaqoob alaihissalam ko Yusuf alaihissalam se bahut zyada muhabbat thi aapke bhai aapse is par hasad karte the ye bhi Yusuf alaihissalam ke ilm mein tha, isiliye aapne mana farmaya ke ye khwab bhaiyon se bayan na karna warna unka hasad aur badh jayega wo tumhein nuqsaan pahunchane mein shaitan ke daame fareb mein aa jayenge.

Yusuf alaihissalam ke bhaiyon ka hasad

“Jab unhone kaha ke zarur Yusuf alaihissalam aur uska bhai humare baap ko hum se zyada pyaare hain aur hum ek jama’at hain beshak humare baap sarahtan unki muhabbat mein doobe huye hain”.

Hazrat Yaqoob alaihissalam choonki hazrat Yusuf alaihissalam se sabse zyada muhabbat karte the aur unke baad hazrat buniyaamin se, to dusre bhaiyon ko is par hasad aaya wo kehne lage hum to ek jama’at hain baap ki khidmat zyada kar sakte hain aur unko zyada nafa pahuncha sakte hain ye do hain aur chhote bhi hain ye apne baap ki khidmat humari tarah nahin kar sakte phir unse pyaar wa muhabbat humse zyada kyun?

Aiteraaz : Sawal ye hota hai ke Yaqoob alaihissalam ke ladkon ne apne baap ko “zalaal mubeen” ki taraf kaise mansoob kiya? Ye to mazammat aur ta’ana mein mubaalgha hai aur jo shakhs Allah ke Rasool par ta’ana mein mubaalgha kare wo kafir hai (halanki wo momin the) aulaad kis tarah ta’ana zan ho sakti hai?

Jawab : Iska jawab ye hai ke raahe raast aur haq se doori ko zalaal se tabeer nahin kiya balki unke kehne ka matlab ye tha ke humare baap dunya ki maslehat ko nahin dekh rahe ke hum ek jama’at hain hum inhein zyada nafa pahuncha sakte hain aur hum inki khidmat zyada kar sakte hain lekin muhabbat wo inse zyada karte hain.

Yaqoob alaihissalam ki muhabbat do beton se zyada kyun?

Muhabbat dil ka kaam hai jis par insaan qaadir nahin isiliye Nabi Kareem ﷺ apni azwaaje mutahharaat mein insaaf karne mein bahut zyada ahteyaat farmane ke bawajood dua farmate the:

“Aey Allah! Jiska main maalik hoon us par to maine amal kar diya lekin jis par main maalik nahin us par mujhe mawaakhaza na karna”.

123 AZKIRATUL AMBIYA Hazrate yaqoob wa yusuf

Yaani dili muhabbat kisi se zyada hona insaan ke daaira e qudrat se baahar hai, ye donon bhai chhote chhote the chhoti aulaad se muhabbat zyada hona bhi fitratan aur qudrati amal hai. Yusuf alaihissalam se muhabbat sabse zyada hone ki asal wajah ye thi ke aapko maloom ho chuka tha ke aap ki tamam aulaad mein se agar kisi ko mansab e nubuwat haasil hona hai to wo yehi aapka beta hai isiliye aap inse zyada muhabbat karte the inke baad buniyaamin se kyun ke wo sabse chhote the. Yusuf alaihissalam se zyada muhabbat karne ki wajah se hi unke bhai zyada mukhalif unke hi the buniyaamin ke is tarah mukhalif nahin the kyun ke khwab dekhne ka maamla un tak bhi kisi tarah pahunch chuka tha.

Bhaiyon ne Yusuf alaihissalam ko raah se hatane ki thaan li

“Yusuf ko maar daalo ya kahin zameen par phenk aao ke tumhare baap ka munh sirf tumhari hi taraf rahe aur iske baad phir nek ho jaana”.

Yaani unhone mashwara kiya ke agar tum chahte ho ke baap sirf tumhare sath hi khaalis muhabbat karein to Yusuf ko raaste se hatana zaruri hai iske baghair baap ki kaamil muhabbat mayassar nahin ho sakti. Wo musalman the kafir nahin the samajh rahe the ke ye azeem jurm bhi hoga lekin hasad ki aag ne unhein andha kar diya tha wo apne iraade ko amli jaama pehnane ka pakka iraada kar chuke the albatta ye soch rahe the ke baad mein tauba kar lenge aur nek ho jayenge.

Sirf ek bhai qatl karne se mana karta tha

“Unmein se ek kehne wala bola, Yusuf ko qatl na karo aur ise andhe kunwein mein daal do ke koi chalta ise aakar le jaaye agar tumhein karna hai to”.

Ye rokne wala aapka sabse bada bhai tha jiska naam “yahooda” tha usne kaha qatl ek azeem jurm hai tumhara ye iraada durust nahin albatta jungle mein kisi kunwey mein daal do shayad wahan se koi guzre to ise nikaal kar sath le jaaye is tarah tumhara matlab bhi poora hoga aur Yusuf bhi qatl se bach jayega agar tumhein apne iraade par amal karna hi hai to yehi karo.

Yusuf alaihissalam ko jungle mein le jaane ke liye bhaiyon ka heela (bahaana)

“Unhone kaha aey humare baap! Aapko kya hua ke Yusuf ke maamle mein humara aitbaar nahin karte ho hum to iske khair khwah hain. Kal isko humare sath bhej dijiye ke mewe khaye aur khele aur beshak hum iske nigehbaan hain aapne kaha beshak tumhara isko sath le jaana mujhe ranj pahunchayega aur darta hoon ke ise bhediya kha jayega aur tum isse bekhabar raho. Unhone kaha agar ise bhediya kha jaaye aur hum ek jama’at hain jab to hum kisi masraf ke nahin”.

Unka shehar se baahar jaane aur khel ki ijazat talab karne ka maqsad ye tha ke hum dushman se jung karne ke liye taiyari karenge, daud mein muqabla karenge, teer andaazi mein mahaarat haasil karenge agar wo sirf tamasha ke liye khel kood ki ijazat talab karte to Yaqoob alaihissalam unhein kabhi ijazat nahin dete. Yusuf alaihissalam choonki chhote the isliye unhone kaha aey humare abba jaan humare chhote bhai ko bhi humare sath jaane ki ijazat do ye humari jungi tadaabeer dekh kar khush hoga aur jungi mewe phal hum ise tod kar denge ye khayega kyun ke hum unton ko charane

124 AZKIRATUL AMBIYA Hazrate yaqoob wa yusuf

aur unhein chaara khilane ki mashqein bhi karenge inmein jungli darakhton se phal bhi haasil karenge”.

Yaqoob alaihissalam choonki pehle hi khwab dekh chuke the ke Yusuf alaihissalam par bhediye ne hamla kar diya hai aur wo zameen bhi bhediyon wali thi isliye aapne kaha mujhe dar hai ke ise koi bhediya na kha jaaye aur tum bekhabar hi raho shayad Yaqoob alaihissalam ne khwab ko isi tarah samjha ho aur ishaara dushman ki taraf ho yaani bhediye se muraad dushman ho. Aap alaihissalam ke beton ko wapas aakar yehi uzr pesh karna hai apne baap ke qaul se hi samajh aaya warna pehle unke zehan mein ye baat nahin thi.

Hazrat Ibne Umar radiallaho ta’ala anhu se marwi hai ke Rasoolullah ﷺ ne farmaya ke kisi shakhs ke saamne aisa kalaam na karo jisse use jhoot ki rehnumai mile jaise Yaqoob alaihissalam ke beton ko maloom nahin tha ke insanon ko bhediya bhi kha jaata hai jab unke baap ne ye kaha to unhein bhi jhoot bolne ka mauqa mil gaya unhone kaha ke ye kaise ho sakta hai ke bhaiyon ki ek jama’at wo jo bahut taaqatwar ho ke saamne ek bhai ko bhediya kha jaaye agar aisa ho jaaye to hum kisi kaam ke nahin honge humare hote huye bhediye ki kya majaal hai ke humare bhai ko kha jaaye?

Bhaiyon ka Yusuf alaihissalam ko taiyar karna

Jab hazrat Yaqoob alaihissalam kisi tarah unke sath Yusuf alaihissalam ko bhejne ke liye taiyar na huye to unhone Yusuf alaihissalam ko kaha kya tum humare sath baahar jungle mein chaloge jahan hum daud mein muqabla karenge aur unt waghaira daudane aur dusri jungli tadaabeer mein muqabla karenge? Hazrat Yusuf alaihissalam ne kaha haan zarur jaoga unhone kaha tum baap ko kaho, aapne sab bhaiyon ko sath liya aur baap ke paas aa gaye bhaiyon ne unki maujoodgi mein apne baap ki khidmat mein arz ki, Yusuf humare sath jaana pasand karta hai aap ise ijazat dein. Aapne Yusuf alaihissalam ki taraf tawajjo karte huye puchha tumhara kya khayaal hai? Unhone kaha bhai mujhe pyaar wa muhabbat se le jaana chahte hain isliye main unke sath zarur jaoga. Is tarah Yaqoob alaihissalam bawajood iske ke nahin chahte the ke Yusuf alaihissalam ko bhaiyon ke sath bheja jaaye lekin taqdeer ke saamne koi tadbeer kaargar na hui, Yusuf alaihissalam ki marzi aur kehne par bhaiyon ke sath bhejne par aamadgi zaahir farma di.

Bhaiyon ke mazaalim

Jab wo Yusuf alaihissalam ko sath le chale to jab tak Yaqoob alaihissalam saamne the us waqt tak wo kandhe par utha kar chale. Yaqoob alaihissalam us waqt tak khade dekhte rahe jab tak wo saamne rahe jab wo jungle mein pahunch gaye aur apne baap ki nazaron se ojhal ho gaye to Yusuf alaihissalam ko zameen par phenk diya aur apni adawat (dushmani) zaahir karne lage, kabhi bad kalaami karte aur kabhi maarte, aap ek bhai se bhaag kar dusre bhai ke paas aate ke shayad wo mere sath humdardi karega aur meri fariyaad sunega lekin wo hi aapko maarna shuru kar deta, aapne inke iraadon ko jab samajh liya ke ye kya chahte hain to wahan se pukaar kar kaha:

“Aey mere abba jaan! Kaash aap Yusuf ko dekhte ke bhai is par kitna zulm kar rahe hain to aap kitne ghamzada hote aur mere bhaiyon ke mujh par mazaalim ko aap dekhte to yaqeenan rote. Aey mere abba jaan! Ye kitni jaldi aapke waada ko bhool gaye kitni jaldi aap ki naseehaton ko bhool gaye”.

Ye kehte huye Yusuf alaihissalam shadeed roye isi haal mein rubeel ne aapko zameen par gira diya aur seene par baith gaya aapko qatl karne ka iraada kiya hazrat Yusuf alaihissalam ne kaha aey mere

125 AZKIRATUL AMBIYA Hazrate yaqoob wa yusuf

bhai thehar ja mujhe qatl na kar, qatl karna azeem jurm hai. SubhanAllah! Nabi ka maqaam kitna buland hai? Nubuwat ke ailaan se pehle hi apne bhaiyon ko naseehat karke qatl jaise azeem jurm se bacha rahe hain. Rubeel kehne laga tujhe to bade khwab aate the ab tu apne khwabon ko bula jo tujhe mere hathon se chhudayein, usne aapki gardan ko maroda aapko qatl karna hi chahta tha ke aapne bade bhai yahooda ko kaha aey mere bhai khuda se dar, mere aur mujhe qatl karne wale ke darmiyaan haa’il ho ja, aapke kehne par usey kuchh bhai hone ka khayaal aaya aur dil narm hua usne kaha aey mere bhaiyon! Kya tumne mere sath waada nahin kiya tha ke qatl nahin karoge? Ab bhi aasan kaam karo qatl na karo, wo ghussa mein pehle kiye huye waada ko bhool chuke the puchh ne lage kya karein? Yahooda ne kaha qareeb hi kunwa hai ismein phenk do ya to khud hi mar jayega ya koi qaafile wale guzrein to ise nikaal kar sath le jayenge. Wahan ek kunwa tha jo neeche se khula aur upar se tang tha usmein jab unhone aap ko phenkna chaha to aap kunwey ke kinaare se lipat gaye, unhone aapke hath paanv baandh diye, qamees ko utaar liya kyun ke wo qamees ko khoon se rang kar apne baap ke saamne uzr pesh karna chahte the. Yusuf alaihissalam unko keh rahe the mere bhaiyon! Meri qamees ko wapas kar do taaki main kunwey mein nanga na rahu lekin bhaiyon ne aapki baat ko tasleem na kiya aapko kunwey mein daal ne lage to aapne unhein kaha aey mere bhaiyon mujhe akele chhod jaoge? Unhone kaha ab to chaand sooraj aur taaron ko bulao wo hi tumhari imdaad (madad) karenge. Aapko ek dol mein daal kar kunwein mein latka diya gaya, jab aadhe faasla tak dol pahuncha to upar se chhod diya gaya is khayaal se ke zor se girne par mar jayega lekin aap (Yusuf) alaihissalam paani mein gire aur ek taraf patthar tha us par baith gaye.

Yusuf alaihissalam ka kunwey mein haal

Jab aapko kunwey mein daala gaya to aap ro rahe the unhone aapko upar se aawaz di aapne khayaal kiya shayad bhaiyon ko mere haal par reham aa gaya aapne unko jawab diya unhone aap ko zinda samajh kar patthar gira kar qatl karna chaha lekin yahooda ne phir mana kar diya. Hazrat Yaqoob alaihissalam ke paas wo qamees thi jo aapke dada jaan hazrat Ibrahim alaihissalam ko jannat se lakar pehnai gai thi jab aapko aag mein daala gaya tha, Yaqoob alaihissalam ne jab Yusuf alaihissalam ko bhaiyon ke sath rawana kiya to wo qamees aapne unke gale mein bataur taweez daal di, bhaiyon ne jab Yusuf alaihissalam ko kunwey mein daala to unki qamees utaar li thi lekin firishte ne aakar unke gale se wo taweez utaar kar usse qamees nikaal kar unko pehna di jisse kunwa jagmagane laga. Hazrat Hasan radiallaho ta’ala anhu se marwi hai ke jab aapko kunwey mein daala gaya to kunwey ka paani meetha ho gaya (halanki pehle namkeen tha) ismein ghizaiyat ki taseer aa gai yaani khane aur peene ka kaam dene laga. Jibreel unke paas kunwey mein aa gaye taaki wo unse uns pakad sakein, jab shaam hui to Jibreel alaihissalam jaane ke liye uthe to aapne kaha ke ab mujhe akela rehne se wehshat hogi Jibreel alaihissalam ne kaha agar tumhein aisi koi haajat darpesh aaye to tum dua padhna:

ْ َي َي ََص َ ِخي َ ال ْ م ُ س ْ ت َ ْص ْ ِ خِْي ْ َ و َ َي َ غ َ و ْث َ ال ْ م ُ س ْ ت َ غِي ْ شِْي ْ َ و َ َي َ م ُ ف َ ر ّ ِج َ ك ُ ر ْبِ ال ْ م َ ك ْ ر ُ وب ِْ

Iske padhne par tum mujhe apni jagah dekh loge, mere haal ko jaan loge, mera maamla tum par kuchh chhupa nahin rahega. Hazrat Yusuf alaihissalam ne jab ye dua padhi to firishte aapke paas aa gaye aap unse uns pakad ne lage, akela hone ka aapko koi aehsaas na hua. Hazrat Ibne Umar radiallaho ta’ala anhuma se marwi hai Rasoolullah ﷺ ne farmaya jab Yusuf

126 AZKIRATUL AMBIYA Hazrate yaqoob wa yusuf

alaihissalam ko kunwey mein daala gaya aapke paas Jibreel alaihissalam aaye aur kehne lage aey ladke aapko kunwey mein kisne daala? Aapne kaha mere bhaiyon ne, unhone puchha bhaiyon ne kyun daala? Aapne kaha mere baap mujh se muhabbat karte hain unhone mujh par hasad kiya. Jibreel alaihissalam ne kaha kya tum yahan se nikalna chahte ho? Aapne farmaya ye ilteza sirf Yaqoob alaihissalam ke khuda ki taraf hai, Jibreel alaihissalam ne kaha phir tum khuda se dua karo:

ْ ا َ م ْ ر ِى ْ ف َ ر ْ ج ً ا و ّ َ َم َ ْ ر َ ج ً ا و ّ َ ا َ ن ُْ نِ َي َ ب َ دِ ي ْ ع َ الس ّ َ م ی و َ اتِ و َ آل ْ َ ر ْضِ َي َ ذ َ اْل ْ َ َل َ ل ِ و َ آل ْ ِك ْ ر َ امِ ا َ ن ْ ت َ غ ْ فِر َ ِلِ ْ و َ ت َ ر ْ َح َ َ ِنِ ْ و َ ا َ ن ْ َت َ ْ ع َ ل َ م ه ُ م ّ َ اِّن ّ ِ ْ ا َ س ْ ن َ ل ْ ك َ ِب ِْس ْ ِك َ ال ْ م َ ك ْ ن ُ و ْ نِ ال ْ م َ خ ْ ز ُ و ِ ْ ا َ لل ّ ی ت َ ر ْ ز ُ ق َ ِنِ ْ مِ ْ ح َ ی ْث ُ ا َ ح ْ ت َ سِبُ و َمِ ْ ح َ ی ْث ُ ٓل َ ا َ ح ْ ت َ سِب

Aapne jab ye dua padhi to Allah ne aapke maamlaat aasan kar diye, kunwey se nikaal kar misr ki badshahi ata farma di jo aapke weham wa gumaan mein bhi na thi. Nabi Kareem ﷺ ne farmaya ye dua karte raha karo kyun ke ye ALLAH TA’ALA ke nek barguzida bandon ki dua hai.

Yaqoob alaihissalam ke bete rote huye wapas laute

“Aur raat huye apne baap ke paas rote huye aaye aey humare baap hum daudte huye aage nikal gaye aur Yusuf ko apne saaman ke paas chhoda to usey bhediya kha gaya aur kisi tarah humara yaqeen na karenge agarche hum sachhe ho’n aur unki qamees par jhoota khoon laga laaye. (Yaqoob alaihissalam ne kaha) balki tumhare dilon ne ek baat tumhare liye bana li hai to sabr achha aur Allah hi se madad chahta hoon un baaton par jo tum bata rahe ho”.

Unhone ek hiran ko zibah kiya uske khoon se hazrat Yusuf alaihissalam ki qamees ko rang kar baap ke paas laaye aur zaahir ye kiya ke bhediye ke khane ki wajah se ye khoon aalooda ho gai. Hazrat Yaqoob alaihissalam ne qamees ko lekar apne chehra par daala aur rone lage yahan tak ke qamees ke khoon se aapka chehra khoon aalooda ho gaya aap keh rahe the ke maine aaj tak itna hakeem bhediya koi nahin dekha jisne mere bete ko kha liya ho lekin qamees ko na phaada ho, ye kehte kehte aapne phir rona shuru kar diya yahan tak ke aap par behoshi taari ho gai. Aapke beton ne aap par paani chhidka aapko hosh na aaya aur na hi aapke jism mein koi harkat paida hui wo aap ko pukaar rahe the lekin aap koi jawab nahin de rahe the, yahooda ne apna hath aapke naak aur munh par rakha lekin usey saans ka chalna mehsoos nahin ho raha tha aur na hi aapki koi nabz chal rahi thi yahooda ne kaha humein qiyamat ke din jaza dene wale maalikul mulk se azaab hi haasil hoga, humne apne bhai ko bhi zaaya kar diya aur baap ko bhi qatl kar diya garz ke wo tamam raat aap (Yaqoob) alaihissalam ne behoshi mein guzaar di sehari ke waqt hosh aaya.

Faayda: Yusuf alaihissalam ki qamees mein teen nishaniyan paai gai pehli ye ke Yaqoob alaihissalam ne qamees ko dekh kar kaha ke Yusuf alaihissalam ko bhediye ne nahin khaya, phir Yaqoob alaihissalam ki gai hui nazar qamees se hi wapas lauti jab misr se Yusuf alaihissalam ne qamees bheji, isi tarah zuaikha ke ilzaam se qamees ko dekh kar hi bari kiya gaya.

Aitraaz : “Hazrat Yaqoob alaihissalam ko maloom tha ke aap zinda sahi salamat hain kyun ke aapne Yusuf alaihissalam ko bataya tha ke tumhara Rab tumhein barguzida paigambar banayega aur tumhein baaton ka anjaam nikaalna sikhayega aur zaahir baat yehi hai ke aapne ye kalaam “wahi” se farmaya aur jab aapko maloom tha ke aap zinda sahi salamat hain to aap par waajib tha ke Yusuf alaihissalam ko talaash karte”.

127 AZKIRATUL AMBIYA Hazrate yaqoob wa yusuf

Yaani ye aap ko ba zariye “wahi” maloom tha ke Yusuf alaihissalam ko ALLAH TA’ALA baaqi logon se chun kar maqaame nubuwat ata karega, aap ailaane nubuwat farmayenge isse pehle aap par maut nahin aayegi kyun ke ALLAH TA’ALA apne waade ki khilaaf warzi nahin karta to itna maloom hone ke bawajood aapne talaash nahin kiya balki itna waqt rote huye guzaar diya iski kya wajah hai?

Jawab: “Beshak ALLAH TA’ALA ne aapko talab karne se mana farmaya tha taaki wo us par shadeed mashaqqat uthayein aur ye maamla un par sakht ho” aapko sabr ka sawab mile aur Yusuf alaihissalam ko misr ki badshahi aur wajah ye bhi thi ke zyada talaash karne mein khatra tha ke kahin bhai jakar qatl na kar aayein. Hazrat Yaqoob alaihissalam ka rona sirf firaaq ki wajah se tha bekhabari ki wajah se nahin aur wajah ye thi ke aap ALLAH TA’ALA ke faisle par saabir wa shaakir the lekin beton ke fe’al (kaam) par pareshan the ke Nabi ki aulaad hokar ye kitne haasid nikle is par aapko rona hi tha.

Tambeeh: Hazrat Aamash radiallaho ta’ala anhu ne kaha ke Yaqoob alaihissalam ke beton ke jhoota rone ke baad kisi ke rone se ise sachha nahin samjha ja sakta. Ibne Manzar ne riwayat ki hai ke Qazi Shuraih ke paas ek aurat apna muqaddima lekar aai aur ro rahi thi logon ne Qazi Shuraih ko kaha aey Abu Umayya kya aap ise roti hui nahin dekh rahe aapne farmaya Yusuf alaihissalam ke bhai bhi raat ke waqt rote huye apne baap ke paas aaye the halanki wo zaalim aur jhoote the isliye kisi insaan ko ye haq nahin pahunchta ke wo baghair tehqeeq ke naahaq faisla kar de.

Yusuf alaihissalam ka kunwey se baahar aana

Hazrat Ibne Abbas radiallaho ta’ala anhu farmate hain ke ek qaafila madiyan se misr ki jaanib rawana hua wo qaafila wale raasta bhatak gaye wo idher udher phirne lage ke raasta mil jaaye usi dauran unhein wo kunwa nazar aaya jismein hazrat Yusuf alaihissalam the halanki wo kunwa aise bayabaan jungle mein tha jahan charwahon ke baghair koi shakhs na aata, qaafila walon ne kunwa dekh kar apne ek shakhs maalik bin za’ar khazai ko bheja taaki wahan se paani le aaye usne jab kunwein mein dol daala to hazrat Yusuf alaihissalam us se lipat gaye is tarah aap baahar tashreef laaye, Maalik bin Za’ar Khazai ne aap ke husn wa jamaal ko dekh kar khushi se kaha “kitni khushi ki baat hai, ye to ladka hai” yaani kitna khubsoorat ladka humare hath mein aa gaya jo humare liye bahut bada sarmaya banega.

Husne Yusuf

Yusuf alaihissalam ka chehra bahut haseen tha baal ghunghriyaale, aankhein moti wa khubsoorat, tamam aaza mein ajeeb qism ka aitedaal paaya jaata tha, rang safed gandum goon surkhi maa’il, kalaiyan aur pindliyan moti, pet chhota, naaf chhoti thi aur jab aap muskurate the to aapke daanton se noor ki shuaayein nazar aati aur kisi shakhs mein us waqt ye ausaaf nahin paaye jaate the, aap ka husn aise jalwagar tha jaise din ki raushni. Itne haseen ladke ko dekh kar nikaalne wale ko taajjub kyun na hota ke aapke husn aur khair wa barkat se mehroomi par to kunwey ki deewarein aur patthar bhi roye.

Bhaiyon ka Yusuf alaihissalam ko khote sikkon se bechna

Agarche aap ko kunwey se nikaalne walon ne qeemti sarmaya samajh kar chhupa kar rakha tha ke misr mein jakar ise farokht karke bahut bada maal haasil karenge lekin aapke bhai teen dinon ke

128 AZKIRATUL AMBIYA Hazrate yaqoob wa yusuf

baad aapke haal ka pata chalane ke liye aaye ke Yusuf zinda hai ya mar chuka hai? Kunwey par aaye to dekha ke Yusuf kunwey mein to nahin idher udher dekha to ek qaafila nazar aaya unse puchh ne par pata chala ke unhone ek ladke ko nikaala hai, aapke bhaiyon ne kaha ye humara ghulaam hai jo bhaag kar aa gaya hai agar tum khareedna chahte ho to hum tumhein sasta bech dete hain aur tum ise kisi door ilaaqa mein le jao taaki ise bhaag ne ka maza aaye.

Yusuf alaihissalam bhi bhaiyon ke dar se khamosh the aapne bhi na bataya ke main inka bhai hoon ghulaam nahin, aakhirkaar aapko 20 ya 22 khote dirhamon se bech diya gaya ALLAH TA’ALA ne farmaya:

“Aur bhaiyon ne usey khote daamon ginti ke rupyon par bech daala”.

Yusuf alaihissalam ka bhaiyon ko alwidai salaam

Jab aapke bhaiyon ne aapko khote dirhamon se bech diya to taajir ko kaha ke ye chor hai aur bhaag bhi jaata hai to us taajir ne aap ko qaid kar liya aur aap ki nigehbaani ke liye ek habshi ghulaam ko aap par muqarrar kar diya jab wahan se kooch karne lage to aap rone lage, taajir ne aap (Yusuf) alaihissalam se puchha aap kyun ro rahe hain? Aap alaihissalam ne farmaya jin logon ne mujhe becha hai main unko alwidai salaam karna chahta hoon yaani aisa salaam karna chahta hoon jo kabhi na lautne wala karta hai. Taajir ne apne ghulaam ko kaha isko apne maalikon ke paas le jao taaki ye unhein alwidai salaam kar aaye phir qaafila se mil jaana maine aaj tak itna farmabardar ghulaam nahin dekha jo apne maalikon se itni muhabbat rakhta ho aur itne zaalim koi maalik nahin dekhe jitne zaalim iske maalik hain. Wo ghulaam aapko aapke bhaiyon ke paas le aaya aur sab soye huye the ek unmein se bhed bakriyon ki hifazat kar raha tha jo jaag raha tha. Yusuf alaihissalam apne muhaafiz ghulaam ke sath paanv mein bediyan lage ladkhadate uske paas pahunche, rone lage usne puchha tum kyun aaye ho? Aap alaihissalam ne kaha main tumhein alwidai salaam karne aaya hoon jise tum kabhi na dekh sakoge, haaye afsos haaye barbadi ye kaisa alwidai salaam hai! (Mumkin hai ye yahooda ho, wo kuchh aap alaihissalam se narm gosha rakhta tha) sab jaag pade Yusuf alaihissalam ek ek bhai par muhabbat se sar jhuka kar bosey lete huye gale mil rahe the. SubhanAllah! Unke zulm ko dekhiye aur Yusuf alaihissalam ki muhabbat ko dekhiye, aap chalte huye keh rahe the “Allah tumhari hifazat kare agarche tum ne mujhe zaaya kar diya, ALLAH TA’ALA tumhein apne gharon mein qaa’im wa daaim rakhe agarche tum ne mujhe ghar se nikaal diya, ALLAH TA’ALA tum par reham kare agarche tum ne mujh par reham nahin kiya”. Aapke alwidai salaam, riqqat aamez kalimaat, dukh bhari fariyaad ka asar bhed bakriyon par itna shadeed hua ke unke is haulnaak manzar se hamal gir gaye.

Yusuf alaihissalam ka waalida ki qabr par rona

Bhaiyon ko aapne alwidai salaam kar diya to aapko ghulaam ne pakad kar apne sath chala liya taaki qaafila se mil jayein aapko bediyan laga kar ek sawaari par sawaar karke sath le jaaya ja raha tha, kan’aan ke qabristaan se jab aapka guzar hua to apni waalida Raheel ki qabr ko dekh kar aap apne jazbaat par qaboo na rakh sake sawaari se utar kar qabr se lipat kar rote huye arz karne lage “Aey meri maa’n! Qabr se sar utha kar zara apne bete ko bediyon mein jakda hua to dekho. Aey meri maa’n bhaiyon ne mujhe kunwey mein phenk diya, baap se mujhe juda kar diya, khote sikkon se mujhe bech daala, meri chhoti si umr par bhi unka dil na paseeja, unhein mujh par kuchh reham na aaya, ALLAH TA’ALA se sawal karta hoon ke mujhe aur mere waalid ko maqaame rehmat mein jama kare, wo hi rehman wa raheem hai”.

129 AZKIRATUL AMBIYA Hazrate yaqoob wa yusuf

Ghulaam ke Yusuf alaihissalam ko thappad maarne par qehare khudawandi

Ghulaam ne pichhe dekha to Yusuf ko na paaya wapas aaya to dekha ke aap ek qabr ke paas ro rahe hain usne kaha tumhein bechne walon ne sach kaha tha ke tum ek bhagode ho ye kehte huye usne aap ko ek zordaar thappad maar diya jisse aap behosh hokar gir gaye phir jab aapko hosh aaya to aapne kaha mujhe kuchh na kahiye ye to meri maa’n ki qabr hai main apni maa’n ko alwidai salaam karne ke liye sawaari se utar gaya tha aainda aisa koi kaam nahin karunga jo tumhein napasand ho. Aapka chehra khoon aalooda tha aur girne ki wajah se mitti lagi hui thi, kanpte huye Rab ke huzoor arz karne lage “Aey Allah agar meri koi ghalti ho to mujhe mere aaba Ibrahim wa Is’haaq aur Yaqoob alaihimussalam ki hurmat ke waseele se maaf kar de”.

Aapki is haalat ko dekh kar aasmanon ke firishte bhi chilla uthe aur ALLAH TA’ALA ke huzoor aapke liye fariyaad karne lage Rab ta’ala ne farmaya “Aey firishton ye mera Nabi hai aur mere Ambiya ka beta hai jo mujhse fariyaad kar raha hai aur mujh se hi imdaad ka taalib hai main hi iska fariyaad ras hoon sab fariyaad karne walon ki fariyaad ko hi pahunchta hoon. Rab ta’ala ne kaha Aey Jibreel jao mere bande ki imdaad karo”.

Jibreel alaihissalam ne aakar kaha Aey Allah ke dost tumhara Rab tumhein salaam kehta hai aur tumhein ye kehta hai rone se ruk jao tumne saat aasmanon ke firishton ko rula diya hai kya tum ye chahte ho zameen wa aasman ek ho jayein? Aapne farmaya nahin nahin, mujhe ALLAH TA’ALA ne apni sifate hilm (burdbaari) ata ki hai wo jaldbaazi nahin karta to main bhi jaldi se kaam nahin leta. Jibreel ne apna parr maara zameen se surkh rang ki hawa chalne lagi, sooraj ki raushni khatm ho gai, surkh aandhi se tareeki chha gai, qaafile wale ek dusre ko dekh nahin sakte the taajir ne kaha Aey qaafile walon! Apni apni sawaariyon se utar kar apne aapko halaakat se bachao, mujhe kai saal ho chuke hain is raaste se guzarte huye maine aaj ke din ki tarah koi din nahin dekha, sab apne gunahon ki maafi maango aaj ki musibat yaqeenan humare kisi gunaah ka nateeja hai us waqt hazrat Yusuf alaihissalam ke muhaafiz habshi ghulaam ne bataya ke maine Yusuf alaihissalam ko maara tha jab maara to usne apna sar aasmanon ki taraf uthaya tha aur apne honton ko bhi harkat di thi taajir ne kaha afsos tumhari barbadi tumne humein bhi aur apne aapko halaak kar diya. Taajir aapke paas aaya aur kehne laga Aey ladke humne tumhein maar kar tum par zulm kiya hai Aey ladke agar tum badla lena chahte ho to badla le lo hum haazir hain aap alaihissalam ne farmaya “Hum zaalimon se badla nahin lete, main to us gharane se taalluq rakhta hoon jo zulm karne walon ko maaf kar dete hain, unke liye maghfirat ki dua karte hain, main tumhein maaf kar raha hoon Allah bhi tumhein maaf kare”.

Aapke maaf karne ke sath hi tareeki khatm ho gai, aandhi ruk gai, sooraj raushan ho gaya, mashriq wa maghrib tak raushni phail gai is tarah qaafila misr mein aman se aa gaya. SubhanAllah! Nabi ki kya shaan hai? Nabi par zulm karne wale kaise giraft mein aaye aur Nabi kitna saabir ke zaalimon ke liye dua kar raha hain.

Yusuf alaihissalam ka bazaare misr mein sauda

Yusuf alaihissalam ko misr mein laaya gaya aapko bazaar mein ba haisiyat ghulaam becha jaane laga to aapke husn wa jamaal ki wajah se qeemat badhti chali gai yahan tak ke aapki qeemat itni pahunch gai ke aapke wazan ke barabar kastoori, chaandi aur resham diya jaaye. Itni badi raqam

130 AZKIRATUL AMBIYA Hazrate yaqoob wa yusuf

ada karne ki aam logon mein taaqat na thi isiliye aapko misr ke wazeere khazana ne itni qeemat ada karke khareed liya uska naam Qatfeer ya Atfeer aur laqab azeeze misr tha us waqt misr ka badshah Al Riyaan bin Al Waleed tha jo Amaalqa qabeela ka tha wo Yusuf alaihissalam par imaan laaya tha aur usi ne hazrat Yusuf alaihissalam ko wazeere khazana bana diya tha iske baad qaboos bin mus’ab badshah bana tha jisko aapne daawat imaan di lekin usne inkaar kar diya tha.

Khayaal rahe ke misr ke badshahon ka laqab Firaun hua karta tha, Yusuf alaihissalam ke zamane ke badshah ko bhi Firaun kaha jaata tha lekin mashhoor Firaun jo hazrat Moosa alaihissalam ke zamane mein tha ye bahut baad ka hai.

Azeeze misr ne jab aapko khareeda tha us waqt aapki umr 17 saal thi, 13 saal aap uske ghar mein rahe. Riyaan bin waleed ne jab aapko wazeer banaya aapki umr 30 saal thi, aapko 33 saal ki umr mein Allah ne mulk wa hikmat se nawaza aur aap 120 baras ki umr mein dunya se rukhsat huye.

Yusuf alaihissalam naaz wa nemat mein

“Aur kaha us shakhs ne jisne Yusuf ko khareeda tha ahle misr se apni beewi ko, izzat wa ikraam se ise thehrao shayad ye humein nafa pahunchaye ya bana lein hum ise apna farzand aur yoon (apni hikmate kaamila se) humne qaraar bakhsha Yusuf (alaihissalam) ko (misr ki) sar-zameen mein aur taaki hum sikha dein usey khwabon ki tabeer. Allah ghaalib hai apne har kaam par lekin aksar log nahin jaante”.

Azeeze misr ne aapki lauhe zabeen par sa’adat wa nijaabat ke naqoosh dekh liye the badi muhabbat se ghar laaya aur apni beewi se kaha ke bada pyaara bachha mil gaya hai, iske aaram wa aasaish ka har waqt khayaal rakhna, iski kisi tarah dil aazari na ho, iski shakl wa soorat kisi shandaar mustaqbil ki ghammazi kar rahi hai ho sakta hai kisi din humare liye ye mufeed saabit ho ya ise apna beta hi bana lein. Us aurat ka naam Raa’il tha ya Zulaikha, yehi dusra naam zyada mashhoor hai.

Aise mulk mein jahan kisi ko Yusuf alaihissalam ke azeem khanwaade ka ilm tak na tha jise ghulami ki zanjeeron mein jakad kar misr laaya gaya tha jise bechne wale bhi ek bhagoda ghulaam tasawwur karte the, phir wo aam ghulamon ki tarah mandi mein laaya gaya aur farokht hua uske liye itni izzat wa aasaish ke samaan muhayya farma dena, misri mamlikat ke ek azeem raais ke dil mein uske liye pedraana shafqat balki fidwiyaana jazba paida kar dena ALLAH TA’ALA ki hi hikmate kaamila ho sakti hai.

Teen shakshiyaat ki firaasat

Teen muhataram shakhsiyaat ne azeem firaasat se kaam liya:

Azeeze misr jab usne hazrat Yusuf alaihissalam ke mutalliq apni zauja ko kaha ke ise izzat wa ikraam se thehrao.
Hazrat Shoaib alaihissalam ki ladki jisne apni firaasat se Moosa alaihissalam ko taaqatwar ameen samajhte huye apne baap ko mashwara diya ke Aey mere baap inko naukar rakh lo beshak behtar naukar wo hai jo taaqatwar aur amaanat daar ho.
Abu Bakr Siddique radiallaho ta’ala anhu jinhone apni firaasat se apna khaleefa Hazrat Umar radiallaho ta’ala anhu ko muntakhab kiya.

Yusuf alaihissalam ek martaba phir imtehan mein

131 AZKIRATUL AMBIYA Hazrate yaqoob wa yusuf

“Behlaane fuslaane lagi unhein wo aurat jiske ghar mein aap the ke inse matlab baraari kare aur (ek din) usne tamam darwaze band kar diye aur (basade naaz) kehne lagi bas aa bhi ja. Yusuf (paakbaaz) ne farmaya khuda ki panaah (yoon nahin ho sakta) wo (tera khawind) mera muhsin hai, usne mujhe badi izzat se thehraya hai beshak zaalim falaah nahin paate aur usne to qasad kar liya tha unka aur wo bhi qasad karte uska agar na dekh lete apne Rab ki raushan daleel, yoon hua taaki hum door kar dein Yusuf se burai aur be hayai ko, beshak wo humare un bandon mein se tha jo chun liye gaye hain”.

Zulekha ne agarche chaha ke aap ko gunahon mein mubtala kar de lekin Allah ke Nabi qabl az nubuwat wa nubuwat ke baad har chhote bade gunahon se paak hote hain isliye ALLAH TA’ALA ne aap alaihissalam ko waazeh aur raushan daleel dikha kar paak wa saaf rakha. Aap alaihissalam ne daleel kya dekhi thi? Ek to ye dekha ke wo aurat darwaza band karke apne ek butt ko dhaanp rahi hai wo jo usne apna mabood bana rakha tha aur moti aur yaqoot se usey saza rakha tha aap alaihissalam ne usse puchha tum ise kyun dhaanp rahi ho? Usne kaha mujhe apne mabood se sharm aati hai ke wo mujhe burai mein mubtala dekhe, aap alaihissalam ne farmaya tera mabood to kuchh taaqat nahin rakhta tujhe isse sharm aa rahi hai kya mujhe us maboode haqeeqi se sharm nahin aati jo har insaan ke har amal ko dekh raha hai? Mujhse apni ummeed wabasata na kar, too kabhi bhi mujhse apni haajat mein kamyaab nahin ho sakti. Sabse badi raushan daleel ye thi “Hazrat Ibne Abbas radiallaho ta’ala anhu se marwi hai beshak hazrat Yusuf alaihissalam ko hazrat Yaqoob alaihissalam ki soorat dikhai gai jinhone aap ke seena par hath maara”.

Hazrat Qataada radiallaho ta’ala anhu se marwi hai aap farmate hain “ke humein bataya gaya hai ke hazrat Yusuf alaihissalam ko hazrat Yaqoob alaihissalam dikhai diye aap apni ungliyon ko daanton se kaat rahe hain aur farma rahe hain aey Yusuf! Khayaal rakhna aisa kaam to bewakoof karte hain tumhara naam to Ambiya -e- kiraam mein likha ja chuka hai”.

SubhanAllah! Kaisi taaqat ALLAH TA’ALA ne apne Ambiya -e- kiraam ko ata farmai kis tarah wo apne aqraba aur mutwassileen yaani apni ummat ke afraad ki imdaad karte hain. Yusuf alaihissalam ki bar’at (najaat) aur Yaqoob alaihimussalam ki imdaad ke ilm ke baad bhi agar koi shakhs zid wa aenaad ki wajah se Ambiya -e- kiraam ki imdaad ka inkaar karta phire to uske apni bad-qismati.

Khudara apni aaqbat barbaad na kijiye

Is maqaam par baaz taraajim (tarjuma) ko dekh kar insaan gumrah na ho aur shaane Nabi mein gustakhi ka murtakib na ho kisi ne likha “Aap ne qasd kiya”, kisi ne likha “Unko bhi us aurat ka kuchh kuchh khayaal ho chala tha”, kisi ne likha “Aur unhein bhi us (aurat) ka khayaal ho chala tha”. Aise taraajim se siwaye gumrahi ke kuchh husool nahin, aise taraajim dekhein jinse imaan haasil ho maine jo tarjuma naql kiya wo ‘zia ul Quran’ se Peer Karam Shah rahmatullahi ta’ala alaihi ka tarjuma hai aur Aala Hazrat Maulana Ahmad Raza Khan Bareilvy rahmatullahi ta’ala alaihi ka tarjuma hai: “Beshak aurat ne iska iraada kiya aur wo bhi aurat ka iraada karta agar apne Rab ki daleel na dekh leta”.

Yehi taraajim sahi hain maine iski tafseel apni kitaab “Taskeenul Jinaan Fi Mahaasine Kanzul Imaan” mein bayan ki hain jismein tafaasir ki arabi ibaarat bhi likhi hain yahan Tafseer Kabeer se mukhtasar khulasa urdu mein tehreer kiya ja raha hai.

Allama Raazi farmate hain aisi maasiyat (yaani zina ka iraada karna) ko agar Allah ki makhlooq

132 AZKIRATUL AMBIYA Hazrate yaqoob wa yusuf

mein kisi bahut bade faasiq ki taraf mansoob kiya jaaye aur isi tarah aise shakhs ki taraf mansoob kiya jaaye jo har qism ke nek kaam se door rahe to wo bhi sharm mehsoos kare to ek jaleelul qadr Rasool jin ko ajeemushshan mojizaat ata kiye gaye ho’n unki taraf is qism ke gunaah ko kaise mansoob kiya ja sakta hai?

Iske baad aur tafseel bayan karte huye farmate hain jinka is waqiya se taalluq hai wo ye hazraat hain Yusuf alaihissalam, azeez e misr ki zauja, khud azeeze misr, misr ki auratein, gawahi dene wala aur Allah rabbul aalmeen un tamam ne aapke mutalliq shahadat di ke aap gunahon se bari hain yahan tak ke shaitan ne bhi aapki bara’at ki shahadat di hai. Jab aap ki bara’at par itni gawahiyan maujood hain to musalman ko ismein tawaqquf karne ka koi haasil nahin? Yusuf alaihissalam ne apni paak daamni gunahon se bari hone ka zikr farmaya:

“Us (aurat) ne khwahish ki ke main apni hifazat na karu? Isi tarah aapne kaha aey mere Rab mujhe qaid khana zyada pasand hai is kaam (burai) se jiski taraf ye mujhe bulati hai”.

Yusuf alaihissalam ke ye irshadaat aapki paak daamani ko waazeh kar rahe hain.

Aurat ki gawahi

Tohmat lagane wali aurat (zulekha) ne khud bhi hazrat Yusuf alaihissalam ke bari hone ka aiteraaf kiya, misr ki auraton ke saamne usne aiteraaf karte huye kaha:

“Maine ise apne taraf maa’il karna chaha lekin isne apne aapko bacha liya”.

Isi tarah usne aur ye kaha:

“Ab baat khul gai ke maine unko apni taraf maa’il karna chaha lekin beshak wo sachhe hain”

aurat ki is gawahi ke baad waazeh hua ke usne bhi hazrat Yusuf alaihissalam ko bari uz zimma qaraar diya. Us aurat ke khawind yaani azeeze misr ne kaha:

“Ye tum auraton ka makr hai beshak auraton ka makr bahut bada hota hai aey Yusuf tum iska khayaal na karo aur aey aurat too apne gunahon ki maafi maang”.

Ye Yusuf alaihissalam ki paak daamni par us aurat ke khawind ki gawahi hai.

Gawah ki gawahi

Hazrat Yusuf alaihissalam ke baatil amal aur haraam kaam ke iraade se bari hone par gawah ki gawahi saabit hai kyun ke sheer khwar bachhe ki ye shahadat hai:

“Aur aurat ke ghar walon mein se ek gawah ne gawahi di ke agar Yusuf ki qamees aage se phati hai to aurat sachhi hai aur wo ghalti par hain aur agar qamees pichhe se phati hain to aap sachhe hain aur aurat jhooti hain”.

Aapki qamees to pichhe se phati thi lihaza aap ki bara’at par gawahi saabit ho gai gawah bhi wo jo us aurat ke khandaan se hai aur abhi sheer khwar bhi hai isi wajah se us aurat ke khawind ne aurat ko makkar kaha.

ALLAH TA’ALA ki gawahi

Yusuf alaihissalam ke bari hone ki shahadat ALLAH TA’ALA ne di irshad farmaya:

“Hum is tarah pherte hain unse burai aur be hayai ko, beshak wo humare mukhlis bandon mein se hai”.

ALLAH TA’ALA ne Yusuf alaihissalam ke paas hone ki jo shahadat is aayat mein di hai wo chaar martaba hai.

Pehli wajah: Unmein se ye hai ALLAH TA’ALA ne farmaya َ لِن َْص ْ ِف َ ع َ ن ْ ه ُ الس ّ ُ و ْ ء yahan “Laam” takeed aur mubaalgha ke liye aaya hua hai aapse burai ka door rehna yaqeeni ho gaya.

133 AZKIRATUL AMBIYA Hazrate yaqoob wa yusuf

Dusri wajah: Ye ke ALLAH TA’ALA ne َ و َ ال ْ ف َ ح ْ ش َ ا ا ء zikr kiya hai yaani َ ك َ ذ ی لِك َ لِن َْص ْ ِف َ ع َ ن ْ ه ُ الس ّ ُ و ْ ا ء َ و َ ال ْ ف َ ح ْ ش َ ا ا ء jab ALLAH TA’ALA aapse be hayai ko door rakhna apne zimme karam par laga liya hai to ab burai ka irtikaab ya uska khayaal namumkin ho gaya.

Teesri wajah : Ye hai ke ALLAH TA’ALA ne farmaya َ اِن ّ َ ه ُ مِ ْ عِب َ ادِن ke wo mere mukhkis bandon se hai aur ALLAH TA’ALA ne apne khaas bandon ki tareef is tarah farmai “Allah ke bande wo hain jo zameen par aaram se chalte hain jab unse koi jaahil baat karte hain to wo kehte hain pas salaam” isse pata chala jisko Rab ne apna mukhlis banda kaha hai wo buraiyon ka irtikaab nahin kar sakta.

Chauthi wajah : ye hai ke ALLAH TA’ALA ne farmaya َ ْ ا َ ل ْ م ُ خ ْ ل َ صِْي ismein do qaratein hain ism e faa’il ya isme maf’ool agar ism e faa’il ho to maayne ye hoga ke aap ta’at wa qurbaat par khuloos se amal karne wale hain aur agar ism e maf’ool ho to matlab ye hoga ke aapko ALLAH TA’ALA ne apni zaat ke liye khaalis banaya aur apne huzoor pasandida kiya donon wajah se aapka gunaah ke iraade se paak hona waazeh hai.

Iblees ka iqraar

Hazrat Yusuf alaihissalam ki paakbaazi ka iqraar iblees ne bhi kiya isliye ke ALLAH TA’ALA se jab usne mohlat maangi usko qiyamat tak ke liye mohlat de di gai usne kaha:

“Aey Allah! Mujhe teri izzat ki qasam main siwaye tere mukhkis bandon ke tamam ko gumrah karta rahunga”

uska ye iqraar is baat ko waazeh karta hai ke Allah ke mukhlis bandon ko raahe raast se bhatkana shaitan ke liye mumkin nahin aur Yusuf alaihissalam ka َملصْي se hona bhi yaqeeni taur par hai kyun ke ALLAH TA’ALA ne aapke mukhlis bandon se hone ki shahadat di hai, Rab ki shahadat par yaqeen na aaye to aur kis par aayega?

Allama Raazi ki faisla kun baat

Jo jaahil Yusuf alaihissalam ko burai (ya iraada burai) ki taraf mansoob karte hain agar wo Allah ke deen ke muttabea hain to wo Allah ki shahadat qabool kar lein jo ALLAH TA’ALA ne aap alaihissalam ki paak daamni par di hai aur agar wo shaitan ya uske lashkar ke taabedaar hain to wo shaitan ki shahadat qabool kar lein jo usne aap alaihissalam ki paak daamani par di hai.

Yusuf alaihissalam par aurat ka ilzaam

“Aur donon darwaze ki taraf daude aur aurat ne unki qamees pichhe se phaad di aur donon ko aurat ka khawind darwaze ke paas mila. Boli kya iski saza jisne teri gharwali se badi (burai) chahi? Magar ye ke qaid kiya jaaye ya dukh ki maar”.

Jab aurat ne aapko andar band kar liya to aap alaihissalam ne apne aapko gunahon se bachane ke liye darwaze ki taraf bhaagna shuru kiya taaki darwaza khol kar baahar nikal jayein aurat ne pichhe bhaagna shuru kiya taaki aapko pakad le aapko pakad ne mein to kamyaab na ho saki albatta aapki qamees pichhe se usne pakad li choonki aap daud rahe the daudte huye qamees pakad ne ki wajah se pichhe se phat gai. Usi dauran aurat ka khawind darwaze par pahunch gaya wo tohmat ke dar se jaldi se apne aeb ko Yusuf alaihissalam ki taraf mansoob karne lagi ke ye tumhari zauja se burai ka iraada rakhta tha isliye qaid khane mein bhej do ya sakht saza do. Aurat ko Yusuf alaihissalam se choonki shadeed muhabbat thi agarche usne khud bachne ke liye aeb Yusuf alaihissalam ki taraf mansoob kar diya lekin phir bhi aapki riyaayat rakhi qaid khana pehle zikr kiya sakht saza baad

134 AZKIRATUL AMBIYA Hazrate yaqoob wa yusuf

mein isliye ke muhib apne mehboob ko dard pahunchane ki koshish nahin karta isliye ye bhi zikr nahin kiya ke in donon mein se jis par chaho amal karo balki usne mumkin taur par aapko bachane ki fikr ki ke qaid khana bhej do haan agar koi chaara kaar na ho siwaye saza dene ke to saza do. Phir koi aise alfaaz nahin zikr kiye jinse pata chale ke usne kaha ho ke inko umr bhar qaid rakho ya bahut lamba arsa qaid mein rakho balki sirf ye kaha ke qaid khana mein bhej do yaani matlab ye tha ke ek do dinon ke baad nikaal lena.

Aurat ne zaahir taur par burai ko aapki taraf mansoob nahin kiya

Aurat ne ye to kaha hai ke jo shakhs tumhari zauja se burai ka iraada kare ye nahin kaha isne meri taraf burai ka iraada kiya hai aur ye bhi nahin kaha isne mere sath dast daraazi ki ya burai ka murtakib hua hai isliye ke usne jaan liya tha ke jo shakhs jawani ki umr mein taaqat wa shehwat ka ghalba rakhne ke bawajood paak daaman hai usey kaise bura bhala kaha jaaye us aurat ke dil mein aapki paak daamni raasikh ho chuki thi wo aapko zaahiri taur par burai ka murtakib qaraar dene mein haya mehsoos kar rahi thi.

Allama Raazi rahmatullahi ta’ala alaihi farmate hain us aurat ko to haya mehsoos hui ke aap ko burai ka murtakib kaise qaraar diya jaaye lekin hazaron saal baad mein aane walon ko haya nahin aati jo ye kehte hain ke aapne burai ka iraada kiya ya aapke dil mein thoda thoda qasd ho chala tha, Yusuf alaihissalam ne ibtedai taur par khamoshi ikhtiyar ki lekin jab ye dekha ke burai ko meri taraf mansoob kiya ja raha hai to phir aapne farmaya:

“Isne khud mujhe apni taraf maa’il karna chaha”.

Yusuf alaihissalam ki paak daamani par dalaalat karne wali alaamaat

Aap zaahir taur par unke ghulaam the ghulaam kabhi is qism ki jurrat nahin kar sakta ke apne maalik ki zauja se zabardasti burai ka murtakib ho.
Azeeze misr aur uske ghar ke dusre logon ne jab ye dekh liya tha ke Yusuf alaihissalam darwaze se nikal ne ke liye shadeed taur par daud rahe the to unhone bhi samajh liya tha ke burai ko chahne wala khud daud kar kabhi nahin nikla karta.
Un logon ne ye bhi dekh liya tha ke is aurat ne apne aapko khud aarasta kiya hua hai lekin Yusuf alaihissalam aam libaas mein hain unhone samajh liya tha ke kaun kise apni taraf maa’il kar raha tha.
Wo log Yusuf alaihissalam ke haalat ka ek taweel muddat se mushaaheda kar rahe the aapki aadat aapke atwaar un se poshida nahin the wo khud hi samajh rahe the ke Yusuf (alaihissalam) kabhi burai ka iraada nahin kar sakta.
Aurat ne aapki taraf zaahir taur par burai ko mansoob nahin kiya balki kaha agar koi aisa kare lekin hazrat Yusuf alaihissalam ne waazeh taur par iski taraf mansoob kiya isse waazeh hua ke aap sachhe the kyun ke jhoota shakhs kisi dusre ki taraf is qism ki tohmat mansoob karne mein khaa’if rehta hai.
Azeeze misr namard tha aurat ki jinsi khwahishaat usse poori hona to darkinaar haasil hi nahin ho rahi thi in haalat ke peshe nazar bhi waazeh ho raha tha ke meelaan uski jaanib se tha.

135 AZKIRATUL AMBIYA Hazrate yaqoob wa yusuf

Yusuf alaihissalam ke bari hone par gawahi

“Aapne kaha isne mujhe apni taraf meelaan karna chaha ke main apni hifazat na karu aur aurat ke ghar walon mein se ek gawah ne gawahi di ke agar inki qamees aage se phati hai to aurat sachhi aur inhone ghalat kiya aur agar qamees pichhe se phati hai to aurat jhooti aur ye sachhe hain. Phir jab azeez ne aapki qamees pichhe se phati hui dekhi to usne kaha beshak ye tum auraton ka makr hai beshak tumhara makr bada hai aey Yusuf tum iska khayaal na karo (gham na karo) aur aey aurat apne gunahon ki maafi maang beshak too khatawaaron mein se hai”.

Gawahi dene wala us aurat ka rishtedaar ka ladka tha jo abhi sheer khwar bachha tha uski umr teen maah thi ALLAH TA’ALA ne usey bolne ki taaqat di usse gawahi dila kar hazrat Yusuf alaihissalam ko ilzaam se bari qaraar diya agarche itni umr mein bachha ka bolna hi aapki paak daamni ko saabit karne ke liye kaafi tha lekin Allah ne usse aisa hakeemana jawab dilaya jo bahut badi qawi daleel bhi ban gaya.

Aage se qamees ke phatne ka matlab ye hota hai ke aapne iska iraada kiya usne mazaahemat ki girebaan pakad kar pichhe kiya to qamees aage se phat gai agar aisi soorat hoti to aurat ka sachha hona saabit hota lekin pichhe se qamees phatne se waazeh ho raha tha ke aap ko zabardasti kamra mein band kiya gaya aap jaan chhudane ke liye bhaage aap ko pichhe se pakad ne ki koshish ki gai to qamees pichhe se phat gai isi jawab aur daleel par hi azeez e misr ne aapko kaha aap sachhe hain kuchh gham dil mein na laayein aur apni zauja ko kaha ye tumhara makr hai tum apne gunahon ki maafi maango.

Azeeze misr ki aurat par misr ki auraton ki ta’ana zani

“Aur shehar mein kuchh auratein boli ke azeez ki beewi apne naujawan ko apni taraf maa’il karti hai beshak iski muhabbat uske dil mein saraayat kar gai hum to ise waazeh taur par muhabbat mein ghum aur ghalati par paati hain”.

Ye waqiya poore shehar mein mashhoor ho gaya tha kai auratein kehne lagi ke azeez ki beewi kitni ghalati par hai jo apne ghar rakhe huye naujawan se itni shadeed muhabbat karti hai ke usey kuchh aur nazar hi nahin aata, uske dil par muhabbat ne is tarah ghera daal diya hai jis tarah kisi cheez ka ghilaaf usey apni lapet mein le leta hai aur wo muhabbat uske dil aur baaqi cheezon mein hijaab ikhtiyar kar chuki hai ke siwaye us naujawan ke aur kisi cheez ka pata hi nahin hum to usey is naujawan se shadeed muhabbat karne mein raahe raast se bhatki hui paati hain.

Azeez ki zauja ka uzr ajeeb andaaz mein

“To jab us (zulekha) ne iska charcha suna to un auraton ko bula bheja aur unke liye masnadein taiyar ki aur unmein se har ek ko ek chhuri di aur Yusuf (alaihissalam) se kaha un par nikal aao jab auraton ne Yusuf (alaihissalam) ko dekha uski badai bolne lagi aur apne hath kaat liye aur boli Allah ki paaki hai ye to jinse bashar se nahin magar koi firishta hai usne kaha to ye hain wo jin par mujhe ta’ana deti thi aur beshak maine unko apni taraf maa’il karna chaha to inhone apne aapko bachaya aur beshak agar wo ye kaam na karenge jo main inse kehti hoon to zarur qaid mein padenge aur wo zarur zillat uthayenge”.

136 AZKIRATUL AMBIYA Hazrate yaqoob wa yusuf

Jab azeez ki zauja ne misr ki auraton ke makr ko suna inke kalaam makr se tabeer karne ki teen wajah hai:

Pehli wajah: Auraton ne jab ye waqiya suna to wo bhi dil mein khwahish rakhne lagi ke Yusuf alaihissalam ko dekhein aur wo ye bhi samajhti thi ke jab wo Zulekha ka tazkira karengi to yaqeenan wo Yusuf alaihissalam ko hum par pesh karke apna uzr pesh karengi to unhone isliye uske khilaaf kaam karke Yusuf alaihissalam ko dekhne ka ek heela (bahaana) kiya jise makr se tabeer kiya gaya.

Dusri wajah: Ye hai ke azeez ki zauja ne un auraton se apni muhabbat ka zikr kiya tha aur sath sath unhein is bhedd ke chhupane ke liye kaha tha lekin jab auraton ne zaahir kar diya to unki dhoka baazi ko makr keh diya.

Teesri wajah: Ye hai ke unhone uski gheebat ki, gheebat bhi haqeeqat mein makr ke mushabeh hai.

Yusuf alaihissalam ko dekh kar auraton ne apne hath kaat liye

Azeez ki zauja ne un auraton ki daawat ki jo uske mutalliq kalaam karti thi wo bade bade sardaron ki beewiyan thi jinki tadad 40 thi unmein 5 auratein ye bhi thi jo bahut baatein karti thi:

Azeez ko paani pilane wale ki zauja,
Rotiyan pakane wali aurat jisne itne arse mein Yusuf alaihissalam ko nahin dekha tha,
Wazeer jel ki zauja,
Azeez ke janwaron ke muhaafiz ki zauja aur
Darbaan ki zauja.

Daawat ki majlis mein har ek ke liye nashist muqarrar thi, takiye laga diye gaye, dastarkhwan par tarah tarah ke khane chun diye gaye, phal bhi rakh diye gaye, phalon ta gosht khusoosan limbu kaat ne ke liye chhuriyan bhi rakh di gai, har nashist ke saamne ek ek chhuri rakhi gai thi jab auratein aa gai apni apni nashist par biraajmaan ho gai to azeez ki zauja ne aapko hukm diya ke aap apne kamre se baahar niklo aur in auraton ki mehfil ke saamne se guzar jao taaki ye aapki ek jhalak dekh lein. Yusuf alaihissalam pehle hi us aurat ki ek saazish ka shikar ho chuke the ALLAH TA’ALA ne aapko bari kar diya tha ab yehi khauf dil mein aa raha tha ke iska hukm na maanne par koi nai musibat na khadi ho jaaye aap ko majbooran nikal auraton ke saamne se guzarna pada jab Yusuf alaihissalam unke saamne se guzre “To wo aapko dekh kar itni dehshat mein aa gai ke phal lekar unko chhuriyon se kaatne lagi thi lekin unhein yahan tak maloom na ho saka ke hum phal kaat rahe hai ya apne hathon par hi chhuriya chala rahe hain unhone apne hath kaat kar zakhmi kar liye” ya unhone apne hath is wajah se kaat liye ke aapko dekh kar isi tarah mad’hosh ho gai ke unhein ye pata na chal saka ke wo chhuriyan seedhi pakad rahi hain ya ulti, seedhi jaanib apne hathon ki taraf kar di aur ulti jaanib phalon ki taraf karke phalon ko kaat ne ki garz se chhuriyon ko jaise chalaya to hath kaat gaye.

Ye bhi mumkin hai kuchh auraton ne chhuriyan ulti chala kar apne hath kaat liye ho’n aur kuchh ne phal kaat kar hathon tak chhuriyan chala di ho’n.

Hath kaatne ki wajah jamaal Yusuf par faraifta hona

137 AZKIRATUL AMBIYA Hazrate yaqoob wa yusuf

“Ismein aksar ahle ilm ka ittefaaq hai ke un auraton ne hazrat Yusuf alaihissalam ko umda jamaal aur kaamil husn ki wajah se azeem samjha tha yehi wajah thi unke hath kaat ne ki”.

Hazrat Yusuf alaihissalam ko husn wa jamaal mein baaqi logon par is tarah fazeelat haasil thi jis tarah 14wi chaand ko sitaron par fazeelat haasil hoti hai. Nabi Kareem ﷺ farmate hain jab meraaj ki raat mujhe aasmanon par le jaaya gaya to mera guzar Yusuf alaihissalam ke qareeb se hua to maine puchha ye kaun hain? Jibreel alaihissalam ne bataya ye Yusuf alaihissalam hain.

“Aapse puchha Ya Rasoolallah! Aapne unhein kaise paaya to aapne farmaya aise hi jaise 14wi ka chaand”.

Yusuf alaihissalam jab misr ki galiyon mein chalte to aapke chehre ki nooraniyat ki wajah se deewarein is tarah raushan ho jaati jis tarah sooraj ki shuao se raushani phail jaati hai.

Adam alaihissalam ko jis din qabza e qudrat se takhleeq kiya gaya us din aapko jo jamaal ata kiya gaya tha usi ke mushabeh Yusuf alaihissalam ko bhi husn wa jamaal ata kiya gaya.

Sabse badi wajah ye thi ke un auraton ne aapko noore nubuwat wa risalat aur khuju wa khushu ke aasaar ko dekha aur nubuwat ke rob wa jalaal ka mushaheda kiya aur jab ye dekha ke ye shakhs to firishta seerat hai usne ta’am ko nahin dekha, hum naujawan auraton ko nahin dekha ise humari zara parwah tak nahin hui. Zaahiri soorat bhi azeem aur seerat bhi azeem bas yehi dekh kar unhone taajjub kiya faraifta ho gai apne hosh wa hawaas qaa’im na rakh saki aur itna samajh liya ke ye koi aam insaan nahin ye to koi muqarrab firishta hai haan ye kyun na hota jab ke Nabi ka maqaam firishton se buland tareen hota hai.

Humare Nabi Kareem ﷺ chaand se bhi zyada haseen

Hazrat Jaabir radiallaho ta’ala anhu farmate hain maine chaandni raat mein Nabi Kareem ﷺ ko dekha:

“To main kabhi Rasoolullah ﷺ ko dekhta aur kabhi chaand ki taraf jab ke aapne surkh dhaariyon wala libaas zeb tan kar rakha tha aap mujhe chaand se bhi zyada haseen nazar aa rahe the”.

Yusuf alaihissalam ka qaid khana ki dua karna aur iska qabool hona

“Yusuf alaihissalam ne arz ki aey mere Rab mujhe qaid khana zyada pasand hai is kaam se jiski taraf mujhe bulati hain aur agar too mujhse inka makr na pherega to main inki taraf maa’il honga aur nadaan banunga to uske Rab ne uski sun li aur usse auraton ka makr pher diya beshak wo hi sunta jaanta hai phir tamam pehli nishaniyan dekhne ke baad un par yehi zaahir hua ke zarur ek muddat tak ise qaid khana mein rakha jaaye”.

Jab azeeze misr ki zauja ne misr ki auraton ke saamne kaha ke agar isne meri baat ko na maana to ise qaid khana mein jaana padega aur zaleel hona padega to daawat par bulai hui tamam auraton ne ijtemai taur par Yusuf alaihissalam ko samjhana shuru kiya kehne lagi tumhare liye ye behtar nahin ke tum iske hukm ki mukhalifat karo kyun ke mukhalifat ki soorat mein tumhein qaid khana mein jaana padega aur zillat uthani padegi.

Ab Yusuf alaihissalam ko chand mushkilaat ka saamna tha:

Azeez ki zauja ka bahut zyada haseen wa jameel hona.
Uska maal wa daulat ka maalik hona aur ye azm karna ke Yusuf (alaihissalam) se apna matloob

138 AZKIRATUL AMBIYA Hazrate yaqoob wa yusuf

haasil karne mein tamam maal wa daulat qurbaan karna pada to qurbaan kar doongi. 3) Tamam auratein ijtemai taur par aapko raghbat bhi dila rahi thi aur sath sath khauf bhi dila rahi thi aise haalat mein auraton ka makr bhi bahut bada makr hota hai. 4) Aapko ye bhi dar tha ke uski mukhalifat karne mein uske shar se bachna bahut mushkil hai ho sakta hai ke wo aapko qatl hi kara de in haalat ke peshe nazar aapne yehi behtar samjha ke mujhe qaid khana mein bhej dein to mere liye behtar hoga.

Insaan apni bashari quwwat aur insaani taaqat ke peshe nazar aise haalat mein apne aapko bacha sake ye bahut mushkil maamla hai isiliye aapne dua ki “Aey Allah too hi mujhe in auraton ke makr se bacha sakta hai agar tera fazl na ho to insaan aise gunahon mein mubtala hokar jaahil ban jaata hai. Aey Allah mujhe jis kaam ki ye daawat de rahi hain isse behtar mere liye qaid khana hi hain”.

Khayaal rahe ke hazrat Yusuf alaihissalam ne apne liye mushkil raah ka intekhaab kiya kyun ke ALLAH TA’ALA ne aapki taraf ‘wahi’ ki “Aey Yusuf tumne apne liye mushkil raasta ikhtiyar kiya agar tum ye kehte mujhe aafiyat zyada pasand hai (usse jiski taraf mujhe ye bulati hain) to tumhein unse aafiyat dila di jaati”. Isi wajah se Nabi Kareem ﷺ ne us shakhs ka radd kiya jo masaib par sabr ki dua kar raha tha. Tirmizi mein Hazrat Ma’az bin Jabal radiallaho ta’ala anhu se riwayat bayan ki gai hai ke Nabi Kareem ﷺ ne ek shakhs ko ye kehte huye suna aey Allah main tujhse sabr ka sawal karta hoon yaani mujhe masaib wa aalaam par sabr karne ki taufeeq ata farma to Huzoor ﷺ ne farmaya:

“Tumne ALLAH TA’ALA se musibat ka sawal kiya, tum ALLAH TA’ALA se aafiyat ka sawal karo”.

Azeeze misr aur dusre tamam sarkarda log Yusuf alaihissalam ki paak daamni ka yaqeen kar chuke the. “Aap ke uyoob se bari hone aur paak daamni par dalaalat karne wale shawahida log dekh chuke the”. Lekin aapko sirf zaahiri maslehat ke peshe nazar unhone qaid khana bhejne ka faisla kiya tha kyun ke azeeze misr ki zauja ke alaawa ab dusri auratein bhi aap par aashiq ho chuki thi ghar ghar Yusuf alaihissalam ke husn wa jamaal ka charcha ho raha tha wo log apni auraton ko rokne mein nakaam ho gaye albatta aap ko qaid khane mein bhejne ka unhone ek hal (solution) samjha tha asal mein aapki apni dua ka asar hi tha.

“Hazrat Ali ibne Husain yaani Hazrat Zainul Aabedeen radiallaho ta’ala anhuma se marwi hai ke beshak har aurat ne un auraton mein se jo daawat par mad’oo thi aapki taraf poshidgi mein ye paigham bheje the jo aapse ziyarat karne ka mutaalba kar rahi thi”. Isi tarah azeez ki zauja ne apne khawind ko kaha ke ye ibrani ghulaam mujhe badnaam kar raha hai ke maine ise apni taraf maa’il karna chaha lekin wo bach gaya wo choonki baahar nikal sakta hai aur main ghar mein mahboos hoon ya mujhe bhi baahar bazaaron mein ja kar iska jawab dene ki ijazat di jaaye ya ise bhi qaid kar liya jaaye to is tarah azeez aur dusre wazeeron ne aapko qaid mein bhijwa diya.

Do qaidiyon ka Yusuf alaihissalam se khwab ki tabeer puchhna

“Inke sath qaid khane mein do jawan dakhil huye unmein ek bola maine khwab dekha ke sharab nichodta hoon aur dusra bola maine khwab dekha ke mere sar par

139 AZKIRATUL AMBIYA Hazrate yaqoob wa yusuf

kuchh rotiyan hain jinmein se parinde khate hain humein iski tabeer batayein beshak hum aapko neko kaar dekhte hain”.

Khwab dekhne wale do naujawan badshah riyaan bin waleed ke ghulaam the ek usko mashroobaat pilane par muqarrar tha aur dusra rotiyan pakane par. In donon par ilzaam ye tha ke ye badshah ko zehar khilana chahte hain, mashroobaat pilane wale ka naam “Abrooha” ya “Yoona” tha aur rotiyan pakane wale ka naam “Ghaalib” ya “Makhlib” tha in donon ko is ilzaam ki wajah se qaid khana mein bhej diya gaya tha.

Ek ne apna khwab bayan kiya ke “Maine angur ki ek bahut khubsoorat bel dekhi hai jiski teen shaakhein hain aur un par angur ke guchchhe lage huye hain main unhein nichod kar pila raha hoon”. Khayaal rahe ke sharab bhi angur ke nichod se hi banta hai isliye us shakhs ne angur nichodne ko sharab se tabeer kar diya.

Dusre ne apna khwab bayan kiya ke “Maine dekha ke main badshah ke bawarchi khane se nikal raha hoon aur mere sar par teen tokriyan rotiyon ki hain jinke upar se parinde kha rahe hain”.

Hazrat Yusuf alaihissalam jab qaid khana mein aaye the aapne bataya ke main khwabon ki tabeer bayan karta hoon kai logon ko aap pehle bhi khwabon ki tabeerein bata chuke the jo sachhi saabit hui thi isliye un do shakhson ne bhi aapse tabeer puchhi ke aap sachhi tabeer batate hain aap sahibe ilm hain aap bahut achhe shakhs hain tamam qaidi hazrat Yusuf alaihissalam ke achhe af’aal par muttala the aap namaz, roza ke paband the, har qism ke neki ke kaam karna aapki aadat e shareefa thi, aapke achhe akhlaaq kisi par makhfi na the, aap mareezon ki ayaadat karte, gham naak logon ke dilon ki dhaaras baandhte.

Jab Yusuf alaihissalam qaid khane mein gaye to wahan qaidiyon ko dekha ke wo apni ummeedein khatm kiye huye hain shadeed masaib aur taweel ghamon mein mubtala hain aapne unko tasalli dete huye kaha khush ho jao sabr karo ALLAH TA’ALA sabr ka ajr zarur ata farmata hai qaum ne kaha aey jawan aapka chehra kitna haseen hai, Aapki soorat kitni hi khubsoorat hai, Aapke kitne achhe akhlaaq hai? Jab se tumne humein bataya sabr par ajr musibat gunahon ka kaffara hai aur masaib wa aalaam gunahon se pakeezgi ka zariya hain to humein tumhare qurb aur nasa’ih se barkat haasil ho gai hai. Unhone puchha aey jawan tum kaun ho? Aapne bataya ke main Yusuf ibne Yaqoob ibne Ibrahim hoon qaid khana ke naazim aala ne kaha aey naujawan agar mere ikhtiyar mein hota to main tumhein aazad kar deta ye to mere ikhtiyar mein nahin albatta tumhare pados mein rehne wale qaidiyon par achha sulook karunga. Aapke in fazail wa kamalaat ko dekh kar un donon qaidiyon ne aapse haqeeqatan dekhe huye khwabon ki tabeer puchhi ya sirf hazrat Yusuf alaihissalam ko aazmane ke liye man ghadat khwab bayan kiye.

Ek qaul ye hai ke qaid khana mein jab hazrat Yusuf alaihissalam ne bataya ke main khwab ki tabeerein jaanta hoon to un donon jawanon ne ek dusre ko kaha ke is ibrani ghulaam ki aazmaish karni chahiye hum apni taraf se khud hi khwab bana kar us par pesh karein unhone aisa hi kiya agarche unhone koi khwab nahin dekha tha khud hi khwab bana karke sawal kiya.

Hazrat Ibne Mas’ood radiallaho ta’ala anhu ne farmaya unhone koi khwab nahin dekhe the balki hazrat Yusuf alaihissalam ke ilm ko aazmane ke liye khud hi khwab gharhe the.

140 AZKIRATUL AMBIYA Hazrate yaqoob wa yusuf

Yusuf alaihissalam ka tabeer bayan karna

“Aey qaid khane ke donon sathiyon! Tum mein se ek to apne badshah ko sharab pilayega raha dusra sooli diya jayega to parinde uska sar khayenge. Hukm ho chuka hai is baat ko jis ka tum sawal karte the”.

Aapne jab ye tabeer bayan ki to wo kehne lage humne to koi khwab na dekha tha aapne farmaya hukm ho chuka hai is baat ka jo tum sawal karte the. “Beshak jo tabeer aapne bayan farmai usko yaqeenan waaqey hona hi tha” kyun ke aapne tabeer karne se pehle hi farma diya tha main tumhein tumhara khana aane se pehle khwab ki tabeer bata dunga kyun ke mere Rab ne mujhe ilm diya hai yaani aap ne bahut waazeh taur par bata diya ke main khwabon ki tabeer koi zan ya takhmeena se bayan nahin karta ye to mere Rab ka diya hua ilm hai jiski wajah se main bayan karta hoon. “Aapne unhein bataya ke ALLAH TA’ALA ne mujhe kaseer uloom ata farmaye hain ye jo tumne suna hai ye to baarish ka ek qatra hai baagh ke phoolon mein se ek kali hai”.

Hazrat Yusuf alaihissalam ka badshah ke paas zikr karne ke mutalliq kehna

“Aur Yusuf alaihissalam) ne un donon mein se jise bachha samjha usse kaha apne badshah ke paas mera zikr karna to shaitan ne usey bhula diya ke apne badshah ke saamne Yusuf (alaihissalam) ka zikr kare to Yusuf (alaihissalam) kai baras aur qaid khane mein rahe”.

Aala Hazrat Maulana Ahmad Raza Bareilvy rahmatullahi ta’ala alaihi ne is maqaam par lafz “zan” ka maayne “samjha” kiya hai “gumaan kiya” tarjuma nahin kiya kyun ke ahle ilm ka ismein ek qaul yehi hai ke iske faa’il Yusuf alaihissalam hain Nabi ka ilm “zanni” nahin hota balki “yaqeeni” hota hai. Allama Raazi rahmatullahi ta’ala alaihi farmate hain ke ahle ilm ka ek qaul ye hai “Ke lafz zan ko ilm aur yaqeen ke maayne mein liya jaaye kyun ke Yusuf alaihissalam ne khwab ki tabeer ‘wahi’ se bayan farmai aur Quran paak mein bahut maqamaat par zan ke maayne yaqeen istemaal hua hai jis tarah zikr karda aayaton mein يظنون aur ظننت yaqeen ke maayne mein istemaal hain”.

Muqarrebeen ke liye qawaneen hi aur hain

Ahle ilm ne zaabta bayan kiya hai: Aam nek logon ki nekiyan bhi baaz auqaat khaas muqarrab logon ke liye un par amal karna achha nahin hota balki unke liye is martaba se buland martaba hota hai lihaza unke aamaal bhi buland martaba ke hone chahiye.

Allama Aalusi rahmatullahi ta’ala alaihi farmate hain ke is masle mein koi ashkaal nahin “Ke Allah ke bandon se mushkilaat mein imdaad talab karne mein koi harj nahin” kyun ke khud Rabbe quddus ne bayan farmaya:

“Neki aur parhezgaari par ek dusre ki madad karo”.

Aam logon ke liye ye bhi neki ka kaam hai ke wo Allah ke bandon se apni mushkilaat mein imdaad talab karein lekin Ambiya -e- kiraam ka maqaam hi kuchh aur hai yehi wajah hai ke hazrat Ibrahim alaihissalam ne aag se najaat ke liye ALLAH TA’ALA se bhi sawal nahin kiya ke jab wo mere haal se ba khabar hai to mujhe sawal karne ki kya zarurat hai.

Hazrat Yusuf alaihissalam ne jab qaid se najaat paane wale ko kaha ke mera zikr badshah ke saamne karna to ALLAH TA’ALA ne us par pyaar wa muhabbat se aapko tambeeh farmai aey mere pyaare

141 AZKIRATUL AMBIYA Hazrate yaqoob wa yusuf

zara ghaur to karo tumhein bhaiyon ke hathon qatl hone se kisne bachaya, tumhein kunwey se kisne nikaala, tumhein auraton ke bohtaan se kisne bachaya? Arz kiya Maula e kainaat ye tere hi faizan the Rab ta’ala ne farmaya phir insaan ke saamne zikr karne ka kya faayda tha? Yusuf alaihissalam ne uzr pesh karte huye arz kiya aey mere Maula! Bas waise hi zabaan par aa gaya tha. Yusuf alaihissalam ne badshah ke do ghulamon ko khwab ki tabeer bayan karne se pehle 5 saal qaid khana mein guzaar liye the aur mazeed 7 saal aapne aur guzaare yaani 12 saal Allah ke Nabi ne apni paak daamni ke liye qaid khana mein guzaar diye, Ambiya -e- kiraam se bahut mushkil imtehan liye gaye.

Badshah ko khwab aana

“Aur badshah ne kaha maine khwab mein dekhi 7 moti gaayein ke unhein 7 dubli gaayein kha rahi hain aur 7 baaliyan hari aur dusri 7 sookhi. Aey darbariyon! Mere khwab ka jawab do agar tumhein khwab ki tabeer aati ho, bole pareshan khwabein hain aur hum khwab ki tabeer nahin jaante”.

Rab ta’ala ka qanoone qudrat ye hai ke jab kisi cheez ka iraada farmata hai to uske liye asbaab paida farmata hai Yusuf alaihissalam ko bhi jab qaid se nikaal ne ka iraada farmaya to iska sabab ye paida farmaya ke misr ke badshah riyaan ne khwab dekha ke “Saat moti taazi gaayein ek khushk nehar se nikli aur saat hi laaghar gaaye moti gaaye ko kha gai aur usne dekha ke saat baaliyan jo daanon se bharpoor aur sabz hain aur saat dusri khushk ko dekha jo sabz par lipat kar un par ghaalib aa gai”. Badshah ne apne darbaari, kaahinon, najoomiyon ko jama karke unse khwab ki tabeer puchhi unhone kaha agar khwab mein koi tarteeb hoti jo waqiyaat ki nishan dehi karti to hum tabeer batate ye khwab to bila tarteeb hain inmein ikhtelaat wa izteraab paaya gaya hai isliye ye paraganda khyalaat hain inki tabeer kuchh bhi bayan nahin ho sakti lekin badshah bahut zyada pareshan tha ke kamzor ka taaqatwar par ghaalib aa jaana aur khushk ka sabz par ghaalib aa jaana yaqeenan kisi khatra ki alaamat hai.

Badshah ki pareshani ko dekh kar us saabiq qaidi ko yaad aaya jise hazrat Yusuf alaihissalam ne farmaya tha ke too najaat payega usne farmaya mujhe qaid khane mein bhejo wahan ek aalim shakhs hai wo is khwab ki tabeer bayan karega to main wapas aakar tumhein bata dunga wo shakhs aap alaihissalam ke paas aakar badshah ke khwab ki tabeer puchh ne laga.

Ek dusri riwayat ke mutabiq ye ek aur shakhs tha jisne Yusuf alaihissalam ka charcha sun rakha tha. Badshah ke khwab bayan karne aur pareshani ko dekh kar kuchh waqt baad usey yaad aaya ke qaid khana mein us shakhs ke paas ja kar puchhu jiske mutalliq mashhoor hai ke wo khwabon ki tabeer sahi bayan karta hai. SubhanAllah! Maqaame Nabi kitna buland hai? Jab saail ne tabeer puchhi to usey ye na kaha ke saat saal baad meri kaisi yaad aa gai aur ye bhi na kaha ke pehle badshah ko kaho ke mujhe be gunaah qaid mein daala hua hai aakhir iski wajah kya hai? Mujhe pehle qaid khane se nikaalo to tabeer bataoga? Nahin nahin, saabir shaakir Nabi ne koi shart na lagai aur na hi us shakhs ko ta’ana diya.

142 AZKIRATUL AMBIYA Hazrate yaqoob wa yusuf

Badshah ke khwab ki tabeer hazrat Yusuf alaihissalam bayan karte hain

“Aap ne farmaya ke tum kaasht karoge saat saal tak lagataar to jo tum katoge usey rehne do khoshon (baaliyon) mein, magar thoda sa (zarurat ke liye nikaal lo) jise tum kha lo, phir aayenge is (khushhaali) ke baad saat saal bahut sakht kha jayenge jo zakheera tumne pehle jama kar rakha hoga unke liye thoda sa jo tum mehfooz kar loge, phir aayega is arsa baad ek saal jismein baarish barsaai jayegi logon ke liye aur us saal wo (phalon) ka ras nikalenge”.

Yusuf alaihissalam ne khwab ki tabeer bhi bayan ki ke saat saal ghalla tumhein aam dastoor ke mutabiq haasil hoga phir saat saal qehat hoga baarish nahin hogi ye qehat wale saal pehle saalon ke jama shuda ghalla ko khatm kar denge iske baad phir ek saal khushhaali ka daur daura hoga baarishein kaseer hongi jinki wajah se angur zaitun ganne aur til waghaira ki kaseer paidawaar hogi jinse tum ras nikaloge aur baaz se tel nikaloge.

Yusuf alaihissalam ne khwab ki tabeer bayan ki aur sath sath uske liye aehtiyaati tadaabeer bhi bayan ki ke pehle saat saalon ke paida hone wale ghalla ko be daregh istemaal na karna sirf itna ghalla saaf karna yaani bhoosa aur daanon ko itni miqdaar mein alag karna jisse tumhari zaruriyaat poori ho sakein baaqi ghalla baaliyon mein hi rehne dena, isse kharch mein aehtiyaat hogi aur daane keede makode se bhi mehfooz rahenge.

Badshah ka Yusuf alaihissalam ko bulana aur aapka inkaar

“Aur badshah ne kaha unhe mere paas le aao to jab qaasid inke paas aaya aapne kaha apne badshah ke paas wapas ja phir usse puchh kya haal hai un auraton ka jinhone apne hath kaate the beshak mera Rab unka fareb jaanta hai badshah ne kaha aey auraton! Tumhara kya maamla hua jab tum ne Yusuf alaihissalam ko apni taraf maa’il karna chaha tha? Unhone kaha Allah ki paaki hai humne unmein koi bady (burai) nahin paai. Azeez ki beewi boli! Ab asli baat khul gai maine unko apni taraf maa’il karna chaha tha aur beshak wo sachhe hain, Yusuf alaihissalam ne kaha ye maine isliye kiya ke azeez ko maloom ho jaaye ke maine peeth pichhe uski khyanaat nahin ki Allah dagha baazon ka makr nahin chalne deta”.

Hazrat Yusuf alaihissalam ka sabr dekhiye ke 12 saal qaid rehne ke bawajood jab qaid khana se nikalne ka paigham milta hai to aap khushi se jaldi nikalne ke bajaye inkaar karte huye ye kehte hain ke pehle maamla ki chhaan been kar lein phir main qaid khana se baahar aaonga. Agar aap jaldi se baahar aa jaate to aen mumkin tha ke badshah ke dil mein is tohmat ke haq hone ka waswasa baaqi rehta, waqiya ki tehqeeq ke baad badshah ko yaqeen ho gaya auraton ne aapki paak daamni ka waazeh ailaan farma diya. Azeez ki zauja jisne abhi tak iqbaale jurm nahin kiya tha ab wo bhi apni ghalti aiteraaf karte huye aapko paak daaman aur sachha kehne lagi is tarah badshah par ye haqeeqat khul kar saamne aa gai ke aap sachhe hain. Nabi Kareem ﷺ ne farmaya:

“Agar main Yusuf alaihissalam ki tarah zyada der qaid khana mein rehta to daawat dene wale ki daawat qabool kar leta”.

Yaad rahe ke Nabi Kareem ﷺ ne hazrat Yusuf alaihissalam ki tareef farmai lekin isse ye saabit

143 AZKIRATUL AMBIYA Hazrate yaqoob wa yusuf

nahin ho sakta ke agar Nabi Kareem ﷺ us maqaam par hote to maaz’Allah sabr na karte balki fauran baahar aa jaate ye ek ba muhawara kalaam hai, aajizaana kalaam mein haqeeqat ka bayan nahin hota. Hazrat Mulla Ali Qaari rahmatullahi ta’ala alaihi tehreer farmate hain “Ibne malik ne kaha jaan lo beshak is hadees paak mein Nabi Kareem ﷺ ne apni pareshani aur sabr ki kami ka zikr nahin kiya balki ismein hazrat Yusuf alaihissalam ki madah ki gai hai ke aapne jaldi nikalna pasand na farmaya taaki badshah ke dil se ye baat nikal jaaye jo aap par burai ki tohmat lagai gai thi yaani badshah ko pata chal jaaye ke aap par ghalat tohmat lagai gai thi aur wo aapko shak ki nigaah se na dekhe”.

Faayda: Badshah ne kaha unko mere paas le aao aur iski wajah ye thi ke usey jab maloom hua ke aap bade sahib e ilm hain to usne kaha aisa sahib e ilm qaid mein rahe ye kaise ho sakta hai? Usse ilm ki fazeelat haasil hui ke ALLAH TA’ALA ne aapke ilm ko dunya mein masaib se chhutkara haasil karne ka zariya banaya to ye kaise ho sakta hai ke deeni uloom aakhirat ki mushkilaat se chhutkara dilane ka zariya ban sakein?

Qaid khana se nikal kar wazeere khazana aur wazeere aazam

“Aur badshah ne kaha unhein mere paas le aao ke main unhein khaas apne liye chun loo phir jab unse baat ki kaha beshak aaj aap humare haan muazzaz muatamid hain Yusuf alaihissalam ne kaha mujhe zameen ke khazanon par kar de, beshak main hifazat wala ilm wala hoon aur yoon hi humne Yusuf alaihissalam ko is mulk par qudrat bakhshi ismein jahan chahe rahe hum apni rehmat jise chahein pahunchaye aur nekon ki nekiyan zaaya nahin karte aur beshak aakhirat ka sawab unke liye behtar jo imaan laaye aur parehezgaar rahe”.

Badshah ne muazzezeen ki ek jama’at, behtareen sawariyan aur shahaana saaz wa samaan aur nafees libaas dekar qaid khana bheji taaki hazrat Yusuf alaihissalam ko nihayat tazeem wa takreem ke sath aewaane shaahi mein laayein un logon ne hazrat Yusuf alaihissalam ki khidmat mein haazir hokar badshah ka paigham arz kiya aapne qabool farmaya qaid khana se nikalte waqt qaidiyon ke liye dua farmai. Jab qaid khana se baahar tashreef laaye to uske darwaze par likha “Ye musibaton ka ghar hai zinda logon ke liye qabr hai aur dushmanon ki badgoi balki unke liye khush hone ka maqaam hai aur sachhon ke imtehan ki jagah hai” phir ghusl kiya, aala libaas pehna aur shaahi mahallaat ki taraf rawana huye jab qila ke paas pahunche to farmaya “Mera Rab kaafi hai uski paanah badi aur uski sana bartar aur uske siwa koi mabood nahin” phir qila mein dakhil huye badshah ke saamne pahunche to ye dua ki “Aey mere Rab tere fazl se uski bhalai talab karta hoon aur uski aur dusron ki burai se teri panaah chahta hoon”.

Jab badshah se nazar mili to aapne arabi mein salaam farmaya badshah ne puchha ye kaun si zabaan hai to aapne farmaya ye mere chacha hazrat Ismail alaihissalam ki zabaan hai phir aapne ibrani zabaan mein dua ki usne phir puchha ye kaun si zabaan hai aapne farmaya ye mere abba jaan hazrat Yaqoob alaihissalam ki zabaan hain badshah donon zabaanein nahin samajh saka bawajood ye ke wo 70 zabaanein jaanta tha, phir usne jis zabaan mein hazrat se guftagu ki aapne usi zabaan mein usey jawab diya. Us waqt aapki umr 30 saal thi is umr mein ye wus’at e uloom dekh kar badshah

144 AZKIRATUL AMBIYA Hazrate yaqoob wa yusuf

ko bahut hairat hui aur usne aapko apne barabar jagah di badshah ne darkhwast ki ke hazrat uske khwab ki tabeer apni zabaanein mubarak se suna dein.

Hazrat Yusuf alaihissalam ne uske khwab ki poori tafseel bhi suna di jis shaan se usne khwab dekha tha halanki pehle ijmaali taur par khwab bayan kiya gaya tha. Us par badshah ko bahut taajjub hua kehne laga aapne mera khwab hu ba hu farma diya, khwab to ajeeb tha hi magar aapka is tarah bayan farma dena zyada ajeeb hai, Ab aap tabeer bhi bayan farma dein.

Aap ne tabeer farmane ke baad farmaya ke ab laazim ye hai ke ghalle jama kiye jayein aur in farakhi ke saalon mein kasrat se kaasht karai jaaye aur ghalle unke khoshon mein jama kar liye jayein aur riyaaya ki paidawaar se paanchwa hissa liya jaaye usse jo jama hoga wo misr aur misr ke atraaf ke logon ke liye kaafi hoga aur phir Allah ki makhlooq har taraf se tere paas ghalla khareed ne aayegi aur tere yahan itne khaza’in wa amwaal jama honge jo tujh se pehlon ke liye jama na huye. Badshah ne kaha iska intezaam kaun karega? Aapne farmaya zameen ke khazane mere hawale kar de main unki hifazat bhi karunga aur ALLAH TA’ALA ke diye huye ilm se unka behtar intezaam karunga. Badshah ne samajh liya tha ke aapse zyada is mansab ke laayaq aur koi nahin ho sakta isliye usne aap ke irshad ke mutabiq aapko tamam khaza’in ka wazeer muqarrar kar diya.

Masail: Ahadees mein طلب امارۃ (hukoomat) ki mumanat aai hai lekin iska matlab hai ke jab mulk mein is mansab ke ahel kai log maujood ho’n aur ahkaame ilaahi ko qaa’im karna kisi ek shakhs ke sath qaa’im na ho us waqt hukoomat talab karna makrooh hai lekin jab ek hi shakhs ahel ho to usko ALLAH TA’ALA ke ahkaam qaa’im karne ke liye hukoomat talab karna jaiz hai balki wajib hai, hazrat Yusuf alaihissalam usi haal mein the aap Rasool the qaum ki maslehaton ko jaante the aapko maloom tha ke shadeed qehat hone wala hai jis mein Allah ki makhlooq ko aaram aur aasaish pahunchane ka yehi tareeqa hai ke hukoomat ko apne hath mein le liya jaaye isliye aapne hukoomat talab ki.

Mas’ala: Zaalim badshah ki taraf se agar isliye ohda talab kiye jayein taaki insaaf kiya jayega to ye jaiz hai agar qaumi khazana Loothne ke liye ohda qabool kiya ya kisi par zulm karne ke liye ya inteqami kaarwai karne ke liye to ye haraam hai isko rehman ka fazl na samjha jaaye balki shaitan ka jaal samjha jaaye.

Mas’ala: Agar kafir ya faasiq badshah ke hukoomat mein shareek karne ke baghair deen ke ahkaam ko jaari na kiya ja sake to kafir wa faasiq ki hukoomat mein shareek hona jaiz hai aur isse sirf deeni ahkaam ki tarweej ke liye imdaad lena jaiz hai zaalimon ke sath shareek hokar zaalim ban jaana deen islam se baghaawat hai.

Mas’ala: Apni khoobiyan fakhr aur takabbur ki wajah se bayan karna jaiz nahin albatta dusron ko nafa pahunchane aur makhlooq ke huqooq ki hifazat karne ke liye agar zarurat darpesh aaye to apni khoobiyan aur apne kamalaat bayan karna jaiz hai isi wajah se Yusuf alaihissalam ne farmaya ke main sahib e ilm aur hifazat karne wala hoon.

Yusuf alaihissalam ki taajposhi

Ek saal baad badshah ne hazrat Yusuf alaihissalam ko bula kar aapki taajposhi ki aur talwaar aur mehar aapke saamne pesh ki aur aapko talai takht par takht nasheen kiya jo jawaheraat se marassa tha aur apna mulk aapke supurd kar diya lekin taaj aapne ye keh kar wapas kar diya ke ye mera

145 AZKIRATUL AMBIYA Hazrate yaqoob wa yusuf

aur mere aaba ka libaas nahin albatta anguthi jo bataur muhar istemaal hoti thi usey aur takht ko aapne qabool kar liya ke takht ke zariye tumhari saltanat ko mazboot karunga aur muhar ke zariye tumhare umoor ki tadbeerein sar anjaam dunga. Azeeze misr ko mazool karke aapko uski jagah “vaali” banaya aur tamam khaza’in aapke supurd kar diye aur saltanat ke tamam umoor aapke hath mein de diye aur khud ek taabea ki haisiyat mein ho gaya, aapki raay mein dakhal nahin deta tha aur aapke hukm ko maanta tha is tarah aap wazeere aazam ban gaye tamam ikhtiyaraat ke maalik ban gaye.

Aapki hukoomat ke asraat

Aapne adal wa insaaf ki buniyadon par apni hukoomat ko qaa’im kiya isiliye aapki hukoomat din ba din mazboot tar hoti chali gai tamam mardon aur auraton ke dilon mein aapki muhabbat paida hui aur aapne qehat saali ke aane wale dinon ke liye ghallon ke zakheere jama karne ki tabeer farmai iske liye bahut wasee aur aalishaan ambaar khane (store) tameer karaye aur bahut kaseer zakha’ir jama kiye.

Jab farakhi ke saal guzar gaye aur qehat ka zamana aaya to aapne badshah aur uske khuddam ke liye rozana sirf ek ek waqt ka khana muqarrar farmaya. Ek roz dopehar ke waqt me badshah ne hazrat se bhookh ki shikayat ki aapne farmaya qehat saali ki ibteda ka waqt hai kyun ke pehle saal mein logon ke paas zakheere the sab khatm ho gaye bazaar khaali ho gaye choonki qehat ke saare zamana mein aapne khud bhi kabhi sair hokar khana nahin khaya tha. Waaqif haal logon ne aapki khidmat mein arz kiya ke itne kaseer khazanon ke maalik hokar bhi aap bhooke rehte hain? Aap alaihissalam ne farmaya is andesha se ke sair ho jao to kahin bhook ko na bhool jao. SubhanAllah kya pakeeza akhlaaq hain aapke, in pakeeza akhlaaq ki wajah se hi badshah bhi ek waqt ke khane par Kifayat kar raha tha usne bhi aapke jawab par koi mazaahemat nahin ki.

Tamam ahle misr hazrat Yusuf alaihissalam se ghalle khareedne lage tamam daraahim wa deenar yaani unka naqdi maal wa daulat hazrat Yusuf alaihissalam ke paas jama ho gaya, dusre saal unhone apne zewraat aur jawaahar se ghalla khareeda is tarah un tamam logon ke tamam zewraat wa jawaahar aapke paas aa gaye, teesre saal apne janwar dekar ghalla khareeda yahan tak ke misr mein koi shakhs kisi janwar ka maalik na raha tamam janwar bhi aapki milkiyat mein aa gaye, chauthe saal apne ghulaam aur laundiyan dekar ghalla haasil hua, paanchwe saal tamam jaageerein aur aaraazi dekar aapse ghalla khareeda us saal misr ke logon ke paas siwaye apni jaan aur aulaad ke kuchh bhi baaqi na raha tha tamam milkiyat hazrat Yusuf alaihissalam ke paas aa chuki thi, chhathe saal jab unke paas aur kuchh na bacha to unhone apni aulaad aapke paas ghulaam ke taur par dekar ghalla haasil kiya aur saatwe saal to wo log khud ghalla haasil karne ke liye aapki ghulamiyat mein aa gaye. Misr mein mardon aur auraton mein se koi shakhs bhi aisa na tha jo aapki ghulamiyat mein na aaya to tamam logon ki zabaan par tha ke hazrat Yusuf alaihissalam jaisi azmat wa jalaalat kisi badshah ko mayassar nahin aa saki.

Hazrat Yusuf alaihissalam ne badshah ko kaha ke tum ne dekh liya ALLAH TA’ALA ka mujh par kaisa karam hai? Usne mujh par aisa ahsaane azeem farmaya, ab unke haq mein teri kya raay hai? Badshah ne kaha jo aapki raay hai hum to aapke taabea hain aapne farmaya main ALLAH TA’ALA ko gawah bana kar aur tumhein gawah bana kar ye ailaan karta hoon ke main tamam ahle misr ko aazaad kar raha hoon aur unki tamam milkiyat aur jaageerein unhein wapas kar raha hoon.

146 AZKIRATUL AMBIYA Hazrate yaqoob wa yusuf

Tamam logon ko aap ke ghulaam aur kaneezein banane mein ALLAH TA’ALA ki hikmat ye thi ke kisi ko ye kehne ka mauqa na ho ke hazrat Yusuf alaihissalam ghulaam ki shaan mein aaye the aur misr ke ek shakhs ke khareede huye the kyun ke ab to misr ke tamam misri aapke khareede huye aur aazaad kiye huye the un par zaahir karna tha ke aazaad shakhs kisi majboori se ghulamiyat mein aane se darhaqeeqat ghulaam nahin banta jaise wo log haqeeqat mein ghulaam nahin bane the sirf un par ghulaam hone ki ek haisiyat qaa’im ki gai thi ke aapki shaan mein koi harf na keh sakein.

Azeeze misr ki zauja ki muraad ka poora hona

Badshah ne pehle wazeere aazam yaani azeeze misr (jiska naam Qatfeer tha) ko mazool kar diya tha baad mein wo jald hi faut ho gaya tha uski zauja jisne aap alaihissalam ko apni taraf maa’il karne ki koshish ki thi lekin wo nakaam rahi aur aap paak daaman rahe pehle bachha ki gawahi se aap bari uz zimma ho chuke the lekin qaid khana se nikalne par usne bhi khule dil se apni ghalti ka aiteraaf kar liya tha aap ko sachha kehne lagi thi.

Azeeze misr ki maut ke baad badshah ne us aurat ka nikah hazrat Yusuf alaihissalam se kar diya aapne mulaqaat par usey ye kaha kya ye behtar nahin usse jo too mutaalba kar rahi thi? Yaad rahe azeeze misr choonki namard tha isliye wo abhi tak baakera thi, muhabbat usey sirf Yusuf alaihissalam se thi wo koi badkaar nahin thi us aurat se hazrat Yusuf alaihissalam ke do bete paida huye ek ka naam “ifraim” aur dusre ka naam “maisha” tha.

Tambeeh: “Azeez ki zauja ka naam Zulekha tha naam ko sarahatan nahin zikr kiya gaya kyun ke aurat ka aam taur par bila maqsad naam lena behtar nahin parda zyada munasib hota hai aur ismein adab ki taleem bhi di gai hai goya ke ALLAH TA’ALA farmata hai adab ka tareeqa ye hai ke koi shakhs apni zauja ka naam lekar na pukare balki aise alfaaz se pukare jinmein waazeh taur par naam zikr na ho. Quran paak mein kisi aurat ka naam zikr nahin kiya gaya siwaye hazrat Maryam ke” unka naam bhi sirf is wajah se zikr hua ke log unhein (maaz’Allah) ALLAH TA’ALA ki zauja kehte the to unka naam Rab ta’ala ne zikr karke unka radd kiya agar meri zauja hoti main uska naam zikr na karta.

Pehle humne apne ilaaqa mein ye dekha ke koi shakhs bhi apni zauja ka naam nahin liya karta tha bachhe ka naam lekar uski waalida ya bhai ka naam lekar uski behan kehta waghaira lekin aaj kal zauja ka naam lena bhi fashion ka hissa ban gaya hai. Aurat ka kitna adab kitna ahteraam shari’at ne bataya? Maine auraton ke huqooq par tafseeli behas apni kitab “Islam mein aurat ka maqaam” mein bayan kiya hai. Modern aurat kisi aur mazhab mein in huqooq ka tasawwur bhi nahin kar sakti jo shari’at e mutahhera ne diye hain.

Ghalla lene ke liye aapke bhaiyon ka jaana

“Aur ek roz aa nikle biradaraane Yusuf (alaihissalam) aur unki khidmat mein haazir huye so aapne unhein pehchan liya lekin wo aapko na pehchan sake so jab muhayya kar diya unke liye unki (rasad wa khuraak) ka samaan to farmaya (dobara aao) to le aana mere paas apne pedari bhai ko kya nahin dekhte ke main kis tarah paimana poora bhar kar deta hoon aur main kitna behtar mehmaan nawaz hoon aur agar tum usey na le aaye mere paas to sun lo koi paimana tumhare liye mere paas nahin hoga

147 AZKIRATUL AMBIYA Hazrate yaqoob wa yusuf

aur na tum mere qareeb aa sakoge wo bole hum zarur mutaalba karenge uske bhejne ke mutalliq uske baap se aur hum zarur aisa karenge”.

Kan’aan ka ilaaqa bhi us qehat ki zad mein tha aur logon ki tarah hazrat Yaqoob alaihissalam ke farzandon ne bhi baar bardaari ke maweshi liye aur misr ka rukh kiya kyun ke ghalla ki taqseem ka sab kaam hazrat Yusuf alaihissalam ki nigraani mein ho raha tha isliye wo aap ki khidmat mein haazir huye aur apni majbooriyon ka izhaar karke ghalla ke liye darkhwast ki. Hazrat Yusuf alaihissalam se unki mulaqaat agarche bahut saalon baad hui thi lekin aapne dekhte hi apne bhaiyon ko pehchan liya magar wo aap ko na pehchan sake aur bechare pehchante bhi to aakhir kyun? Unke weham wa gumaan mein bhi ye nahin aa sakta tha ke shahaana libaas mein malboos zar nigaar kursi par baitha hua jiske hukm ki tameel ke liye saikdon hazaron mulaazim dast basta khade hain ye wo Yusuf hai jisko arsa hua unhone ek tareek kunwey mein phenka tha aur phir sirf 20 khote dirhamon ke badle mein qaafila ke hath farokht (bech) kar diya tha.

Hazrat Yusuf alaihissalam ne apne jazbaat ko beqabu na hone diya, ek ajnabi ki haisiyat se unke ghar ke haalat daryaft kiye aur unhi ki zabaani ye bhi pata chal gaya ke unka ek aur bhai hai jise wo ghar chhod aaye hain (agarche aap khud bhi apne bhai ko jaante the.) Aapko khud to apne aapko abhi zaahir nahin karna tha jab ALLAH TA’ALA ko hukm dena tha usi waqt zaahir karna tha isliye abhi ajnabi ki soorat mein tamam kalaam ho raha tha unhone apne waalid aur bhai ka hissa bhi talab kiya tha kyun ke hazrat Yusuf alaihissalam ek shakhs ko ek unt ka bojh ghalla dete the. Aapne unse puchha ke tumhare waalid aur bhai ke na aane ki kya wajah hai? To unhone bataya ke humare baap boodhe hain wo to aane ki taaqat hi nahin rakhte albatta humara chhota bhai baap ki khidmat guzaari ke liye ghar reh gaya hai aapne farmaya is martaba to main unka ghalla bhi tumhein de raha hoon lekin aainda tum apne bhai ko bhi sath laana, kya tum dekhte nahin ho main kitna shafeeq aur meharban aadil hoon ke paimane bhar bhar kar deta hoon aur kitna bada mehmaan nawaz hoon lekin ye bhi khayaal rakhna ke agar aainda tum apne bhai ko sath na laaye to tumhein ghalla nahin milega.

Yusuf alaihissalam ne bhaiyon ki raqam wapas kar di

“Aur aapne farmaya apne ghulamon ko ke chupke se rakh do inki poonji inki khurjiyon mein shayad ke wo usey pehchanein jab apne ghar ki taraf laut kar jayein shayad wo wapas aayein”.

Hazrat Yusuf alaihissalam ne bhaiyon ko poonji lauta di thi uski wajah ye thi

“Ke jab samaan kholege to poonji usmein dekh kar wapas aayenge kyun ke wo Nabi ke bete hain imaan wale hain aur wo wapas lautana apni zimmedari samajhte huye aayenge”.

“Fura ne kaha ke poonji wapas karne ki wajah ye thi ke jab wo apni poonji ko apne samaan mein mushaheda karenge to unke dil mein ye aayega ke shayad unhone bhool kar na rakh diya ho wo haqeeqat e haal ka pata lagane ke liye wapas aayenge ya wo maal wapas lautane ke liye aayenge kyun ke wo Ambiya ki aulaad hain”.

Dusri wajah ye thi ke aap ko ghar ke haalat ka pata chal gaya tha to aapki shaan ke laayaq nahin tha ke aap apne bhaiyon aur waalid mukarram se raqam lekar ghalla dein.

148 AZKIRATUL AMBIYA Hazrate yaqoob wa yusuf

“Isliye ke aap aadil badshah the aur aapke bhai imaan wale the aur khandaan e nubuwat se the aap par waajib ho chuka tha ke aap apne aqraba se sila reham karein aur mushkil haalat mein unka hath bathayein”.

Chhote bhai ko sath le jaane ki baap ke huzoor darkhwast

“Aur jab unhone apna samaan khola apni poonji paai ke unko lauta di gai hai bole aey humare baap ab hum aur kya chahein ye hai humari poonji ke humein wapas kar di gai hai aur hum apne ghar ke liye ghalla laayein aur apne bhai ki hifazat karein aur ek unt ka bojh aur zyada paayein ye dena badshah ke saamne kuchh nahin. Kaha main hargiz ise tumhare sath nahin bhejunga jab tak tum mujhe Allah ka ye ahed na de do ke zarur ise lekar aaoge magar ye ke tum ghere mein aa jao phir jab unhone Yaqoob alaihissalam ko ahed diya Allah ka zimma hai in baaton par jo hum keh rahe hain”.

Yaqoob alaihissalam ke beton ne aapki khidmat mein arz kiya ke misr ke badshah ne humare sath bahut achha sulook kiya hai humari poonji wapas kar di hai ummeed hai ke wapas nahin lega agarche humein jakar pata karna hai ke wapas karne ka sabab kya hai? Lekin agar hum chhote bhai buniyaamin ko sath na le gaye to humein ghalla nahin milega isliye humare sath bhai ko bhej do hum iski hifazat karenge.

Aap (Yaqoob) alaihissalam ne farmaya ke tum ne to pehle Yusuf ki zimmedari bhi uthai thi tawajjo talab maqaam ye hai ke aapne beton ka haal dekha hua tha phir buniyaamin ko sath bhejne ka faisla kyun kiya? Iski wajah ye thi ke ab wo badi umron ke ho chuke the, neki ki taraf maa’il ho chuke the aur hazrat Yusuf alaihissalam ki tarah buniyaamin se hasad keena bhi nahin rakhte the, qehat ki wajah se ghalla laane ki muhtaaji bhi thi aur Yusuf alaihissalam ne buniyaamin ke baghair ghalla dene se bhi inkaar kar diya tha isliye aapne sath bhejne ka faisla kiya lekin sabse badi wajah ye thi ke ALLAH TA’ALA ne “wahi” ke zariye aapko bata diya tha ke aap sath bhej dein main iski hifazat karunga aur aap tak ise wapas pahuncha doonga isi wajah se aap ne farmaya “To Allah sabse behtar nigehbaan aur wo har meharban se badh kar nigehbaan hai”.

Baaz hazraat ne kaha ke aapke is irshad ka matlab ye the “Ke maine pehle tumhare qaul par bharosa kiya tha ke tum Yusuf alaihissalam ki hifazat karoge usmein jo hua so hua ab main tumhari baaton ka to koi aitbaar nahin karta ke tum buniyaamin ki hifazat karoge albatta main ALLAH TA’ALA ki hifazat mein de kar tumhare sath bhej deta hoon”. Maqsad yehi tha ke ALLAH TA’ALA ki taraf se ba zariye “wahi” aap (Yaqoob) alaihissalam ko wasooq dilaya gaya tha ke main iska muhaafiz hoon.

Beton ko bhejte waqt Yaqoob alaihissalam ki ahteyaati tadaabeer

“Aur kaha aey mere beton ek darwaze se na dakhil hona aur juda juda darwazon se jaana aur main tumhein Allah ki taqdeer se nahin bacha sakta. Hukm to sab Allah hi ka hai maine usi par bharosa kiya aur bharosa karne walon ko usi par bharosa karna chahiye aur jab wo dakhil huye jahan se unke baap ne hukm diya tha aur wo kuchh unhein Allah ki taqdeer se na bacha sake haan Yaqoob ke nafs mein ye ek

149 AZKIRATUL AMBIYA Hazrate yaqoob wa yusuf

khwahish thi jo usne poori kar li aur beshak wo sahibe ilm hai humare sikhaye se magar aksar log nahin jaante”.

Hazrat Yaqoob alaihissalam ne nazre-bad se bachne ke liye ahteyaati tadaabeer ke taur par unhein farmaya ke ek darwaze se dakhil na hona balki shehar ke mukhtalif darwazon se dakhil hona taaki tumhein nazar na lag jaaye kyun ke tamam bade qad aawar bahadur aur khubsoorat the aur tadad bhi khaasi yaani 11 bhai the tamam mutqaddemeen mufassereen ka is par ittefaaq hai ke aayate kareema se muraad yehi hai.

Faayda: Nazar ke asraat ka haq hona aur unse bachao ke liye dua’iya kalimaat ahadees e mubaraka se saabit hain.

Rasoolullah ﷺ Hazrat Imaan Hasan wa Imaam Husain radiallaho ta’ala anhuma ko in alfaaze mubaraka se dam farmaya karte the:

ٍم ّ َ ة ا ُ عِی ْ ذ ُ ك ُ م َ ا ب َِك َ ِم َ اتِ هّٰللاِ الت ّ َ ام ّ َ ةِ مِ ْ ك ُ ّ ِ ش َ ي ْ ط َ انٍ و ّ َ ه َ ام ّ َ ةٍ و ّ َ مِ ْ ك ُ ّ ِ ع َ ْي ْ ٍ ٓل ّ َ

In kalimaat se hi hazrat Ibrahim, hazrat Is’haaq aur hazrat Yaqoob alaihissalam bhi dam kiya karte the.

Hazrat Ubaada bin Saamit radiallaho ta’ala anhu kehte hain main Nabi Kareem ﷺ ki khidmat mein subah haazir hua aapko shadeed takleef thi phir main pichhle pehar haazir hua to maine dekha ke aapko aaram hai aap ﷺ ne farmaya mere paas Jibreel aaye the unhone alfaaz taiyaba se dam kiya:

َ ب ِس ْ مِ هّٰللاِ ا َ ر ْ قِی ْك َ مِ ْ ك ُ ّ ِ َش َ ْ ءٍ ّي ّ ُ ْ ذِي ْ ك َ و َمِ ْ ك ُ ّ ِ ع َ ْي ْ ٍ ح َ اسِدٍ ا َ هّٰلل ُ ي َ ش ْ فِی ْك

to ALLAH TA’ALA ne mujhe shifa ata farma di.

Hazrat Ja’afar bin Abi Taalib radiallaho ta’ala anhu ke bachhe khubsoorat safed rang ke the, hazrat Asma radiallaho ta’ala anhu ne arz kiya Ya Rasoolallah ﷺ in bachhon ko jaldi nazar lag jaati hai agar aap ijazat farmaye to main inhein nazar ka dam kar diya karu? To aapne farmaya haan yaani theek hai tum inko dam kar diya karo.

Hazrat Umme Salma radiallaho ta’ala anha ke ghar Nabi Kareem ﷺ tashreef le gaye dekha ke ek bachha ko bahut takleef hai unhone arz kiya Ya Rasoolallah! Ise nazar lag gai hai to aap ﷺ ne farmaya ke tum ise dam kyun nahin karate?

Nabi Kareem ﷺ ne farmaya “Nazar haq hai agar koi cheez taqdeer se sabqat le ja sakti to nazar ka asar sabqat le jaata”.

Hazrate Aaisha radiallaho ta’ala anha farmati hain Rasoolullah ﷺ us shakhs ko wuzu karne ka hukm farmate jiski nazar lagi ho phir wo paani jo uske indaam se girta usey us shakhs par daalne ka hukm dete jisko nazar lagi hoti.

Jis shakhs ko apne mutalliq ye khayaal ho ke uski nazar lagti ho to wo kisi cheez ko dekhe aur wo usey achhi lage to ye padhe:

ِه ُ م ّ َ ِب َ رِك ْ فِی ْ ه ت َ ب َ ار َ ك َ هّٰللاُ ا َ ح ْ س َ نُ اْل ْ َ الِقِْي ْ َ ا َ لل ّ ی

Nazar ka lagna ya isse bachao ki tadaabeer ye sab zaahiri asbaab hain haqeeqi muassir Allah ki zaate giraami hai.

Hazrat Yaqoob alaihissalam ne beton ko alag alag darwazon se dakhil hone ka hukm diya iski hikmat bayan karte huye Ibrahim Nakhai rahmatullahi ta’ala alaihi farmate hain ke wajah ye thi

150 AZKIRATUL AMBIYA Hazrate yaqoob wa yusuf

ke buniyaameen ki Yusuf alaihissalam se alahidgi (akele) mein mulaqaat ho jaaye kyun ke “Hazrat Yaqoob alaihissalam jaante the ke misr ka badshah aap ka beta Yusuf hai lekin aap ko ALLAH TA’ALA ne uske izhaar ki ijazat nahin farmai thi”. “Beshak insaan ke liye zaruri hai ke wo is aalam mein zaahiri asbaab ko haasil kare lekin insaan ko ye hukm bhi diya gaya hai ke wo yehi aqeeda rakhe ke asbaab bhi usi waqt muassar hote hain jab ALLAH TA’ALA ki marzi ho”. “Insaan ye bhi aqeeda rakhe ke kisi nuqsaan deh cheez se bachna aur door rehna taqdeer se najaat nahin de sakta lekin phir bhi insaan ke liye hukm yehi hai ke wo halaak karne wali cheezon aur nuqsaan dene wali cheezon se bache munaafa haasil karne mein jitna mumkin ho sake koshish kare aur nuqsaan deh ashiya se door rahe”.

Yehi wajah thi ke hazrat Yaqoob alaihissalam ne ye jaanne ke bawajood ke tamam cheezon mein muassire haqeeqi ALLAH TA’ALA hi hai lekin ALLAH TA’ALA ki marzi se hi zaahiri asbaab par amal kiya.

“Haq mazhab yehi hai ke insaan munaafa wa maqaasid ke haasil karne mein aur nuqsaan dene wali cheezon se bachne ki tadaabeer mein bahut zyada koshish kare jitni usey taaqat haasil hai ismein kotaahi na kare lekin apni taraf se bahut badi koshish karne ke baad yaqeen yehi rakhe ke munaafa ka haasil hona na hona zarar andaaz cheezon ka muassir hona ya na hona sab ALLAH TA’ALA ki taqdeer aur uski marzi par mauqoof hain ALLAH TA’ALA ke hukm aur uski hikmat ke mutabiq hain”.

Buniyaamin ki Yusuf alaihissalam se mulaqaat

“Aur jab pahunche Yusuf alaihissalam ke paas to Yusuf alaihissalam ne jagah di apne paas apne bhai ko usey farmaya main tumhara bhai hoon na ghamzada ho jo ye kiya karte the”.

Hazrat Yusuf alaihissalam ko jab maloom hua ke tamam bhai phir misr mein aaye hain ab apne sath buniyaamin ko bhi laaye hain to “Aapne unki badi izzat wa takreem ki, un ko shaahi mehmaan khanon mein rehne ki jagah ka hukm diya aur unki mehmaan nawazi bahut achhi tarah ki”.

Hazrat Yusuf alaihissalam ke bhaiyon ne aap se mulaqaat ke dauran bataya ye wo humara bhai hai jise aapne laane ka hukm diya tha hum sath liye aaye hain, aap (Yusuf) alaihissalam ne farmaya tum ne achha kiya hai ab mere paas bhi jo ghalla hai wo dene mein koi kasar nahin hogi. Bhaiyon ne aapko apne baap ka paigham bhi diya kyun ke Yaqoob alaihissalam ne beton ko alwida karte huye farmaya tha ke badshah ko mera salaam kehna aur ye kehna ke humare baap aapke liye dua kar rahe the, aap par rehmatein nichhawar kar rahe the aur aap ne jo humare sath sulook kiya hai wo iska shukriya ada karte hain aur sath hi isi mazmoon ka ek khat (letter) bhi diya khat ko padhte huye Yusuf alaihissalam aabdeeda ho gaye lekin apne jazbaat ko qaboo mein rakha taaki bhaiyon par kuchh baat zaahir na ho, Rab ta’ala ki taraf se abhi zaahir karne ka hukm nahin tha. Aapne apne bhaiyon ki daawat ki, ghulamon ko hukm diya ke dastarkhwan ko is tarah tarteeb diya jaaye ke do do bhai ek sath baithe is tarteeb se bithane par buniyaamin akele reh gaye rone lage aur kehne lage ke kaash aaj mera Yusuf zinda hota to mujhe sath bithata. Hazrat Yusuf alaihissalam ne bhaiyon ki taraf tawajjo karte huye farmaya tumhara ye bhai akela reh gaya hai unhone kaha iska saga bhai halaak ho gaya hai aap (Yusuf) alaihissalam ne farmaya achha main hi ise apne sath baitha

151 AZKIRATUL AMBIYA Hazrate yaqoob wa yusuf

leta hoon aapne buniyaamin ko dastarkhwan par apne sath baitha kar khana khilaya.

Phir aap (Yusuf) alaihissalam ne apne ghulamon ko hukm diya ke raat ko sone ke liye do do bhaiyon ko ek kamra de do aaram ke waqt aap alaihissalam ne farmaya aap ka ye bhai akela hai ise mere paas hi chhod jao main ise apne kamre mein sula leta hoon. Jab hazrat Yusuf alaihissalam ne dekha ke ye apne bhai par bahut afsos karta hai to aap alaihissalam ne farmaya “Kya tum ye pasand nahin karte ke tumhare faut shuda bhai ke badle mein hi tumhara bhai ban jao?” Buniyaamin ne rote huye kaha tumhare jaisa bhai kise milega yaani itne shafeeq aur meharban ho, wo shakhs kitna hi khush bakht hoga jise tumhare jaisa bhai mil jaaye lekin tum Raheel aur Yaqoob ke bete to nahin ho main to uske liye ro raha hoon jo mere baap aur meri maa’n ka beta tha. Aap ke riqqat aamez manaazir ko dekh kar Yusuf alaihissalam bhi rone lage uthe aur bhai ko gale laga liya, ab pehchan karane ka waqt aa chuka tha isliye apne bhai ko bataya “Beshak main hi tumhara bhai Yusuf hoon” donon bhaiyon ne ek dusre ko apne haalat se ba khabar kiya Yusuf alaihissalam ne apne bhai ko tasalli dete huye kaha “Na ghamzada ho jo ye kiya karte the”.

Asal mein Yusuf alaihissalam chahte the ke bhai ke dil mein dusre bhaiyon ke khilaaf zehan mein koi baat na rahe kyun ke aapke dil mein bhaiyon ke khilaaf koi adawat baaqi nahin thi, aap alaihissalam ka dil bhaiyon ke haq mein mukammal saaf ho chuka tha darasal ab bhai bhi wo jawani ki umr wale haasid ya zaalim nahin the balki wo bhi kaafi had tak nek ho chuke the, hazrat Yusuf alaihissalam to shuru se hi bhaiyon ke haq mein dua go the.

Buniyaamin ko paas rakhne ka heela (bahaana)

“Phir jab unko samaan muhayya kar diya pyaala apne bhai ki khorji mein rakh diya phir ek nida dene wale ne nida di aey qaafila wale beshak tum chor ho unki taraf tawajjo karke unhone kaha tumhari kaun si cheez gum (gayab) ho gai hai? Bole badshah ka pyaala nahin milta aur jo usey layega uske liye ek unt ka bojh hai aur main uska zaamin hoon. Unhone kaha, khuda ki qasam tumhein khub maloom hai ke hum zameen mein fasaad karne nahin aaye aur na hi hum chor hain, bole phir kya saza hai iski agar tum jhoote ho? Unhone kaha iski saza ye hai ke jiske asbaab mein mile wo hi uske badle ghulaam bane humare yahan zaalimon ki yehi saza hai. Pas talaashi leni shuru ki unke samaanon ki Yusuf alaihissalam ke bhai ki talaashi se pehle phir usey apne bhai ki khorji se nikaal liya humne Yusuf alaihissalam ko yehi tadbeer batai. Badshahi qanoon ke mutabiq unhein koi haq nahin tha ke wo usey apne paas rakhein magar ye ke ALLAH TA’ALA chahe hum jise chahein darjo buland karein aur har ilm wale se upar ek ilm wala hai”.

Jo pyaala buniyaamin ke samaan mein rakha gaya tha wo badshah ke ya janwaron ke paani peene mein istemaal hota tha aur isse ghalla naap ne ka kaam bhi liya jaata tha itna qeemati tha jisse chori ki khusoosi had naafiz ho sakti thi, wo pyaala hazrat Yusuf alaihissalam ke hukm se rakha gaya aap hi us waqt hukmaran the wo pyaala aapke zere tasarruf hi tha. “Beshak hazrat Yusuf alaihissalam ne wo pyaala khud nahin rakha tha balki aapne kisi khaadim ko hukm diya tha jisne wo rakha tha”.

Aapke hukm dene ki wajah se aapki taraf mansoob hua, ye pyaala buniyaamin ko bata kar unki marzi se rakha gaya tha isliye ke jab hazrat Yusuf alaihissalam ne unhein kaha bhi ke waalid

152 AZKIRATUL AMBIYA Hazrate yaqoob wa yusuf

mukarram pehle meri judai se pareshan hain to ab tumhari judai se aur zyada pareshan honge lekin wo phir bhi wahan rehne par bazid the hazrat Yusuf alaihissalam ne buniyaamin ko bataya ke agar tum yahan rehna chahte ho to ek hi heela hai ke tumhare samaan mein pyaala rakh kar uske badle tumhein yahan rakha jaaye.

“To buniyaamin ne razamandi ka izhaar kiya ke mere mutalliq jo bhi kaha jaaye mujhe manzoor hai lekin main yahan hi rahunga”.

Jis tarah humari shari’at mein chori ki had hath kaatna hai is tarah Yaqoob alaihissalam ki shari’at mein us shakhs ko maal ke badle ghulaam rakha jaata, misr ke badshahi qanoon mein chor ko maara jaata tha aur maal ke badle do guna (double) wasool kiya jaata tha.

Hazrat Yusuf alaihissalam ne ye heela hazrat Yaqoob alaihissalam ki shari’at ke mutabiq kiya aur wo bhi ALLAH TA’ALA ki masheeyat se kyun ke Rab ne khud farmaya “Ye heela humne Yusuf alaihissalam ko sikhaya”.

Aur jis shakhs ne aawaz dekar ye kaha tha ke agar koi shakhs wo pyaala dhoond kar layega to usey bataur inaam ek unt ka bojh diya jayega usne bhi aapke hukm se hi ye ailaan kiya tha “Uska ye aawaz dena hazrat Yusuf alaihissalam ke hukm se tha”.

Ahle misr jaante the ke ye qanoon misr ka nahin, hazrat Yusuf alaihissalam ka mansha bhi ye nahin tha ke bhaiyon ko chori ke ilzaam mein muttahim kiya jaaye isliye aapne apne khaadim ko sab kuchh bataya hua tha tamam kaam aapke hukm se ho raha tha. Jab Yusuf alaihissalam ke bhai ghalla lekar nikle to pichhe se unko pukaar kar kaha gaya aey qaafile walon! “Beshak tum chor ho” is kalaam ka matlab bhi zaahir par mabni nahin “Aawaz dene wale ne ye kalaam bataur istifahaam kiya?” Quran paak mein kai maqaam par aisa kalaam mazkoor hai jahan sirf istifahaam poshida hota hai, kehne wale ka matlab ye tha ke aey qaafila walon kya tum chor to nahin ho? Ye koi ilzaam nahin tha balki sawal tha agar qaafila walon par wo apni taraf se hi aakar un par ilzaam aa’id karte to unse puchh ne ka unhein kya ikhtiyar tha ke agar tum chor nikle to tumhari saza kya hai? Saza to unko misri qanoon ke mutabiq deni chahiye thi.

Buniyaamin ke samaan se pehle dusre bhaiyon ke samaan ko kholna bhi ittefaaqi nahin tha balki iraadatan tha. Allama Aalusi rahmatullahi ta’ala alaihi farmate hain “Tafteesh karne wale haqeeqat mein hazrat Yusuf alaihissalam ke as’haab yaani khuddam the jo aapke hukm se hi sab kaam kar rahe the dusre bhaiyon ke samaan ki tafteesh pehle hi ki gai thi ke agar sab se pehle buniyaamin ka samaan khola gaya to tohmat hum par aayegi aur tamam heela bekaar chala jayega”.

Jab Yusuf alaihissalam ke bhaiyon se puchha gaya kya tum chor to nahin to unhone jawab diya “Khuda ki qasam tumhein khoob maloom hai ke hum zameen mein fasaad karne nahin aaye aur na hi hum chor hain”. Aapke bhai qasam utha kar kyun ye na kehte jab ke ab wo nek the Yusuf alaihissalam ko kunwey mein phenkne wale zamana ki tarah nahin the wo bhi hasad ki wajah se hua warna us waqt bhi wo kisi ka maal nahin khate the aur tamam aamaal unke achhe the sirf Yusuf alaihissalam ko hasad ki wajah se kunwey mein phenkne wala jurm sarzad hua tha. Ab to unke ahwaal se waazeh tha ke wo kisi ke maal mein tasarruf nahin karte na kisi ka maal khate hain aur na hi logon ki khetiyon mein apne janwar chhodte hain yahan tak ke agar unka kisi kaasht shuda kheti se guzar hota to apne janwaron ke munh baandh dete the taaki wo kisi ki kheti ko barbaad na karein aur humesha neki

153 AZKIRATUL AMBIYA Hazrate yaqoob wa yusuf

ke kaamon mein mashgool rehte jin logon ki ye sifat ho’n wo kaise zameen mein fasaad phaila sakte hain khaas kar dusre mulk mein jahan unhein apni izzat ke paas rakhne ki zyada zarurat thi jab ke wo ye bata bhi chuke the ke hum ALLAH TA’ALA ke Nabi hazrat Yaqoob alaihissalam ke bete hain pehli dafa jab unki poonji unke samaan mein rakh kar wapas lauta di gai thi to wo usey wapas le aaye the bhala chor bhi aisa kaam kar sakta hai?

Pareshani mein bhaiyon ka kalaam

“Bhai bole! Agar ye chori kare to beshak isse pehle iska bhai chori kar chuka hai to Yusuf alaihissalam ne ye baat apne dil mein rakhi aur un par zaahir na ki, ji (dil) mein kaha tum badtar jagah ho aur Allah khoob jaanta hai jo baatein banate ho”.

Bhaiyon ko poore maamla ka koi ilm nahin tha ke Yusuf alaihissalam yehi hain jo misr ke badshah hain aur buniyaamin ko bata chuke hain aur inko apne paas rakhne ka sirf ye heela aur bahaana hai.

Buniyaamin ke samaan se jab pyaala nikla to Nabi ke beton par dusre mulk mein is qism ki badnaami ka kitna gehra asar hua hoga ye mohtaaje bayan nahin. Har insaan ki aqal kaam kar sakti hai ke aise waqt kitni pareshani laahiq hoti hai, insaan ko zameen wa aasmaan ek nazar aate hain muttaqi insaan ka sirf tohmat ki zad mein aana hi pareshan kun hota hai. Che jaaye ke dayaare ghair mein jahan log unhein firishta seerat samajhte ho’n wahan aisi musibat aa jaaye. Ye haqeeqat hai ke insaan bahut khushi mein aur bahut pareshani mein jo kalaam karta hai usmein aitedaal nahin hota sirf Nabi ka ye maqaam hai ke uska kalaam har waqt aitedaal par rehta hai. Bhaiyon ne samjha ke buniyaameen ne waqai chori kar li hai is par pareshan hokar aitedaal se door kalaam karte huye kaha ke isne chori kar li hai to iske bhai ne bhi ek martaba chori kar li thi.

Yusuf alaihissalam par chori ka ilzaam kaise?

Yusuf alaihissalam ka nana butt parast tha, aap ek martaba apne nana ka ek sone (gold) ka bana hua butt jo La’al wa Jawaahar se muzayyan tha utha laaye aur usey tod diya. Nana ke butt ko laane mein aapki waalida ka mashwara kaargar tha ke wo butt parasti chhod dein, aapka butt ko chupke se laana aur usey tod dena ibadat tha koi chori ka kaam nahin tha lekin ba zaahir aapki taraf chori ko mansoob kar diya gaya tha.

Dusri wajah ye bayan ki gai thi ke hazrat Yusuf alaihissalam apne phoophi ke zere kafaalat the jo Is’haaq alaihissalam ki aulaad mein sabse badi thi, wo aapse bahut zyada muhabbat karti thi itni muhabbat unhein khandaan mein kisi aur se nahin thi. Hazrat Yaqoob alaihissalam ne jab unse mutaalba kiya ke ab Yusuf alaihissalam ko mere hawale kar do to unhone kaha qasam hai ALLAH TA’ALA ki main ise apne aapse juda nahin kar sakti mere paas kuchh din rehne do main aahista aahista koshish karungi ke mujhe iske baghair tasalli haasil ho jaaye phir main inko tumhare hawale karungi. Jab hazrat Yaqoob alaihissalam chale gaye to unhone ek kamar band hazrat Yusuf alaihissalam ke kapdon ke nichhe aap se baandh diya, kamar band hazrat Is’haaq alaihissalam ka tha jo aapko badi hone ki wajah se bataur wiraasat mila tha.

Aapne farmaya mere baap ka kamar band gum ho gaya hai zara talaash karo kaun le gaya phir aapne kaha ghar mein hi talaash karo mumkin hai ghar ke kisi fard ne hi na le liya ho, daurane tafteesh wo hazrat Yusuf alaihissalam se mil gaya jo aapke kapdon ke nichhe aapse baandh diya

154 AZKIRATUL AMBIYA Hazrate yaqoob wa yusuf

gaya tha. Phir unhone hazrat Yaqoob alaihissalam ko kaha ke Yusuf alaihissalam ne mere baap ka kamar band le liya tha isliye ab ise mere paas hi rehna hoga is tarah wo apni poori zindagi hazrat Yusuf alaihissalam ko apne paas rakhne mein kamyaab ho gai thi aen mumkin hai ke Yaqoob alaihissalam bhi jaante ho’n ke meri badi behan ne Yusuf alaihissalam ko apne paas rakhne ka heela kiya hai lihaza unke paas hi rehne diya jaaye.

Hazrat Yusuf alaihissalam ne bhi is baat ko parde mein hi rakha kisi ke saamne zaahir na kiya isi tarah bhaiyon ke is kehne ko iske bhai ne bhi chori ki thi abhi kisi ko na bataya dil mein hi baat ko rakha abhi tak ye waazeh na kiya ke main Yusuf alaihissalam hoon aur buniyaamin ko apne paas rakhne ka ek heela kar raha hoon, tamam baaton ko apne dil mein hi rakh kar bhaiyon ko izzat wa takreem se ma’a samaan lautane ka hukm farmaya.

Buniyaamin ko baazyaabi ki darkhwast mustarad

“Unhone kaha aey azeez iske baap bahut boodhe hain to hum mein se kisi ko iski jagah le lo beshak hum tumhare ahsaan dekh rahe hain Yusuf alaihissalam ne kaha Allah ki panaah hum to sirf isi ko lenge jis ke paas humara samaan mila. (Agar hum kisi aur ko lein) to hum zaalim honge”.

Agarche bhai pehle bata chuke the ke agar kisi se pyaala bar aamad ho jaaye to ghulaam ban jayega lekin unki shari’at mein maaf karna aur fidya dena bhi jaiz tha isliye unhone kaha ke iske baap badi umr ke aur azeem martaba ke maalik hain isliye ye maaf karne ke qaabil hai ya iska fidya le liya jaaye aur hum mein se kisi ek ko apne paas bataur rehan (girwi) rakh liya jaaye, jab hum fidya de denge to apne paas rehan (girwi) rakhe huye bhai ko chhuda lenge ya ise maaf kar diya jaaye aur hum mein se kisi ek ko ghulaam bana liya jaaye, aap ka maaf farma dena hum par bahut bada ahsaan hoga hum aapke pehle bhi ahsaan dekh chuke hain kyun ke aapne pehle humari poonji bhi wapas lauta di, ghalla bhi diya, izzat wa takreem se apne paas bulaya, mehmaan nawazi ki, shahaana makanon mein rehne ki jagah di kitne hi ahsaan aapke humare saamne hai.

Aap (Yusuf) alaihissalam ne do tok alfaaz mein mukhtasar jawab diya, hum to sirf ise apne paas rakhenge jisse humara samaan mila hai dusre ko apne paas rakh kar zaalim nahin ban sakte aur haqeeqatan saara maamla ALLAH TA’ALA ke hukm se chal raha tha, abhi Yaqoob alaihissalam ko aur imtehan mein mubtala karna maqsood tha isliye maaf nahin kiya maaf to tab kiya jaata jab koi jurm hota jab jurm hi nahin tha to maaf karne ka maqsad hi kuchh nahin tha. ALLAH TA’ALA ne aapko hukm diya tha ke abhi maaf nahin karna, dar guzar nahin karna aur koi badla nahin lena kyun ke Yaqoob alaihissalam ko abhi aur shadeed mehnat mein mubtala karna hai.

Bade bhai ka misr mein rehna aur dusron ko wapas bhejna

“Phir jab isse na ummeed huye alag jakar sar goshiyan karne lage unka bada bhai bola kya tumhein khabar nahin ke tumhare baap ne tum se Allah ka ahed (waada) le liya tha? Aur isse pehle Yusuf (alaihissalam) ke haq mein humne kaisi taqseer ki? To main yahan se na hatunga yahan tak ke mere baap ijazat dein ya Allah mujhe hukm farmaye aur uska hukm sabse behtar hai. Apne baap ke paas laut kar jao phir arz karo, aey humare baap beshak aap ke bete ne chori ki aur hum to itni hi baat ke gawah hote the jitni humare ilm mein thi aur hum ghaib ke nigehbaan na the aur

155 AZKIRATUL AMBIYA Hazrate yaqoob wa yusuf

isse puchh dekhiye jis mein hum the aur us qaafila se jismein hum aaye aur hum beshak sachhe hain”.

Ibtedai taur par jab bhaiyon ki apeel Yusuf alaihissalam ne radd farma di to yahooda ghussa mein aa gaya aur ye jab ghussa mein aata tha to uske jism ke baal khade ho jaate the agar ghussa ke haal mein ye cheekh maarta to haamila auraton ke hamal gir jaate, us waqt tak uska ghussa thanda nahin hota tha jab tak hazrat Yaqoob alaihissalam ki aulaad mein se hi koi shakhs uske jism ko hath na lagata. Usne apne dusre bhaiyon ko kaha tum bazaar ke logon se muqabla karo, inhein mere qareeb na aane do main azeez e misr se muqabla karta hoon main usey aapke qareeb nahin aane doonga. Yusuf alaihissalam ne apne chhote bete ko kaha ke jakar uske jism ko chhoo do jab usne yahooda ke jism ko hath lagaya to uska ghussa thanda ho gaya.

Jab ye log buniyaamin ko chhudane mein nakaam ho gaye to logon se alag hokar ek dusre se mashwara karne lage ke ab kya kiya jaaye kyun ke apne waalid mukarram se bahut pukhta waada karke aur bada wasooq dila kar buniyaamin ko le gaye the aur pehle bhi hazrat Yusuf alaihissalam ke maamla mein un par tohmat aa’id ho chuki thi ke tum jhoote ho, ab bahut pareshan the ke agar ab isi tarah wapas jaate hain to baap bahut zyada pareshan honge aur ye baat bhi madde nazar thi ke ghar wale ghalla ke liye mohtaaj hain wapas jaana bhi zaruri hain aur agar sab nahin jaate to baap khayaal karenge ke kahin sab faut to nahin ho gaye aur agar buniyaamin ke baghair sab wapas laut tey hain to apne baap ko kaise munh dikhayenge? Aakhirkar sab se bade ne kaha tum chale jao main nahin jaata ya to mujhe baap ijazat dein to wapas jaonga ya Allah koi faisla farma de.

Sabse bade se muraad ya to sham’oon hai jo aqal wa danish mein sabse bada tha, zyada mashhoor yehi hai ke ye yahooda hi tha jisne hazrat Yusuf alaihissalam ko qatl karne se bhi bachaya tha us ne kaha tum jakar baap ko batao tumhare bete ne chori kar li hai yaani uski taraf chori ko mansoob kar diya gaya hai, aap basti se puchh lein ya qaafila walon se poochh lo hum sachhe hain. Humare saamne to jo baat aai hai wo hi bayan kar rahe hain basti se puchh ne ka maqsad ya to ye hai ke lafz اھل حمزوف hai yaani basti walon se puchh lo aur ya maqsad ye ho sakta hai “Aap (Yaqoob) alaihissalam janwaron deewaron waghaira se puchhiye yaqeenan aapko jawab denge aur batayenge ke hum sach keh rahe hain beshak aap to akaabir Ambiya -e- kiraam se hain jamadaat ko Allah aapse kalaam karne ki taufeeq ata farma de koi baa’id nahin aur aapka ye mojiza hoga yaqeenan ye jamadaat bhi humare sachhe hone ke mutalliq aapko batayenge”.

Hazrat Yaqoob alaihissalam ne farmaya

“Yaqoob (alaihissalam) ne kaha tumhare nafs ne tumhein kuchh heela bata diya, pas sabr achha hai qareeb hai ke Allah un sab ko mujhse milaye beshak wo hi ilm wa hikmat wala hai aur (aapne) unse munh phera aur kaha haaye afsos! Yusuf ki judai par aur unki aankhein gham mein safed ho gai aur wo ghussa khate rahe”.

Hazrat Yaqoob alaihissalam ne beton ke kalaam ko radd kar diya aur farmaya ke tum ye heela bana rahe ho ye kaise ho sakta hai misr ka badshah mere bete ko chori ke ilzaam mein apne paas ghulaam bana le jab ke uske qanoon mein ye hai hi nahin ke kisi ko chori ke ilzaam mein ghulaam banaya jaaye. Aap alaihissalam hazrat Yusuf alaihissalam ki judai par gham kha rahe the halanki taaza gham buniyaamin ka hai.

Iski ek wajah pehle zikr ho chuki hai ke ALLAH TA’ALA ne aapko ilm ata farma diya tha ke misr

156 AZKIRATUL AMBIYA Hazrate yaqoob wa yusuf

ka azeez Yusuf alaihissalam hai lekin abhi zaahir karne ka waqt nahin tha. Dusri wajah Allama Aalusi ne bayan farmai ke asal musibat wa gham Yusuf alaihissalam ka hi tha baaqi gham uske upar murattab ho rahe the matlab ye tha ke Yusuf alaihissalam ki judai ka gham hi kaafi tha abhi to wo hi taaza hai ye aur gham us par murattab ho gaya.

Teesri wajah ye thi ke buniyaameen aur yahooda ke mutalliq to zaahir taur par maloom tha ke wo zinda wa salamat misr mein hain lekin hazrat Yusuf alaihissalam ke misr ke badshah hone ko zaahir nahin karna tha lekin maloom tha isliye kaha Yusuf par afsos hai khud bhi juda hai aur buniyaamin aur yahooda ko bhi juda karne ka sabab ban gaya. Aap (Yaqoob) alaihissalam isi gham mein bilkul khamosh rehne lage jis tarah ghussa se bhara hua shakhs apne munh par khamoshi ki mohar laga leta hai kisi se guftagu karna pasand nahin karta.

Yaqoob alaihissalam ke rone ki ajeeb hikmat

Ba zaahir hazrat Yaqoob alaihissalam jaise jaleelul martabat paigambar ka apne farzand ki muhabbat mein itna waarafta ho jaana aur uske hijr wa firaaq mein ro ro kar aankhein safed kar dena aapke shayaan e shaan maloom nahin hota. Allama Aalusi rahmatullahi ta’ala alaihi farmate hain ke ahle maarfat ne is khalish ko ye keh kar door kiya hai ke husne Yusuf ko aapke liye jamaale ilaahi ka aaina bana diya gaya tha wo is tal’at zeba ke aaina mein tajalliyaate ilaahiya ka mushahida farmaya karte the jab hazrat Yusuf alaihissalam aapki nigahon se ojhal ho gaye to anwaare khudawandi ki lazzate deed se mehroom ho jaane ke baa’is aap bechain aur be qaraar ho gaye.

Iske baad Allama Aalusi rahmatullahi ta’ala alaihi tehreer farmate hain “Yaani mujhe apni zindagi ki qasam! Agar hazrat Yaqoob alaihissalam ALLAH TA’ALA ki is tajalli ka mushahida karte jo fakhre maujoodaat Muhammad Rasoolullah ﷺ ke husn wa jamaal mein darkhashan hai to unhein husne Yusuf yaad hi na rehta aur unke hijr wa firaaq mein aapka ye haal na hota”.

Hazrat Maulana Sanaullah Paanipatti ne ye shubaha aur iska jawab badi sharah wa bast ke sath likha aur bade aarifaana andaaz mein is haqeeqat ko bayan farmaya ke hazrat Yusuf alaihissalam ka husn anwaare ilaahiya ki jalwa gaah tha iske baad Mujaddid Alfe Saani ke kalaam ke ek taweel iqtebaas naql kiya hai jismein Hazrat Mujaddid farmate hain ke khaatimul Ambiya ﷺ ki zaate aqdas murabbi aur mabda e taai’in ALLAH TA’ALA ki sifat ilm hai jo tamam sifaat se qareeb tar aur mehboob tar hai aur ilm ka husn wa jamaal itna lateef aur buland martabat hota hai ke usey nigahein pa nahin sakti isiliye huzoor Nabi Rehmat ﷺ ke kamaale husn ko humari nazarein sahih taur par nahin dekh sakti, Huzoor ﷺ ka husn wa jamaal qiyamat mein be naqaab hoga us din dunya ko pata chalega ke husn “husn Muhammadi hi hai aur jamaal jamaale Ahmadi hi hai.

Iske baad Hazrat Mujaddid rahmatullahi ta’ala alaihi raqam taraaz hain ke Yusuf alaihissalam ke husn par to sirf hazrat Yaqoob alaihissalam aur dusre log faraifta (aashiq) the lekin huzoor Nabi Kareem ﷺ ke husn wa jamaal se khaaliqe kainaat muhabbat farmata hai. Hazrat Mujaddid ne tasawwuf ki makhsoos zabaan mein is mas’ale par guftagu ki hai jo aam logon ke ilm wa feham se baala tar hai maine aam feham andaaz mein aap rahmatullahi ta’ala alaihi ka mudda aur khulasa pesh kiya hai taaki awaam bhi lutf andoz ho sakein.

157 AZKIRATUL AMBIYA Hazrate yaqoob wa yusuf

Yaqoob alaihissalam ke beton ne aapki pareshani ko dekh kar kaha

“Kaha Allah ki qasam! Aap humesha Yusuf alaihissalam ko yaad karte hain yahan tak ke gor kinaare ja lagein ya jaan se guzar jayein. Aap (alaihissalam) ne kaha main to apni pareshani aur gham ki fariyaad us Allah hi se karta hoon aur main jaanta hoon jo tum nahin jaante”.

Beton ne aapse kaha ke aap Yusuf alaihissalam ki yaad mein itna gham karte hain aur rote hain isse mareez ho jayenge ya isi gham mein faut ho jayenge pehle hi aap itni mashaqqat aur pareshani mein mubtala hain humein dar hai ke aapki takleef badh jayegi isliye aap bahut gham na karein aur na royein aapne farmaya main uska zikr tumhare saamne to nahin kar raha mujhe to jis se zikr karna hai usse kar raha hoon yaani meri fariyaad ALLAH TA’ALA se hai insaan jab ALLAH TA’ALA se fariyaad karta hai to wo muhaqqeqeen ke jumra mein aata hai Huzoor ﷺ Rab ke huzoor arz karte “Aey Allah teri raza ki panaah teri narazgi se ho aur teri maafi ki panaah tere ghazab se aur teri hi panaah tujh se”.

Aap alaihissalam ne farmaya ALLAH TA’ALA ki rehmat aur uske ahsanaat ko jo main jaanta tum nahin jaante “Kyun ke ALLAH TA’ALA ko hi khushi ata farmani hai usi ko ghamon ko door karna hai jo humare weham wa gumaan mein bhi nahin”. Isse waazeh ishaara is taraf tha ke Yusuf alaihissalam ke milne ki badi qawi ummeed hai, Rab ne jo ilm mujhe diya hai wo tumhein nahin diya.

Hazrat Yusuf alaihissalam aur buniyaamin ki talaash ke liye beton ka bhejna

“Aey beton! Jao Yusuf (alaihissalam) aur uske bhai ka suraagh lagao aur Allah ki rehmat se na ummeed na ho beshak Allah ki rehmat se na ummeed nahin hote siwaye kafiron ke. Phir jab wo Yusuf (alaihissalam) ke paas pahunche bole aey azeez! Humein aur humare ghar walon ko musibat pahunchi aur hum be qadr poonji lekar aaye hain aur aap humein poora naap dijiye aur hum par khairat kijiye beshak Allah khairat karne walon ko sila deta hai”.

Jab hazrat Yaqoob alaihissalam ne bataya ke ALLAH TA’ALA se jo main jaanta hoon tum nahin jaante ho to iske baad beton se farmaya jao Yusuf alaihissalam aur uske bhai ko talaash karo teesre ka zikr nahin kiya halanki yahooda bhi reh gaya tha isliye ke uska wahan rehna ikhtiyari tha uske wapas laane mein koi mushkil nahin thi lekin Yusuf alaihissalam ka wahan rehna ALLAH TA’ALA ke hukm se tha ismein Rab ki marzi ka intezaar tha. Isse pehle aaj tak Yusuf alaihissalam ko talaash karne ke mutalliq baap ne beton ko nahin kaha aaj kyun kaha? Buniyaamin ke mutalliq maloom hai ke wo azeeze misr ke paas chori ke ilzaam mein ghulaam hone ki haisiyat se paband hai phir ye kehna ka kya matlab hai ke Yusuf alaihissalam ko aur uske bhai ko talaash karo, unka suraagh lagao pas baat ek hi hai ke ALLAH TA’ALA ki taraf se jo Yaqoob alaihissalam jaante the wo aur koi nahin jaanta tha ab aap ko maloom tha ke is martaba buniyaamin ke sath Yusuf alaihissalam ka pata bhi chal jayega ALLAH TA’ALA ki taraf se aazmaish ka waqt khatm hone wala hi hai. Aap alaihissalam ne farmaya “ALLAH TA’ALA ki rehmat se na ummeed na ho” isse bhi waazeh ho

158 AZKIRATUL AMBIYA Hazrate yaqoob wa yusuf

raha tha ke ab ALLAH TA’ALA ki rehmat ka waqt aa chuka tha ab Yusuf alaihissalam ki mulaqaat se raahat hogi. Khayaal rahe rooh ka asal maayne hai aisi raahat jo saans lene se hoti hai ya subah ki hawa se jo sukoon haasil hota hai baad mein har qism ki raahat wa rehmat par iska itlaaq hone laga. Aap alaihissalam ne farmaya ALLAH TA’ALA ki rehmat se sirf kafir hi na ummeed hote hain kyun ke ALLAH TA’ALA ki rehmat se na ummeed insaan us waqt hota hai jab uska aqeeda ho ke ALLAH TA’ALA kamaal par qaadir nahin ya wo ye samjhe ke ALLAH TA’ALA ko tamam cheezon ka ilm nahin ya wo ye khayaal kare ke ALLAH TA’ALA kareem nahin balki bakheel hai ye tamam wajooh kafiron mein hi paai jaati hain. Bhaiyon ne kaha hum be qadr yaani thodi miqdaar mein aur jo zyada khari bhi nahin poonji lekar aaye hain aap humari poonji ko na dekhein balki apni meharbani ko dekhein, humein poora poora naap kar ghalla dein kyun ke humara khandaan bahut musibat mein hai. Yusuf alaihissalam ne bhaiyon ki zabaani ghar ke haalat sune to aap par riqqat taari ho gai aankhein dabdaba gai, khayaal rahe ke yahan bhaiyon ne jo ye kaha iska matlab sadqa ka mutaalba nahin kyun ke jameea Ambiya -e- kiraam aur unki aulaad par sadqa haraam tha taaki unki nazar makhlooq ki taraf na uthe aur unse kam tar nazar na aayein isliye yahan iske maayne hai hum par bhalai karo, iska ek matlab ye bhi ho sakta hai ke ab to wo ghalla lene nahin gaye the balki hazrat Yusuf alaihissalam aur buniyaamin ko talaash karne gaye the lihaza unka ye kehna ke hum par meharbani karo humare bhai ko humare sath wapas bhej do albatta pehle unhone baat ghalla se chhedi taaki azeez e misr ko maloom ho jaaye ke iske ahsaananon ko faramosh nahin kar sake bawajood ke humare bhai ko apne paas rakh liya hai lekin phir bhi humare baap ne humein aapke paas bheja hai.

Yusuf alaihissalam ne apne aapko zaahir kar diya

“Yusuf (alaihissalam) ne kaha ke kuchh khabar hai tum ne Yusuf aur uske bhai ke sath kya kiya tha? Jab tum nadaan the unhone kaha kya sachmuch aap hi Yusuf (alaihissalam) hain? Aap alaihissalam ne kaha main Yusuf hoon aur ye mera bhai hai beshak Allah ne hum par ahsaan kiya. Beshak jo parhezgaari aur sabr kare to Allah nekon ke ajr ko zaaya nahin karta”.

Jab bhaiyon ne aakar ghalla ka mutaalba kiya aur ishaara se kaha ke hum par reham karein, maqsad kuchh ye bhi tha ke buniyaameen ko chhod do lekin zaahir taur par ye nahin keh rahe the to ALLAH TA’ALA ne Yusuf alaihissalam ko “wahi” ya “ilhaam” ke zariye khabar kar diya ke inko inke baap ne isliye bheja hai ke Yusuf aur uske bhai ko talaash karo to aapne jab ye dekha ke ye apne maajra ko zaahir nahin kar rahe hain to aapne khud hi kalaam ka aagaz kar diya. Aap alaihissalam ne khud bhaiyon se kaha wo khat jo tumhein baap ne mere liye diya hai wo mujhe de do unhone jab khat diya jis mein tehreer tha ke “Humara khandaan shuru se hi masaib wa aalam ki aazmaishon se guzar raha hai main us dada Ibrahim khaleelullah alaihissalam ka pota hoon jiske hath paanv baandh kar aag mein daal diya gaya tha ALLAH TA’ALA ne unhein najaat di mera ek pyaara beta Yusuf tha jise uske bhai sath le gaye lekin wapas aakar uski khoon aalooda qamees pesh kar di ke usey bhediya kha gaya hai, ro ro kar meri aankhon ki beenai zaaya ho gai, phir uske dusre bhai buniyaamin ko ghalla lene ke liye ye sath le gaye chori ke ilzaam mein tum ne usey apne paas rakh liya hai humare khandaan ka shewa chori karna nahin aur na hi humara khandaan chori karne

159 AZKIRATUL AMBIYA Hazrate yaqoob wa yusuf

ke liye paida kiya gaya hai. Tum mere bete ko wapas karo warna main tumhare khilaaf Rab ke huzoor dua karunga” ye khat padhte hi Yusuf alaihissalam par zyada riqqat taari ho gai.

Jab Yusuf alaihissalam ko bhai kunwey mein phenk rahe the to ALLAH TA’ALA ne Yusuf alaihissalam ke dil mein ilqa kiya tha tum zarur bil zarur inko in maamlaat ki khabar doge us waqt to Yusuf alaihissalam ko bhi maloom nahin tha ke main kaise aur kis waqt aur kis haal mein bhaiyon ko bataoga ke tum ne mere sath kya sulook kiya tha. Jab Yusuf alaihissalam ko kunwey mein daala ja raha tha us waqt aap bachpan ki wajah se aajiz wa naatwan the aur bhai bade qad aawar jaseem aur taaqatwar the lekin aaj Yusuf shaahi takht par jalwagar the aur aap ke bhai bade adab wa ahteraam se aapse ghalla ka mutaalba kar rahe the yoon kahein ke kal ke taaqatwar aaj saraapa ijz ban kar baithe hain aur kal ka aajiz wa naatwan aaj shaahi takht ka maalik, ajeem taaqatwar hai.

Yusuf alaihissalam apne khandaan ke riqqat aamez manaazir ko dekh kar apne baap ki pareshan haali aur riqqat aamez khat ko dekhne ke baad ALLAH TA’ALA ke is hukm ke mutabiq ke ek din tumko apne bhaiyon ke kaar naamon ki khabar deni hai, aaj Yusuf alaihissalam in alfaaz mein bhaiyon ke saamne apne aap ko zaahir karne ke liye kalaam shuru farma rahe hain “Kya tumhein maloom hai ke tum ne Yusuf alaihissalam aur uske bhai ke sath kya sulook kiya hai? Jab tum jaahil the kalaam ki ibteda hi aise andaaz se ki ke bhaiyon ko jab pata chale ke main Yusuf hoon to wo darein nahin lihaza kaha ye bas kuchh tum ne nadaani aur jahaalat ki wajah se kiya tha” aur Nabi kabhi un logon ki kaarwaiyon ka inteqaam nahin liya karta jo unhone be ilmi ki wajah se ki ho’n.

Jab aap alaihissalam ne bhaiyon se puchha to unhone aapke andaaz e kalaam se ya aapke muskurane ki wajah se daanton ki chamak se pehchante huye puchha kya aap Yusuf to nahin? Aapne kaha haan main Yusuf hoon aur ye mera bhai hai yaani meri maa’n ka beta hai ALLAH TA’ALA ne hum par ahsaan kiya hai yaani imtehan lene ke baad humein ye mansab ata kiya hai jo tum dekh rahe ho, sath sath bhaiyon ko kaha ke ALLAH TA’ALA taqwa aur sabr karne wale nek logon ke ajr ko zaaya nahin karta. Ishaara tha ke agar tum ne bhi taqwa haasil kiya to ALLAH TA’ALA ka karam tum par ho jayega.

Bhaiyon ki maazrat aur aapka maaf karna

“Yusuf alaihissalam ke bhaiyon ne kaha aur beshak Allah ne hum par aapko fazeelat di aur beshak hum khatawaar the. Aap (Yusuf) alaihissalam ne kaha aaj tum par kuchh malaamat nahin Allah tumhein maaf kare aur wo sab meharbanon se badh kar meharban hai”.

Jaise hi Yusuf alaihissalam ne apne bhaiyon ke saamne zikr kiya ke main Yusuf hoon aur ALLAH TA’ALA ne hum par ahsaan kiya hai aur jo shakhs bhi gunahon se bachta hai aur logon ki azeeyat par sabr karta hai ALLAH TA’ALA usey zaaya nahin karta to ye sun kar aap ke bhaiyon ne aapke kamalaat ka aiteraaf karte huye kaha “Allah ne aapko hum par ilm, hauslamandi, aqal, kamaal, fazl wa husn aur badshaahat mein fazeelat ata ki” aur bhaiyon ne apni ghalti ka aiteraaf karte huye kaha “Aur beshak hum khatawaar the”. Aksar mufassereen is par muttafiq hain ke unhone uzr pesh kiya ke hum ne aapko jo kunwey mein daala aur aapko becha, ghar se nikaala aur aap ko waalid se door kiya ye sab humari khatayein hain. Bhaiyon ki maazrat par Yusuf alaihissalam ne farmaya “Aaj tum par kuchh malaamat nahin yaani na tum par koi aar (sharm) hai aur na kuchh taubeekh hai

160 AZKIRATUL AMBIYA Hazrate yaqoob wa yusuf

yaani ye ailaan aaj se main humesha ke liye kar raha hoon kabhi bhi tumhein maazi (past) ke waqiyaat par aar nahin dilai jayegi Allah tumhein maaf kare aur wo sab meharbanon se badh kar meharban hai”.

Bhaiyon ke liye dua karke unke dil ko mazeed tasalli di ke maine to mukammal dil se maaf kar diya hai aur dua hai ALLAH TA’ALA tumhein maaf kare aur wo sab meharbanon se badh kar meharban hai. Yusuf alaihissalam ke bhai jab bahut zyada naadim ho rahe the aur arz kar rahe the ke tum to humein subah wa shaam apne dastarkhwan par bitha kar khana khilate rahe lekin hum ne aapse jo kaar guzaariyan ki humein to unse bahut badi nadaamat ho rahi hai to aapne fayyazi ka muzaahira karte huye kaha mere bhaiyon tum naadim kyun hote ho mujhe to tumhare aane se bahut badi khushi hui hai kyun ke main misr ka hukmraan bhi ban gaya hoon aur misri log mere ghulaam ban kar aazad huye lekin phir bhi unke zehanon mein ye baat zarur hogi ke 20 dirham ka khareeda hua ghulaam misr ka haakim ban gaya lekin aaj unke saamne ye waazeh ho chuka hai ke tum mere bhai ho, main Ibrahim alaihissalam ka parr pota hoon koi ghulaam nahin tha, taqdeer aur Rab ki taraf se aazmaish ki wajah se ghulamiyat se muttasif hua, aaj tumhare aane aur mere zaahir karne se sab logon ki nazaron mein mujhe azmat mili hai aur meri sharafat aur khandaane nubuwat ka ek fard hone ki haisiyat se mera bol baala hua.

Nabi Kareem ﷺ ne Fateh Makka ke din ka’aba shareef ke darwaze par khade hokar quraish ke logon ki taraf mutawajjeh hokar puchha jinhone sahaba kiraam par tarah tarah ke mazaalim dhaaye the balki khud Nabi Kareem ﷺ ko iza rasaniyon mein koi kasar baaqi na chhodi thi. “Tumhara mere mutalliq kya khayaal hai ke main aaj tumhare sath kaisa sulook karunga?” to sab quraish ne Huzoor ﷺ ki khidmat mein arz kiya “Hum aapke mutalliq bhalai ka gumaan hi karte hain kyun ke aap Kareem bhai aur Kareem bhai ke bete hain” yaani humare khandaan mein aapki rehmat aur aapka karam mashhoor wa maroof hai aap to mauroosi taur par hi kareem chale aa rahe hain humein ummeed hai ke aap kabhi bhi hum se inteqaam nahin lenge, quraish ki ye baat sun kar Huzoor ﷺ ne farmaya aaj main tumhare liye wo hi ailaan kar raha hoon jo mere bhai Yusuf alaihissalam ne apne bhaiyon ke liye kiya tha “Aaj tum par koi malaamat nahin”.

Ek riwayat mein ye bhi hai ke jab Abu Sufyaan radiallaho ta’ala anhu imaan laane ki garz se aaye to Hazrat Abbas radiallaho ta’ala anhu ne unhein kaha jab Nabi Kareem ﷺ ki khidmat mein haazir hona to ye tilawat karna ٓل َ ت َ ْث ْ ِ ي ْ بَ ع َ ل َ ی ْ ک ُ م ُ ال ْ ی َ و ْ م to unhone aisa hi kiya Nabi Kareem ﷺ ne farmaya “Allah tumhari maghfirat farmaye aur uski bhi jisne tumhein sikhaya”.

Misr se qamees ki rawangi aur Yaqoob alaihissalam ko khushbu aana

“Yusuf (alaihissalam) ne kaha ye meri qamees le jao ise mere baap ke munh par daalo unki aankhein khul jayengi aur apne sab ghar walon ko mere paas le aao. Jab qaafila misr se juda hua yahan unke baap ne kaha beshak main Yusuf (alaihissalam) ki khushbu paata hoon agar mujhe ye na kaho ke seedhi soch se hat gaya hai”.

Hazrat Yusuf alaihissalam ko kaise pata chala ke qamees ko aankhon par daal ne se baap ki beenai wapas aa jayegi? Aapko ALLAH TA’ALA ki taraf se “wahi” ke zariye maloom hua agar “wahi” na hoti to aapko iska pata na chalta kyun ke aqal mein aane wali baat hi nahin.

161 AZKIRATUL AMBIYA Hazrate yaqoob wa yusuf

Wo qamees kaun si thi?

Ye aam qamees thi jo aapne zeb tan kar rakhi thi ya ke wo qamees thi jo Ibrahim alaihissalam ko aag mein pehnai gai thi aur jannat se laai gai thi baad mein wo hazrat Is’haaq alaihissalam aur Yaqoob alaihissalam ke paas pahunch gai, Yaqoob alaihissalam ne Yusuf alaihissalam ko bhaiyon ke sath bhejte waqt aapke gale mein bataur taweez daali thi ab Jibreel ameen ne aakar aap se farmaya ke ye qamees apne walid ki taraf bhej do taaki unhein iske zariye nazar wapas mil jaaye.

Yusuf alaihissalam ne bhaiyon ko kaha ke tum ghar walon ko mere paas le aao, us waqt Yaqoob alaihissalam ke ghar ke afraad jin mein mard auratein bachhe yaani aapki aulaad ya aulaad ki aulaad waghaira 72 se 96 tak the (mukhtalif aqwaal milte hain.) Ye tadad badhte badhte yahan tak pahunch gai ke jab ye bani israel Moosa alaihissalam ke sath nikle to sirf jawan mardon ki tadad 6 lakh thi, boodhe mard auratein aur bachhe unke alaawa the.

Jab misr se qamees Yaqoob alaihissalam ke ghar laane ke liye nikaala gaya to Yaqoob alaihissalam ne uski khushbu soongh li, aapne beton ke baghair dusre ahle khana ko kaha mujhe Yusuf alaihissalam ki khushbu aa rahi hai agar tum meri raaye ko za’if na samjho. “Hazrat Yaqoob alaihissalam ki ye guftagu beton ke sath na hui thi kyun ke wo maujood na the”.

Hazrat Yaqoob alaihissalam ne itni door se khushbu kaise soongh liya? Iska jawab waazeh hai ke ALLAH TA’ALA ki qudrat se koi baa’id nahin aur khusoosan jab aapko qamees se uthne wali jannat ki khushbu aai to aap (Yaqoob) alaihissalam ne farmaya ke ye khushbu us jannati qamees ke baghair kisi aur ki nahin ho sakti to ahle khana ne kaha:

“Unhone kaha khuda ki qasam aap (Yaqoob alaihissalam) usi purani khud raftagi mein hain phir jab khushi sunane wala aaya usne wo qamees Yaqoob alaihissalam ke chehre par daali to aap (Yaqoob) alaihissalam ki aankhein phir aayi to aap alaihissalam ne kaha main nahin kehta tha ke mujhe Allah ki taraf se wo maloom hai jo tum nahin jaante”.

Hazrat Qataada radiallaho ta’ala anhu ka qaul hai ke haazireen ne jo ye kaha tha :

ِ اِن ّ َك َ ل َ ِفِ ْ ض َ ل ی لِك َ ال ْ ق َ دِ يم

Iska maayne ye hai “Tum to abhi Yusuf ki purani muhabbat mein hi waarafta ho, aap unko bhi bhool nahin sakte aur na aapke dil se nikal sakte hain (halanki wo kab ke mar chuke hain)”.

Qamees laane wala aur khushkhabari dene wala aapka beta Yahooda tha. Hazrat Mujaahid radiallaho ta’ala anhu ka qaul hai ke yahooda ne apne bhaiyon ko kaha “Tumhein maloom hai ke beshak main hi apne baap ke paas gham dilane wali qamees lekar gaya tha (yaani aapko kunwey mein daal kar khoon aalooda qamees maine hi pesh ki thi) isliye ab tum tamam mujhe ijazat do ke khush karne wali qamees bhi main hi lekar jao, sab bhaiyon ne unko ijazat de di”.

Hazrat Yaqoob alaihissalam ke paas qamees laane wale ne aap ki aankhon par qamees ko daal diya ya aap alaihissalam ko qamees de di gai aur aap ne khud hi qamees ko apni aankhon par lagaya. “Insaani fitrat ki ye aadat jaari hai ke jab kisi cheez mein uska ye aiteqaad ho ke ismein barkat paai jaati hai to wo usey apne chehre par malta hai”. Qamees ko aankhon par lagane se beenai wapas apni asli haalat par aa gai aap ne khushkhabari laane wale shakhs se puchha tum ne Yusuf (alaihissalam) ko kaise haal mein chhoda hai? To usne kaha wo to misr ke badshah hain aap alaihissalam ne farmaya “Mujhe badshaahat se kya garz? Ye batao tum ne usey kis deen par chhoda? To usne kaha islam par to aapne farmaya ke ab nemat ki

162 AZKIRATUL AMBIYA Hazrate yaqoob wa yusuf

takmeel hui ke khushkhabari kaamil haasil ho gai”.

Ab aapne tamam ahle khana ko aur aane wale tamam beton ko kaha “Jab maine tumhein misr bheja tha aur tumhein hukm diya tha ke Yusuf ko talaash karo aur maine tumhein ALLAH TA’ALA ki rehmat se na ummeed hone se mana kiya tha to maine us waqt tumhein kya na kaha tha ke ALLAH TA’ALA se jo main jaanta hoon wo tum nahin jaante yaani mujhe ye maloom tha ke Yusuf alaihissalam zinda hain”.

Ye bhi khayaal karein ke buniyaameen ke mutalliq maloom tha ke wo misr mein hai to phir ye kehna ke Yusuf aur uske bhai ko talaash karo ismein bahut waazeh ishaara tha ke donon ek jagah hi hain.

Yaqoob alaihissalam ke beton ka aapse maafi talab karna

“(Aapke beton ne) kaha aey humare baap humare gunahon ki maafi mangiye! Beshak hum khatawaar hain aap alaihissalam ne kaha jaldi main tumhari bakhshish apne Rab se chahunga beshak wo hi bakhsh ne wala hai”.

Beton ne “Aey humare baap” keh kar aap alaihissalam se apne gunahon ki maghfirat talab karne ki darkhwast ki ke aap humare baap hain, shafeeq hain, hum khatawaar hain aap darguzar karte huye humare liye ALLAH TA’ALA se humari ghaltiyon ki maafi talab karein agar aapne humare liye dua na ki to hum apni ghaltiyon ki wajah se ALLAH TA’ALA ki giraft mein aakar halaak ho jayenge, aap agar reham nahin karenge to hum par aur kaun reham karega? Aap alaihissalam ne waada farmaya ke main jaldi hi tumhari bakhshish apne Rab se talab karunga aur humesha talab karta rahunga usi waqt bakhshish talab nahin farmai ke aap sehar ke waqt ke muntazir the ke us waqt dua jaldi qabool hoti hai ya uski wajah ye thi “Beshak aap ne jumu’ah ki raat tak muakhkhar kiya tha ke wo waqt zyada qabooliyat ka hota hai”.

Isse un logon ke liye lamha e fikriya hai jo jumerat ki shaam yaani jumu’ah ki raat apne faut shuda hazraat ke liye dua e maghfirat karne walon ko bid’at ka murtakib qaraar dete hain. Kaash un juhla ko ye pata chal jaata ke jumu’ah ki raat dua ki qabooliyat ka zyada yaqeen hona pehle Ambiya -e- kiraam se aa raha hai.

Yaqoob alaihissalam aur aapke khandaan ki misr mein aamad

“Phir jab wo sab Yusuf (alaihissalam) ke paas pahunche usne apne baap ko apne paas jagah di aur kaha misr mein dakhil ho Allah chahe to amaan ke sath aur apne maa’n baap ko takht par bithaya aur sab uske liye sajda mein gire aur Yusuf (alaihissalam) ne kaha aey mere baap ye mere pehle khwab ki tabeer hai, beshak ise mere Rab ne sachha kiya aur beshak usne mujh par ahsaan kiya ke mujhe qaid se nikaala aur aap sab ko gaanv se le aaya baad iske ke shaitan ne mujh mein aur mere bhaiyon mein na chaaqi kara di thi. Beshak mera Rab jis baat ko chahe aasan kar de, beshak wo hi ilm wa hikmat wala hai”.

Hazrat Yusuf alaihissalam ne apne waalid maajid ko unke ahel wa aulaad ke bulane ke liye apne bhaiyon ke sath 200 sawariyan aur kaseer saaman bheja tha, hazrat Yaqoob alaihissalam ne misr ka

163 AZKIRATUL AMBIYA Hazrate yaqoob wa yusuf

iraada farmaya aur apne ahel ko jama kiya mashhoor qaul ke mutabiq 72 ya 73 mard aur auraton ki tadad thi.

Hazrat Yaqoob alaihissalam misr ke qareeb pahunche to hazrat Yusuf alaihissalam ne misr ke badshah e aazam ko apne waalid maajid ki tashreef aawari ki ittela di aur 4000 lashkari aur bahut se misri sawaron ko humraah lekar aap apne waalid mukarram ke istiqbaal ke liye sadaha reshmi farere udate huye katarein baandhe huye rawana huye. Hazrat Yaqoob alaihissalam apne bete yahooda ka sahara liye tashreef la rahe the jab aapki nazar lashkar par padi aur aapne dekha ke bade zarq barq sawaron se sehara par ho raha hai to aap (Yaqoob) alaihissalam ne farmaya aey yahooda kya ye Firaun misr hai (misr ke badshah ka laqab Firaun tha) jiska lashkar is shaan wa shaukat se aa raha hai? Arz kiya nahin ye to aapke farzand Yusuf alaihissalam aapke istiqbaal ke liye aa rahe hain.

Khayaal rahe ke Yusuf alaihissalam us waqt azeeze misr yaani wazeere aazam the, mufassereen kiraam ne aapke liye lafz ملک (malik) istemaal kiya hai jiska maayne badshah hai lekin farq is tarah kar liya jaaye aap badshah the aur walid bin riyaan badshahe aazam tha. Hazrate Jibreel alaihissalam ne Yaqoob alaihissalam ko mutaajjib dekh kar arz kiya hawa ki taraf nazar farmaiye aapke suroor mein shaukat ke liye malaika haazir huye hain jo muddaton aapke gham ke sabab rote rahe hain, malaika ki tasbeeh se aur ghodo ke hinhinane se ajeeb kaifiyat paida hui thi ye muharram ki 10 tareekh thi. Jab donon hazraat alaihimussalam ek dusre ke qareeb huye to hazrat Yusuf alaihissalam ne salaam arz karne ka iraada zaahir kiya to Hazrate Jibreel alaihissalam ne arz kiya aap tawaqquf kijiye waalid mukarram ko pehle salaam karne ka mauqa dein chunanche hazrat Yaqoob alaihissalam ne farmaya “Aey gham wa andoh ke door karne wale tum par salaam”. Yaqoob alaihissalam ke pehle salaam karne mein hikmat ye thi ke waazeh ho jaaye ke hazrat Yaqoob alaihissalam ALLAH TA’ALA ke huzoor ba nisbat hazrat Yusuf alaihissalam se zyada mukarram hain. Ek dusre se mulaqaat hui to khushi ka ye aalam tha ke hazrat Yaqoob alaihissalam ne hazrat Yusuf alaihissalam ko gale se lagaya aur unka bosa liya.

Faayda: “Muanaqa” khushi ke mauqe par gale laga kar milna aur apne azeez ka bosa lena sunnate Ambiya hai eid ke mauqe par gale laga kar milne ko bid’at wa gumrahi se tabeer karne wale deen se be khabar hain Quran paak aur ahadees e mubaraka mein zawaabit bayan hain jab kisi ek mauqa par khushi ki haalat mein muanaqa jaiz hona saabit ho jaaye to tamam khushi ke mawaaqe par jawaaz khud ba khud saabit ho jayega.

Hazrat Asiyad bin Huzair se marwi hai ke ek shakhs ansaar se the jo logon se kalaam kar rahe the wo mazaah karte the aur logon ko hansa rahe the Nabi Kareem ﷺ ne ek chhadi se unke pehlu par zarb lagai (yaani aap ﷺ ne bhi azrue mazaah hi unhein chhadi maari) unhone arz kiya aap mujhe qisaas lene ki qudrat dein taaki aap se qisaas le sakoo Huzoor ﷺ ne ijazat farma di to unhone arz kiya aapke jism par qamees hai aur mere jism par qamees nahin thi, Nabi Kareem ﷺ ne qamees ko utha liya “Unhone muanaqa karte huye Huzoor ﷺ ko baghlon mein le liya aur aapke pehlu ko choom ne lage aur arz karne lage mera maqsad yehi tha Ya Rasoolallah ﷺ”.

Ansari sahabi ne Nabi Kareem ﷺ ke mazaah se maarne par khush hokar aapko gale lagaya, baghlon mein liya aur aapke pehlu ko chooma aap ﷺ ne sahabi ko mana nahin farmaya ke ye

164 AZKIRATUL AMBIYA Hazrate yaqoob wa yusuf

kaam tum ne najaiz kiya hai agar najaiz hota to aap zarur sahabi ko mana farmate, aap ke mana na karne se khud ba khud jawaaz saabit ho gaya.

“Hazrat Sha’abai se marwi hai beshak Nabi Kareem ﷺ Ja’afar bin Abi Taalib se mile to unhein gale lagaya aur unki aankhon ke darmiyaan bosa liya”. Jab Hazrat Ja’afar radiallaho ta’ala anhu habsha se wapas aaye to Nabi Kareem ﷺ ne khushi se unhein gale lagaya aur unki aankhon ke darmiyaan bosa liya, Huzoor ﷺ ka fe’al ummat ke haq mein istehbaab se khaali nahin.

Khayaal rahe ke dusri hadees mein raawi Hazrat Ja’afar radiallaho ta’ala anhu khud hain aap radiallaho ta’ala anhu farmate hain mujhe ye maloom nahin ke Nabi Kareem ﷺ us waqt khaibar ke fateh hone ki wajah se bahut zyada khush the ya ja’afar ke aane ki wajah se? Is par Mulla Ali Qaari rahmatullahi ta’ala alaihi farmate hain ek mustaqil taur par khushi ka sabab tha khushi ka ek sabab dusre sabab se jama nahin hota. Isse waazeh hua ke Hazrat Ja’afar radiallaho ta’ala anhu se mulaqaat par muanaqa aur choomna aur unki aamad par khushi thi.

Hazrat Zaara’a radiallaho ta’ala anhu wafad abdul qais mein the ye kehte hain ke jab hum Madeena taiyaba mein aaye to hum jaldi jaldi apni sawaariyon se utar ne lage “Phir hum Rasoolullah ﷺ ke hath aur paanv ko choom ne lage” is hadees paak se bhi waazeh ho raha hai ke Nabi Kareem ﷺ ne nahin roka lihaza buzurg hasti ke hath paanv chhoomna jaiz hain agar jaiz na hota to aap par rokna waajib hota.

Hazrate Aaisha radiallaho ta’ala anha farmati hain ke maine hazrat Fatima radiallaho ta’ala anha se badh kar kisi ko nahin dekha jo Rasoolullah ﷺ ke mushabeh ho, ahle khair ke tareeqa mein yaani waqaar se chalne mein aap sabse badh kar Huzoor ﷺ ke mushabeh thi aur tamam umoor mein Nabi Kareem ﷺ ki tarah husne seerat aap ko haasil thi aur aapko husn wa akhlaaq Huzoor ﷺ ke mushabeh haasil the ek riwayat mein hai ke aap radiallaho ta’ala anha kalaam karne aur baat cheet mein Huzoor ﷺ ke mushabeh thi. Hazrat Fatima jab Nabi Kareem ﷺ ki khidmat mein haazir hoti to Huzoor alaihissalam unke liye khade ho jaate the aur unke hath ko pakad kar unko choomte aur apni jagah baithate aur jab Nabi Kareem ﷺ unke ghar tashreef le jaate to wo aap ke liye khadi ho jaati aur aapke hath ko pakad kar aapka bosa leti aur apni jagah bithati.

Nabi Kareem ﷺ ka bosa azeeza ke taur par hota aur hazrat Fatima radiallaho ta’ala anha ka bosa lena buzurg samajh kar hota. Mulla ali qaari rahmatullahi ta’ala alaihi ne mirqaat mein tehreer farmaya “Bosa diya yaani aankhon aur sar ke darmiyaan (peshani)” is hadees paak se waazeh hua ke kisi azeez ya azeeza ka bosa lena jaiz hai isi tarah apne buzurg baap ka bosa lena bhi jaiz hai.

Hazrat bara’a radiallaho ta’ala anhu kehte hain ke hazrat abu bakr siddique radiallaho ta’ala anhu ke sath dakhil hua (jab wo ghazwa se laut kar) pehle pehle madeena taiyaba mein pahunche to aapki beti Aaysha radiallaho ta’ala anha leti hui thi unko bukhar tha hazrat abu bakr radiallaho ta’ala anhu unke paas aaye aur kaha “Aey meri pyari beti tumhara kya haal hai aur aap ne apni beti ke rukhsaar ko chooma” aap radiallaho ta’ala anhu ka beti ke rukhsaaron ko choomna is wajah se tha ke aapne bataur rehmat aur muhabbat ke chooma ya sunnat samajh kar chooma taaki sunnat par amal ho jaaye.

Hazrat Ayyub bin Basheer ghanza qabeela ke ek shakhs se riwayat karte hain unhone kaha maine hazrat Abuzar radiallaho ta’ala anhu se puchha jab tum Nabi Kareem ﷺ se mulaqaat karte the to

165 AZKIRATUL AMBIYA Hazrate yaqoob wa yusuf

aap ﷺ tumhare sath musaafah karte the? Aapne farmaya maine jab bhi Huzoor ﷺ se mulaqaat ki to aap ﷺ ne mere sath musaafah zarur kiya hai. Ek din aap ﷺ ne meri taraf paigham bheja main ghar nahin tha jab main ghar aaya to mujhe khabar di gai to main aapki khidmat mein haazir hua, aap apni chaarpai par tashreef farma the “Aap ﷺ ne mujhe gale lagaya (Abuzar kehte hain) ye gale lagana zyada achha hai” yaani musaafah ya har cheez se zyada achha hai kyun ke izhaare muhabbat raahat wa sukoon zyada hai.

Hazrat Abu Huraira radiallaho ta’ala anhu se marwi hai Rasoolullah ﷺ ne Hasan bin Ali radiallaho ta’ala anhuma ko chooma to aap ﷺ ke paas Aqra’a bin Haabas maujood the, Aqra’a ne kaha mere 10 bachhe hain maine kabhi kisi ko nahin chooma, Rasoolullah ﷺ ne unki taraf dekha aur irshad farmaya “Jo kisi par reham nahin karta us par reham nahin kiya jaata” yaani jo logon lar reham nahin karta ALLAH TA’ALA us par reham nahin farmata yaani logon par reham karna ALLAH TA’ALA ki rehmat ka apne aap ko mustehaq banana hai.

Isi hadees ki sharah mein Mulla Ali Qaari rahmatullahi ta’ala alaihi tehreer farmate hain “Allama Aalusi rahmatullahi ta’ala alaihi ne farmaya ke apne chhote bachhe ke rukhsaron ko choomna waajib hai isi tarah rukhsaron ke alaawa jism ke aur hisson yaani hath sar peshani ko bhi choomna shafqat rehmat meharbani aur qarabat ki wajah se sunnat hai khwah aulaad muzaqqar ho ya muannas. Isi tarah apne dost aur taalluq daar ke chhote bachhon ke rukhsaron ya dusre aaza ko bhi choomne ka yehi hukm hai albatta shehwat ke taur par choomna haraam hai ismein waalid aur dusre logon ka hukm ek hi hai isi mein ahle ilm ka ittefaaq hai”.

Mulla Ali Qaari rahmatullahi ta’ala alaihi ke wajoob ke qaul par aiteraaz kiya gaya hai ke wajoob sirf us waqt saabit ho sakta hai jab hadeese sareeh ya qayaas sahih se saabit ho taaham wajoob na bhi saabit ho to sunnat wa istihbaab to yaqeenan saabit hai kyun ke rukhsaron ke baghair atraaf ko shafqat ke taur par choomna sunnat hai aur is par koi aiteraaz nahin kiya gaya hai.

Allama Nawawi rahmatullahi ta’ala alaihi ne farmaya kisi ke hathon ko us ke ilm zohad wa taqwa deendari aur har tarah ke deeni kaamon par amal ki wajah se chooma jaaye to ye makrooh nahin balki mustahab hai, agar kisi ke hathon ko isliye chooma jaata ho ke ye ghani hai ya dunyavi taur par usko jaah wa jalaal haasil hai to ye makrooh hai balki baaz ne to ise haraam kaha hai albatta baaz hazraat ne dunya daar ke hath choomna haraam us waqt kaha hai jab chaaploosi ke iraade se choome ya uski tazeem ke liye choome, agar aisi soorat na ho to jaiz hai. Kisi ko alwida karte waqt ya safar se wapas aate waqt ya kisi dost se der se mulaqaat hote waqt ya kisi shakhs se sirf ALLAH TA’ALA ki raza ki khaatir muhabbat ho to uske hath choomne ki ijazat hai in tamam sooraton mein shart ye hai ke nafs aman mein ho shehwat ka iraada na ho.

Allama Nawawi rahmatullahi ta’ala alaihi ne farmaya ke shehwat ki garz se aise ladke jiski dadhi na ho aur khubsoorat chehra wala ho usse musaafah karne se Ijtinaab (bachna) kiya jaaye. Shehwat ki garz se usey dekhna bhi haraam hai humare as’haab ne kaha hai jise dekhna haraam hai usey chhuna bhi haraam hai balki chhuna zyada jurm hai kyun ke kisi ajNabi aurat se agar nikah ka iraada ho to usey dekhna jaiz hai lekin hath lagana haraam hai.

Yusuf alaihissalam ke khwab ka poora hona

Aapne bachpan mein jo khwab dekha ke mujhe chaand sooraj aur 11 sitaare sajda kar rahe hain wo khwab aapka poora ho gaya ke hazrat Yaqoob alaihissalam jab apne ahel wa ayaal ke sath misr

166 AZKIRATUL AMBIYA Hazrate yaqoob wa yusuf

mein aaye to Yusuf alaihissalam ne unhein apne takht par jalwagar kiya to Yusuf alaihissalam ko aapke maa’n baap aur 11 bhaiyon ne sajda kiya isi wajah se Yusuf alaihissalam ne kaha ye mere pehle khwab ki tabeer hai. Khayaal rahe ke baaz hazraat ne ye farmaya hai “Beshak ALLAH TA’ALA ne aapki waalida ko zinda karke qabr se nikaala taaki ye bhi Yusuf alaihissalam ko sajda kar lein ke unka khwab sachha ho jaaye”.

Aiteraaz: Hazrat Yusuf alaihissalam agarche Nabi hain lekin Yaqoob alaihissalam unse zyada jaleelul qadr hain aur Yusuf alaihissalam ke dada hazrat Is’haaq alaihissalam se Yaqoob alaihissalam ke dada hazrat Ibrahim khaleelullah alaihissalam zyada shaan wale hain aur Yaqoob alaihissalam baap hain jab ke Yusuf alaihissalam bete hain, In wajooh ke peshe nazar aqal ka taqaaza ye hai ke beta baap ko sajda kare, baap ka bete ko sajda karne ka kya matlab?

Jawab: Hazrat Ata ki riwayat se hazrat Ibne Abbas radiallaho ta’ala anhu ka qaul bayan kiya gaya hai ke aayat kareema ka maayne ye hai “Yusuf alaihissalam se mulaqaat hone ki wajah se ALLAH TA’ALA ko sab ne sajda kiya” yaani ye sajda darhaqeeqat ALLAH TA’ALA ko tha, Rab ka shukriya ada kiya gaya ke Yusuf alaihissalam mil gaye hain kyun ke ye sajda takht par baith ne ke baad kiya gaya agar Yusuf alaihissalam ko sajda kiya jaata to takht par baith ne se pehle kiya jaata ya ye kaha jayega ke hazrat Yaqoob alaihissalam ne sajda to Yusuf alaihissalam ko hi kiya ho lekin isliye ke ho sakta hai ke bhai sajda na karein aap ke sajda karne par sab bhaiyon ne sajda kar liya ya ye ke sajda karne mein Yusuf alaihissalam to razamand nahin the ke mujhe mere baap sajda karein lekin ALLAH TA’ALA ka hukm tha uske hukm mein jo hikmatein hoti hain wo khud hi unhein jaanta hai jaise usne firishton ko hukm diya ke Adam alaihissalam ko sajda karo ismein jo hikmatein paai jaati hain haqeeqat mein wo khud hi jaanta hai.

Yusuf alaihissalam ne bhaiyon ka kitna khayaal rakha

Yusuf alaihissalam ne ye nahin farmaya ke bhaiyon ne mujh par zulm kiya tha, zyadtiyan ki thi balki ye kaha mere aur mere bhaiyon ke darmiyaan jo na chaaqi hui wo shaitan ki taraf se paida karda ikhtelafaat the, dil mein zara bhar kadoorat nahin rakhi, bhaiyon se koi ikhtilaaf na rakha balki bhaiyon se mulaqaat muhabbat wa ulfat ko ALLAH TA’ALA ka ahsaan qaraar diya. SubhanAllah ye azmat kisi Nabi ko hi haasil ho sakti hai humare jaisa gunahgaar insaan is qism ki faraakh dili aur darguzar karne ka tasawwur bhi nahin kar sakta.

Yusuf alaihissalam ne apne waalid mukarram ko shaahi maqamaat dikhaye

Hazrat Yusuf alaihissalam ne apne waalid mukarram ka hath pakda aur tamam khazanon ke maqamaat dikhaye sone ke khazane, chaandi ke khazane, zewraat ke khazane, kapdon ke khazane aur hathiyaron ke maqamaat dikhaye aakhir mein jab aapne apne baap ko kaghzaat wala maqaam dikhaya to Yaqoob alaihissalam ne kaha aey mere pyare bete itne kaghzaat tumhare paas maujood the tum ne itne faasle se mujhe khat (letter) bhi nahin likha aap (Yusuf) alaihissalam ne arz kiya mujhe Jibreel alaihissalam ne mana kiya tha Yaqoob alaihissalam ne kaha isse puchhiye ke usne tumhein kyun mana kiya tha? Yusuf alaihissalam ne kaha aapka taalluq Jibreel se zyada hai aap khud hi puchh lijiye jab aap (Yaqoob) alaihissalam ne puchha ke tum ne kyun mana kiya tha to

167 AZKIRATUL AMBIYA Hazrate yaqoob wa yusuf

Jibreel ne arz kiya ke aapne khud hi to kaha tha “Mujhe khauf hai usey bhediya kha jayega” yaani aapki zabaan se nikle huye alfaaz ko hi aapke beton ne istemaal kiya aur sab se badi wajah to imtehan tha, choonki Ambiya -e- kiraam ki shaan bahut buland wa baala hoti hai isliye un par imtehan bhi isi tarah ke bahut bade aate hain jaisi unki shaan hoti hai.

Yaqoob alaihissalam ki wafaat aur qabr

Misr mein jakar Yaqoob alaihissalam 24 saal muqeem rahe jab aapki wafaat ka waqt qareeb aa gaya to aapne apne beton ko waseeyat ki ke mujhe shaam (syria) mein apne baap hazrat Is’haaq alaihissalam ke pehlu mein dafan karna, aap par jab wafaat taari hui to hazrat Yusuf alaihissalam khud apne waalid mukarram ka jisme at’har lekar shaam (syria) mein gaye aur apne dada Is’haaq alaihissalam ke pehlu mein apne baap Yaqoob alaihissalam ko dafan karke wapas misr mein aa gaye.

Khayaal rahe ke Yaqoob alaihissalam ke ek bhai ka naam “Aa’is” tha ye donon bhai ek sath paida huye the aur usi din unki bhi wafaat hui, donon bhaiyon ki umr 145 saal thi, donon hi apne baap Is’haaq alaihissalam ke pehlu mein ek sath dafan kiye gaye. Yaqoob alaihissalam ka taboot khaas qism ki lakdi ka banwaya gaya tha jismein misr se shaam (syria) lekar gaye the.

Yusuf alaihissalam ki wafaat

Hazrat Yaqoob alaihissalam ke baad 23 saal aap (Yusuf alaihissalam) zaahiri hayaat mein rahe jab aapki wafaat ka waqt qareeb aa gaya to aap aakhirat ki taraf zyada mutawajjeh rehne lage daaimi mulk ki taraf jaane ka ishteyaaq zyada hone laga Rab ke huzoor arz kiya:

“Aey mere Rab too ne mujhe ek saltanat di aur mujhe kuchh baaton ka anjaam nikaalna sikhaya. Aey aasmanon aur zameen ke banane wale too mera kaam banane wala hai dunya aur aakhirat mein mujhe musalman utha aur unse mila jo tere qurb e khaas ke laayaq hain”.

Ba zaahir ye maloom hota hai ke aapne maut ki tamanna ki halanki maut ki tamanna jaiz nahin to iska matlab asal mein ye hai ke jab aap ko ba zariye “wahi” maloom ho gaya ke ab aapke jaane ka waqt qareeb aa chuka hai to aap (Yusuf) alaihissalam ne ye dua ki ke aey Allah mujhe apne khaas qurb wale logon ke sath mila is dua ka taalluq maut ke baad ALLAH TA’ALA ke muqarrebeen se laahaq hone ke sath hai, darhaqeeqat maut ki dua nahin.

Yusuf alaihissalam ki qabr

Aap ki wafaat ke baad misri logon mein tanaaza ho gaya har ek ki khwahish thi ke aap humare muhalle mein dafan kiye jayein taaki aapse barkat haasil kar sakein, qareeb tha ke unke darmiyaan ladai bhadak uthe aakhirkaar kuchh logon ne mil kar faisla kiya ke aap ko sange marmar ke sandooq mein band karke dariya -e- neel mein dafan kiya jaaye taaki is paani se tamam shehar wale ek jaisi barkat haasil karein.

Hazrat Akrama radiallaho ta’ala anhu farmate hain pehle aap ko dariya -e- neel ki daayein (right) jaanib dafan kiya gaya to us taraf ka ilaaqa sar sabz wa shadab rehne laga aur dusri jaanib khushk, phir aapke sandooq ko nikaal kar neel ki baayein (left) jaanib kar diya gaya ab us taraf khushhaali ka daur aa gaya aur dusri jaanib khushki rehne lagi, phir aapko dariya -e- neel ke darmiyaan dafan kiya gaya yahan tak ke donon jaanibe sar sabz wa shadab ho gai. Aapka jism at’har isi tarah dariya -e- neel ke darmiyaan mein raha 400 saal baad jab Moosa alaihissalam ne bani israel ko sath lekar

168 AZKIRATUL AMBIYA Hazrate yaqoob wa yusuf

misr se rawangi ikhtiyar ki to aap ke jism at’har ko bhi sath le gaye yahan tak ke shaam (syria) mein apne aaba ke sath dafan kar diya gaya. SubhanAllah un logon ke kaise pakeeza aqeede the ke unhein maloom tha ke Nabi ki zaahir hayaat mein jis tarah Nabi se barkat haasil ki jaati hai usi tarah dunya se rukhsat hone ke baad bhi usse barkat haasil hoti hai, Yusuf alaihissalam ki qabr ki barkat se khushhaali haasil hoti rahi.

Hazrat Yusuf alaihissalam ki aulaad

Aap ki wafaat ke waqt aap ke pasmandgaan mein se do bete aur ek beti thi, ek bete ka naam “Afra’im” aur dusre ka naam “Meesha” tha. Afra’im ke bete ka naam “Noon” aur “Noon” ke bete ka naam “Yoosha’a” tha jo Moosa alaihissalam ke zamane tak zinda rahe aur dariyai safar mein unke sath rahe yaani hazrat Khizr alaihissalam ki mulaqaat ke liye jaate huye Moosa alaihissalam ne apne sath Yoosha’a bin noon ko rakha tha, aap alaihissalam ki beti ka naam “Rehma” tha jo hazrat Ayyub alaihissalam ke nikah mein aai thi.

Yusuf alaihissalam ke dunya se tashreef le jaane ke baad misr ki hukoomat bani amaalqa ke hath mein aa gai Moosa alaihissalam ke zamane tak bani israel unke zere tasallut rahe hain hazrat Moosa alaihissalam ne aakar unhein najaat dilaai. Ye wo ghaibi khabarein thi jo Allah ne Hazrat Muhammad ﷺ ko ata ki aur irshad farmaya:

“Ye kuchh ghaib ki khabarein hain jo hum tumhari taraf ‘wahi’ karte hain”.

Zid aur anaad ne logon ko samajh ne yaksar aari kar diya hai ALLAH TA’ALA ne to waazeh taur par keh diya hai ke ye ghaibi khabarein hain jo hum tumhari taraf ‘wahi’ karte hain lekin yaar logon ne kaha nahin jo Allah ‘wahi’ ke zariye bata de wo ghaib nahin rehta khudara insaaf karein ke baat Rab ta’ala ki maanein ya uski makhlooq mein se ziddi juhla ki maanein, kisi ek bade ne keh diya ke jab ‘wahi’ aa jaaye to wo ghaib nahin rehta to uske chele bhi yehi raag alaap ne lage khud sochne aur samajh ne ki takleef bardasht na ki ke yahan humare bade sahab se ghalti ho gai hai.